1 Samyɛli 4:4 - Cebaara Bible 2010

⁴ A syɛ́ɛnmi pèle tun Silo ma, a be sáà Nyɛ̀ʔɛni Sùlasiibéle Kafɔlɔ Yawe joogaanni kásu láa n pan, woro wee wi nyɛ lè wodɛ́ɛɔn ní syerubɛnbèle nínge ni. Helii jáabèle siin be lè Hofinii, ní Fineyasi, poro pe da pye yaà ní Kolocɔlɔɔ joogaanni kásu ní.

1 Samyɛli 4:4 Iomraidhean Croise

2 Samyɛli 15:24

Sadɔki maa wɔ́ɔ̀ pye yaà n fàra Levii ye myɛw na, poro bele pe da Kolocɔlɔɔ joogaanni kásu tugo lè. A pe baa Kolocɔlɔɔ kásuw tìrige n tɛ́ʔɛ, á Abyatari si i sáriga wóo n taa a syɛ́ɛnbèle myɛ baa yiri kěgi ni n kwɔ́ɔ.

2 Samyɛli 6:2

A Davidi yìri n kári woro ní syɛ́ɛnmi myɛ ní bi pye ní wi ní lè bi sa Kolocɔlɔɔ kásuw láa Baale-Zyuda ma bi pan, woro wee yɛ́ʔɛ ma mɛ́ɛgi yeri lè, ki lè Yawe mɛ́ɛgi, wi lè Nyɛ̀ʔɛni Sùlasiibélē Kafɔlɔ, woro wee wi nyɛ lè wodɛ́ɛɔn ní syerubɛnbèle nínge ni, kásuw ǹjoʔo ni.

2 Fànʔafɔbèle 19:15

A Ezekyasi nyɛ́ɛrigi naa nyɛ́ɛri Yawe yɛ́ʔɛ ma níì jo: «Ee Yawe, Isirayɛli ye Kolocɔlɔw, mɔ wi lè wodɛ́ɛɔn ní syerubɛnbèle ǹjoʔo ni, mɔ nibin wi nyɛ tári fànya myɛ Kolocɔlɔɔ. Mɔ wi nyɛ̀ʔɛni ní tári kpéʔele.

Ŋúnuyi 80:1

Ŋúnuŋùúbèle kùndigi wóʔo. «Séeraw nyàáfyɛɛnrɛ na.» Azafi ŋúnugi.

Ŋúnuyi 80:2

Isirayɛli Nàʔafɔw, ki n yɛlɛ mi líiyi cáan, mɔ wee wi Zyozɛfu ye yɛ́ɛgi kínigi lè, pe lè àmɛɛ bàtogo nyɛ lè! Mɔ wee wi nyɛ lè wodɛ́ɛɔn ní syerubɛnbèle ǹjoʔo ni! Ki n yɛlɛ mi mɔ gbɛɛnmi yirige.

Ŋúnuyi 99:1

Yawe i nyɛ wodɛ́ɛɔn ní fǎngi na, syɛɛnfeleyi i cɛ̀lɛ́. Wi fàngoli i nyɛ syerubɛnbèle ǹjoʔo ni, tári n yɛlɛ taa cúngu.

Ezayi 37:16

«Ee Yawe, mɔ wi lè Nyɛ̀ʔɛni Sùlasiibéle Kafɔlɔ, Isirayɛli ye Kolocɔlɔw, mɔ wee wi lè wodɛ́ɛɔn ní syerubɛnbèle ǹjoʔo ni, mɔ nibin wi nyɛ tári fànya myɛ Kolocɔlɔɔ. Mɔ wi nyɛ̀ʔɛni ní tári kpéʔele.

Malasyii 1:9

Koro na tɔ́ɔliw ni, ye Kolocɔlɔɔ nyɛ́ɛri, koro ga pye wi nyinimɛ taa wolo na! Yele ye koro kpéʔele, a wi si a yele sámaga cò lé? Yawe wi lè Nyɛ̀ʔɛni Sùlasiibéle Kafɔlɔ, woro wi jo nya.

Córolo 4:15

Lǎli ni Aarɔn ní wi jáabèle ga yacanri ní tɛɛcǎngi yayigelere myɛ tɔ́n n kwɔ́ɔ lè, Kehati yòdaʔayi wòolo a pan tɛɛkòrogi làriyìrile ni bi ba di láa, kàjáa pe a kɔ́ tánga yacanri na í, pe ga koro pye pe a kùu. Toro di nyɛ Kehati yòdaʔayi wòolo túgoro Syɛ́ɛnmi Tɛɛfaraga fànikpaʔa ni.

Córolo 4:5

Lǎli ga nan pe yìri tɛɛ̀tɛ́nɛgi ni bàā syée, Aarɔn ní wi jáabèle a jée bi fànipariw tìrige bi tɔ́n séeraw kásu na.

Córolo 7:89

Lǎli ni Mowizi da ni jǐn ni nyuu ní Yawe ní lè syɛ́ɛnmi tɛɛfaraga fànikpaʔa ni, wi maa ni yákpoli lúro a li i nyuu ní wi ní kapeegèle kùsulugo tɛ́ʔɛ ǹjoʔo ni ki nyɛ lè séeraw joogaanna kásu ǹjoʔo ni syerubɛnbèle siin nínge ni, a wi i nyuu ní wi ní.

1 Samyɛli 1:24

Lǎli ni wi wi láʔa yíremi na lè, a wi kári ní wi ní Yawe kpáagi ma Silo ma. Wi si maa yɛ̀ʔɛlɛ taanri náapɛɛlɛ cò n kári n fàra míimɛ gɔnvaʔa-nyɛ́nnɛ, ní dùvɛɛn kpàbi-nyɛ́nnɛ na. Pìíw si maa cɛ́rɛ.

1 Samyɛli 14:3

Ahitubi jáaw Ahiya na efɔdi búrogo da pye, Ahitubi wi pye lè Ikabɔdi senyɛnw, pe pye lè Fineyasi jáabèle, Fineyasi wi pye lè Helii jáaw, Helii wi pye lè Yawe sáriga-wòlow Silo ni. Syɛ́ɛnbèle si da gi cán Zyonatan n kári yaà í.

1 Samyɛli 2:22

Helii maa lɛɛ gbanʔama. Gee wi jáabèle da ni téeri Isirayɛli ye na lè, a wi koro lóʔo. A wi wɔ́ɔ̀ gi lóʔo cébèle bele be báara Syɛ́ɛnmi Tɛɛfaraga fànikpaʔa nyɔ́ɔ na lè, pe i sìnɛ́ ní poro ní.