1 Samyɛli 6:3 - Cebaara Bible 2010

³ A pe be yari: «Yele ga naà Isirayɛli Kolocɔlɔw kásu lúrugo tórigo, yele a kɔ́ wi tórigo wowaaɔ ní í, fwɔɔ ye kolomɔ sáriga taʔa wi na ye tórigo. Lǎli bee ni yele a pɔʔɔ si gi cán nyǔngee na Kolocɔlɔɔ kɔ́gi da láʔa yele na lè í.»

1 Samyɛli 6:3 Iomraidhean Croise

Zyɔbi 10:2

Mii n Kolocɔlɔɔ pye: ‹Mɔ a kɔ́ mii kolo í. Kéelee na mɔ mii túngu lè, li tɛ̀ɛn mii na.

Yirile 23:15

Mɔ a ra levé fun búruw séri kpéʔele. Levé Fun búruw mɔ a ra líi canya kɔrɔsiin fúngo ni, làridɛ̀ɛ́nni ni, Abiibi yégi ni bi yɛlɛ ní gi ní àmɛɛ mii gi joo n gbàn mɔ ma lè. Níì cán yégi bee ni mɔ yiri Ezyipiti ni. Syɔɔn a kɔ́ pan ba yére ní kɔwaayi ní mii yɛ́ʔɛ ma í.

Yirile 34:20

Ki n yɛlɛ mi jòfani nànbiiselili nyùnzyɔɔrɔ kpéʔele ní bàpile wàlá ní kapiige ní. Mɔ si ga pye mɔ o caa bi li nyùnzyɔɔri kpéʔele í, mi li yátiiveʔew kabi. Ki n yɛlɛ maa mɔ nanbiiseligèle myɛ nyùnzyɔɔrɔ kpéʔele. Syɔɔn faala ga yɛlɛ wi ba yére mii yɛ́ʔɛ ma ní kɔwaaya ní í.

Yirile 8:15

Lǎli bee ni a nìnyɔʔɔnɔgi fɔ̀ɔlɔ gi joo Faraɔnw ma níì jo: «Kolocɔlɔɔ kɔ́gi kapyele lii.» Koro ní ki myɛ ní, a Faraɔnw fúngo sèʔê gbàn n yɛlɛ ní gi ní àmɛɛ Yawe da gi joo lè. Wi ga lóʔo Mowizi ní Aarɔn ma í.

Levii ye sáriga-wòlori 5:6

wí pan Yawe ma ní wi kolomi kùsulugo sáriga ní kapeeli kéele na, lee wi kpéʔele lè, li pye yaweepile, bàcaa wàlá sikecaà, li pye kapeeli kùsulugo sáriga. Sáriga-wòlow a wee bee kapeele kusulugo fáli kpéʔele.

Levii ye sáriga-wòlori 6:6

Náagi n yɛlɛ bi kòro bàā nyín sáriga-wòlo-yafaangi na sìnvigi ni.

Làlwaw Kaanziin 16:16

Nǎnbèle myɛ be nyɛ yele ni lè, pe a ba ra yèré tɔlɔyɔ taanri yɛ́ɛli fúngo ni Yawe mɔ Kolocɔlɔw yɛ́ʔɛ ma tɛ́ɛgee ni wi ga nyɛ́nɛ n wòlo lè, Levé Fun búruw fɛ́tii làla, ní Cégboogèle fɛ́tii làla, ní Kpáagèle Láara Tɛ́ɛnnɛ fɛ́tii làla ni. Pe wàa a kɔ́ pan ba yére ní kɔwaayi ní Yawe yɛ́ʔɛ ma í.

1 Samyɛli 5:11

A be tun a be sáà Filisitini ye fànʔafɔbèle myɛ yeri n kpóʔoro ní sáà jo: «Ye Isirayɛli Kolocɔlɔw kásu lúrugo ye tórigo, ki n yɛlɛ wi lúru kári wi tɛ́ɛgi ma, koro ga pye wi a kɔ́ wolo ní wolo syɛ́ɛnbèle kpóo í.» Níì cán kùu nyáʔamina maa pye kěgi myɛ ni. Kolocɔlɔɔ maa tɔ̀nɔ n kɔlɔ̀ taʔa gi na gbanʔama.

1 Samyɛli 5:7

A Asidɔdi syɛ́ɛnbèle ga gi nyaa kánmi bee na, a be jo: «Isirayɛli Kolocɔlɔw kásu a kòro naa wolo ma í, níì cán wi kɔ́gi n wɔʔɔli gbàn n sɔ̀lɔ wolo ní wolo kolocɔlɔw Dagɔn na.»

1 Samyɛli 5:9

Kàjáa wi láa-mí-tórigoli bee kàdoʔo ma yaà, a Yawe kɔlɔ̀ taʔa kěgi na. A nyáʔamigbɔɔlɔ pye gi ni. Wi maa kěgi syɛ̀ɛnnɛ kpúmɔn n woyilibèle pínɛ wogbolobèle ni, a níkunyo yiri be na.

1 Samyɛli 6:8

Yé Yawe kásuw láa ye taʔa wòtorow na, yé tɛ́ɛw yárira le yalegaa ni ye tɛ́ʔɛ wi taana, dee yele a taʔa wi na lè kolomi sáriga bi tórigo, wi a kári.

1 Samyɛli 6:9

Yáā wéle, wi ga láʔagologi láa ni lúru ni syée Bɛti-Syemɛsyi kàbangi na, Yawe wi wɔʔɔgbɔɔgi naa taʔa wolo na. Ki si ga pye ki ga pye ànbée í, wolo a gi cán bi cán woro kɔ́gi ban gi wɔʔɔgi tɛ́ʔɛ n wolo kpúmɔn í, kàjáa a kéeli bee baa too wolo na wii.»