1 Samyɛli 26:8 - Cebaara Bible 2010

⁸ A Abisyayi Davidi pye: «Kolocɔlɔɔ n mɔ nigoow le mɔ kɔ́yi ni níjanʔa. Ki yaʔa mii í wi kóri ní mii tàbaaw ní kórilo nibin pée bi táriga tári na. Mii a tée wi kóriziin pye í.»

1 Samyɛli 26:8 Iomraidhean Croise

2 Samyɛli 16:9

Seruya jáaw wi lè Abisyayi, a woro fànʔafɔw pye: «Nyàʔá na pɔ̀nguuli naa dánga syɛ́ɛnri nyuu ni wáa mɔ na fànʔafɔw, ni kàfɔlɔ? Ki yaʔa mii í sa li nyúngi ceri.»

Ŋúnuyi 31:8

Mii fundaanratɔw a ra muguri mɔ funjǎngi kéele na, níì cán mɔ n mii fóomi nyaa, mɔ n mii fúngi wɔʔɔgɔ kele cán.

Zyeremii 40:15

A Kareya jáaw Yohanan si sáà gi joo Gedaliya ma Misipa ma làrama ni níì jo: «Ki yaʔa mii í sa Netanya jáaw Isimayɛli kpóo, syɔɔn faala a gi cán í. Nyàʔá na gi yɛlɛ wi kɔ ba mɔ kpóo, Zyuda wóbèle myɛ pe baa kpóʔoro mɔ taana lè, poro si cariga fala, Zyuda wogorobèle si pùuni kánmi bee na?»

Nahumi 1:9

Nyàʔá yele déē tímana Yawe kánmi na? Woro wi kálagila kpéʔele ni kwóo mɛnɛ mɛnɛ. Wɔʔɔgi a ní pye tɔziin í.

Wɔrɔmi ye 11:32

Níì cán Kolocɔlɔɔ n syɛ́ɛnbèle myɛ pínɛ n córo sìnloʔobéle, koro ga pye woro í nyinimɛ taa pe myɛ na.

Làlwaw Kaanziin 32:30

Kanmìí na syɔɔn nibin a dée gbǎn be saala kagunɔ kɔ́ri láa da nɛnɛ, syɛ̀ɛnnɛ siin si gbǎn be selebingèle kagunɔ taa paa fé, kapye be Fálagi da be pára í, kapye Yawe da be le be kɔ́yi ni í?

Zyozuwe 21:44

A Yawe ŋɔ́ndaali kaan be ma kàbanyi myɛ na n yɛlɛ ní kàligi ní wi da kpéʔele be toolɛɛbèle ma lè. Pe nigoowaa faala ga gbàn n yére n be sige í. A Yawe pe nigoobèle myɛ le be kɔ́yi ni.

Jàbɔbèle 1:4

A Zyuda ye lúgu n kári. A Yawe sáà Kanaan ye, ní Perezi ye le be kɔ́yi ni, a be nànbēle selebingéle kagunɔ kpóo be ni Bezɛki ni.

1 Samyɛli 23:14

A Davidi kòro fìími tára ni, tɛɛnirigi ni. Wi maa ni kòró nyanbelegi na Ziifi fìími tára ni. Sawuli maa ni wi caa canʔa o canʔa, kàjáa Kolocɔlɔɔ ga wi le wi kɔ́yi ni í.

1 Samyɛli 24:4

Bàkpoyi yi pye lè kólogi nyɔ́ɔ na, a wi sáà nan yoro na. Nyanbeweʔe maa pye yaà, a Sawuli jée gee bee ni bi wàli. Davidi ní wi nǎnbèle si maa pye wodɛ́ɛnbéle ní nyanbeweegi fúngo ni.

1 Samyɛli 24:5

A Davidi nǎnbèle wi pye: «Cángee kéele Yawe da joo mɔ ma lè níì mɔ pye: ‹Mii a mɔ nigoow le mɔ kɔ́yi ni, gee ga mɔ dɛ́nɛ lè mi koro kpéʔele wi na,› koro gi nyɛ gee naa.» A Davidi yìri n Sawuli búrogbɔɔgi búronyɔɔ ceri yɛ́rirɛ.

1 Samyɛli 26:23

Yawe a syɔɔn o syɔɔn sàra bi yɛlɛ ní syɔɔn sínni, ní wi kányɛɛgi ní. Níì cán Yawe maa mɔ le mii kɔ́gi ni níjanʔa, mii si ga fɔ̀lɔ n kɔlɔ̀ taʔa Yawe wonyɛnɛ-wòlow na í.

1 Samyɛli 26:7

A Davidi ní Abisyayi kári syɛ́ɛnbèle ma yébiligi ni. A be sáà Sawuli nyaa wozinɛɔ ní tɛɛ̀tɛ́ɛngi nínge ni wi i ŋúnɔ, wi tàbaaw si i nyɛ wogorio ní tári na wi nyúngi ma. Abinɛɛri ní syɛ́ɛnbèle myɛ si i nyɛ wozinɛbéle ní n wi màʔa.

1 Samyɛli 26:9

A Davidi Abisyayi pye: «Mɔ a kɔ́ wi kpóo í. Níì cán wìí syɔ́ɔn wi a kɔlɔ̀ taʔa Yawe wonyɛnɛ-wòlow na si kòro sìngolo ni?»