2 Timɔte 2:1 - Cebaara Bible 2010

¹ Gee bee na, ni pyà, ki n yɛlɛ mi nìrimɛ le kpɔ́ʔɔri báriga ni, dee wo taa Kirisi Zyezu ni lè.

2 Timɔte 2:1 Iomraidhean Croise

Agizye 2:4

Tɔ́ɔliw ni Zorobabɛli, nìrimɛ le! Yawe wi jo nya. Sáriga-wòlobèle kàfɔlɔ Yosadaki jáaw Zyozuwe, nìrimɛ le, tári syɛ̀ɛnnɛ myɛw, ye nìrimɛ le, Yawe wi jo nya. Yaa báara! Níì cán mii i nyɛ ní yele ní,» Nyɛ̀ʔɛni Sùlasiibéle Kafɔlɔ wi lè Yawe, woro wi jo nya.

1 Korɛnti ye 16:13

Ye kòro nyɛ̀nɛ na, yé pye lòmaanafɔɔlɔ tágali ni, yáā nànzorodo kpéʔele, yé nìrimɛ le,

Efɛzi ye 6:10

Gee gi syɛɛnsanri kwɔ́ɔ lè, àmɛɛ yele nyɛ lè Kàfɔw ni, ki n yɛlɛ ye nìrimɛ le yeyɛɛ ni wi séekpɔɔw fànʔa báriga ni.

Filipikaʔa ye 4:13

Mii fánʔa i nyɛ kérigèle myɛ na bàā ge kpéʔele Kirisi bárigaw ni, woro wee wi fǎngi kaangi mii ma lè.

1 Timɔte 1:18

Mii pìíw Timɔte, mii n tundunri naa kàlifáa mɔ ma n yɛlɛ ní syɛ́ɛnri ní dee pe da sélì joo mɔ kéeli na lè, koro ga pye mɔ í da kapɛɛnjǎnni kpúmɔn ti bárigaw ni,

1 Timɔte 1:2

Mii a sɛ́bɛw naa tórigo mɔ ma, Timɔte, mɔ wi lè mii pìiseew tágali ni, ki n yɛlɛ Tofɔw Kolocɔlɔɔ ní wolo Kàfɔw Kirisi Zyezu í kpɔ́ʔɔri, ní nyínimi, ní fûnnyingi kaan mɔ ma.

2 Timɔte 1:1

Mii Pɔli, wi lè Kirisi Zyezu pìituɔn Kolocɔlɔɔ kínidɛnɛgi báriga ni, wi n mii tun koro ga pye mii í da sìíw nyɔɔfaliga syɛ́ɛnrɛ nyuu, sìíwee wi nyɛ Kirisi Zyezu ni lè.

2 Timɔte 1:2

Mii a sɛ́bɛw naa tórigo mɔ ma, Timɔte, mɔ wi lè mii pìinidaanmaw, ki n yɛlɛ Tofɔw Kolocɔlɔɔ ní wolo Kàfɔw Kirisi Zyezu í kpɔ́ʔɔri, ní nyínimi, ní fûnnyingi kaan mɔ ma!

2 Timɔte 1:7

Níì cán Kolocɔlɔɔ ga fyáara fúnyo kaan wolo ma í, fwɔɔ fǎngi, ní tàmagi, ní miyɛɛ-cǒmi wóyo.

2 Timɔte 2:10

Koro na mii i kérigèle myɛ kpàracó Kolocɔlɔɔ syɛɛnnyɛnɛ-wòlobèle kéele na, koro ga pye poro í wɔ́ɔ syɔɔli taa, n fàra bàngwɔɔ nìjanri na, dee Kirisi Zyezu kaangi lè.

2 Timɔte 4:17

Kàfɔw si maa yére n mii sɔ́lɔgɔ níì fànʔa kaan mii ma, koro ga pye mii í gbǎn Syɛɛnjóocǎnri joo bi foro, jàngó syɛɛnfeleyi myɛ í di taa lóʔo. Wi n wɔ́ɔ̀ mii yirige càaraw nyɔ́ɔ ni.

Zyozuwe 1:7

Mɔ mi tɛ́nɛ mi nìrimɛ le, mí wɔ́ɔ lòmaana le gbanʔama. Làlwawee myɛ mii falipyew Mowizi kaan mɔ ma lè, wi sámaga mi cò, máā táanri wi na. Mɔ a kɔ́ wàli bi láʔa wi na bi kári kàliige ma wàlá kàmɔnɔ ma í, koro ga pye tɛʔɛ o tɛʔɛ ni mɔ ga kári lè ki sa tɛ́nɛ mɔ na.

2 Pyɛri 3:18

Kàjáa ki n yɛlɛ ye gi yaʔa kàa í da taari yele na kpɔ́ʔɔri ni, ní Zyezu Kirisi cánni ni, wi lè wolo Kàfɔw ní wolo Syɔɔfɔw. Woro na nìjangbɔɔri yɛlɛ tɔ́ɔliw ni, ní làrigèle myɛ ni bi taa kwɔ́ɔmɔ fun cángi í ba nan!