2 Timɔte 1:5 - Cebaara Bible 2010

⁵ Mii wɔ́ɔ i mɔ tágadeeli kéele sɔ̀ngí ni taagi, lee li da pye lè mɔ nɔɔlɛɛgi Lowizi ma, ní mɔ nafɔw Unisi ma lè, mii n wɔ́ɔ̀ tága gi na ncan tágali bee wonijanna li nyɛ mɔ ma.

2 Timɔte 1:5 Iomraidhean Croise

Ŋúnuyi 116:16

Nyɔɔ mii na Yawe, mii i nyɛ mɔ falipyeo, mii i nyɛ mɔ falipyeo, ní mɔ falipyecew pyà. Mɔ n mii yapwɔɔri sánʔana.

Ŋúnuyi 17:1

Davidi nyɛ́ɛrigi. Ee Yawe, sínni syɛ́ɛnrɛ lóʔo, ki n yɛlɛ mi mii sùpili lóʔo, líiyi cáan mi mii nyɛ́ɛrigi lóʔo, jànvaa nyɔ́ɔ ni ban gi yiri í.

Ŋúnuyi 18:44

Mɔ i mii syoo syɛ́ɛnbèle kàsii ma. Mɔ n mii télege syɛɛnfeleyi nyúngo na. Syɛ́ɛnbèle bele be lè mii da be cán í, bele bee n ba ni báara mii ma.

Ŋúnuyi 22:10

Mɔ si wi mii yirige mii nɔ́ɔw láʔa ni, mɔ wi mii sɔ̀ngumi taʔa mii nɔ́ɔw yíregéle na.

Ŋúnuyi 66:3

Yaa gi nyuu Kolocɔlɔɔ ma ye wi pye: «Mɔ kapyegèle i nyɛ bìngaara kele! Mɔ nigoobèle i peyɛɛ gaangi mɔ ma pe nyɔ́ɔyi ni, mɔ séekpɔɔw kapyegèlē báriga ni.

Ŋúnuyi 77:6

Mii i sɔ̀ngí booma cányi kéele na, yee yi sɔ̀lɔ lè, ní yɛɛdɔɔngèle kéele na ge sɔ̀lɔ lè.

Ŋúnuyi 81:15

Mii mǎà dée pe nigoobèle kùrú kaan be ma terire, mii a dée kɔlɔ̀ taʔa be kàsiitun-nyɛ́nbèle na.

Ŋúnuyi 86:16

Mɔ yɛ́ɛgi fíige naa mii ma, mi nyinimɛ taa mii na, mɔ fangi kaan mɔ falipyew ma, mɔ pulocew pyà syɔɔ!

Zyeremii 3:10

Koro ní ki myɛ ní wi senyɛnjew Zyuda wi lè námarafɔw, woro ga lúru n pan mii ma ní wi fúngi myɛ ní í, jànvaa wi kpéʔele.» Yawe wi jo nya.

Zyan 1:47

A Zyezu ga Natanayɛli wéle n nyaa wi i maa woro ma, a wi jo: «Wee naa tɔ̀nɔ i nyɛ Isirayɛli ye syɛɛncandelewaa, ncan wi o syɔɔn fáana í.»

Kapyegèle 16:1

Koro kàdoʔo ma a Pɔli kári Dɛribe ma, ní náà kári Liisitiri ma. Pìitamawaa si maa pye yaà pe i wi yiri Timɔte, wi nɔ́ɔw maa pye Zyefuo, ní i nyɛ tágafɔlɔ, wi tóow si i nyɛ Girɛkio.

Kapyegèle 26:26

Fànʔafɔw Agiripa n kérigèle bee cán, gele bee si mii ní i nyuu wi ma ní nànzorodo ní, mii n tága gi na ncan li làa faala ga làra wi na í, níì cán ke ga kpéʔele làrama ni í.

Wɔrɔmi ye 14:14

Wolo Kàfɔw Zyezu n gi tɛ̀ɛn mii na, a mii gi cán n fílige ncan yarigaa faala ga nɔ́nʔɔ kiyɛɛ ma í. Kàjáa syɔɔn ga yarigaa córo yanɔnʔɔgɔ, ki n nɔ́nʔɔ wee bee ma.

Wɔrɔmi ye 14:5

Wàa i gi sɔ̀ngí n jo canyaa n kpólo n sɔ̀lɔ yàa na, á wàa nikwɔɔ si i gi sɔ̀ngí cányi myɛ i nyɛ sèjira. Ki si n yɛlɛ syɔɔn o syɔɔn í gi tímana bi gi fílige cán wi tiimaa fúngi ni gee gi nyɔɔ lè.

Wɔrɔmi ye 15:14

Ni senyɛ̀nnɛ, gee gi yele kéeli kwɔ́ɔ lè, mii tiimaa n tɔ̀nɔ n tága gi na ncan yele n nyìn funjǎngi na, àmɛɛ yele kérigèle myɛ cán lè níì gbàn ni yeyɛɛ sàmí.

Wɔrɔmi ye 4:21

níì tɔ̀nɔ n tága gi na ncan gee nyɔ́ɔ Kolocɔlɔɔ fàli woro ma lè, fànʔa i nyɛ wi ma bi gbǎn wɔ́ɔ gi foro.

Wɔrɔmi ye 8:38

Mii n gi fílige n cán ncan kùúw yoo, sìíw yoo, nyɛ̀ʔɛni tundunbéle yoo, màdebèle yoo, níjanʔa yáriri yoo, nyɛ̀ʔɛna wóri yoo, séekpoloyi yoo,

2 Korɛnti ye 6:6

A wolo funjǎnyi, ní wolo cánni, ní wolo fûnnyinyi, ní wolo kapyejǎngèle wɔ́ɔ i gi tèé wolo i nyɛ Kolocɔlɔɔ falipyejànbēle, Pìicǎnni, ní wolo tàmadelegi,

1 Timɔte 1:5

Joogbanni naa nyúngo i nyɛ tàmagi, gee gi yìri lè zɔ̀njǎnw, ní funviiri, ní tágadeeli ma.

1 Timɔte 4:6

Mɔ ga ni wo senyɛnbèle tama kérigèle bee na, mɔ a pye Kirisi Zyezu falipyecàɔn, àmɛɛ mɔ fànʔa taagi lè tágali, ní tamajanni syɛ́ɛnrɛ báriga ni, dee na mɔ taʔa lè.

2 Timɔte 1:12

Gee bee na mii fɔ̀rɔyi bee kpàracó, mii si o fɛ̀ɛrɛ kpéʔele Syɛɛnjóocǎnri joolo na í, níì cán wee na mii tága lè, mii n wi cán, mii si n wɔ́ɔ̀ gi cán ncan gee mii kàlifáa wi ma lè séew i nyɛ wi ma bàā gi kpáaw wéle bi taa cángi bee í ba nan.

2 Timɔte 3:15

Nlaa mɔ piimi làla ni mɔ n syɛɛnsɛbɛcǎnri cán. Toro ti a gbǎn sícilimɛ kaan mɔ ma syɔɔli kéele na àmɛɛ mɔ tága lè Kirisi Zyezu na.

Heburubèle 11:13

Bele bee myɛ maa baa kùu tágali ni, nyɔɔfaliyi da foro be nyɛnɛ na í, kàjáa pe maa yi nyaa léelige níì yére yi ni ní fundaanra ní, ní wɔ́ɔ̀ gi séeraw kpéʔele níì jo poro i nyɛ nibɔɔnnɔ ní kùsɛɛbéle tári na.

Heburubèle 6:9

Wolo wojoori bee ní ki myɛ ní, wolo syɛɛn-nidaanmabèle, wolo n tága yele na ncan yele n pɔ́rɔ n sɔ̀lɔ kánmi bee na, ní wɔ́ɔ̀ tága gi na ncan yele n syɔɔli taa n kwɔ́ɔ.

1 Pyɛri 1:22

Amɛɛ yele fɔ̀lɔ lè kányɛɛgi na níì yele fúnyi jée n mùnu koro ga pye senyɛnnɛgi tàmadelege í pye yele ni, ki n yɛlɛ ye wɔ́ɔ tàmaga le ní yeyɛɛ ní kányɛʔɛ na ní yele fúnyi myɛ ní.