2 Timɔte 1:16 - Cebaara Bible 2010

¹⁶ Ki n yɛlɛ Kàfɔw í nyinimɛ taa Onɛsifɔri kpaʔa wóbèle na, ncan wi n mii fúngi nyíngi tɔlɔyɔ saʔa, àmɛɛ pe da mii pwɔɔ lè ní nyɔ̀ʔɔmi ní, gee bee ga pye wi na fɛ̀ɛrɛ kéele í.

2 Timɔte 1:16 Iomraidhean Croise

2 Samyɛli 2:6

Tɔ́ɔliw ni ki n yɛlɛ Yawe í kacànna ní funvii kèlē kpéʔele yele ma. Mii a wɔ́ɔ kacànna pye yele na, àmɛɛ yele kéeli bee kpéʔele lè.

Nehemii 13:14

Ee mii Kolocɔlɔw, sɔ̀ngi mi taa mii na kéeli bee na. Sínni kèlē mii kpéʔele lè mii Kolocɔlɔw kpaʔa, ní gi fáliw kéele na, mɔ a kɔ ge kurugo láʔa yaà í.

Nehemii 13:22

A mii Levii ye pye pe peyɛɛ jéemununi fáli kpéʔele, pé pan pe ba ra kpàánweegèle kɔ̀rɔsíi, koro ga pye be cândɛnɛgi sámaga nyɔɔ. Ee mii Kolocɔlɔw, sɔ̀ngi mi taa mii na kéeli bee na wɔ́ɔgēle, mí nyinimɛ taa mii na mi yɛlɛ ní mɔ nyininɛʔɛmi ní.

Nehemii 13:31

A mii kàjeri yakanʔa kéele cɔɔnri n yɛlɛ ní làrigèle ní ge kɔ̀rirɔ n tímana di kaanni kéele na lè, n wɔ́ɔ̀ fàra yaliiseliri kéele na. Ee mii Kolocɔlɔw, sɔ̀ngi mi taa mii na, mí kacànna kpéʔele mii na.

Nehemii 5:19

Ee mii Kolocɔlɔw, gee myɛ mii kpéʔele syɛ́ɛnbèle naa ma lè, sɔ̀ngi mi taa, mí kacànna kpéʔele mii na gi kéeli na.

Ŋúnuyi 18:25

A Yawe si wɔ́ɔ̀ mii sàra n yɛlɛ ní mii sínni ní, n yɛlɛ ní gi ní àmɛɛ mii kɔ́yi nyɛ lè fɔɔnrɔ fun wi yɛʔɛ̀ ma.

Ŋúnuyi 37:26

Canʔa o canʔa wi i nyínimɛ taagi ní i fwɔ́ɔgèle nii. Wi yòdaʔayi i nyɛ dùba pìibēle.

Zyeremii 39:17

Kàjáa cángi bee na mii a mɔ syɔɔ, Yawe wi jo nya, nǎnbèle bele na mɔ fɛ̀ɛgí lè, mɔ a jée be kɔ́yi ni í.

Matye 25:17

Kánmi bee na siinw fɔ́lɔ wɔ́ɔ̀ sirakamayaa siin tɔnɔ taa.

Matye 5:7

Bele be nyinimɛ taagi lè syɛ́ɛnbèle na, bele bee i nyɛ dùba pìibēle, níì cán Kolocɔlɔɔ a wɔ́ɔ ba nyinimɛ taa be na!

Kapyegèle 21:33

A sùlasiibèle kàfɔgbɔɔɔ sáà nùuni Pɔli na níì wi cò níì be pye pe wi pwɔɔ ní nyɔ̀ʔɔdiriye siin ní, níì syɛ́ɛnmi yíbe bi gi cán wee wi nyɛ lè, ní gee wi pye lè.

Kapyegèle 28:20

Gee bee na mii yele yeri koro ga pye mii í yele nyaa bi joo ní yele ní. Níì cán Isirayɛli ye sɔ̀ngumi tɛɛtaʔaga kéele na pe mii pwɔɔ ní nyɔ̀ʔɔdirigi naa ní.»

1 Korɛnti ye 16:18

Níì cán pe n mii ní yele fúnyi nyíngi. Ki n yɛlɛ ye gi cán syɛ́ɛnbèle bee félege n yɛlɛ ní kpɔʔɔrɔ ní.

Efɛzi ye 6:20

Amɛɛ mii nyɛ lè tunduɔn, á be mii pwɔɔ Syɛɛnjóocǎnri bee kéele na, yaa nyɛ́ɛri jàngó mii í da nyuu ní nànzorodo ní, kánmee na mii yɛlɛ bàā nyuu lè.

2 Timɔte 1:12

Gee bee na mii fɔ̀rɔyi bee kpàracó, mii si o fɛ̀ɛrɛ kpéʔele Syɛɛnjóocǎnri joolo na í, níì cán wee na mii tága lè, mii n wi cán, mii si n wɔ́ɔ̀ gi cán ncan gee mii kàlifáa wi ma lè séew i nyɛ wi ma bàā gi kpáaw wéle bi taa cángi bee í ba nan.

2 Timɔte 1:17

Níì cán lǎli ni wi pan lè Wɔrɔmi ma, wi n baa mii tɛɛkòrogi caa gbanʔama fwɔɔ n baa mii nyaa.

2 Timɔte 1:18

Kàfɔw í gi yaʔa Kàfɔw í ba nyinimɛ taa wi na cángi bee. Kérigèle gele myɛ na wi da mii màkow nyɔɔ lè Efɛzi ni, mɔ n ge cán n sɔ̀lɔ wozanbèle na.

2 Timɔte 1:8

Gee bee na mɔ a kɔ́ ra fɛ̀ɛrɛ taagi wolo Kàfɔw séera kpéʔelele kéele na í, mii kéeli ga wɔ́ɔ̀ yɛlɛ li pye mɔ na fɛ̀ɛrɛ í, mii wee wi nyɛ lè wi kàsolew. Kàjáa ki n yɛlɛ mɔ í da wɔʔɔ ní mii ní Syɛɛnjóocǎnri kéele na Kolocɔlɔɔ séew báriga ni.

2 Timɔte 4:19

Pirisika ní Akilasi syáanri n fàra Onɛsifɔri kpáagi wòolo na.

Filemɔn 1:20

Kányɛʔɛ na, ni senyɛnnɛ, mii pɔʔɔ mí gee naa kpéʔele mii ma Kàfɔw mɛ́ʔɛ na. Mii fúngi nyíngi Kirisi ni.

Filemɔn 1:7

Ni senyɛnnɛ, mɔ tamagi kéele n fundaanra saʔa kaan mii ma níì mii kɛɛlɛ, níì cán mɔ n ŋɔ́ndaala kaan Kolocɔlɔɔ syɛɛncanbèle ma be fúnyi ni.

Heburubèle 10:34

Níì cán yele n pínɛ n wɔʔɔ ní kàsolebèle ní, lǎli ni yele wɔʔɔfɔbèle yele kɔ́lɔ yáriri nɛnɛ n syɔɔ yele ma lè, a yele yére gi ni ní fundaanra ní, àmɛɛ yele gi cán lè ncan bàngwɔɔ yáriga i nyɛ yele ma, gee gi nyɔɔ n sɔ̀lɔ lè.

Heburubèle 6:10

Níì cán Kolocɔlɔɔ o kologi í, fáliw yele kpéʔele lè n fàra tàmagi na yele tɛ̀ɛn pèle na wi mɛ́ɛgi na lè, àmɛɛ yele da ni Kolocɔlɔɔ syɛɛncanbèle dɛ̀ɛmɛ́ lè ní sèʔé i nyɛ be dɛ̀ɛmɛni na tɔ́ɔliw ni lè, wi a fɛ̀ʔɛ gee bee kàa faala na í.

Wuruti 1:8

A Nowemii wi pìíbèle càbala siin pye: «Yaa syée, ye lúru yaa syée ye myɛ nibin nibin yele nɔ́ɔbèle kpaaya ma. Funjǎngee yele da ni kpéʔele ní bele ní be kùu lè, ní wɔ́ɔ i gi kpéʔele ní mii ní lè, ki n yɛlɛ Yawe í da koro kpéʔele yele ma.