2 Timɔte 2:10 - Cebaara Bible 2010

¹⁰ Koro na mii i kérigèle myɛ kpàracó Kolocɔlɔɔ syɛɛnnyɛnɛ-wòlobèle kéele na, koro ga pye poro í wɔ́ɔ syɔɔli taa, n fàra bàngwɔɔ nìjanri na, dee Kirisi Zyezu kaangi lè.

2 Timɔte 2:10 Iomraidhean Croise

Kàseegèle 8:35

Níì cán syɔ́ɔnwee wi ga mii caa n nyaa lè, wi n sìíw taa, Yawe a fɔ̀lɔ wi na.

Matye 24:22

Kapye Kolocɔlɔɔ da gi kɔ̀rirɔ bi kàa yirige cányi bee ni í, syɔɔn faala mǎà dée syɔɔ í, kàjáa wi a kàa yirige yi ni wi syɛɛnnyɛnɛ-wòlobèle kéele na.

Matye 24:24

Níì cán kirisi-fáanabéle, ní kanyaajoo-fáanabéle a ba yìri, sáā fɛ̀ɛbēle ní kakpoloyo kpéʔele, jàngó pe fanʔa ga taa poro í Kolocɔlɔɔ syɛɛnnyɛnɛ-wòlobèle fáana pùuni.

Matye 24:31

Lǎli bee ni wi a wi tundunbèle tun ní búruw wìimɛ yákpogbɔɔlɔ ní, pe a sa wi syɛɛnnyɛnɛ-wòlobèle kpóʔoro bi yìri dulunyanw kàbanya myɛ sicɛrɛ na, beè nyɛ̀ʔɛni ní tári tiyɛɛ vàra lè.

Luki 18:7

Kolocɔlɔɔ syɛɛnnyɛnɛ-wòlobèle si be wi yiri lè canʔa ní yébilige, wi a tɔ̀ʔɔ́ tànʔa kaan bele bee ma ì? A wi a fúngi nyíngi lé be dɛ̀ɛmɛni kurugo?

Luki 22:57

A Pyɛri gi kábala níì jo: «Cɔlɔɔ mɔ, mii ga wi cán í.»

Zyan 11:52

Kàjáa Zyefuugi yagana kéele na ban wi a kùu í, fwɔɔ gee bee a kpéʔele bi Kolocɔlɔɔ pìíbèle myɛ kpóʔoro peyɛɛ na, bele be nyɛ lè tɛʔɛ o tɛʔɛ ni.

Zyan 17:24

Tofɔw, mii i caa bele mɔ kaan mii ma lè, mɔ í be yaʔa be pye ní mii ní tɛɛnijanga ni, koro ga pye nìjangbɔɔri mɔ da kaan mii ma lè, pe nìjanri bee nyaa, níì cán mɔ maa téè tàmaga le ní mii ní sáni dulunyanw í séli lè.

Zyan 17:9

Poro kéeli na mii nyɛ́ɛri. Mii o nyɛ́ɛri dulunyanw syɛ̀ɛnnɛ kéele na í, fwɔɔ bele kéele na poro bele mɔ kaan mii ma lè, níì cán mɔ woolo bɛɛ,

Wɔrɔmi ye 2:7

Bele si be kòro ni kasingèle kpéʔele lè ní lòmaana ní, ní i nìjanri caa, n fàra sòololi, ní cénaa-sìnvɔnʔɔri na, bele bee má wi a sìibangwɔɔw kaan.

Wɔrɔmi ye 9:23

Bele na wi da nyinimɛ taa lè níì be sámaga n yaʔa nìjangbɔɔri kánma na, wi maa wɔ́ɔ ni caa bi gi tɛ̀ɛn àmɛɛ woro nìjangbɔɔri lɔ́rɔ nɛʔɛ be ma lè.

1 Korɛnti ye 1:21

Níì cán dulunyanw syɛ̀ɛnnɛ sícilimɛ ga gbàn n be kaan a be Kolocɔlɔɔ cán í, Kolocɔlɔɔ wi koro kpéʔele nya wi sícilimi báriga ni, ki si n Kolocɔlɔɔ dɛ́nɛ bi tágafɔbèle syɔɔ wi syɛ́ɛnri joolo báriga ni, dee joolo dulunyanw syɛ̀ɛnnɛ córo lè labalama kéele.

1 Korɛnti ye 9:22

Bele fànʔa gi cɛ́rɛ lè tágali ni, mii ga pye ní bele bee ní, mii n niyɛɛ bye mɔ a jo poro wàa wii, koro ga pye mii í poro pèle taa. Mii n niyɛɛ gàriga féleyi myɛ na syɛɛnfeleyi myɛ ma, koro ga pye mii í poro pèle taa syɔɔ.

2 Korɛnti ye 1:6

Wolo ga ni wɔʔɔ, koro n kpéʔele yele kɛɛlɛli ní yele syɔ́ɔli kéele na. Kolocɔlɔɔ ga ni wolo kɛɛlɛ, koro n wɔ́ɔ̀ kpéʔele yele kɛɛlɛli kéele na, jàngó yele í wɔ́ɔ gbǎn ra wolo fɔ̀rɔyi féleye kpàracó yee ni wolo fɔ̀rɔgí lè.

2 Korɛnti ye 12:15

Ki n mii dɛ́nɛ gbanʔama bi mii lɔ́ri kaan yele ma si wɔ́ɔ niyɛɛ gaan yele pìígèle kéele na. Amɛɛ si mii tàmaga le ní yele ní lè gbanʔama, a mii tàmagi yɛlɛ lé ki ba cɛ́rɛ yele fúnyi ni?

2 Korɛnti ye 4:15

Gee bee myɛ i kpéʔele wolo na yele kéeli na, jàngó àmɛɛ kpɔ́ʔɔri nɛʔɛgi ni syée yɛʔɛ̀ ma lè syɛɛnnɛʔɛmi báriga ni, bariga kaanni í wɔ́ɔ ra nɛʔɛgi da syée yɛʔɛ̀ ma, nìjanri sáā taari Kolocɔlɔɔ na.

2 Korɛnti ye 4:17

Níì cán lǎli cɛɛri wɔʔɔlɔ i nyɛ wɔʔɔbile, li si i bàngwɔɔ nìjangbɔɔrɔ taari wolo na wonɛʔɛrɛ ní gbanʔama.

Efɛzi ye 3:13

Gee bee na mii i yele nyɛ́ɛri jàngó yele a kɔ́ mii wɔʔɔli kéele yaʔa li yele fɔ̀rɔ yele fúnyi ni í, lee li tuun mii na lè yele kéeli na. Loro li nyɛ yele kpɔ́ɔmi sábabu.

Kɔlɔsi ye 1:24

Mii i fundaanra kpéʔele tɔ́ɔliw ni àmɛɛ mii fɔ̀rɔgí lè yele kéeli na, àmɛɛ Kirisi da ni wɔʔɔ lè, gee gi sèʔê fɔ̀n lè wɔʔɔyi bee ni, mii i gee bee forogi wi céri kéele na di lè Egiliziw, àmɛɛ mii fɔ̀rɔgí lè mii céri ni.

Kɔlɔsi ye 1:27

bele na wi da ni caa lè bi kalarali bee nìjanra kpɔ́ʔɔrɔ tɛ̀ɛn lè syɛɛnfeleyi nínge ni, kalarali bee li nyɛ àmɛɛ Kirisi nyɛ lè yele fúnyi ni, koro gi nyɛ nìjangbɔɔri sɔ̀ngumɔ tɛɛtaʔaga.

1 Tesaloniki ye 5:9

Níì cán Kolocɔlɔɔ ga wolo nyɛ́nɛ n wòlo jàngó woro fundanʔari í too wo na í, kàjáa wi n wolo nyɛ́nɛ n wòlo koro ga pye wolo í syɔɔli taa wolo Kàfɔw Zyezu Kirisi bárigaw ni,

2 Tesaloniki ye 2:14

Koro kéeli na Kolocɔlɔɔ wɔ́ɔ baa yele yeri Syɛɛnjóocǎnri báriga ni, dee wolo sáà joo yele ma lè, jàngó yele í wolo Kàfɔw Zyezu Kirisi nìjangbɔɔri taa.

2 Timɔte 1:1

Mii Pɔli, wi lè Kirisi Zyezu pìituɔn Kolocɔlɔɔ kínidɛnɛgi báriga ni, wi n mii tun koro ga pye mii í da sìíw nyɔɔfaliga syɛ́ɛnrɛ nyuu, sìíwee wi nyɛ Kirisi Zyezu ni lè.

2 Timɔte 2:1

Gee bee na, ni pyà, ki n yɛlɛ mi nìrimɛ le kpɔ́ʔɔri báriga ni, dee wo taa Kirisi Zyezu ni lè.

2 Timɔte 2:3

Pínɛ maa wɔʔɔ ní mii ní àmɛɛ Kirisi Zyezu kapɛɛnkpumɔnjàɔn nyɛ lè.

Tiiti 1:1

Mii Pɔli, wi lè Kolocɔlɔɔ púlo ní Zyezu Kirisi pìituɔn, wi n mii tun koro ga pye mii í da Kolocɔlɔɔ wonyɛnɛ-wòlobèle dɛ̀ɛmɛ́ paa syée yɛʔɛ̀ ma tágali ni, sáā kányɛɛgi tèé be na gee gi yɛlɛ lè ní Kolocɔlɔɔ yɛ́ɛgi fyáara ní,

1 Pyɛri 2:10

Booma ni yele da pye syɛɛnfelege nibin í, kàjáa tɔ́ɔliw ni yele i nyɛ Kolocɔlɔɔ syɛ̀ɛnnɛ. Wi da wɔ́ɔ ni nyinimɛ taagi yele na í, kàjáa tɔ́ɔliw ni wi n nyinimɛ taa yele na.

1 Pyɛri 5:10

Kolocɔlɔɔ wi lè kpɔ́ʔɔri myɛ kaanfɔlɔ, woro wee wi yele yeri lè koro ga pye yele í lɛɛlɛ taa wi kwɔ́ɔmɔ fun nijangbɔɔri ni Kirisi ni, yele ga wɔʔɔ n làla cɛɛri kwɔ́ɔ, wi tiimaa a yele sámaga foro, si nìrimɛ lége yele ni, si fànʔa kaan yele ma yele í sámaga yére.