2 Timɔte 1:1 - Cebaara Bible 2010

¹ Mii Pɔli, wi lè Kirisi Zyezu pìituɔn Kolocɔlɔɔ kínidɛnɛgi báriga ni, wi n mii tun koro ga pye mii í da sìíw nyɔɔfaliga syɛ́ɛnrɛ nyuu, sìíwee wi nyɛ Kirisi Zyezu ni lè.

2 Timɔte 1:1 Iomraidhean Croise

Zyan 10:28

Mii n sìibangwɔɔw kaan be ma. Pe a tée kùu bi nyaa í. Syɔɔn faala a gbǎn be kíle yirige mii kɔ́gi ni í.

Zyan 17:3

Pe ga mɔ cán ncan mɔ nibin wi nyɛ Kolocɔlɔw wodeleo, ní wɔ́ɔ̀ mɔ Tundunw cán wi lè Zyezu Kirisi, koro gi nyɛ be ma sìibangwɔɔw.

Zyan 5:24

Mii si a tɔ̀nɔ́ gi joo yele ma kányɛʔɛ ni, syɔ́ɔnwee faala wi ga ni mii syɛ́ɛnri lúro lè níì tága mii Tunvɔw na, sìibangwɔɔw i nyɛ wee bee ma, wi tɔlɔgɔ a ní pye kútiiw ni í, ncan wi n yiri kùúw ni n kwɔ́ɔ n jée sìíw ni.

Zyan 6:40

Gee gi nyɛ lè mii Tóow nyɛ́nɛ kéele, koro gi nyɛ syɔ́ɔnwee faala ga Jaafɔw nyaa lè níì tága wi na, wee bee í sìibangwɔɔw taa. Mii si a ba wee bee nyán yirige dulunyanw cângwɔʔɔ canʔa na.»

Zyan 6:54

Wee wi ga ni mii céri káa lè ní i mii sìsyaanw gbo, sìibangwɔɔw i nyɛ wee bee ma, mii a tɔ̀nɔ́ ba wee bee nyán yirige dulunyanw cângwɔʔɔ canʔa na.

Wɔrɔmi ye 1:1

Mii Pɔli, wi lè Kirisi Zyezu púlo, Kolocɔlɔɔ n mii yeri mii í pye woro pìituɔn àmɛɛ wi mii nyɛ́nɛ n wòlo lè mii í da woro Syɛɛnjóocǎnri nyuu.

Wɔrɔmi ye 5:21

koro ga pye àmɛɛ kapeebyeri fànʔa taa lè kùúw báriga ni, Kolocɔlɔɔ kpɔ́ʔɔri í wɔ́ɔ ra fànʔa taagi sínni báriga ni bàā sìibangwɔɔw kaangi syɛ́ɛnbèle ma wolo Kàfɔw Zyezu Kirisi bárigaw ni.

Wɔrɔmi ye 6:23

Níì cán kapeebyeri sàra wi nyɛ kùúw, kàjáa kpɔ́ʔɔri Kolocɔlɔɔ kaan wolo ma lè, toro di nyɛ sìibangwɔɔw wolo Kàfɔw Zyezu Kirisi bárigaw ni.

1 Korɛnti ye 1:1

Mii Pɔli Kolocɔlɔɔ yeri lè mii í pye Kirisi Zyezu pìituɔn n yɛlɛ ní woro nyɛ́nɛ kéeli ní, mii ní Sɔsitɛni ní, wi lè wolo senyɛnw,

2 Korɛnti ye 1:1

Mii Pɔli, wi lè Kirisi Zyezu pìitunwaa n yɛlɛ ní Kolocɔlɔɔ kínidɛnɛgi ní, mii ní wolo senyɛnw Timɔte ní, wolo a sɛ́bɛw naa tórigo Kolocɔlɔɔ Egiliziw ma wi lè Korɛnti ni, n fàra Kolocɔlɔɔ syɛɛncanbèle myɛ na be nyɛ lè Akayi tári myɛ ni.

2 Korɛnti ye 1:20

Níì cán Kolocɔlɔɔ nyɔɔfaliyi myɛ i nyɛ ɛɛn Zyezu ni. Gee bee na wolo gi nyuu Amiina woro bárigaw ni jàngó bi kpɔʔɔrɔ taʔa Kolocɔlɔɔ na.

Galasi ye 3:26

Níì cán àmɛɛ yele tága Kirisi Zyezu na lè, yele myɛ i nyɛ Kolocɔlɔɔ jàala tágali báriga ni.

Galasi ye 3:28

Wàa ní o nyɛ Zyefuo, wàa si i nyɛ syɛɛnfelegaa í, wàlá puloo, wàa si i nyɛ wɔ́rɔɔ í, wàlá nàɔn, wàa si i nyɛ cɔlɔɔ í, níì cán yele myɛ i nyɛ nibin Kirisi Zyezu ni.

Efɛzi ye 3:6

kalarali bee li nyɛ ncan syɛɛnfeleyi wozanya n baa pye Zyefubèle kɔriliinyɛ̀nnɛ, níì cenijanra taa, ní wɔ́ɔ̀ pye be pínɛnyɛ̀nnɛ Kolocɔlɔɔ nyɔɔfaligi ni, gee gi taa lè Kirisi Zyezu ni Syɛɛnjóocǎnri báriga ni.

1 Timɔte 6:19

koro ga pye pe a lɔnɛʔɛrɛ kɔn peyɛɛ ma nyɛ̀ʔɛna yɛ́ʔɛ na, dee bee a pye be ma kàpɔɔncàɔn, koro ga pye sìíwee wi nyɛ lè wodelew, pé wee bee sámaga be cò.

2 Timɔte 1:10

Syɛ́ɛnbèle n baa kpɔ́ʔɔri bee nyaa tɔ́ɔliw ni àmɛɛ wolo Syɔɔfɔw Kirisi Zyezu baa wiyɛɛ dɛ̀ɛn lè, woro wee wi kùúw kwɔ́ɔ lè, níì sìíw, ní sìnvɔnʔɔmi yirige gbɛ̀ɛ́nmi na Syɛɛnjóocǎnri báriga ni.

2 Timɔte 1:13

Syɛɛncanri mɔ lóʔo mii ma lè, mi miyɛɛ gaan di ma, tágali, ní tàmagi ni, dee wo taagi lè Kirisi Zyezu ni.

2 Timɔte 1:9

Woro wi wolo syɔɔ níì wolo yeri jàngó wolo í pye woro syɛɛncanbéle, wolo kapyegèle kéele si na ban wi wolo syɔɔ í, fwɔɔ woro tiimaa kakɔrirɔli, ní wi kpɔ́ʔɔri kéele na, dee wi da kaan wolo ma lè Kirisi Zyezu ni sáni dulunyanw í séli lè.

2 Timɔte 2:1

Gee bee na, ni pyà, ki n yɛlɛ mi nìrimɛ le kpɔ́ʔɔri báriga ni, dee wo taa Kirisi Zyezu ni lè.

2 Timɔte 2:10

Koro na mii i kérigèle myɛ kpàracó Kolocɔlɔɔ syɛɛnnyɛnɛ-wòlobèle kéele na, koro ga pye poro í wɔ́ɔ syɔɔli taa, n fàra bàngwɔɔ nìjanri na, dee Kirisi Zyezu kaangi lè.

2 Timɔte 2:3

Pínɛ maa wɔʔɔ ní mii ní àmɛɛ Kirisi Zyezu kapɛɛnkpumɔnjàɔn nyɛ lè.

2 Timɔte 3:15

Nlaa mɔ piimi làla ni mɔ n syɛɛnsɛbɛcǎnri cán. Toro ti a gbǎn sícilimɛ kaan mɔ ma syɔɔli kéele na àmɛɛ mɔ tága lè Kirisi Zyezu na.

Tiiti 1:2

jàngó sìibangwɔɔw sɔ̀ngurɔ tɛɛtaʔaga í pye be ma, Kolocɔlɔɔ wi lè wi o finɛ nyáana í, wi maa sìíw bee nyɔ́ɔ fàli sáni làrigèle í séli lè.

Tiiti 1:4

Mii a sɛ́bɛw naa tórigo mɔ ma, Tiiti, mɔ wi lè mii pìiseew tágali ni li nyɛ wo myɛ siinw ma lè, ki n yɛlɛ Tofɔw Kolocɔlɔɔ ní wolo Syɔɔfɔw Kirisi Zyezu í kpɔ́ʔɔri ní fûnnyingi kaan mɔ ma!

Heburubèle 9:15

Koro na wi nyɛ joogaanvɔnni kùsuluzuluo àmɛɛ wi baa kùu lè syɛ́ɛnbèle kakolobyere kéele na, bele pe da pye lè joogaanlɛɛli làla wòolo, kánmi bee na wi gbàn n bàngwɔɔ kɔ́rigi kaan Kolocɔlɔɔ syɛɛn-yeribèle ma pe gi lìi bi yɛlɛ ní wi nyɔɔfaligi ní.

1 Zyan 2:25

Yárigee nyɔ́ɔ Kirisi fàli wolo ma lè, koro gi nyɛ sìibangwɔɔw.