1 Samyɛli 7:3 - Cebaara Bible 2010

³ Lǎli bee ni a Samyɛli Isirayɛli kpáagi wòolo myɛ pye: «Kapye yele fúnyi myɛ ní yele lúru n pan Yawe ma, ki n yɛlɛ ye kolocɔlɔ-nibɔnbèle yirige yeyɛɛ níngi ni n fàra Asitaritebèle na, yé yele fúnyi kàriga Yawe ma yaa báara woro nibin ma. Lǎli bee ni wi a yele yirige Filisitini ye kɔ́yi ni.»

1 Samyɛli 7:3 Iomraidhean Croise

Sélimɛ 35:2

A Zyakɔbi gi joo wi kpáagi wòolo ma n fàra bele myɛ na pe da pye ní wi ní lè níì jo: «Ye kolocɔlɔɔ-nibɔnbèle yirige yeyɛɛ níngi ni, ye yeyɛɛ jée ye mùnu, yé yele búroyi fàli.

1 Fànʔafɔbèle 11:33

Koro a kpéʔele àmɛɛ pe mii yaʔa lè ní i tíri ni tuun Asitarite yɛ́ʔɛ ma ki lè Siidɔn ye yasungi, ní Kemɔsyi yɛ́ʔɛ ma ki lè Mowabi kolocɔlɔw ní Milikɔmi yɛ́ʔɛ ma, ki lè Amɔn ye kolocɔlɔw, ní àmɛɛ gi nyɛ lè pe ga tánʔa n yɛlɛ ní mii kólogi kèlē ní í jàngó bàā gi kpéʔele gee gi sín mii yɛ́ʔɛ ma lè í, níì mii làlwaw kèlē ní mii kajoodɛɛngèle cò n yɛlɛ ní gi ní àmɛɛ Salomɔn tóow Davidi da ni gi kpéʔele lè í.

1 Fànʔafɔbèle 8:48

níì kàri mɔ ma ní be zɔ̌nbèle myɛ, ní be fúnyi myɛ ní, n be yaʔa be nigoobèle tára ni, dee má pe be cò n kári lè pulobèlē, pe ga nyɛ́ɛri mɔ ma níì yɛ́ɛyi wáa tári ma, dee mɔ kaan be toolɛɛbèle ma lè, ní kěgi ma, gee mɔ nyɛ́nɛ n wòlo lè, ní kpáagi ma, gee mii faan mɔ mɛ́ɛgi na lè,

2 Fànʔafɔbèle 17:39

Fwɔɔ yaa mii Yawe yele Kolocɔlɔw kpɔ́ʔɔgi, mii a yele yirige yele nigoobèle myɛ kɔ́yɔ ni.»

2 Fànʔafɔbèle 23:15

Sáriga-wòlo-yafaangee ki da pye Betɛli ni lè, a Zyozyasi wɔ́ɔ̀ gee bee jaa n fàra sáriga-wòlo-tɛ́ɛgi na Nɛbati jáaw Zyerobowami da sámaga lè, woro wee wi da Isirayɛli ye kɔ́ri n wáa kapeebyeri na lè, a wi sáriga-wòlo-tɛ́ɛgi bee sórigo níì gi tuugo n pye míige, ní wɔ́ɔ̀ Asyera tiikórigi sórigo.

1 Cányi kèlē 22:19

Lǎli naa ni ye yele zɔ̌nbèle, ní yele fúnyi yaʔa Yawe yele Kolocɔlɔw caala na. Ye yìri ye Yawe Kolocɔlɔɔ tɛɛcǎngi faan, koro ga pye yele í pan ni Yawe joogaanni kásu ní, n fàra yáriri na di yaʔa kɔlɔ̀ na Kolocɔlɔɔ ma lè bi ba lége kpáagi ni, gee ki a faan Yawe mɛ́ɛgi na lè.»

1 Cányi kèlē 28:9

Salomɔn, mɔ wi lè mii jáaw, ki n yɛlɛ mi Kolocɔlɔɔ cán, wi lè mɔ tóow wóo, maa báara wi ma ní fungo nibin ní, ní kínidɛnɛgɛ ní, níì cán Yawe i fúnyi myɛ, ní yi katimanagèle myɛ cɛɛlɛ ni cángi. Mɔ ga ni wi caa, wi a gi yaʔa mɔ í woro nyaa, mɔ si ga wi yaʔa, wi a mɔ cée gi kòro nya làla o làla.

2 Cányi kèlē 19:3

Kàjáa yacanya n nyaa mɔ ni. Níì cán mɔ n Asyera tiikóriyi pɛ́ɛ n yirige tári ni, níì mɔ fúngi yaʔa Kolocɔlɔɔ caali na.»

2 Cányi kèlē 20:33

Koro ní ki myɛ ní sáriga-wòlo-tɛ́ɛyi ga kwɔ́ɔ n yirige yaà í. Syɛ́ɛnbèle ga be fúnyi myɛ yaʔa be toolɛɛbèle Kolocɔlɔɔ caali na í.

2 Cányi kèlē 30:19

bele myɛ má pe be fúnyi yaʔa lè Kolocɔlɔɔ caali na, wi lè Yawe be toolɛɛbèle Kolocɔlɔɔ, pe si ga jéemununi wojanna fáli kpéʔele í.»

Kàseegèle 16:1

Fúngi katimanagéle i nyɛ syɔɔn ma, kàjáa Yawe má nyínni syɛɛnlurugoro nyɛ.

Ezayi 55:7

Syɛɛnpeew n yɛlɛ wi wi kólogi yaʔa, syɛɛnnaa-sìnzinw n yɛlɛ wi wi sɔ̀ngubeeri yaʔa, wi lúru Yawe ma, woro wee wi a nyinimɛ taa wi na lè, wi lúru wolo Kolocɔlɔw ma, woro wee wi kùsulugi syoo lè saʔa.

Zyeremii 24:7

Mii a funyo kaan be ma jàngó pe gi cán bi cán mii wi nyɛ Yawe. Pe a pye mii syɛ́ɛnbèle, mii si pye be Kolocɔlɔw, níì cán pe a lúru pan mii ma ní be fúnyi myɛ ní.

Zyeremii 36:3

Dɔ̀ʔɔ́ Zyuda kpáagi wòolo ga kapeeyi myɛ kéele lóʔo, yee mii tímana bi kpéʔele be na lè, pe myɛ nibin nibin a be kobeeyi yaʔa si lúru pan. Lǎli bee ni mii a be kolomi, ní be kapeegèle kùsulugo syɔɔ.»

Zyeremii 4:1

Yawe n jo: «Isirayɛli, mɔ ga lúru ni maa, mii má gi yɛlɛ mɔ í lúru pan. Mɔ ga mɔ yanɔnʔɔyi láa n núngo yaà mii yɛ́ʔɛ ma, mɔ si ní o curugu ni máari í,

Ezekyɛli 14:6

Koro na ki joo Isirayɛli kpáagi wòolo ma mí be pye: ‹Kàfɔw Yawe wi syɛ́ɛnri naa joo níì jo: Ye kàri, ye láʔa yele yasunyi na, ye kàdoʔo wáa yele yanɔnʔɔyi myɛ ma.›

Ezekyɛli 18:31

Ye kapeeyi myɛ láʔa yeyɛɛ na ye wáa léelige, yee yele kpéʔele mii na lè, ye funvɔnyɔ ní pìifɔngéle le yeyɛɛ ni. Nyàʔá na gi yɛlɛ yele í kɔ́ kùu, Isirayɛli kpáagi wòolo?

Oze sɛ́bɛw 14:1

Samarii a córo kolomɔfɔlɔ, níì cán wi n céemɛ kpéʔele wi Kolocɔlɔw kánma na. Ŋɔséew a be kpóo cáan. Pe pìipiiri a tɔ́nʔɔnɔ, pe cébèle be nyɛ lè ficarigèle fɔ̀ɔlɔ, bele bee a purugu.

Matye 15:8

‹Syɛ́ɛnbèle naa i mii kpɔ̀ʔɔrɔ́ nyɔɔwara na, kàjáa pe fúnyi n léeli mii na.

Matye 4:10

A Zyezu wi yari: «Núngo mii taana, Sutana. Níì cán ki n sɛ́bɛ níì jo: ‹Maa mɔ Kafɔw Kolocɔlɔɔ kpɔ̀ʔɔrɔ́ máā woro nibin fáliw kpéʔele.› »

Matye 6:24

«Syɔɔn faala a gbǎn báara kùndigibéle siin ma í. Fwɔɔ wàa kéele í wi bɛɛn, wàa wólo si wi dɛ́nɛ. Wi a tan wàa na, si wiyɛɛ láagi yirige wàa ni. Yele a gbǎn pye Kolocɔlɔɔ falipyebèlē, si ní pye lɔ́ri falipyebèlē í.

Luki 4:8

A Zyezu wi pye: «Ki n sɛ́bɛ níì jo: ‹Maa mɔ Kafɔw Kolocɔlɔɔ kpɔ̀ʔɔrɔ́ máā woro nibin fáliw kpéʔele.› »

Zyan 4:24

Kolocɔlɔɔ i nyɛ pìle. Bele be wi kpɔ̀ʔɔrɔ́ lè, ki n yɛlɛ paa wi kpɔ̀ʔɔrɔ́ pǐli ní kányɛɛgi na.»

Làlwaw Kaanziin 10:20

Da fɛ̀ɛgí Yawe mɔ Kolocɔlɔw na, máā wi fáliw kpéʔele mí tan woro na, máā kɛ̀ɛ́ woro mɛ́ɛgi na.

Làlwaw Kaanziin 13:4

mɔ a kɔ́ kanyaajoow bee wàlá kanyaaw bee syɛ́ɛnrɛ lóʔo í. Níì cán Yawe yele Kolocɔlɔw wi yele sɛʔɛ ní wéle, bi gi cán kapye Yawe yele Kolocɔlɔw kéele n yele dɛ́nɛ yele zɔ̌nbèle myɛ, ní yele fúnyi myɛ ni.

Làlwaw Kaanziin 4:29

Bi wɔ́ɔ mɔ yaʔa yaà beè, mɔ a ra Yawe mɔ Kolocɔlɔw caa. Mɔ ga ni wi caa ní mɔ zɔnw myɛ, ní mɔ fúngi myɛ ní, mɔ a wi nyaa.

Làlwaw Kaanziin 6:13

Da fɛ̀ɛgí Yawe mɔ Kolocɔlɔw na, woro yagana má mɔ yɛlɛ bàā báara sáā kɛ̀ɛ́ wi mɛ́ɛgi na.

Zyozuwe 13:31

n fàra Galaadi tílaw na, ní kěyee ní yi nyɛ lè Asyitarɔti, ní Edireyi, Ogi fǎngi kèkpoloyaa yi pye Basyan ni. Tɛ́ɛgi bee gi pye Manase jáaw Makiiri yòdaʔagi wóʔo. Ki n pye Makiiri yòdaʔagi tíla wóʔo n yɛlɛ ní be túluyi ní.

Zyozuwe 24:14

Tɔ́ɔliw ni ki n yɛlɛ yaa fɛ̀ɛgí Yawe na yáā báara wi ma ní funvii, ní kányɛɛgi na. Kolocɔlɔbèle bele má yele tóolɛɛbèle da ni báara lè cábigi jeligɔgee na, ní bele má pe da ni báara lè Ezyipiti ni, ki n yɛlɛ ye be yirige yaà yáā báara Yawe ma.

Zyozuwe 24:23

«Ki si i lè nya, ye kolocɔlɔ-nibɔnbèle yirige yaà pe nyɛ yele níngi ni lè, yé yele fúnyi kàriga Yawe ma, wi lè Isirayɛli Kolocɔlɔw.»

Jàbɔbèle 10:16

A be kolocɔlɔ-nibɔnbèle yirige peyɛɛ níngi ni, ní i báara Yawe ma. Fɔ̀rɔgi gi pye Isirayɛli ye na lè, Yawe ga níì pye bi gbǎn gi kpàraco í.

Jàbɔbèle 10:6

Gee gi pee Yawe nyɛ́nɛ na lè, a Isirayɛli ye ní i koro kpéʔele. Pe maa ni Baalibèle ní Asitaritebèle kpɔ̀ʔɔrɔ́, ni Sirii ye kolocɔlɔbèle, ní Siidɔn ye kolocɔlɔbèle kpɔ̀ʔɔrɔ́, n fàra Mowabi ye wóbèle, ní Amɔn ye wóbèle, ní Filisitini ye wóbèle na, níì Yawe yaʔa pe ní o báara wi ma í.

Jàbɔbèle 2:11

Lǎli bee ni a Isirayɛli ye i gi kpéʔele gee gi pee Yawe nyɛ́nɛ na lè, ní i Baalibèle kpɔ̀ʔɔrɔ́.

Jàbɔbèle 2:13

Pe n Yawe yaʔa ní i Baali ní Asitaritebèle kpɔ̀ʔɔrɔ́.

1 Samyɛli 31:10

A be sáà wi kapɛɛnkpumɔn-yáriri tɛ́ʔɛ Asitaritebèle kpaʔa ni, níì wi kúceri kóri Bɛti-Syan tǒw na.