1 Samyɛli 3:2 - Cebaara Bible 2010

² Lǎli bee wonijanna ni, Helii maa pye wozinɛɔ ní wi tɛɛ̀sinɛgi ni. Wi nyapiigèle fànʔa maa séli ni kwóo, wi da níì gbàn ni nyaagi í.

1 Samyɛli 3:2 Iomraidhean Croise

Sélimɛ 27:1

Izaaki maa baa lɛɛ. A wi nyapiigèle fànʔa kwɔ́ɔ. Wi da ní ni nyaagi í. A wi si kɔ́ɔ̀ wi pìilɛɛw yeri wi lè Ezau níì jo: «Dóō!» A Ezau jo: «Cooì!»

Sélimɛ 48:10

Isirayɛli nyapiigèle si maa tɔ̀nɔ n fɔ̀rɔ lɛɛri báriga ni. Wi da níì pye bi gbǎn ra nyaagi í. A Zyozɛfu wi jáabèle nùuni wi na. A Isirayɛli be cò n táriga wiyɛɛ na níì be syɔɔnri syɔɔnri.

Sélimɛ 48:19

A wi tóow cée, níì wi pye: «Mii n gi cán, dóō, mii n gi cán. Woro a wɔ́ɔ ba pye syɛɛnfelegaa. Wi a wɔ́ɔ kpɔ́ʔɔ, kàjáa wi cɔnɔw a kpɔ́ʔɔ bi sɔ̀lɔ wi na, wi yòdaʔayi a ba pye syɛɛnfele-nɛʔɛyɛ.»

1 Fànʔafɔbèle 14:4

A Zyerobowami céw gi kpéʔele kánmi bee na, níì yìri n kári Silo ma n sáà jée Ahiya kpáagi ni. Ahiya da níì gbàn ni nyaagi í, níì cán wi nyapiigèle da ní ni kàragí í lɛɛri báriga ni.

Ŋúnuyi 90:10

Wolo sìíw yɛ̀ʔɛlɛ nyɔ́ɔ i nyɛ togoye taanri ní kpɔrigɔ. Wàa fànʔa ga nɛʔɛ, wi n yɛ̀ʔɛlɛ togoye sicɛrɛ taa. Ke taali si o nyɛ yafyɛn í, fwɔɔ wɔʔɔgɔ ní foomɔ yagana. Ke i kwóo kelekele, wolo n si yìri fókaanya na n kári.

Syɛɛnjóow 12:3

cángee na kpáagi kɔ̀rɔsiifɔɔlɔ a ra cɛ̀lɛ́ lè, nànniribèle si kùru lè, ní gee ni bele be yɛlɛ bàā tire lè, pe a ní da tire í àmɛɛ pe a cɛ́rɛ lè, gee ni bele be wéle fɛ̀nɛtiribèle na lè, wɔɔmɔ a jée be ni,

1 Samyɛli 2:22

Helii maa lɛɛ gbanʔama. Gee wi jáabèle da ni téeri Isirayɛli ye na lè, a wi koro lóʔo. A wi wɔ́ɔ̀ gi lóʔo cébèle bele be báara Syɛ́ɛnmi Tɛɛfaraga fànikpaʔa nyɔ́ɔ na lè, pe i sìnɛ́ ní poro ní.

1 Samyɛli 4:15

Koro n gi taa Helii maa lɛɛ n yɛ̀ʔɛlɛ togoye sicɛrɛ ní kpɔrigɔ ní kɔrɔtaanri taa. Wi nyapiigèle maa pye wojoolo-yaʔagéle ní, wi si da níì gbàn ni nyaagi í.