1 Samyɛli 7:5 - Cebaara Bible 2010

⁵ A Samyɛli jo: «Ye Isirayɛli ye myɛ kpóʔoro Misipa ma, mii a Yawe nyɛ́ɛri yele kéeli na.»

1 Samyɛli 7:5 Iomraidhean Croise

Sélimɛ 20:7

Tɔ́ɔliw ni ki n yɛlɛ mi nǎnw bee cɔ́ɔ lúrugo mi kaan wi ma. Kanyaajooo wi nyɛ wi nǎnw. Wi a Kolocɔlɔɔ nyɛ́ɛri mɔ kéeli na, mɔ a kùu í. Kàjáa mɔ ga pye mɔ ga wi lúrugo n kaan wi ma í, ki n yɛlɛ mi gi cán mɔ ní mɔ kpáagi wòolo myɛ a kùu.»

Sélimɛ 31:49

Ní wɔ́ɔ i gi yiri Misipa. Níì cán Laban maa níì jo: «Ki n yɛlɛ Yawe í pye kɔ̀rɔsiifɔlɔ mii ní mɔ níngi ni lǎli ni wolo ga wàli n láʔa woyɛɛ na lè.

2 Fànʔafɔbèle 25:23

Lǎli ni kabiyi kùndigibéle myɛ gi lóʔo lè n fàra be nǎnbèle na ncan Babilɔni fànʔafɔw n Gedaliya télege syɛ́ɛnbèle nyúngo na, a be kári Gedaliya ma Misipa ma, poro be nyɛ: Isimayɛli wi lè Netanya jáaw, ní Yohanan wi lè Kareya jáaw, ní Seraya wi lè Tanhumɛti jáaw, Tanhumɛti wi lè Netofa ye wów, n fàra Yaazanyahu na wi lè Maaka ye wów. Pe maa kári ní be nǎnbèle ní.

Nehemii 9:1

Yégi bee wonijanga ni, ki canya toko ní sicɛrɛ wógi na, a Isirayɛli ye gɔ̀nvaʔaya le buroyo, níì támiigi wo peyɛɛ na, níì kpóʔoro sún lele kéele na.

Zyeremii 40:6

A Zyeremii kári Gedaliya ma, wi lè Ahikami jáaw, Misipa ma, ní sáà kòro ní wi ní syɛ́ɛnbèle nínge ni pe da kòro tári ni lè.

Oze sɛ́bɛw 5:1

«Yele sáriga-wòlobèle, ye gee naa lóʔo! Isirayɛli kpáagi wòolo, ye sámaga ye lóʔo! Fànʔafɔw kpáʔa wòolo, ye líiyi cáan! Níì cán yele má kútiiw nyuu ni wáa, ncan yele n pye karinyanga Misipa ni, ní cɔ̀ɔ, wee be cáan Tabɔɔri nyanbelegi na lè.

Zyowɛli 2:16

Ye syɛ́ɛnbèle kpóʔoro, ye kpóʔorojànna kpéʔele! Ye wolɛɛbèle kpóʔoro, ye pìíbèle kpóʔoro, àlí pìíbèle be ŋɔri lè! Cefɔnw fɔ́lɔ n yɛlɛ bi yiri wi kpaafungi ni, cefɔnw í yiri wi tɛɛ̀sinɛgi ni!

Zyozuwe 15:38

ní Dileyan, ní Misipe, ní Yokiteyɛli,

Zyozuwe 18:26

ní Misipe, ní Kefiira, ní Mosa,

Jàbɔbèle 10:17

A Amɔn ye peyɛɛ gbóʔoro n baa tɛ́ɛn kapɛɛnni kánma na Galaadi ni, á Isirayɛli ye peyɛɛ gbóʔoro kapɛɛnni kánma na Misipa ni.

Jàbɔbèle 20:1

A Isirayɛli ye myɛw peyɛɛ gbóʔoro n pye àmɛɛ nàɔn nibin nyɛ lè Yawe yɛ́ʔɛ ma Misipa ni. Pe maa yìri yaà n séli Dan na fwɔɔ n sáà nan Bɛɛri-Syeba na n fàra Galaadi tári na.

1 Samyɛli 10:17

A Samyɛli Isirayɛli syɛ́ɛnbèle yeri n kpóʔoro Yawe yɛ́ʔɛ ma Misipa ma,

1 Samyɛli 12:17

Bilew làrilaala ban li nyɛ lee naa ì? Mii a Yawe nyɛ́ɛri wi nyɛ̀ʔɛni yaʔa laa tìngí, si zàʔá cáan. Lǎli bee ni yele a gi cán àmɛɛ yele fànʔafɔlɔ nyɛ́ɛri yeyɛɛ ma lè kapeekpɔʔɔ yele kpéʔele Yawe nyɛ́nɛ na.»

1 Samyɛli 12:23

Bi láʔa mii a kɔ́ ra nyɛ́ɛri yele kéeli na í, gee bee a pye kapeele mii kpéʔele Yawe na. Ki n yɛlɛ sɔ̀nguri bee í léeli mii na. Kólogee gi nyɔɔ lè níì sín, koro na mii a ra yele tama.

1 Samyɛli 7:12

A Samyɛli kàdɛnɛgɛ láa n tɛ́ʔɛ Misipa, ní Syeni níngi ni, níì gi mɛ́ɛgi le ni gi yiri Ebɛn-Ezɛɛri níì jo: «Yawe n wolo dɛ̀ɛmɛ fwɔɔ n baa nan nɛɛ naa.»

1 Samyɛli 7:16

Yɛɛlɛ o yɛɛlɛ wi maa ni sɔ̀lɔ́ ni máari Betɛli, ní Giiligali, ní Misipa níngi ni ni Isirayɛli ye kútiiw nyuu tɛ́ɛyi bee myɛ ni.

1 Samyɛli 7:4

A Isirayɛli ye Baalibèle ní Asitaritebèle yirige peyɛɛ níngi ni, ní i báara Yawe nibin ma.

1 Samyɛli 8:6

Amɛɛ pe da joo lè: «Fànʔafɔlɔ kaan wolo ma woro í da wolo kútiiw nyuu,» koro maa Samyɛli bɛɛn. A wi nyɛ́ɛri Yawe ma.