2 Timɔte 1:13 - Cebaara Bible 2010

¹³ Syɛɛncanri mɔ lóʔo mii ma lè, mi miyɛɛ gaan di ma, tágali, ní tàmagi ni, dee wo taagi lè Kirisi Zyezu ni.

2 Timɔte 1:13 Iomraidhean Croise

Kàseegèle 23:23

Kányɛɛgi syɔɔ, mɔ si a kɔ́ gi pára í, mí cánna, ní tamana, ní sícilimɛ taa.

Kàseegèle 3:18

Pi i nyɛ sìi tíige pi còvɔbèle ma. Bele be kòro ní bi ní lè, pe i nyɛ dùba pìibēle.

Kàseegèle 3:21

Ni pyà, sícilimi ní kérigèle sɛʔɛlɛ sámaga mi cò, ke a kɔ́ fɔ̀n mɔ yɛ́ʔɛ ma í.

Kàseegèle 4:13

Ki n yɛlɛ mi tamani sámaga mi cò, mɔ a kɔ́ li yaʔa í, tan li na, níì cán loro li nyɛ mɔ siiw.

Kàseegèle 8:14

Láliiw ní yákiricǎnw i nyɛ mii ma. Mii wi nyɛ cánni, séew i nyɛ mii wóo.

Wɔrɔmi ye 2:20

ní ní i nyɛ nilabalabèle cìligefɔlɔ ní pìíbèle tamafɔlɔ, níì cán Mowizi làlwaw sɛ́bɛ wi nyɛ mɔ ma lè, kérigèle cánna ní kányɛɛgi myɛ i nyɛ wi ni.

Wɔrɔmi ye 6:17

Ki n yɛlɛ waa bariga kaangi Kolocɔlɔɔ ma, níì cán yele maa pye kapeebyeri púloro ni, kàjáa tamalee na pe yele tama lè, a yele lee bee cò ní yele fúnyi myɛ ní.

Filipikaʔa ye 1:27

Gee nibin gi nyɛ gi ni lè, koro gi nyɛ yaa táanri yaa yɛlɛgi ní Kirisi Syɛɛnjóocǎnri ní, koro ga pye mii ga kári yaà sa yele wéle yoo, a mii náà kòro sìngári ni yaà yoo, mii í yele kéeli lóʔo pe jo yele i yaà n kòro pìle nibin ni, níì pínɛ ni kapɛɛnni kpúmɔn ní fungo nibin ní tágali kéele na li lè Syɛɛnjóocǎnri wólo,

Filipikaʔa ye 4:9

Gee yele tama mii ma lè, ní gee yele taa mii ma lè, ní gee yele lóʔo ní wɔ́ɔ̀ gi nyaa mii ma lè, ye kòro yaa gee bee kpéʔele. Koro ga pye Kolocɔlɔɔ wi lè fûnnyingi kaanfɔlɔ, wi a pye ní yele ní.

Kɔlɔsi ye 1:4

Níì cán àmɛɛ yele tága lè Kirisi Zyezu na, ní àmɛɛ yele tàmaga le ní Kolocɔlɔɔ syɛɛncanbèle ní lè, pe n gee bee joo a wolo gi lóʔo.

1 Tesaloniki ye 5:21

Ki si n yɛlɛ yaa kérigèle myɛ sɛʔɛ yaa wéle, gele ge nyɔɔ lè, ye gele bee sámaga ye cò.

1 Timɔte 1:10

ní cecaabèle, ní nànjaabèle, ní nànjaananbèle, ní bele be syɛ́ɛnbèle yúu ni pára lè, ní jànvaafɔbèle, ní bele be kɛ̀ɛ́ lè jànvaaw na, ní kérigèle myɛ ní gele ke a gbǎn tamajanni kábala lè.

1 Timɔte 1:14

Wolo Kàfɔw n tɔ̀nɔ n kpɔʔɔrɔ kaan mii ma saʔa, n fàra tágali, ní tàmagi na, dee wo taagi lè Kirisi Zyezu ni.

1 Timɔte 6:3

Syɔɔnwaa ga ni syɛ́ɛnbèle tama tamalaa nikwɔɔ ni, lee li fàli wolo Kàfɔw Zyezu Kirisi tamajanni na lè, ní wɔ́ɔ̀ fàli Kolocɔlɔɔ yɛ́ɛgi fyáara tamana na,

2 Timɔte 1:1

Mii Pɔli, wi lè Kirisi Zyezu pìituɔn Kolocɔlɔɔ kínidɛnɛgi báriga ni, wi n mii tun koro ga pye mii í da sìíw nyɔɔfaliga syɛ́ɛnrɛ nyuu, sìíwee wi nyɛ Kirisi Zyezu ni lè.

2 Timɔte 1:14

Yacanri be kàlifáa mɔ ma lè, mi dee bee kɔn Pìicǎnni báriga ni, loro lee li tɛ́ɛn wolo fúnyi ni lè.

2 Timɔte 2:2

Dee mɔ lóʔo mii ma lè séerafɔɔlɔ saʔa nyɛ́nɛ na, mi dee bee kàlifáa tágala syɛ́ɛnbèle pèle ma, poro bele pe a wɔ́ɔ gbǎn ra pèle nikwɔɔlɔ tama di na lè.

2 Timɔte 3:14

Mɔ si na, gee mɔ tama n cán lè kányɛʔɛ ni, mi kòro maa gee bee kpéʔele. Níì cán bele be mɔ tama lè, mɔ n be cán.

2 Timɔte 4:3

Níì cán làla a kɔ́ ba pye, lee ni lè syɛ́ɛnbèle a gbǎn tamajanni kpàraco í. Kàjáa pe a ra pe nyɛnɛ tamafɔbèle saʔa caa bi yɛlɛ ní be céri ki laànitaʔa kele ní, jàngó paa poro fundaan-syɛ́ɛnri nyuu poro ma.

Tiiti 1:9

wí wɔ́ɔ syɛɛnjóofiiri sámaga cò di yɛlɛ lè ní tamani ní, koro ga pye wi gbǎn ra syɛ́ɛnbèle kɛɛlɛ ní tamajanni bee ní, sáā kàkabalayi fɔ̀ɔlɔ nyɔ́ɔyɔ tɔ́ngi.

Tiiti 2:1

Mɔ si na, ki n yɛlɛ maa syɛ́ɛnbèle tama kérigèle ni ge yɛlɛ lè ní tamajanni ní.

Tiiti 2:8

mɔ syɛɛnjóori í nyɔɔ si pye kajoolo fun, koro ga pye fɛ̀ɛrɛ í wolo nigoobèle taa, àmɛɛ gi nyɛ lè pe a gbǎn kapeelaa faala taa bi joo taʔa wolo na í.

Heburubèle 10:23

Ki n yɛlɛ wolo í wolo sɔ̀ngumi tɛɛtaʔaga cò cama, gee séera wolo kpéʔele lè, níì cán wee wi nyɔɔfaligi kpéʔele lè, wi i nyɛ tágala syɔ́ɔn.

Heburubèle 3:6

Kàjáa Kirisi i nyɛ Jaafɔlɔ, wi i nyɛ tágala syɔ́ɔn Kolocɔlɔɔ kpáagi nyúngo na. Wolo si i nyɛ wi kpáagi, kapye wolo n tágali sámaga n cò, ní i nyɔ̌ngbɔɔlɔ táanri wolo sɔ̀ngumi tɛɛtaʔaga báriga ni.

Heburubèle 4:14

Sáriga-wòlobèle kàfɔgbɔɔɔ i nyɛ wolo ma, wee wi jée n foro nyɛ̀ʔɛgèle ni lè, woro wi nyɛ Zyezu, wi lè Kolocɔlɔɔ Jáaw, gee bee na gi yɛlɛ wolo í tágali sámaga cò, lee séera wolo kpéʔele lè.

Zyudi 1:3

Mii syɛɛn-nidaanmabèle, mii maa séli ni ŋàʔaná bi sɛ́bɛwaa sɛ́bɛ tórigo yele ma wolo syɔɔli kéele na, lee na wo pínɛ lè, a mii ní baa gi nyaa ki i nyɛ ŋàʔanaga kéele fwɔɔ mii í wi sɛ́bɛ bi yele kɛɛlɛ si jo, tágalee Kolocɔlɔɔ kàlifáa wi syɛɛncanbèle ma lè, li lè li a gbǎn fàli í, ki n yɛlɛ yele í da kapɛɛnnɛ kpúmɔn li kéeli na.

Tɛ̀ɛnnɛ 2:25

Koro ní ki myɛ ní gee yele taa n kwɔ́ɔ lè, ki n yɛlɛ ye gi sámaga ye cò bi taa mii í pan.

Tɛ̀ɛnnɛ 3:11

Cɛɛri ga pye mii a pan. Gee mɔ taa n kwɔ́ɔ lè, mi gi cò cama jàngó syɔɔnwaa faala a kɔ́ mɔ kpɔ́ʔɔri nyùndɔnnɔ syɔɔ mɔ ma í.

Tɛ̀ɛnnɛ 3:3

Kánmee na mɔ da Syɛɛnjóocǎnri taa lè, ní àmɛɛ mɔ da di lóʔo lè, ki n yɛlɛ maa sɔ̀ngí maa taagi gee bee na, mí di cò cama, mí kàdoʔo wáa mɔ kapeegèle ma. Kapye mɔ ga kòro nyɛ̀nɛ na í, mii panni a ba mɔ pàla àmɛɛ kàyuuo nyɛ lè, mɔ a tée mii làribanni cán nyáana í.