2 Timɔte 1:10 - Cebaara Bible 2010

¹⁰ Syɛ́ɛnbèle n baa kpɔ́ʔɔri bee nyaa tɔ́ɔliw ni àmɛɛ wolo Syɔɔfɔw Kirisi Zyezu baa wiyɛɛ dɛ̀ɛn lè, woro wee wi kùúw kwɔ́ɔ lè, níì sìíw, ní sìnvɔnʔɔmi yirige gbɛ̀ɛ́nmi na Syɛɛnjóocǎnri báriga ni.

2 Timɔte 1:10 Iomraidhean Croise

Ezayi 43:3

Níì cán mii wi nyɛ Yawe mɔ Kolocɔlɔw, wi lè Isirayɛli Wojanw, ní mɔ Syɔɔfɔw. Mii n Ezyipiti kaan, woro í pye mɔ nyunzyɔɔ-lɔ́ri, n Etyopii ní Seba kaan mɔ sindɛɛgi ni.

Ezayi 45:15

Kányɛʔɛ na, mɔ i nyɛ Kolocɔlɔɔ, wee wi wiyɛɛ làriga lè, Isirayɛli Kolocɔlɔw, mɔ wi lè Syɔɔfɔw.

Ezayi 45:21

Ye yele wóri joo, yé kérigèle tɛ̀ɛn gele ge nyɛ yele ma lè! Alí ye caa pínɛ ye yeyɛɛ nyaa ye joo. Wìí wi da téè gee bee joo yaà gbɛnʔɛnɛ? Wìí wi ge tɛ̀ɛn yaà làridɔɔnnɔ ni? Mii Yawe ban ì? Kolocɔlɔwaa ní o yaà n fàra mii na í, Kolocɔlɔwee wi sín lè, ní i syɔɔn syoo, wi wàa ní o yaà kapye mii ban í.

Oze sɛ́bɛw 13:14

Mii a be syɔɔ yirige kúbèle tɛɛkòrogo kɔ́lɔ ni, mii a be syɔɔ kùúw ma. Ee kùu, sán mɔ káfalagi yáama nyɛ? Kúbèle tɛɛkòrogo, sán mɔ galagíw nyɛ? Funjǎngi i kiyɛɛ làragí mii na.

Luki 11:36

Gee bee na kapye mɔ céri myɛ i nyɛ gbɛ̀ɛnmɛ, yébilimɛ tɛ́ɛlɛ fun, ti myɛ a ra nyín àmɛɛ fètinnɛ nyín ni gbɛ̀ɛ́nmi yirigi mɔ ma lè.»

Luki 13:7

A wi ɛrɛzɛn sefalaw pye: ‹Wéle, ki yɛ̀ʔɛlɛ taanri wi wee níyɛɛlɛ, àmɛɛ mii maa tíigi naa ma lè n ba ni yasanra caa gi ni, mii si ga kɔ́ɔ̀ yafyɛn nyaa gi ni í. Gi kpúmɔn mi cáan. Amɛɛ gi kòro lè ni tári nyɔʔɔrɔ nya, nyàʔá gee bee a nyɔɔ?›

Luki 2:11

toro di nyɛ pe n syɔɔfɔlɔ see yele ma níjanʔa Davidi kěgi ni, woro wi nyɛ Kirisi wi lè Kàfɔw.

Zyan 1:9

Gbɛ̀ɛ́nmi wodelemɛ bi pye, bee bi pan lè dulunyanw ni, ní i nyín syɛ́ɛnbèle myɛ ma.

Zyan 14:6

A Zyezu wi yari: «Jo mii si wi nyɛ kólogi, ní kányɛɛgi, ní sìíw. Syɔɔn faala a gbǎn nan Tofɔw na mii kàdoʔo ma í.»

Zyan 20:31

Kàjáa kérigèle naa n sɛ́bɛ koro ga pye yele í tága gi na, bi cán Zyezu wi nyɛ Kirisi, Kolocɔlɔɔ Jáaw, jàngó yele ga tága kánmi bee na, yele í sìi taa wi mɛ́ɛgi na.

Zyan 4:42

A be céw pye: «Ki ga níì pye mɔ jooli báriga ni wolo tága í. Níì cán wolo tiimaa n wɔ́ɔ baa lóʔo wi ma, níì gi cán woro wi tɔ̀nɔ́ nyɛ dulunyanw Syɔɔfɔlɔ.»

Zyan 5:40

Koro ní ki myɛ ní yele ga fɔ̀lɔ bi pan mii ma koro ga pye yele í sìíw taa í!

Kapyegèle 13:23

Wee bee yòdaʔaya ni si Kolocɔlɔɔ baa Zyezu yirige n kaan Isirayɛli ye ma n wi pye syɔɔfɔlɔ n yɛlɛ ní wi nyɔɔfaligi ní.

Kapyegèle 5:31

Kolocɔlɔɔ n wi kpɔ́ʔɔ, níì wi télege wiyɛɛ kàliige kɔ́lɔ ma, ní wɔ́ɔ̀ wi kpéʔele Fànʔafɔlɔ ní Syɔɔfɔlɔ, koro ga pye wi kanmaa kaan Isirayɛli ye ma be kàdoʔo wáa be kapeegèle ma ge kùsulugi si syɔɔ.

Wɔrɔmi ye 16:26

ní si baa li tɛ̀ɛn tɔ́ɔliw ni kanyaajoobèle syɛɛnsɛbɛrɛ báriga ni n yɛlɛ ní bàngwɔɔ Kolocɔlɔɔ kajooli ní, koro ga pye syɛɛnfeleyi myɛ í di lóʔo si fɔ̀lɔ́ tága,

Wɔrɔmi ye 2:7

Bele si be kòro ni kasingèle kpéʔele lè ní lòmaana ní, ní i nìjanri caa, n fàra sòololi, ní cénaa-sìnvɔnʔɔri na, bele bee má wi a sìibangwɔɔw kaan.

Wɔrɔmi ye 3:31

A gee bee jo lé wolo n Mowizi làlwaw sàa tágali báriga ni? Eʔe dɛ! Wolo i wi kpɔ́ʔɔgi wii.

Wɔrɔmi ye 6:6

Wolo n gi cán kánmee pi da séli n pye wolo ni lè, kánmi bee n kùu ní Kirisi ní tiiparigi na, koro ga pye wolo kanlɛɛmi kapeebyere fànʔa í kálagi, jàngó wolo a ní kɔ́ pye kapeebyeri púloro ni í.

1 Korɛnti ye 15:26

Nigoosanw wi a ba kálagi lè, woro wi nyɛ kùúw.

1 Korɛnti ye 4:5

Koro na yele a kɔ́ kútii kúun wàa na sáni lǎli í nan lè í, gee bee n jo sáni Kàfɔw í pan lè í, woro wi a ba yébilimi yárira myɛ yirige gbɛ̀ɛ́nmi na, si syɛ́ɛnbèle fúnyo sɔngurɔ tɛ̀ɛn kàfugi na. Lǎli bee ni syɛ́ɛnbèle myɛ nibin nibin a pe kpɔ́ʔɔri taa Kolocɔlɔɔ ma.

2 Korɛnti ye 5:4

Níì cán kányɛʔɛ na n wolo yaʔa vǒyi naa ni wolo i cɛ́ɛn, wolo túgori n líbe, gee bee ga jo wolo i caa bi yiri wolo céri ni àmɛɛ be burogo wòló lè í, kàjáa wolo i caa bi jée nyɛ̀ʔɛni cére ni, koro ga pye dee di kúu lè, sìíw í dee bee jɔ́ɔ.

Galasi ye 5:4

Yele ga ni sínni caa làlwaw báriga ni yele n wàli n láʔa Kirisi na. Yele n yeyɛɛ lɛɛli yirige Kolocɔlɔɔ kpɔ́ʔɔri ni.

Efɛzi ye 1:18

Wi wɔ́ɔ yele yaʔa yele í da nyaagi yele fúnyi ni, koro ga pye sɔ̀ngumi tɛɛtaʔaga kéele na wi yele yeri lè, yele í gee bee cán bi fàra wi kɔ́rigi nìjangbɔɔrɔ lɔnɛʔɛrɛ na, gi nyɛ lè wi syɛɛncanbèle,

Efɛzi ye 1:9

Wi n wi nyɛnɛ kéeli kalarala tɛ̀ɛn wolo na n yɛlɛ ní wi kínidɛnɛgi ní, àmɛɛ wi da gi kɔ̀rirɔ n tímana lè wiyɛɛ fúngi ni níì jo,

2 Tesaloniki ye 2:8

Lǎli bee ni Kapeegèle Syɔ́ɔn a wiyɛɛ dɛ̀ɛn, woro wee Zyezu a ba kpóo lè ní wi nyɔ́ɔgi káfalaga ní, si wi kálagi péw woro panni nìjanra darigala báriga ni.

2 Timɔte 1:1

Mii Pɔli, wi lè Kirisi Zyezu pìituɔn Kolocɔlɔɔ kínidɛnɛgi báriga ni, wi n mii tun koro ga pye mii í da sìíw nyɔɔfaliga syɛ́ɛnrɛ nyuu, sìíwee wi nyɛ Kirisi Zyezu ni lè.

2 Timɔte 1:8

Gee bee na mɔ a kɔ́ ra fɛ̀ɛrɛ taagi wolo Kàfɔw séera kpéʔelele kéele na í, mii kéeli ga wɔ́ɔ̀ yɛlɛ li pye mɔ na fɛ̀ɛrɛ í, mii wee wi nyɛ lè wi kàsolew. Kàjáa ki n yɛlɛ mɔ í da wɔʔɔ ní mii ní Syɛɛnjóocǎnri kéele na Kolocɔlɔɔ séew báriga ni.

2 Timɔte 4:1

Kirisi Zyezu wi a ba kútiiw kúun niweebèle ní kúbèle na lè wi làribanni ni, àmɛɛ wi a ba wiyɛɛ dɛ̀ɛn si wi fǎngi télege lè, mii a gi joo gbàn mɔ ma woro ní Kolocɔlɔɔ nyɛ́nɛ na si jo,

2 Timɔte 4:8

Nlaʔa tɔ́ɔliw naa na, Kàfɔw wi lè kútiisinw kúunfɔlɔ, wi n kpɔ́ʔɔri nyùndɔnnɔ tɛ́ʔɛ yaà mii yɛ́ʔɛ na, sínni wólo, lee wi a ba kaan mii ma lè cángi bee na. Mii nibin si má ban wi a li kaan í, bele myɛ be wi làridɛ̀ɛ́nni sige lè ní fundaanra ní, wi a wɔ́ɔ kèle kaan bele bee ma.

Tiiti 2:11

Kolocɔlɔɔ n wi kpɔ́ʔɔri tɛ̀ɛn jàngó syɛ́ɛnbèle myɛ í syɔɔli taa.

Tiiti 2:13

àmɛɛ wolo wo sɔ̀ngumi tɛɛtaʔajanga sige lè, gi lè Zyezu Kirisi lúrubanni àmɛɛ wi a ba wiyɛɛ dɛ̀ɛn lè wi nìjangbɔɔri ni, woro wee wi lè Kolocɔlɔɔ Wogbɔɔw ní wolo Syɔɔfɔw.

Tiiti 3:4

Kàjáa lǎli ni wolo Syɔɔfɔw Kolocɔlɔɔ baa wi funjǎngi ní wi tàmagi tɛ̀ɛn syɛ́ɛnbèle na lè,

Heburubèle 10:32

Ki si n yɛlɛ yele í da sɔ̀ngí da taagi booma cányi na, àmɛɛ yele da gbɛ̀ɛ́nmi taa lè, á wɔʔɔgbɔɔli fala n too yele na lè, á yele li kpàraco,

2 Pyɛri 1:1

Mii Siimɔn Pyɛri wi lè Zyezu Kirisi púlo, ní wɔ́ɔ i nyɛ wi pìituɔn, mii a sɛ́bɛw naa tórigo yele ma, yele bele ye tágali taa Zyezu Kirisi sínni báriga ni lè, wi lè wolo Kolocɔlɔw ní wolo Syɔɔfɔw, tágali bee n nyɔɔ n sɔ̀lɔ yáriri myɛ na, loro wonijanni li wɔ́ɔ̄ nyɛ wolo ma.

2 Pyɛri 1:11

Kánmi bee na Kolocɔlɔɔ a kólogi sámaga múgu yele ma yele í jée Zyezu Kirisi kwɔ́ɔmɔ fun fangi ni, wi lè wolo Kàfɔw ní wolo Syɔɔfɔw.

2 Pyɛri 1:3

Wi Kolocɔlɔmi séekpɔɔɔ n wolo kaan a wolo wi cán, á koro wolo kaan a wolo sìíw kèlē myɛ, ní Kolocɔlɔɔ yɛ́ɛgi fyáara woʔolo myɛ taa, woro wee wi wolo yeri lè wi tiimaa nìjangbɔɔri, ní wi nyɔɔ-mí-foroli báriga ni.

2 Pyɛri 2:20

Bele be Zyezu Kirisi sámaga n cán lè, wi lè Kàfɔw ní Syɔɔfɔw, níì taa n syɔɔ dulunyanw nɔ́nʔɔrɔ ma cánni bee báriga ni lè, kapye nɔ́nʔɔri bee n níì fànʔa taa be na n be cò n yérige kavɔn, gee bee kàdoʔo a náa ba pee bi sɔ̀lɔ wozeligi na bele bee ma.

2 Pyɛri 3:18

Kàjáa ki n yɛlɛ ye gi yaʔa kàa í da taari yele na kpɔ́ʔɔri ni, ní Zyezu Kirisi cánni ni, wi lè wolo Kàfɔw ní wolo Syɔɔfɔw. Woro na nìjangbɔɔri yɛlɛ tɔ́ɔliw ni, ní làrigèle myɛ ni bi taa kwɔ́ɔmɔ fun cángi í ba nan!

2 Pyɛri 3:2

Syɛ́ɛnree kanyaajoocǎnbèle da téè joo lè, ní tundunree Kàfɔw da kaan pìitunbèle ma a be di joo yele ma lè, wi lè Syɔɔfɔw, mii i caa yele í da sɔ̀ngí da taagi di na.

1 Zyan 1:2

sìíw bee si maa baa wiyɛɛ dɛ̀ɛn, a wolo wi nyaa, koro na wolo wi séeraw kpéʔele ní i wi kéeli nyuu yele ma wi lè bàngwɔɔw wóo, woro wee wi da pye yaà lè ní Tofɔw ní, ní baa wiyɛɛ dɛ̀ɛn wolo na,

1 Zyan 4:14

Wolo tiimaa n gi nyaa ní wɔ́ɔ̀ gi séeraw kpéʔele níì jo Tofɔw maa Jaafɔw tórigo naa wi ba pye dulunyanw Syɔɔfɔlɔ.

Tɛ̀ɛnnɛ 18:1

Gee bee kàdoʔo ma, a mii nyɛ̀ʔɛni tundunwaa nikwɔɔ nyaa a wi yiri nyɛ̀ʔɛni ni ni tíri, wi séew maa kpɔ́ʔɔ. A tári myɛ kàri gbɛ̀ɛnmɛ wi nìjanri darigala báriga ni.

Tɛ̀ɛnnɛ 2:7

Dee Pìicǎnni nyuu Egilizibèle ma lè, líiweele ga pye wee na lè, wi líiyi cáan waa di lúro, Wee wi ga fànʔa taa lè, mii a wee bee kaan wi lìi sìíw tíige yasanra na ki lè Kolocɔlɔɔ tɛɛcǎngi ni.›

Tɛ̀ɛnnɛ 20:14

níì fala n kùúw ní kúbèle tɛɛkòrogo wáa naakpɔɔgi ni. Naakpɔɔgi bee gi nyɛ kùu siin wów.

Tɛ̀ɛnnɛ 22:14

Bele be be fànibèle jée lè koro ga pye poro í lɛɛlɛ taa sìíw tíige ni, si wɔ́ɔ gbǎn jée kěgi kpàánweegéle ni lè, bele bee i nyɛ dùba pìibēle!

Tɛ̀ɛnnɛ 22:17

Pìicǎnni ní cefɔnw i gi nyuu níì jo: «Da maa!» Bele be di lúro lè, ki n yɛlɛ paa gi nyuu si jo: «Da maa!» Lògbaʔa ga wee jáa lè, ki n yɛlɛ waa maa. Wee wi ga ni sìíw lɔ́ʔɔ caa lè, wi a gi taa kawaʔa na!