1 Samyɛli 8:3 - Cebaara Bible 2010

³ Kàjáa wi jáabèle da ni táanri wi tánʔaganmi na í, pe maa peyɛɛ daʔa yataari na, ní i námara kpɔ́ʔɔri syoo, ní i kútiiw kálagi.

1 Samyɛli 8:3 Iomraidhean Croise

2 Samyɛli 15:4

Abisalɔmi i gáà gi joo si jo: «Wìí syɔ́ɔn wi a taa mii télege kútiijooo tári ni dɛ? Ki a dée pye kútii kéele wàlá kanyaʔamiga ga pye wàa ma, gee gi yɛlɛ be cɔɔnri lè, á wi pan mii ma, mii a dee ba wi kéeli cɔɔnri kányɛɛgi na.»

Ŋúnuyi 15:5

Wi o wi wáliw fwɔ́ɔlɔ nii syɔɔn na tɔ̀nɔ kánma na í, wi o wáli syoo ní i sɔ́ɔn kolomɔ funvɔlɔ na í. Syɔ́ɔnwee wi táanri kánmi bee na lè, yafyɛn a tée gbǎn wi cúngo í.

Ŋúnuyi 26:10

Poro bele kɔ́yɔ ni péemi nyɛ lè, pe kàliige kɔ́yi n nyìn lɔ́ri na, dee ní be syɛ́ɛnbèle nyúnyo kàragí lè.

Yirile 18:21

Nǎnbèle pèle cɔɔnri syɛ́ɛnmi myɛ ni be pye báriga syɛ̀ɛnnɛ, pé wɔ́ɔ ra fɛ̀ɛgí Kolocɔlɔɔ na, si pye nǎnbèle pèle, bele be tan kányɛɛgi na lè, pe si o tɔ̀nɔpeeo caa í. Mi bele bee télege be pye kùndigibéle. Poro pèle a pye syɛ̀ɛnnɛ saala kagunɔ kagunɔ kùndigibéle, pèle si pye dabata-daa kùndigibéle, pèle si pye togoye siin-ziin ní kpɔrigɔ kpɔrigɔ kùndigibéle, pèle si pye kɛɛ-gɛɛ kùndigibéle.

Yirile 23:6

Mɔ a kɔ́ tànʔa syɔɔ fɔ̀ngɔ fɔ́lɔ ma wi kútii joolo ni í, ki ga yɛlɛ mɔ í ba wi kútiiw kálagi í.

Yirile 23:8

Mɔ a kɔ́ ra námara kpɔ́ʔɔrɔ syoo í, níì cán námara kpɔ́ʔɔri i kanyaabèle kàragí fúunbéle. Ti i syɛɛnsinbèle syɛ́ɛnrɛ fɛ̀ɛ́.

Syɛɛnjóow 2:19

Wìí wi gi cán kapye wi a ba pye sícilio wàlá nilabalaɔ? Bi gi taa woro wi a ba pye fáliw myɛ nyúngo na, wee na mii fɔ̀rɔ lè tári na n wi pye ní sícilimɛ ní! Koro wɔ́ɔ i nyɛ gbanzan.

Ezayi 1:23

Mɔ kundigibèle i nyɛ niceebéle, ní kàyuubēle pínɛnyɛ̀nnɛ, námara kpɔ́ʔɔri kéele n pe myɛ dɛ́nɛ, a be i fé tɔ̀nɔw kurugo. Pe o tànʔa kaangi círio ma í, pe o nyɔɔ cáan lɔgucaa kútii kéele ni í.

Ezayi 33:15

Wee wi táanri sínni ni lè, ní i nyuu ni yɛlɛgi ní kányɛɛgi ní, wee wi tɔ̀nɔpeew taala cée lè, wee wi námara kpɔ́ʔɔri cèʔé lè, wee wi wi líiweegèle tɔ́n lè, koro ga pye woro a kɔ́ syɛɛnkpooro syɛ́ɛnrɛ lóʔo í, níì wi nyapiigèle pwɔɔ n tɔ́n lè, koro ga pye woro a kɔ́ kapeʔe nyaa í,

Misye 3:11

Wi kùndigibèle i kútiiw nyuu námara kpɔ́ʔɔri kéele na wi sáriga-wòlobèle i syɛ́ɛnbèle tama sàra na, wi kanyaajoobèle i kérigèle nyuu ni yaari wáli na. A be si peyɛɛ zígi Yawe na ní i gi nyuu níì jo: «Yawe o nyɛ wolo níngi ni ì? Wɔʔɔgi a nan wolo na í.»

Làlwaw Kaanziin 16:19

Mɔ a kɔ́ kútiiw kálagi í, mɔ a kɔ́ syɔɔnwaa yirige wàa ni í. Mɔ a kɔ́ ra námara kpɔ́ʔɔrɔ syoo í, níì cán námara kpɔ́ʔɔri syɔɔlɔ i sícilibèle kàragí fúunbéle, ti i syɛɛnsinbèle syɛ́ɛnrɛ fɛ̀ɛ́.

1 Timɔte 3:3

ki ga yɛlɛ wi wiyɛɛ gaan sínmi ma í, wi a kɔ́ pye syɛɛntanʔaɔ í, fwɔɔ wi pye fûnnyingefɔlɔ, wi a kɔ́ pye kàsiikuuɔn í, wi si a wɔ́ɔ kɔ́ wiyɛɛ daʔa wáliw na í.

1 Timɔte 6:10

Níì cán wáliw tàmaga gi nyɛ kapeegèle myɛ nìnre, á pèle si kòro wi caali na, níì pùuni n léeli tágali na, níì kayaaya saʔa tɛ́ʔɛ n peyɛɛ fúnyi kálagi.

1 Samyɛli 12:2

Tɔ́ɔliw ni fànʔafɔw wi a ra kínigi yele yɛ́ɛgi na lè woro wi wee naa. Mii na, mii n lɛɛ n bàra n kwɔ́ɔ. Mii jáabèle si be bele ní yele ní. Mii n kíni yele yɛ́ɛgi na nlaa yaà mii cárimi làla ni fwɔɔ n baa nan níjanʔa na.

1 Samyɛli 2:35

Mii a sáriga-wòlowaa télege niyɛɛ wóo, wi a pye tágala syɔ́ɔn, wee wi a ra kérigèle kpéʔele lè mii fúngo, bi yɛlɛ ní mii fúngi sɔ̀ngumɔ ní. Mii a kpaʔa faan wi ma, gee gi lè ki a too bi nyaa í. Wi a ra báara mii wonyɛnɛ-wòlow yɛ́ʔɛ ma làla o làla.