2 Timɔte 1:7 - Cebaara Bible 2010

⁷ Níì cán Kolocɔlɔɔ ga fyáara fúnyo kaan wolo ma í, fwɔɔ fǎngi, ní tàmagi, ní miyɛɛ-cǒmi wóyo.

2 Timɔte 1:7 Iomraidhean Croise

Ŋúnuyi 119:80

Ki n yɛlɛ mii fúngi í fílige mɔ kajoogèle kàbaan na koro ga pye fɛ̀ɛrɛ a kɔ́ mii taa í!

Kàseegèle 2:7

Wi n taali kɔn n yaʔa syɛɛnsinbèle ma. Bele be táanri ní funviire ní lè, wi i nyɛ bele bee tunmɔzige-yáriga.

Kàseegèle 8:14

Láliiw ní yákiricǎnw i nyɛ mii ma. Mii wi nyɛ cánni, séew i nyɛ mii wóo.

Ezayi 11:2

Yawe Pǐli a tɛ́ɛn wi na, li lè sícilimi, ní kérigèle cánna Pile, ní yarili, ní fǎngi Pìle, ní cánni, ní Yawe yɛ́ɛgi fyáara Pile.

Misye 3:8

Kàjáa mii na, mii n nyìn fǎngi na Yawe pǐli báriga ni, tànʔa ní lòmaana i nyɛ mii ma jàngó bi Zyakɔbi kakologi tɛ̀ɛn wi na, bi Isirayɛli kapeeli tɛ̀ɛn wi na.

Zakarii 4:6

Lǎli bee ni a wi níì mii yari: «Syɛ́ɛnri di nyɛ dee naa, dee Yawe joo Zorobabɛli ma lè, wi n jo: ‹Sée báriga ni ban í, fànʔa báriga ni ban í, kàjáa mii Pǐli báriga ni wii,› Yawe wi lè Nyɛ̀ʔɛni Sùlasiibéle Kafɔlɔ, woro wi jo nya.

Luki 10:19

Ye wéle, mii n séew kaan yele ma yele í da wàbiyi, ní náabèle tánʔana, ní wɔ́ɔ̀ wi kaan yele ma yele í nigoow fànʔa myɛ jáa, yarigaa faala a gbǎn yafyɛn kpéʔele yele na í.

Luki 15:17

Amɛɛ sícilimɛ kɔ́ɔ̀ jée wi ni lè, a wi jo: ‹Falipyebèlē saʔa si zǐn i nyɛ mii tóow ma ni líi ni fɔ̀rɔgí a tàa i kòró, mii si tɔ̀nɔ́ ba kùu lé nya kateegi kɔ́yɔ ni?

Luki 24:49

Ye wéle, mii a mii Tóow joogaanna tìrige yele ma, kàjáa ki n yɛlɛ ye kòro kěgi ni bi taa fǎngi bee í yìri nyɛ̀ʔɛni na bi ba yele tɔ́n.»

Luki 8:35

A syɛ́ɛnbèle kári sa gi wéle àmɛɛ gi kpéʔele n sɛ́ɛ lè. A pe ga sáà nan Zyezu na, a be nǎnw nyaa, wee ni màdebèle yiri lè, a wi fúngi tɛ́ɛn wi na, a wi burogo le n tɛ́ɛn ni puugu Zyezu taana, a fyáari fala n be cò.

Zyan 14:27

Mii a fûnnyingi kaan yele ma, mii tiimaa fûnnyingi si mii a kaan yele ma. Mii si a gi kaan yele ma dulunyanw syɛ̀ɛnnɛ wóʔo kaanganma na í. Ki ga yɛlɛ yele í yele fúnyi yaʔa yaa curugu yele na í, ki ga wɔ́ɔ̀ yɛlɛ yele í da fɛ̀ɛgí í.

Kapyegèle 1:8

Kàjáa Pìicǎnni ga pan yele ma lǎlee ni lè, yele a fànʔa taa bi pye mii séerabéle Zyerusalɛmi ni, ní Zyude tári myɛ, ní Samarii tári ní, bi taa sa nan tári láʔala na.»

Kapyegèle 10:38

Kolocɔlɔɔ maa Pìicǎnni ní séew tìrige Zyezu ma, wi lè Nazarɛti ye wów, wi maa ni nyaari ni kacǎngèle kpéʔele ni máari, bele be fɔ̀rɔgí lè Dàzɔɔnw kɔ́yɔ ni, ní wɔ́ɔ i bele bee myɛ poori. Níì cán Kolocɔlɔɔ maa pye ní wi ní.

Kapyegèle 20:24

Koro ní ki myɛ ní mii o mii tiimaa sìíw córo yarigaa í, jàngó mii í tɛ́nɛ kàfyaali fǎn foro, mii fáliw si wɔ́ɔ foro, wee Kàfɔw Zyezu kaan mii ma lè níì jo mii í da Kolocɔlɔɔ kpɔ́ʔɔri syɛɛnjóocànra séera kpéʔele.

Kapyegèle 21:13

Lǎli bee ni a Pɔli wolo yari: «Amɛɛ yele nyaan lè nya, nyàʔá na yele koro kpéʔele ni mii fúngi nyáʔami? Alí mii n yére gi ni bi kùu Zyerusalɛmi ni Kàfɔw Zyezu mɛ́ɛgi kéele na, n náa kɔ́ɔ̀ yére pwɔɔlɔ na.»

Kapyegèle 26:11

Mii maa ni be wɔʔɔ tɔlɔyɔ saʔa Zyefubèle sérikpaaya myɛ ni, ní i be ŋàʔaná paa Zyezu mɛ́ɛgi kálagi. Mii maa tɔ̀nɔ n be para gbanʔama, àlí mii maa sa ni be caa ni wɔʔɔ kèleeliyi ni.

Kapyegèle 26:25

A Pɔli si wi yari: «Fɛsitusi, mɔ wee wi nyɛ lè báriga syɔ́ɔn, mii ga cúro wii í. Kányɛʔɛ syɛ́ɛnrɛ mii nyuu, ní wɔ́ɔ i nyuu yákirifɔlɔ jooganma na.

Kapyegèle 6:8

Kolocɔlɔɔ kpɔ́ʔɔri ní wi fǎngi maa pye Etyɛni ma, a wi i kakpoloyi, ní fɛ̀ɛkpoloyo kpéʔele syɛ́ɛnbèle nínge ni.

Kapyegèle 9:22

Fàngaa maa ni taari Sɔli na làla o làla, a wi i gi fíligi ni nyuu níì jo Zyezu wi nyɛ Kirisi, a gi Damasi Zyefubèle fúnyo curugo be na.

Wɔrɔmi ye 5:5

Sɔ̀ngumi bee tɛɛtaʔaga si a fɛ̀ɛrɛ wáa syɔɔn na í, níì cán Kolocɔlɔɔ n wi tàmagi tìrige, a gi baa wolo fúnyi nyìn Pìicǎnni báriga ni lee wi kaan wolo ma lè.

Wɔrɔmi ye 8:15

Pǐlee yele taa lè, li o nyɛ pìlaa félege, lee li a yele kàriga lè pulobèlē si yele nyìn fyáari na níìgēle í, kàjáa Pǐli yele taa lè, lee bee n yele kpéʔele Kolocɔlɔɔ pìibēle, a koro wolo kaan wolo i gi nyuu ni yákpogèle wáa níì jo: «Abaa! Wolo Tóow!»

1 Korɛnti ye 2:4

Tamani na mii da yele tama lè, ní Syɛɛnjóocǎnri mii da joo n tɛ̀ɛn yele na lè, mii da di joo yele ma kanmaa na jàngó bi yele fúnyi kàriga ní mii fúngi sícilimɛ ní í. Kàjáa Pìicǎnni fànʔa báriga ni mii da di joo,

Galasi ye 5:22

Kàjáa gee Pìicǎnni sangi lè, koro gi nyɛ: tàmagi, ní fundaanri, ní bɛ̀ɛ́li, ní kpàracogi, ní tánʔaganjǎnmi, ní funjǎngi, ní mɔ í pye tágala syɔ́ɔn,

Kɔlɔsi ye 1:8

Tàmagi Pìicǎnni kaan yele ma lè, woro wi baa gi kéeli joo n tɛ̀ɛn wolo na.

Heburubèle 2:15

bele myɛ pe da pye lè kùúw fyáara púloro ni pe sìíw làla myɛ ni, si bele bee yirige púlori ni.

1 Pyɛri 1:22

Amɛɛ yele fɔ̀lɔ lè kányɛɛgi na níì yele fúnyi jée n mùnu koro ga pye senyɛnnɛgi tàmadelege í pye yele ni, ki n yɛlɛ ye wɔ́ɔ tàmaga le ní yeyɛɛ ní kányɛʔɛ na ní yele fúnyi myɛ ní.

1 Zyan 4:18

Fyáara o nyɛ tàmagi ni í, ncan tàmagee gi foro lè, gee bee i fyáari nɛnɛ ni yirigi syɔɔn ni. Koro na syɔ́ɔnwee wi fɛ̀ɛgí lè, tàmagi o nyɛ wi ni n foro í, níì cán fyáari i nyɛ ní wɔʔɔlɔ ní.