1 Samyɛli 7:9 - Cebaara Bible 2010

⁹ A Samyɛli bàpiige cò n pye sáriga-sórigoo, ki myɛw, Yawe ma. A wi yákpoli wáa Yawe kurugo Isirayɛli ye kéeli na, a Yawe lóʔo wi ma.

1 Samyɛli 7:9 Iomraidhean Croise

Ŋúnuyi 50:15

Ki n yɛlɛ mi mii mɛ́ɛgi yeri wɔʔɔgi canʔa na, mii a mɔ syɔɔ mɔ sáā mii kpɔ̀ʔɔrɔ́.»

Ŋúnuyi 99:6

Mowizi ní Aarɔn be pye lè wi sáriga-wòlobèle pèle, ní Samyɛli wi pye lè ní wi mɛ́ɛyeribèle ní, pe maa ni Yawe mɛ́ɛgi yiri, a wi i lúro be ma.

Zyeremii 15:1

Yawe n mii pye: «Alí Mowizi, ní Samyɛli ga baa yére mii yɛ́ʔɛ ma, mii fúngi a tée pye ní syɛ́ɛnbèle naa ní í. Pe nɛnɛ mi núngo mii yɛ́ʔɛ ma, mi tórigo léelige, ki n yɛlɛ paa syée!

Levii ye sáriga-wòlori 22:27

«Pe ga náapiige, wàlá bàpiige wàlá kapiige see, ki n yɛlɛ bi canya kɔrɔsiin kwɔ́ɔ ki nɔ́ɔw taana. Bi séli canya kɔrɔtaanri wógi na bàā syée yaà, pe a gbǎn fɔ̀lɔ gi na gi pye yakanʔa gee náagi sórogi ni kwóo Yawe ma lè.

Làlwaw Kaanziin 9:26

A mii Yawe nyɛ́ɛri níì jo: ‹Kàfɔw Yawe, mɔ a kɔ́ mɔ syɛ́ɛnbèle kálagi í, pe lè mɔ kɔ́rigi, poro bele mɔ syɔɔ lè mɔ kpɔʔɔgbɔɔri báriga ni, n be yirige Ezyipiti ni sée kɔ́lɔ báriga ní.

Zyaki 5:16

Gee bee na gi yɛlɛ yaa yèré yele kapeegèle ni, yáā ge nyuu yaa tèé yeyɛɛ na, yáā nyɛ́ɛri yeyɛɛ kéeli na, koro ga pye yele si pɔʔɔ. Syɔ́ɔnwee wi nyɛ lè syɛɛnsiɔn, wee bee nyɛ́ɛrigɛ tɔ̀nɔ́ i nyɛ ní báriga ní, fànʔa i nyɛ gi ni bi gbǎn kakpoloyo kpéʔele.

Jàbɔbèle 6:26

Mí sáriga-wòlo-yafanʔa faan Yawe mɔ Kolocɔlɔw ma ki faanganmi na tɛɛnirigi bee ǹjoʔo ni, mí náape-siin wóli cò mi pye sáriga sórigoo. Asyera tiikórigi mɔ a ceri cáan lè koro si pye sárigaw sórigolo kajere.»

Jàbɔbèle 6:28

Lǎli ni kěgi syɛ̀ɛnnɛ sɔ̀li n yìri nyǐngi nyɔ́ɔ na lè, a be wéle n Baali sáriga-wòlo-yafaangi nyaa woŋɔrigɔ-jánʔa ní, Asyera tiikórigi gi pye gi taana lè, á koro pye wojerige ní, níì gi nyaa a be náape-siin wóli wòlo sáriga-sórigoo sáriga-wòlo-yafaangi na be faan lè.

1 Samyɛli 10:8

Koro kàdoʔo ma mɔ a tìgi Giiligali ma mii yɛ́ʔɛ na. Mii a kɔ́ tìgi yaà mɔ kurugo bi sa sáriga-sórigoo, ní pínɛnyɛnnɛgɛ sáriga wòlo. Mɔ a sa sige canya kɔrɔsiin bi taa mii í nan yaà mɔ na bi sa gi tɛ̀ɛn mɔ na, gee mɔ yɛlɛ bi kpéʔele lè.»

1 Samyɛli 12:17

Bilew làrilaala ban li nyɛ lee naa ì? Mii a Yawe nyɛ́ɛri wi nyɛ̀ʔɛni yaʔa laa tìngí, si zàʔá cáan. Lǎli bee ni yele a gi cán àmɛɛ yele fànʔafɔlɔ nyɛ́ɛri yeyɛɛ ma lè kapeekpɔʔɔ yele kpéʔele Yawe nyɛ́nɛ na.»

1 Samyɛli 16:2

A Samyɛli jo: «Kanmìí na mii a kári bi sɛ́ɛ? Sawuli a gi lóʔo si mii kpóo.» A Yawe jo: «Mɔ a kári ní náapyaʔa ní, si sa jo: ‹Mii n pan ba sáriga wòlo Yawe ma.›

1 Samyɛli 2:35

Mii a sáriga-wòlowaa télege niyɛɛ wóo, wi a pye tágala syɔ́ɔn, wee wi a ra kérigèle kpéʔele lè mii fúngo, bi yɛlɛ ní mii fúngi sɔ̀ngumɔ ní. Mii a kpaʔa faan wi ma, gee gi lè ki a too bi nyaa í. Wi a ra báara mii wonyɛnɛ-wòlow yɛ́ʔɛ ma làla o làla.

1 Samyɛli 7:17

Koro kàdoʔo ma wi n lúru n pan Arama ma, beè wi kpáagi da pye lè, wi si i Isirayɛli ye kútiiw nyuu yaà. A wi sáriga-wòlo-yafanʔa faan Yawe ma yaà beè.

1 Samyɛli 9:12

A pe be yari: «Ɛɛn, woro wi wee mɔ yɛ́ʔɛ ma. Kàjáa da syée kelekele tɔ́ɔliw ni, níì cán gee na wi pan lè kěgi ma níjanʔa, koro gi nyɛ sáriga-wòloro di yaà syɛ́ɛnbèle ma sáriga-wòlo-tɛ́ɛgi ni.