2 Timɔte 1:8 - Cebaara Bible 2010

⁸ Gee bee na mɔ a kɔ́ ra fɛ̀ɛrɛ taagi wolo Kàfɔw séera kpéʔelele kéele na í, mii kéeli ga wɔ́ɔ̀ yɛlɛ li pye mɔ na fɛ̀ɛrɛ í, mii wee wi nyɛ lè wi kàsolew. Kàjáa ki n yɛlɛ mɔ í da wɔʔɔ ní mii ní Syɛɛnjóocǎnri kéele na Kolocɔlɔɔ séew báriga ni.

2 Timɔte 1:8 Iomraidhean Croise

Ŋúnuyi 119:46

Mii a ra mɔ kajoogèle nyuu fànʔafɔbèle nyɛ́nɛ na, fɛ̀ɛrɛ si a tée mii taa í.

Ŋúnuyi 19:7

Ki i yirigi nyɛ̀ʔɛni láʔalee ma ni syée n sa ni tuun láʔalee ma, yarigaa faala o làrá gi káfugi na í.

Ezayi 51:7

Ye lóʔo mii ma, yele bele ye sínni cán lè, syɛ́ɛnbèle, yele bele fúnyo ni mii làlwaw nyɛ lè! Yele a kɔ́ ra fɛ̀ɛgí syɛ́ɛnbèle faʔara na í, yele a kɔ́ ra cɛ̀lɛ́ be tɛʔɛlɛyi na í.

Ezayi 8:20

Làlwaw, ní séeraw má gi yɛlɛ syɔɔn í da lúro. Syɔ́ɔnwee jooganma ga pye lè pi ga yɛlɛ ní dee bee ní í, nyǐnjerigi gbɛ̀ɛnmɛ o nyɛ wi ni í.»

Mariki 8:38

Níì cán wee wi ga ni fɛ̀ɛrɛ kpéʔele lè tɔ́ɔliw naa kanɔnʔɔbyebèlē nínge ni mii kéeli na, ní mii syɛ́ɛnri kéele na mii joo lè, Syɔɔn-pya a wɔ́ɔ ba fɛ̀ɛrɛ kpéʔele wee bee kéele na lǎli ni wi ga ni maa wi Tóow nìjangbɔɔrɔ ni lè ní wi tundunjanbèle ní.»

Luki 9:26

Níì cán wee wi ga ni fɛ̀ɛrɛ kpéʔele mii kéeli na lè, ní mii syɛ́ɛnri ní mii joo lè, Syɔɔn-pya a ba fɛ̀ɛrɛ kpéʔele wee bee kéele na lǎli ni wi ga ni maa lè wi tiimaa nìjangbɔɔri ni, ní wi Tóow nìjangbɔɔrɔ, ní wi tundunjanbèle wóro ní.

Zyan 15:27

Yele a wɔ́ɔ pye mii séerabéle níì cán nlaa gi sélimi na, yele i nyɛ ní mii ní.

Zyan 19:35

A gi nyaafɔw gi séeraw kpéʔele, wi séeraw si i nyɛ kányɛʔɛ. Wee bee n gi cán gee woro nyuu lè ki i nyɛ kányɛʔɛ, koro ga pye yele í wɔ́ɔ tága.

Kapyegèle 5:41

A pe ga yiri Sanedirɛnw nínge ni, a be i fundaanra kpéʔele àmɛɛ Kolocɔlɔɔ poro córo lè poro n nyɔɔ n yɛlɛ pe poro faʔa Zyezu mɛ́ɛgi kéele na.

Wɔrɔmi ye 1:16

Níì cán Syɛɛnjóocǎnri mii nyuu lè, fɛ̀ɛrɛ o mii taagi di kéeli na í, ti i nyɛ Kolocɔlɔɔ fǎngi bàā syɛ́ɛnbèle syoo, bele myɛ be tági lè di na, wozelibèle be nyɛ Zyefubèle n náà fàra syɛɛnfeleyi wozanya na.

Wɔrɔmi ye 16:25

Wee má séew nyɛ lè bi gbǎn yele kpéʔele yele í nìri lè bi yɛlɛ ní Syɛɛnjóocǎnri ní mii nyuu lè ni Zyezu Kirisi kéeli tèé, si wɔ́ɔ gbǎn yele kpéʔele yele í nìri bi yɛlɛ ní wi kalarali yirigele ní, lee wi da yaʔa làrama ni lè sáni dulunyanw í séli lè,

Wɔrɔmi ye 8:36

Amɛɛ gi sɛ́bɛ lè níì jo: «Mɔ kéeli na pe wolo kúu làla o làla cângwɔɔmɔ. Pe n wolo córo mɔ a jo bàala bɛɛ bele be kɔnɔgi lè.»

Wɔrɔmi ye 9:33

Amɛɛ gi sɛ́bɛ lè níì jo: «Ye wéle, mii n kàdɛnɛgɛ tɛ́ʔɛ Siyɔn kěgi fúngo ni gee na syɛ́ɛnbèle kpírigi lè, ní fálaga, gee gi syɛ́ɛnbèle cáan lè, syɔ́ɔnwee wi tága wi na lè, fɛ̀ɛrɛ a tée wee bee taa bi nyaa nyáana í.»

1 Korɛnti ye 1:6

Níì cán séeraw wolo kpéʔele lè Kirisi kéeli na, wi syɛ́ɛnri maa sámaga n tɛ́ɛn yele fúnyi ni.

2 Korɛnti ye 6:7

ní kányɛɛgi syɛ́ɛnrɛ, ní Kolocɔlɔɔ séew báriga ni n fàra sínni kapɛɛnkpumɔn-yárira na dee ní wolo kapɛɛnni kpúmɔn ni woyɛɛ zyoo nigoobèle ma lè.

Efɛzi ye 3:1

Gee bee na mii Pɔli wi nyɛ lè Kirisi Zyezu kàsoleo yele syɛɛnfeleyi wozanya kéele na,

Efɛzi ye 3:13

Gee bee na mii i yele nyɛ́ɛri jàngó yele a kɔ́ mii wɔʔɔli kéele yaʔa li yele fɔ̀rɔ yele fúnyi ni í, lee li tuun mii na lè yele kéeli na. Loro li nyɛ yele kpɔ́ɔmi sábabu.

Efɛzi ye 4:1

Gee bee na mii i yele nyɛ́ɛri, mii wi lè Kàfɔw kàsoleo, níì jo kéelee na Kolocɔlɔɔ yele yeri lè, yele í da táanri da yɛlɛgi ní lee bee ní.

Efɛzi ye 4:17

Gee bee na mii i dee naa nyuu ní i di séeraw kpéʔele Kàfɔw ni, koro gi nyɛ yele a ní kɔ́ ra táanri àmɛɛ syɛɛnfeleyi wozanya táanri ni yɛlɛgi ní pe sɔ̀ngubeeri ní lè í.

Filipikaʔa ye 1:7

Sɔ̀nguri bee n yɛlɛ mii í di sɔ̀ngi yele myɛ kéeli na, níì cán yele kéeli i nyɛ mii fúngi ni, á yele myɛ yele lɛɛli taa kpɔ́ʔɔri ni ní mii ní n mii yaʔa naa kàsokpaagi ni, ní wɔ́ɔ̀ yele lɛɛli taa kpɔ́ʔɔri ni ní mii ní àmɛɛ mii Syɛɛnjóocǎnri tèé lè níì jo ti i nyɛ kányɛʔɛ, ní wɔ́ɔ i nyɛ báriga syɛ́ɛnrɛ.

Filipikaʔa ye 3:10

Gee mii caa lè, koro gi nyɛ mii í Kirisi cán, si wɔ́ɔ wi nyán-yirili sée cán, si wɔ́ɔ pye pínɛnyɛnnɛgɛ na ní wi ní wi wɔʔɔguuli ni, si wi wíri wi kùúw ni.

Filipikaʔa ye 4:13

Mii fánʔa i nyɛ kérigèle myɛ na bàā ge kpéʔele Kirisi bárigaw ni, woro wee wi fǎngi kaangi mii ma lè.

Kɔlɔsi ye 1:11

Wolo i Kolocɔlɔɔ nyɛ́ɛri koro ga pye yele í nìri si fànʔa taa kérigèle myɛ na wi nìjangbɔɔri séekpɔɔɔ báriga ni, jàngó kpàracogi ní fûnnyingi myɛ si pye yele ma,

Kɔlɔsi ye 1:24

Mii i fundaanra kpéʔele tɔ́ɔliw ni àmɛɛ mii fɔ̀rɔgí lè yele kéeli na, àmɛɛ Kirisi da ni wɔʔɔ lè, gee gi sèʔê fɔ̀n lè wɔʔɔyi bee ni, mii i gee bee forogi wi céri kéele na di lè Egiliziw, àmɛɛ mii fɔ̀rɔgí lè mii céri ni.

1 Tesaloniki ye 3:4

Lǎli ni wolo da pye yaà ní yele ní lè, wolo maa sélì gi joo yele ma níì jo, cɛɛri ga pye pe a wo wɔʔɔ, a gi tɔ̀nɔ n wɔ́ɔ baa pye nya àmɛɛ yele gi cán lè.

1 Timɔte 2:6

wee wi wiyɛɛ gaan lè syɛ́ɛnbèle myɛ nyùnzyɔɔrɔ kéele na, séeraw bee n kpéʔele làrijǎnni ni.

2 Timɔte 1:10

Syɛ́ɛnbèle n baa kpɔ́ʔɔri bee nyaa tɔ́ɔliw ni àmɛɛ wolo Syɔɔfɔw Kirisi Zyezu baa wiyɛɛ dɛ̀ɛn lè, woro wee wi kùúw kwɔ́ɔ lè, níì sìíw, ní sìnvɔnʔɔmi yirige gbɛ̀ɛ́nmi na Syɛɛnjóocǎnri báriga ni.

2 Timɔte 1:12

Gee bee na mii fɔ̀rɔyi bee kpàracó, mii si o fɛ̀ɛrɛ kpéʔele Syɛɛnjóocǎnri joolo na í, níì cán wee na mii tága lè, mii n wi cán, mii si n wɔ́ɔ̀ gi cán ncan gee mii kàlifáa wi ma lè séew i nyɛ wi ma bàā gi kpáaw wéle bi taa cángi bee í ba nan.

2 Timɔte 1:16

Ki n yɛlɛ Kàfɔw í nyinimɛ taa Onɛsifɔri kpaʔa wóbèle na, ncan wi n mii fúngi nyíngi tɔlɔyɔ saʔa, àmɛɛ pe da mii pwɔɔ lè ní nyɔ̀ʔɔmi ní, gee bee ga pye wi na fɛ̀ɛrɛ kéele í.

2 Timɔte 2:3

Pínɛ maa wɔʔɔ ní mii ní àmɛɛ Kirisi Zyezu kapɛɛnkpumɔnjàɔn nyɛ lè.

2 Timɔte 2:8

Sɔ̀ngi mi taa Zyezu Kirisi na wi lè Davidi yòdaʔagi, wi n nyán n yiri kúbèle nínge ni n yɛlɛ ní Syɛɛnjóocǎnri ní mii nyuu lè,

2 Timɔte 2:9

toro dee kéele na mii wɔʔɔ lè àlí pe n mii pwɔɔ ní nyɔ̀ʔɔmɔ ní, mɔ a jo kapeebyeo mii nyɛ. Kàjáa Kolocɔlɔɔ syɛ́ɛnri ga pwɔɔ í.

2 Timɔte 4:17

Kàfɔw si maa yére n mii sɔ́lɔgɔ níì fànʔa kaan mii ma, koro ga pye mii í gbǎn Syɛɛnjóocǎnri joo bi foro, jàngó syɛɛnfeleyi myɛ í di taa lóʔo. Wi n wɔ́ɔ̀ mii yirige càaraw nyɔ́ɔ ni.

2 Timɔte 4:5

Mɔ si na, ki n yɛlɛ mɔ í miyɛɛ cǒmi cán kérigèle myɛ ni, mí wɔʔɔgi kpàraco, fáliwee kanyaajooo yɛlɛ waa kpéʔele lè, da wee bee kpéʔele, máā mɔ fáliw kpéʔele mi foro.

1 Pyɛri 1:5

ní i yele kpáaw wéle ní wi séekpɔɔw ní yele tágali báriga ni bi taa syɔɔli í ba nan, lee Kolocɔlɔɔ sámaga n yaʔa lè bi ba tɛ̀ɛn làrizanni ni.

1 Zyan 4:14

Wolo tiimaa n gi nyaa ní wɔ́ɔ̀ gi séeraw kpéʔele níì jo Tofɔw maa Jaafɔw tórigo naa wi ba pye dulunyanw Syɔɔfɔlɔ.

Zyudi 1:24

Wee má fànʔa nyɛ lè bi gbǎn ra yele kɔ̀rɔsíi koro ga pye yele a kɔ́ kpírige too í, si yele yérige wi nìjangbɔɔri tɛ́ʔɛ ni bi yele tɛ̀ɛn tɛɛlɛ fun yele si pye fundaangbɔɔrɔ na,

Tɛ̀ɛnnɛ 1:2

a Zyan Kolocɔlɔɔ syɛ́ɛnri séera kpéʔele wi kanyaagèle myɛ ni ge nyɛ lè Zyezu Kirisi séeraw.

Tɛ̀ɛnnɛ 1:9

Mii Zyan, wi nyɛ lè yele senyɛnw, níì pínɛ ní yele ní wɔʔɔli, ní fǎngi, ní kpàracogi na Zyezu kólogi ni, mii maa pye lǒgi nínge tára ni pe yiri lè Patimɔsi. Níì cán àmɛɛ mii da ni Kolocɔlɔɔ syɛ́ɛnri nyuu lè, ní i Zyezu séeraw kpéʔele lè, koro na pe da mii cò n tórigo nɛɛ bee.

Tɛ̀ɛnnɛ 12:11

Pe n fànʔa taa wi na Bàpili sìsyaan wolo báriga ni n fàra be séeraw syɛ́ɛnrɛ na, pe ga be sìíw kéele córo í, fwɔɔ n baa nan kùu na.

Tɛ̀ɛnnɛ 19:10

A mii fala n too wi taana jàngó bi wi kpɔ̀ʔɔrɔ, a wi mii pye: «Tíi, mɔ a kɔ́ koro kpéʔele í! Níì cán mii i nyɛ mɔ ní mɔ senyɛnbèle púlonyɛnwaa, poro bele má Zyezu séeraw nyɛ lè. Da Kolocɔlɔɔ kpɔ̀ʔɔrɔ́! Zyezu séeraw wi nyɛ kanyaajoori joolo nyúngo.»