1 Samyɛli 4:3 - Cebaara Bible 2010

³ A syɛ́ɛnbèle lúru n pan tɛɛ̀tɛ́ɛngi ma, a Isirayɛli wolɛɛbèle baa jo: «Nyàʔá na Yawe wolo yaʔa Filisitini ye ma a be jáa nya níjanʔa? Ye boo kári wo sa Yawe joogaanni kásu láa Silo ma wo pan, wi ba pye wolo níngi ni bi wolo syɔɔ wolo nigoobèle ma.»

1 Samyɛli 4:3 Iomraidhean Croise

2 Samyɛli 15:25

A fànʔafɔw Sadɔki pye: «Lúru mi jée ní Kolocɔlɔɔ kásuw ní kěgi ni. Kapye Yawe n fɔ̀lɔ mii na, wi a mii lúrugo pan, si gi yaʔa mii í ba kásuw ní woro tɛɛcǎngi nyaa.

1 Cányi kèlē 17:1

Lǎli ni Davidi baa jée wi kpáagi ni lè a wi kanyaajoow Natan pye: «Wéle mii i nyɛ wodɛ́ɛɔn ní sɛdiri tíire kpaʔa ni á Yawe joogaanni kásu si i nyɛ fànikpaʔa faniya láara ni.»

Ŋúnuyi 74:1

Tamani ŋúnugo Azafi ŋùu lè. Ee Kolocɔlɔɔ, nyàʔá na mɔ wolo wáa n yaʔa nya làla o làla? Nyàʔá na mɔ fundanʔari có naà bǎbèle kánma na bele mɔ náari lè?

Ŋúnuyi 74:11

Nyàʔá na mɔ mɔ kɔ́gi tìrige, mɔ kaliige kɔ́gi? Ki sánʔa! Pe kálagi!

Ezayi 50:1

Yawe n syɛ́ɛnri naa joo níì jo: «Sán ceyaʔa-sɛ́bɛw nyɛ, wee mii tɛ́ʔɛ n yele nɔ́ɔw yaʔa lè? Wàlá mii fwɔɔlɔfɔwìí má mii yele pára? Ye wéle, yele n pára yele kolomi kéele na. Yele sìnzinmi kéele na yele nɔ́ɔw yaʔa.

Ezayi 58:3

Pe i mii yíbe níì jo: ‹Nyàʔá gi nyɛ wolo súnw kalele, kapye mɔ o wi nyaagi í? Ba nyàʔá na wolo woyɛɛ wɔʔɔ kapye mɔ mako o nyɛ gi ni í?› Koro n taa yele súnw canlege na, yele i syée yele kapyegèle kurugo, ní i yele falipyebèle myɛ có ní fungbanya ní.

Ezayi 59:1

Eʔe, Yawe kɔ́gi ga kpere n sɔ̀lɔ syɔɔn syɔɔlɔ na í, wi líiweeli ga wɔ́ɔ̀ pɛɛn n sɔ̀lɔ lóʔolo na í.

Ezayi 59:2

Kàjáa yele kakolobyeri di wàlima lége yele ní yele Kolocɔlɔw nínge ni, yele kapeegèle ke wi yɛ́ɛgi làriga yele na, koro na wi o lúro yele ma í.

Zyeremii 3:16

Lǎli ni yele ga baa nɛʔɛ lè níì yasanra saʔa kpéʔele tári ni, cányi bee ni, pe a ní da nyuu Yawe joogaanna kásu kéele na í, Yawe wi jo nya, syɔɔn a ní da sɔ̀ngí da taagi wi kéeli na í, wi keele a ní da nyuu í, pe a ní da yákirii yaari wi fɔ̀nnɔ kéele na í, pe a ní wàa sámaga í.

Zyeremii 7:4

Yele a kɔ́ yeyɛɛ daʔa jànvaa syɛ́ɛnrɛ na í si jo: Nɛɛ naa Yawe kpɔ̀ʔɔrɔli kpaʔa nyɛ, Yawe kpɔ̀ʔɔrɔli kpaʔa! Yawe kpɔ̀ʔɔrɔli kpaʔa!

Córolo 10:33

A be yìri Yawe nyanbelegi taana n kári bi canya taanri tánʔana kpéʔele. A Yawe joogaanni kásu kíni pe yɛ́ɛgi na n cányi taanri tánʔana kpéʔele jàngó bi tɛɛ̀ŋɔndaʔa caa be ma.

Córolo 10:35

Joogaanni kásu ga yìri ni syée lǎli ni lè, Mowizi i gáà gi joo si jo: «Ee Yawe, ki n yɛlɛ mi yìri, mɔ nigoobèle si cariga. Mɔ parafɔbèle í fàn mɔ yɛ́ʔɛ ma.»

Córolo 31:6

A Mowizi saala kagunɔbèle bee tórigo kapɛɛnni na, bele be nyɛ́nɛ n wòlo lè syɛɛnfelege o syɛɛnfelege ni, saala kagunɔ, poro ní Fineyasi wi lè sáriga-wòlow Eleyazari jáaw, woro wee wi da ni tɛɛcǎngi yárira tugu lè n fàra syɛ́ɛnbèle yìrile búruwiibēle na.

Làlwaw Kaanziin 29:24

Pe a ra gi nyuu si jo: ‹Gee bee n pye níì cán joogaanni Yawe be tofɔlɛɛyi Kolocɔlɔɔ kpéʔele be ma lè, lǎli ni wi be yirige Ezyipiti tári ni lè, pe n lee bee yaʔa,

Làlwaw Kaanziin 31:26

«Ye sɛ́bɛw naa láa wi lè làlwaw wóo, ye wi tɛ́ʔɛ Yawe yele Kolocɔlɔw joogaanna kásu lɛ̀ʔɛlɛ ni, wi a pye yaà beè séera yele kánmi na.

2 Timɔte 3:5

Kolocɔlɔɔ kôdanʔari fɛ̀ɛ a ba pye be na, kàjáa pe a wi séew cée. Ki n yɛlɛ mɔ í láʔa syɛ́ɛnbèle bee félege na.

Heburubèle 9:4

Nùndaanna míige tɛɛ̀sorigogo maa pye yaà, tɛɛ̀ wóʔo, n fàra joogaanni kásu na, wee tɛ́ɛyɛ myɛ be da tɔ́n ní tɛɛ̀ ní lè, níì tɛɛ̀ kòdɔɔlɔ le wi ni, lee ni pe da mánɛw le lè n fàra Aarɔn kàgbeeli na, lee li da fyɛ́ɛn lè, ní kàdɛnɛyi kàlagorigēle, gele na joogaanni syɛ́ɛnrɛ da pye lè wozɛbɛrɛ ní.

Zyozuwe 4:7

Ye gi joo be ma yé be pye: ‹Koro n taa ncan Zyuridɛn lógi maa ceri Yawe joogaanni kásu yɛ́ʔɛ ma. Lǎli ni wi da ni Zyuridɛnw jelegi lè Zyuridɛn lógi maa ceri.› Kàdɛnɛyi naa si a kòro sɔ̀ngudaara yáriga Isirayɛli ye ma làla o làla.»

Zyozuwe 6:6

A Nun jáaw Zyozuwe sáriga-wòlobèle yeri ní baa be pye: «Ki n yɛlɛ ye joogaanni kásu láa, sáriga-wòlobèle pèle kɔrɔsiin si bànyɛnyɛ tomaaya kɔrɔsiin láa bi kíni da syée Yawe joogaanni kásu yɛ́ʔɛ ma.»

Zyozuwe 7:7

A Zyozuwe jo: «Ee, Kàfɔw Yawe, nyàʔá na mɔ syɛ́ɛnbèle naa kɔ́ri a be Zyuridɛnw jeli jàngó bi ba wolo le Amɔri ye kɔ́yi ni bi wolo kálagi? Ki mǎà dée caa pɔ́rɔ wolo í kòro yaà Zyuridɛn jeligɔgee na.

Zyozuwe 7:8

Ee Kàfɔw, nyàʔá mii a joo àmɛɛ Isirayɛli ye kàdoʔo kaan tɔ́ɔliw ni pe nigoobèle ma lè?

1 Pyɛri 3:21

Gee fɛ̀ɛ lǒgi bee da tɛ̀ɛn lè, koro gi nyɛ batɛmiw, wee wi wɔ́ɔ̀ yele syɔɔ lè tɔ́ɔliw ni, wi o nyɛ bi fɔɔnrɔ láʔa céri na wii í, kàjáa wi i nyɛ bi yele fúnyi sámaga yi nyɔɔ Kolocɔlɔɔ ma, Zyezu Kirisi nyán-yirili báriga ni,

Zyudi 1:5

Amɛɛ yele wírè kérigèle naa myɛ cán lè n kwɔ́ɔ gbanʔama, koro ní ki myɛ ní mii i caa bi yele sɔ̀ngumi tìrige ge na, koro ge nyɛ àmɛɛ Kàfɔw da Isirayɛli syɛ́ɛnbèle syɔɔ n yirige lè Ezyipiti tári ni, koro kàdoʔo ma poro bele pe da pye lè pe ga tága í, a wi bele bee kálagi.

1 Samyɛli 1:24

Lǎli ni wi wi láʔa yíremi na lè, a wi kári ní wi ní Yawe kpáagi ma Silo ma. Wi si maa yɛ̀ʔɛlɛ taanri náapɛɛlɛ cò n kári n fàra míimɛ gɔnvaʔa-nyɛ́nnɛ, ní dùvɛɛn kpàbi-nyɛ́nnɛ na. Pìíw si maa cɛ́rɛ.

1 Samyɛli 14:18

A Sawuli Ahiya pye: «Kolocɔlɔɔ kásuw láa mi nùuni naa.» Níì cán Kolocɔlɔɔ kásuw maa pye Isirayɛli ye ma lǎli bee ni.

1 Samyɛli 4:2

A Filisitini ye peyɛɛ zámaga kapɛɛnni kánma na bi too Isirayɛli ye na. Lǎli ni kapɛɛnni yìri lè, a Filisitini ye fànʔa taa Isirayɛli ye na, níì nànbēle selebingéle siin félege kpóo be ni kapɛɛnni séʔe ni.