2 Timɔte 1:3 - Cebaara Bible 2010

³ Mii i bariga kaangi Kolocɔlɔɔ ma, woro wee má mii tóolɛɛbèle da ni báara lè, á mii wɔ́ɔ ba ni báara wi ma ní funviire ní, mii i mɔ kéeli nyuu mii làrinyɛɛrigèle ni Kolocɔlɔɔ ma canʔa ní yébilige.

2 Timɔte 1:3 Iomraidhean Croise

Luki 2:37

ní náà pye lɔgucaa n taa a wi baa yɛ̀ʔɛlɛ togoye sicɛrɛ ní sicɛrɛ taa, wi da ni fɔ̀ngí kpɔ̀ʔɔrɔli kpaʔa ni í, níì cán wi maa ni Kolocɔlɔɔ kpɔ̀ʔɔrɔ́ ní súnleri, ní nyɛ́ɛriyi ní canʔa ní yébilige.

Kapyegèle 22:3

«Mii i nyɛ Zyefuwaa, pe n mii see Tarisi ni, Silisii tári ni. Kěgi naa si ni mii baa lɛɛ, Gamaliyɛliwi mii tama wolo tóolɛɛbèle làlwa kpéʔelevorolo na. Mii fúngi myɛ maa pye Kolocɔlɔɔ kàbangi na àmɛɛ yele myɛ nyɛ lè níjanʔa.

Kapyegèle 23:1

A Pɔli nyapiigèle le Sanedirɛnw ni ni wéle níì jo: «Ni senyɛ̀nnɛ, mii maa ni mii kérigèle myɛ kpéʔele ní funjànga ní Kolocɔlɔɔ yɛ́ʔɛ ma fwɔɔ n baa nan níjanʔa na.»

Kapyegèle 24:14

Mii si n yére kéeli naa ni mɔ yɛ́ʔɛ ma, loro li nyɛ mii i mii tóolɛɛbèle Kolocɔlɔɔ kpɔ̀ʔɔrɔ́ n yɛlɛ ní kólogee ní poro yiri lè jànvaa kólogi. Syɛ́ɛnree di sɛ́bɛ lè Mowizi làlwaw sɛ́bɛ, ní kanyaajoobèle sɛ́bɛ ni, mii n tága dee bee myɛ na.

Kapyegèle 24:16

Koro na mii wɔ́ɔ i ŋàʔaná làrigèle myɛ ni koro ga pye mii fúngi í fílige Kolocɔlɔɔ ní syɛ́ɛnbèle yɛ́ʔɛ ma.

Kapyegèle 26:4

Nlaa mii yìri lè wojáriɔ ní Zyefubèle myɛ n mii tánʔaganmi cán, níì cán Zyerusalɛmi ni mii lɛɛ mii felegefɔ-nyɛ́nbèle nínge ni.

Kapyegèle 27:23

Kolocɔlɔwee wóo mii nyɛ lè, woro wee mii kpɔ̀ʔɔrɔ́ lè, wee bee tundunwaa n pan mii ma yébiligi naa ni

Wɔrɔmi ye 9:1

Kányɛɛgi mii nyuu Kirisi ni, mii o finɛ í, mii fúngi tiimaa i nyɛ mii séera Pìicǎnni báriga ni.

2 Korɛnti ye 1:12

Gee gi nyɛ lè wolo kpɔ́ɔmi nyúngo, koro gi nyɛ àmɛɛ wolo fúnyi gi fílige n tɛ̀ɛn wolo na lè ncan wolo i táanri dulunyanw ni funjànya ní funviire na Kolocɔlɔɔ yɛ́ʔɛ ma, àlí tánʔaganmi bee na wolo da ni táanri yele níngi ni, syɔɔn sícilimɛ báriga ni ban wolo táanri í, Kolocɔlɔɔ kpɔ́ʔɔri báriga ni wolo táanri.

Galasi ye 1:14

Mii maa ni syée yɛʔɛ̀ ma Zyefubèle sérikologo ni n sɔ̀lɔ mii felegefɔ-nyɛ́nbèle saʔa na, be nyɛ lè mii kàdanbèle, níì cán mii maa niyɛɛ gaan mii tóolɛɛbèle kalɛɛgéle ma n sɔ̀lɔ.

Efɛzi ye 1:16

a mii i bariga kaangi Kolocɔlɔɔ ma yele kéeli na làla o làla, koro gi nyɛ mii i yele kéeli nyuu mii nyɛ́ɛriyi ni,

1 Tesaloniki ye 3:10

Wolo i wi nyɛ́ɛri gbanʔama canʔa ní yébilige koro ga pye wolo í yele nyaa, jàngó kérigèle gele ge fɔ̀n yele tágali ni lè wolo í gele bee foro.

1 Timɔte 1:19

mí tágali cò ní funviire ní. Syɛ́ɛnbèle pèle n funviiri bee cée níì pùuni tágali kàbaan na, mɔ a jo àmɛɛ kɔ́rɔ gáà kéle lɔ̀ʔɔ ni lè.

1 Timɔte 1:5

Joogbanni naa nyúngo i nyɛ tàmagi, gee gi yìri lè zɔ̀njǎnw, ní funviiri, ní tágadeeli ma.

1 Timɔte 5:5

Wee wi ga pye lè lɔgucaateleo ní i nyɛ wi nibin, wee bee n wi sɔ̀ngumi taʔa Kolocɔlɔɔ na, níì kòro ni wi nyɛ́ɛri, ní i wi kpɔ̀ʔɔrɔ́ canʔa ní yébilige.

2 Timɔte 1:5

Mii wɔ́ɔ i mɔ tágadeeli kéele sɔ̀ngí ni taagi, lee li da pye lè mɔ nɔɔlɛɛgi Lowizi ma, ní mɔ nafɔw Unisi ma lè, mii n wɔ́ɔ̀ tága gi na ncan tágali bee wonijanna li nyɛ mɔ ma.

2 Timɔte 3:15

Nlaa mɔ piimi làla ni mɔ n syɛɛnsɛbɛcǎnri cán. Toro ti a gbǎn sícilimɛ kaan mɔ ma syɔɔli kéele na àmɛɛ mɔ tága lè Kirisi Zyezu na.

Heburubèle 13:8

Zyezu Kirisi i nyɛ kanijanma na cànʔaniw yoo, níjanʔa yoo, fwɔɔ làla o làla.

1 Samyɛli 12:23

Bi láʔa mii a kɔ́ ra nyɛ́ɛri yele kéeli na í, gee bee a pye kapeele mii kpéʔele Yawe na. Ki n yɛlɛ sɔ̀nguri bee í léeli mii na. Kólogee gi nyɔɔ lè níì sín, koro na mii a ra yele tama.