2 Timɔte 1:9 - Cebaara Bible 2010

⁹ Woro wi wolo syɔɔ níì wolo yeri jàngó wolo í pye woro syɛɛncanbéle, wolo kapyegèle kéele si na ban wi wolo syɔɔ í, fwɔɔ woro tiimaa kakɔrirɔli, ní wi kpɔ́ʔɔri kéele na, dee wi da kaan wolo ma lè Kirisi Zyezu ni sáni dulunyanw í séli lè.

2 Timɔte 1:9 Iomraidhean Croise

Matye 1:21

Wi a pyà see nàɔn. Mɔ si a ra wi mɛ́ɛgi yiri Zyezu, níì cán woro wi a ba wi syɛ́ɛnbèle syɔɔ pe kapeebyeri ma.»

Luki 10:21

Lǎli bee wonijanna ni a Zyezu tɔ̀nɔ n fundaanra kpéʔele Pìicǎnni báriga ni níì jo: «Abaa, mii i bariga kaangi mɔ ma, mɔ wi lè nyɛ̀ʔɛni, ní tári Kàfɔlɔ, níì cán mɔ n kérigèle naa làriga sícilibèle, ní kacánbèle na, níì ge tɛ̀ɛn pìíbèle na. Ɛɛn, Abaa, ncan ki maa pye mɔ nyɛ́nɛ kéele bi gi kpéʔele ànbée.

Zyan 17:24

Tofɔw, mii i caa bele mɔ kaan mii ma lè, mɔ í be yaʔa be pye ní mii ní tɛɛnijanga ni, koro ga pye nìjangbɔɔri mɔ da kaan mii ma lè, pe nìjanri bee nyaa, níì cán mɔ maa téè tàmaga le ní mii ní sáni dulunyanw í séli lè.

Zyan 17:9

Poro kéeli na mii nyɛ́ɛri. Mii o nyɛ́ɛri dulunyanw syɛ̀ɛnnɛ kéele na í, fwɔɔ bele kéele na poro bele mɔ kaan mii ma lè, níì cán mɔ woolo bɛɛ,

Zyan 6:37

Bele Tofɔw kaangi mii ma lè, bele bee myɛ a ra maa mii ma, syɔ́ɔnwee wi ga pan mii ma lè, mii a tée wee bee nɛnɛ yirige kàfugi na í.

Kapyegèle 15:18

ní i ge tèé nlaa yaà booma ni.

Kapyegèle 2:47

ní i Kolocɔlɔɔ kpɔ̀ʔɔrɔ́, a be kéeli syɛ́ɛnbèle myɛ dɛ́nɛ. Bele be syoo lè, a Kàfɔw i bele bee fàrá Egiliziw na canʔa o canʔa.

Wɔrɔmi ye 11:14

koro ga pye bi kayaʔa lége mii felegefɔ-nyɛ́nbèle ni, jàngó poro pèle í taa syɔɔ.

Wɔrɔmi ye 11:29

Níì cán Kolocɔlɔɔ o wi sɔ̀nguri kàragí wi yakaanyi ní wi nyɛ́nɛ-wòloli kéele na nyáana í.

Wɔrɔmi ye 16:25

Wee má séew nyɛ lè bi gbǎn yele kpéʔele yele í nìri lè bi yɛlɛ ní Syɛɛnjóocǎnri ní mii nyuu lè ni Zyezu Kirisi kéeli tèé, si wɔ́ɔ gbǎn yele kpéʔele yele í nìri bi yɛlɛ ní wi kalarali yirigele ní, lee wi da yaʔa làrama ni lè sáni dulunyanw í séli lè,

Wɔrɔmi ye 3:20

Níì cán Kolocɔlɔɔ a tée sínni kaan syɔɔnwaa faala ma Mowizi làlwaw kèlē kpéʔelele báriga ni í, níì cán gee gi nyɛ lè làlwaw bee fáli nyúngo, koro gi nyɛ bi gi tɛ̀ɛn syɛ́ɛnbèle na pe gi fílige cán bi cán poro i nyɛ kapeebyebèlē.

Wɔrɔmi ye 9:11

Lǎli ni pìíbèle bee pye lè sìnzee ni, koro n gi taa pe da kɔ́ɔ̀ kacànna wàlá kapeele kpéʔele í, a Kolocɔlɔɔ gi joo Erebeka ma níì jo: «Yɛʔɛfɔw a ba pye cɔnɔvɔw púlo.» Wi maa koro kpéʔele bi gi tɛ̀ɛn àmɛɛ woro gi kɔ̀rirɔ lè bi wàa nyɛ́nɛ wòlo bi yɛlɛ ní woro kínidɛnɛgi ní, ki wɔ́ɔ pye kánmi bee na, jàngó ki a kɔ́ ba pye mɔ a jo kapyegèle kéele na gi kpéʔele í, fwɔɔ woro kayeli kéele na gi kpéʔele.

Wɔrɔmi ye 9:24

Poro si be nyɛ wolo, wolo bele wi yeri lè, Zyefubèle yagana nínge si ni ban wi wolo nyɛ́nɛ n wòlo í, kàjáa wi n wɔ́ɔ̀ wolo pèle nyɛ́nɛ n wòlo syɛɛnfeleyaa nínge ni.

1 Korɛnti ye 1:18

Tiiparigi syɛ́ɛnrɛ joolo i nyɛ labalama kéele syɛ́ɛnbèle nyɛ́nɛ na, bele be pùuni lè. Kàjáa wolo bele wo syɔɔ lè, ti i nyɛ wolo ma Kolocɔlɔɔ séew.

Efɛzi ye 1:11

Kolocɔlɔɔ maa wɔ́ɔ̀ wolo nyɛ́nɛ n wòlo, wolo í pye Kirisi ni jàngó wolo í pye woro wòolo n yɛlɛ ní wi nyɛnɛ kakɔrirɔli ní, woro wee wi kérigèle myɛ kpéʔele lè n yɛlɛ ní wi kínidɛnɛgi sɔ̀ngurɔ ní,

Efɛzi ye 1:9

Wi n wi nyɛnɛ kéeli kalarala tɛ̀ɛn wolo na n yɛlɛ ní wi kínidɛnɛgi ní, àmɛɛ wi da gi kɔ̀rirɔ n tímana lè wiyɛɛ fúngi ni níì jo,

Efɛzi ye 2:5

Gee bee báriga ni wi da wolo pínɛ n wéege ní Kirisi ní, lǎli ni wolo da pye lè woguubéle ní kapeegèle ni, níì cán wi n wolo syɔɔ wi kpɔ́ʔɔri báriga ni,

Efɛzi ye 3:11

n yɛlɛ ní wi kwɔ́ɔmɔ fun kakɔrirɔli ní, wolo Kàfɔw Kirisi Zyezu bárigaw ni.

Filipikaʔa ye 3:14

Mii i fé gbanʔama bi taa sa nan kàfyaali tɛɛlaʔala na, koro ga pye mii í li sàraw taa, sàraw bee wi nyɛ àmɛɛ Kolocɔlɔɔ syɔɔn yiri lè wi kári nyɛ̀ʔɛni na Kirisi Zyezu bárigaw ni.

1 Tesaloniki ye 4:7

Níì cán Kolocɔlɔɔ ga wolo yeri kanɔnʔɔri kánma na í, wi n wolo yeri jàngó wolo í pye fɔɔnrɔ fun.

1 Timɔte 1:1

Mii Pɔli i nyɛ Kirisi Zyezu pìituɔn n yɛlɛ ní tundunri ní dee wolo Syɔɔfɔw Kolocɔlɔɔ ní Kirisi Zyezu kaan mii ma lè, woro wee wi lè wolo sɔ̀ngumi tɛɛtaʔaga.

2 Timɔte 1:1

Mii Pɔli, wi lè Kirisi Zyezu pìituɔn Kolocɔlɔɔ kínidɛnɛgi báriga ni, wi n mii tun koro ga pye mii í da sìíw nyɔɔfaliga syɛ́ɛnrɛ nyuu, sìíwee wi nyɛ Kirisi Zyezu ni lè.

Tiiti 1:2

jàngó sìibangwɔɔw sɔ̀ngurɔ tɛɛtaʔaga í pye be ma, Kolocɔlɔɔ wi lè wi o finɛ nyáana í, wi maa sìíw bee nyɔ́ɔ fàli sáni làrigèle í séli lè.

Heburubèle 3:1

Gee bee na, mii senyɛnjǎnbèle, yele bele Kolocɔlɔɔ wɔ́ɔ̀ yeri lè, ki n yɛlɛ ye yele sɔ̀ngumi myɛ taʔa Zyezu na, woro wi nyɛ pìitunw ní sáriga-wòlobèle kàfɔlɔ wolo tágali kéele na, lee wo nyuu ni tèé lè.

1 Pyɛri 1:20

Kolocɔlɔɔ maa téè Kirisi nyɛ́nɛ n wòlo sáni dulunyanw í séli lè, ní baa wi tɛ̀ɛn làrizangèle naa ni yele kéeli na.

1 Pyɛri 2:9

Yele si i nyɛ syɛɛnfelegaa, gee Kolocɔlɔɔ nyɛ́nɛ n wòlo lè, ní i nyɛ wi fǎngi sáriga-wòlobēle, ní ní i nyɛ syɛɛncanbéle, bele Kolocɔlɔɔ sámaga n yaʔa wiyɛɛ ma lè, ní wɔ́ɔ i nyɛ wi tiimaa syɛ̀ɛnnɛ, koro ga pye yele í da woro nyɔɔ-mí-foroli kèlē nyuu, woro wee wi yele yeri n yirige lè yébilimi ni n lége wi bìngaari gbɛ̀ɛnmɛ ni lè.

Tɛ̀ɛnnɛ 13:8

Bele myɛ be nyɛ lè tári na, gee bee n jo syɔɔn o syɔɔn mɛ́ʔɛ gi nyɛ lè sìnzɛbɛ ni nlaa yaà dulunyanw sélimɛ na sìíw sɛ́bɛ ni wi nyɛ lè Bàpili ma, lee pe da kpóo lè, bele bee a ra yaweegi kpɔ̀ʔɔrɔ́.

Tɛ̀ɛnnɛ 17:8

Yaweegi bee mɔ nyaa lè, ki maa pye beè, ki si ní o nyɛ í. Ki a ba yìri bi yiri weecurugi ni bi kári kálagili ma. Tári syɛ̀ɛnnɛ be nyɛ lè pe mɛ́ɛyi ga sɛ́bɛ sìíw sɛ́bɛ ni í nlaa yaà dulunyanw sélimɛ na, bele bee ga baa yaweegi bee nyaa lǎlee ni lè, pe a ra káama gi na, níì cán ki maa pye beè, ki si ní o nyɛ í, ki si a ní ba nyaa.