2 Timɔte 1:12 - Cebaara Bible 2010

¹² Gee bee na mii fɔ̀rɔyi bee kpàracó, mii si o fɛ̀ɛrɛ kpéʔele Syɛɛnjóocǎnri joolo na í, níì cán wee na mii tága lè, mii n wi cán, mii si n wɔ́ɔ̀ gi cán ncan gee mii kàlifáa wi ma lè séew i nyɛ wi ma bàā gi kpáaw wéle bi taa cángi bee í ba nan.

2 Timɔte 1:12 Iomraidhean Croise

Ŋúnuyi 25:2

Ee mii Kolocɔlɔw, mɔ na mii mii sɔ̀ngumi taʔa, mɔ a kɔ́ fɛ̀ɛrɛ yaʔa di mii taa í! Mii nigoobèle ga yɛlɛ pe kɔ́ ra fàndaara yákpogéle wáa mii kéeli na í!

Ŋúnuyi 31:5

Cɔ̀ɔ́wee be cáan mii yɛ́ʔɛ ma lè, mii yirige wi ni, níì cán mɔ wi nyɛ mii Tɛɛlàragi.

Ŋúnuyi 56:9

Mɔ i mii curugo-mí-màʔani nyɔ̌ngéle córo. Mii nyatinmi le mɔ kpabiw ni, pi kéeli ga sɛ́bɛ mɔ sɛ́bɛw ni ì?

Ŋúnuyi 9:10

Yawe wi yɛlɛ bi pye fɔ̀rɔgɔfɔw tɛɛlàraga, ní tɛɛlàraga wɔʔɔgi làla ni.

Ezayi 12:2

Ye mii syɔɔli Kolocɔlɔɔ wéle wee, mii sɔ̀ngumi n tɛ́ɛn, mii a ra fɛ̀ɛgí í. Níì cán Yawe, Yawe tiimaa wi nyɛ mii bárigaw, ní mii ŋúnugi. Woro wi nyɛ mii syɔɔli.»

Ezayi 50:7

Kàfɔw Yawe i mii dɛ̀ɛmɛ́, koro na faʔari o jǐn mii ni í, koro na mii mii yɛ́ɛgi waʔa àmɛɛ fálaga nyɛ lè, mii n gi cán fɛ̀ɛrɛ a mii taa í.

Ezayi 54:4

Mɔ a kɔ́ fyáa í, níì cán fɛ̀ɛrɛ a mɔ taa í, mɔ a kɔ́ mɔ nyúngi jùngu í, níì cán faʔara a tée too mɔ na í. Mɔ a fɛ̀ʔɛ mɔ cárimi làla fɛ̀ɛrɛ kèlē na, mɔ a ní tée sɔ̀ngí taa mɔ lɔguugi faʔara na í.

Nahumi 1:7

Yawe n nyɔɔ, wi i nyɛ tɛɛlaraga wɔʔɔgi canʔa na. Bele be làrá wi taana lè, wi i be kɔ̀rɔsíi.

Matye 12:21

Syɛɛnfeleyi a ba wi mɛ́ɛgi pye yi sɔ̀ngumi tɛɛtaʔaga.› »

Matye 24:36

«Syɔɔn faala ga cángi bee ní lǎli bee cán í, àlí nyɛ̀ʔɛni tundunbéle yoo, Jaafɔw yoo, kapye Tofɔw nibin ban í.

Matye 7:22

Pèle saʔa a ba gi joo mii ma cángi bee na si jo: ‹Kàfɔw, Kàfɔw, wolo da ni Kolocɔlɔɔ syɛ́ɛnri nyuu mɔ mɛ́ɛgi na ì, ní i màdebèle nɛnɛ ni yirigi mɔ mɛ́ɛgi na ì, ní wɔ́ɔ i kakpoloyi saʔa kpéʔele mɔ mɛ́ɛgi na ì?›

Luki 10:12

Mii a gi joo yele ma, ye gi cán Sodɔmi kěgi kútii a ba cɛ́rɛ bi sɔ̀lɔ kěgi bee wóo na cángi bee.

Luki 23:46

A Zyezu yákpogbɔɔlɔ wáa níì jo: «Abaa, mii n mii pǐli le mɔ kɔ́yi ni.» Syɛ́ɛnri bee joolo kadoʔo ma a wi kùu.

Zyan 17:15

Mii o mɔ nyɛ́ɛri níì jo mɔ í be yirige dulunyanw ni wii í, kàjáa mii i mɔ nyɛ́ɛri mɔ í be syɔɔ Wobeew ma.

Zyan 6:44

Tofɔw wi mii tun lè, syɔɔn faala a gbǎn pan mii ma wee bee kílele kadoʔo na í. Mii si a ba syɔ́ɔnw bee nyán yirige dulunyanw cângwɔʔɔ canʔa na.

Kapyegèle 13:46

A Pɔli ní Barinabasi soro n yére n gi joo be ma níì jo: «Ŋàʔanaga ki da pye Kolocɔlɔɔ syɛ́ɛnri í dée séli joo yele ma, kàjáa àmɛɛ yele tɔ̀nɔ n di cée lè níì gi tímana yele fúnyi ni n gi nyaa yele ga yɛlɛ ní sìibangwɔɔw ní í, gee bee na wolo a kári syɛɛnfeleyi wozanya ma.

Kapyegèle 13:50

Kàjáa mɛ́ɛkpoloyi càbala be pye lè Zyefubèle sérikologo ni n fàra kěgi bee syɛɛnkpolobéle na, a Zyefubèle bele bee sɔ́ɔn Pɔli ní Barinabasi na. A be wɔʔɔli yìrige be kurugo n be nɛnɛ n yirige be tari ni.

Kapyegèle 21:13

Lǎli bee ni a Pɔli wolo yari: «Amɛɛ yele nyaan lè nya, nyàʔá na yele koro kpéʔele ni mii fúngi nyáʔami? Alí mii n yére gi ni bi kùu Zyerusalɛmi ni Kàfɔw Zyezu mɛ́ɛgi kéele na, n náa kɔ́ɔ̀ yére pwɔɔlɔ na.»

Kapyegèle 7:59

ní sa ni Etyɛni wábagi ní kàdɛnɛri ní, a Etyɛni i nyɛ́ɛri níì jo: «Kàfɔw Zyezu, mi mii pǐli syɔɔ!»

Kapyegèle 9:16

Wɔʔɔgee myɛ gi yɛlɛ bi too wi na lè mii mɛ́ɛgi kéele na, mii a gee bee tɛ̀ɛn wi na.»

Wɔrɔmi ye 1:16

Níì cán Syɛɛnjóocǎnri mii nyuu lè, fɛ̀ɛrɛ o mii taagi di kéeli na í, ti i nyɛ Kolocɔlɔɔ fǎngi bàā syɛ́ɛnbèle syoo, bele myɛ be tági lè di na, wozelibèle be nyɛ Zyefubèle n náà fàra syɛɛnfeleyi wozanya na.

Wɔrɔmi ye 9:33

Amɛɛ gi sɛ́bɛ lè níì jo: «Ye wéle, mii n kàdɛnɛgɛ tɛ́ʔɛ Siyɔn kěgi fúngo ni gee na syɛ́ɛnbèle kpírigi lè, ní fálaga, gee gi syɛ́ɛnbèle cáan lè, syɔ́ɔnwee wi tága wi na lè, fɛ̀ɛrɛ a tée wee bee taa bi nyaa nyáana í.»

1 Korɛnti ye 1:8

Woro wi a wɔ́ɔ ra fǎngi nii yele ni fwɔɔ bi ba nan canzangi na, jàngó yele í pye dìgire fun wolo Kàfɔw Zyezu Kirisi cángi na.

1 Korɛnti ye 3:13

pe myɛ nibin nibin fáli a ba yiri gbɛ̀ɛ́nmi na. Níì cán náagi a ba wi kánmi tɛ̀ɛn cángi bee na, a syɔ́ɔnw fáli nyɔɔ yoo, wi ga nyɔɔ í yoo, náagi a ba wi sɛʔɛ, si wi félegi tɛ̀ɛn.

Filipikaʔa ye 1:20

N yɛlɛ ní gee ní mii sige lè ní fundaanra ní, ní gee gi nyɛ lè mii sɔ̀ngumi tɛɛtaʔaga, fɛ̀ɛrɛ a tɔ̀nɔ́ ba mii taa keelaa faala na í. Kàjáa mii ga pye sìi na yoo, a mii náà kùu yoo, mii i nànzorodo kpéʔele koro ga pye Kirisi í kpɔʔɔrɔ taa mii céri ni tɔ́ɔliw ni àmɛɛ ki da tée ni kpéʔele lè làrigèle myɛ ni.

Filipikaʔa ye 3:10

Gee mii caa lè, koro gi nyɛ mii í Kirisi cán, si wɔ́ɔ wi nyán-yirili sée cán, si wɔ́ɔ pye pínɛnyɛnnɛgɛ na ní wi ní wi wɔʔɔguuli ni, si wi wíri wi kùúw ni.

Filipikaʔa ye 3:21

Woro wi a ba wolo céri kàriga, ti lè fóomi wóro, si di kpéʔele sèjira ní woro nìjangbɔɔri cére ní bi yɛlɛ ní wi séekpɔɔw falipyeganma ní, séekpɔɔw bee ní wi a ba yáriri myɛ jáa.

Filipikaʔa ye 3:8

N fàra gee bee na, mii i kérigèle myɛ córo bɔ̀nɔ wòʔolo mii Kàfɔw Kirisi Zyezu cánni kéele na, lee li nyɔɔ n sɔ̀lɔ lè yáriri myɛ na. Woro kéeli na mii bɔ̀nɔ yáriri myɛ ni, ní i di córo kànyaʔara jàngó mii í Kirisi taa, wí pye mii tɔ̀nɔw,

1 Tesaloniki ye 2:16

Syɛ́ɛnree wolo nyuu lè syɛɛnfeleyi wozanya ma koro ga pye yi syɔɔ, pe i dee bee yéregi, níì kòro ni kàa taʔala be kapeegèle na. A Kolocɔlɔɔ fundanʔari si kɔ́ baa too be na.

1 Tesaloniki ye 5:4

Yele si na, ni senyɛ̀nnɛ, yele o nyɛ yébilimɛ ni í, koro na cángi bee a ba yele pàla àmɛɛ kàyuuo nyɛ lè í.

1 Timɔte 6:20

Ee Timɔte, kàlifawee wi nyɛ mɔ ma lè, maa wi kɔ̀rɔsíi, kàjáa Kolocɔlɔɔ yɛ́ʔɛnaa-sìnvyaari gbanzan syɛ́ɛnrɛ, ní kàkabalayi yi taagi lè sícili-váanami ni, mi toro yaʔa,

2 Timɔte 1:14

Yacanri be kàlifáa mɔ ma lè, mi dee bee kɔn Pìicǎnni báriga ni, loro lee li tɛ́ɛn wolo fúnyi ni lè.

2 Timɔte 1:16

Ki n yɛlɛ Kàfɔw í nyinimɛ taa Onɛsifɔri kpaʔa wóbèle na, ncan wi n mii fúngi nyíngi tɔlɔyɔ saʔa, àmɛɛ pe da mii pwɔɔ lè ní nyɔ̀ʔɔmi ní, gee bee ga pye wi na fɛ̀ɛrɛ kéele í.

2 Timɔte 1:18

Kàfɔw í gi yaʔa Kàfɔw í ba nyinimɛ taa wi na cángi bee. Kérigèle gele myɛ na wi da mii màkow nyɔɔ lè Efɛzi ni, mɔ n ge cán n sɔ̀lɔ wozanbèle na.

2 Timɔte 1:8

Gee bee na mɔ a kɔ́ ra fɛ̀ɛrɛ taagi wolo Kàfɔw séera kpéʔelele kéele na í, mii kéeli ga wɔ́ɔ̀ yɛlɛ li pye mɔ na fɛ̀ɛrɛ í, mii wee wi nyɛ lè wi kàsolew. Kàjáa ki n yɛlɛ mɔ í da wɔʔɔ ní mii ní Syɛɛnjóocǎnri kéele na Kolocɔlɔɔ séew báriga ni.

2 Timɔte 2:9

toro dee kéele na mii wɔʔɔ lè àlí pe n mii pwɔɔ ní nyɔ̀ʔɔmɔ ní, mɔ a jo kapeebyeo mii nyɛ. Kàjáa Kolocɔlɔɔ syɛ́ɛnri ga pwɔɔ í.

2 Timɔte 4:8

Nlaʔa tɔ́ɔliw naa na, Kàfɔw wi lè kútiisinw kúunfɔlɔ, wi n kpɔ́ʔɔri nyùndɔnnɔ tɛ́ʔɛ yaà mii yɛ́ʔɛ na, sínni wólo, lee wi a ba kaan mii ma lè cángi bee na. Mii nibin si má ban wi a li kaan í, bele myɛ be wi làridɛ̀ɛ́nni sige lè ní fundaanra ní, wi a wɔ́ɔ kèle kaan bele bee ma.

Tiiti 3:8

Syɛ́ɛnri bee i nyɛ kányɛʔɛ, mii i caa mɔ í da di nyuu da gbàngí bele ma be tága lè Kolocɔlɔɔ na, koro ga pye paa sɔ̀ngí da taagi kacǎngèle kpéʔelele na. Gee bee gi nyɔɔ ní i nyɛ ní tɔ̀nɔ ní syɛ́ɛnbèle ma!

Heburubèle 12:2

Ki n yɛlɛ wolo í wolo nyapiigèle le Zyezu ni wi lè wolo tágali sélimɛfɔlɔ ní li forofɔw. Amɛɛ wi nyɛnɛ da pye lè fundaanri na, dee Kolocɔlɔɔ da tɛ́ʔɛ wi yɛʔɛ̀ ma lè, koro na wi kpàraco níì kùu tiiparigi na, wi ga gi córo fɛ̀ɛrɛ kéele í, koro kàdoʔo ma a wi sáà tɛ́ɛn Kolocɔlɔɔ fàngoli kàliige ma.

Heburubèle 2:18

Níì cán àmɛɛ Sutanaw wi tiimaw kárima lè a wi wɔʔɔ, gee bee na wi a gbǎn ra be dɛ̀ɛmɛ́ bele Sutanaw kárima lè.

Heburubèle 7:25

Gee bee na bele be nùuní lè Kolocɔlɔɔ na wi bárigaw ni, wi a tɔ̀nɔ́ gbǎn be syɔɔ foro péw, níì cán wi i nyɛ sìi na làla o làla jàngó bàā nyɛ́ɛri be kéeli na.

1 Pyɛri 1:5

ní i yele kpáaw wéle ní wi séekpɔɔw ní yele tágali báriga ni bi taa syɔɔli í ba nan, lee Kolocɔlɔɔ sámaga n yaʔa lè bi ba tɛ̀ɛn làrizanni ni.

1 Pyɛri 4:16

Wàa si ga ni wɔʔɔ àmɛɛ wi nyɛ lè Kiretyɛɔn, ki ga yɛlɛ gi pye wee bee na fɛ̀ɛrɛ í. Fwɔɔ waa Kolocɔlɔɔ kpɔ̀ʔɔrɔ́ mɛ́ɛgi bee kéele na.

1 Pyɛri 4:19

Gee bee na bele be wɔʔɔ lè n yɛlɛ ní Kolocɔlɔɔ nyɛ́nɛ kéeli ní, ki n yɛlɛ pe be pìígèle kàlifáa yáriri myɛ Faanfɔlɔ ma, wi lè tágala syɔ́ɔn, páā kacǎngèle kpéʔele.

Zyudi 1:24

Wee má fànʔa nyɛ lè bi gbǎn ra yele kɔ̀rɔsíi koro ga pye yele a kɔ́ kpírige too í, si yele yérige wi nìjangbɔɔri tɛ́ʔɛ ni bi yele tɛ̀ɛn tɛɛlɛ fun yele si pye fundaangbɔɔrɔ na,