2 Timɔte 1:4 - Cebaara Bible 2010

⁴ Níì cán mii i mɔ nyatinmi kéele sɔ̀ngí ni taagi, ki láagi si i nyɛ mii na bi ní mɔ nyaa, koro ga pye mii í nyìn fundaanri na.

2 Timɔte 1:4 Iomraidhean Croise

Ŋúnuyi 126:5

Bele be lùguri lúru ní nyatinmɛ ní lè, bele bee a ba yaliiri láa ní fundaanra yákpogéle ní.

Ezayi 61:3

Bi fànʔafɔ-nyùndɔnnɔ kaan cɔ́ɔngi sìndɛʔɛ ni Siyɔn wóbèle bele ma be nyɛ lè kùu-káyaʔa na, bi fundaanra sìnmɛ kaan kùu-káyaʔa sindɛʔɛ ni, bi sòololo búrogo kaan fûngalagiri sìndɛʔɛ ni, jàngó paa be yiri sínni terebɛnti tíire, dee Yawe cɔ́rɔ lè wi nìjanri kéele na.

Zyeremii 31:13

Lǎli bee ni nàngeele sinján pìcaa a ra fundaanra kpéʔele yɔ́ɔli na, nígɔcaribèle, ní nànlɛɛbèle wɔ́ɔgēle. Mii a be kùu káyaagi kàriga mugurumɔ, mii a be kpɛʔɛlɛ. Mii a fundaanra kaan be ma pe fɔ̀rɔyi sìndɛʔɛ ni.

Zyan 16:22

Anbée si gi wɔ́ɔ̄ nyɛ yele ma, yele yɛ́ɛyi n tanʔa tɔ́ɔliw ni. Kàjáa mii a ní yele nyaa, lǎli bee ni fundaanra a náa pye yele ni, syɔɔn faala si a gbǎn yele fundaanri bee kálagi í.

Zyan 16:24

Nlaa fwɔɔ n baa nan níjanʔa na, yele ga kɔ́ɔ̀ yarigaa nyɛ́ɛri mii mɛ́ɛgi na í. Yaa nyɛ́ɛri, yele a ra taagi koro ga pye yele fundaanri si foro.

Kapyegèle 20:19

Mii maa ni Kàfɔw fáli kpéʔele ní màama, ní nyatinmɛ ní, kagbanyi nínge ni, yee yi kpéʔele lè mii na Zyefubèle nyɔɔkuunro báriga ni.

Kapyegèle 20:31

Koro na gi yɛlɛ yaa kɔ̀rɔsíi, yé yele sɔ̀ngumi yaʔa gi na bi cán mii maa ni yele myɛ nibin nibin kɛɛlɛ ní nyatinmɛ ní. Mii ga kɛɛlɛli bee yaʔa làlaa faala ni yɛ́ɛgèle taanri nínge ni í, n cányi pínɛ yébiliyi ni.

Wɔrɔmi ye 1:11

Níì cán ki láagi tɔ̀nɔ́ i nyɛ mii na gbanʔama bi yele nyaa koro ga pye mii í sa Pìicǎnni yakaangaa kaan yele ma, jàngó yele í nìri tágali ni,

Filipikaʔa ye 1:8

Kolocɔlɔɔ i nyɛ mii séera ncan yele myɛ láagi i nyɛ mii na Kirisi Zyezu tàmagi ni.

Filipikaʔa ye 2:26

Yele myɛ láagi maa pye wi na, a gi wɔ́ɔ i wi yáa wi fúngi ni àmɛɛ yele da gi lóʔo lè wi ga cólogo í.

1 Tesaloniki ye 2:17

Kàjáa, ni senyɛ̀nnɛ, lǎlee cɛɛri wo kwɔ́ɔ woyɛɛ na lè céri kàbaan na, á wolo sɔ̀nguri si i yaà yele na, koro gi gi kaan a yele láagi tɔ̀nɔ n wolo taa gbanʔama, a wolo i caa bi ní yele nyaa.

2 Timɔte 4:21

Mi nàani mí pan sáni wéeri làla í nan lè. Ubulusi ní Pudansi, ní Linusi, ní Kuloja n mɔ syáanri n fàra wo senyɛnbèle myɛ na.

2 Timɔte 4:9

Mi nàani mí wári mi pan naa mii ma,

1 Zyan 1:4

Wolo i kérigèle naa sɛ́bɛ bi tórigo yele ma koro ga pye wolo fundaanri si foro.

Tɛ̀ɛnnɛ 21:4

Wi a nyatinmi myɛ tùuni bi láʔa pe nyapiigèle na, kùu a ní pye beè í, wàlá kùu káyaʔa, wàlá sùpiiwáara, wàlá yaama, dee bee tàa faala a ní pye beè í, níì cán yalɛɛri n sɔ̀lɔ n kwɔ́ɔ.»

Tɛ̀ɛnnɛ 7:17

Níì cán Bàpilee li nyɛ lè fàngoli nínge ni, loro li a ra be nàʔá, sáā syée ní be ní sìíw pùnweegéle ma, Kolocɔlɔɔ si a nyatinmi myɛ tùuni bi láʔa pe yɛ́ɛyi na.»