1 Samyɛli 26:5 - Cebaara Bible 2010

⁵ Lǎli bee ni a Davidi yìri n kári Sawuli tɛɛ̀tɛ́ɛngi ma. A wi sáà Sawuli tɛɛ̀sinɛgi nyaa n fàra Nɛɛri jáaw Abinɛɛri tɛɛ̀sinɛgi na, woro wee wi pye lè wi kapɛɛnkpumɔnbèle kàfɔlɔ. Sawuli maa ni sìnɛ́ tɛɛ̀tɛ́ɛngi nínge ni, syɛ́ɛnbèle n si tɛ́ɛn n wi màʔa.

1 Samyɛli 26:5 Iomraidhean Croise

2 Samyɛli 3:27

Lǎli ni Abinɛɛri lúru n pan Heburɔn ma lè, a Zyowabi baa wi kɔ́ri n kàri kɔlɔ̀ na, a be jée kpàánweeli ni n gi pye mɔ a jo woro i caa bi syɛɛnrɛ làrá joo wi ma. A Zyowabi sáà wi súu yaà beè fícɛnni nínge ni, a wi kùu. Kánmi bee na Zyowabi Abinɛɛri kpóo woro cɔnɔw Azayɛli sìsyaanw wolo kéele na.

1 Cányi kèlē 9:39

A Nɛɛri Kisyi see, á Kisyi Sawuli see, á Sawuli Zyonatan, ní Malikisyuwa, ní Abinadabi, ní Ɛsyibaali see.

1 Samyɛli 17:20

A Davidi sɔ̀li n yìri, níì yaweeyiligèle yaʔa kɔ̀rɔsiifɔwaa kɔ́lɔ ni yaà, níì wi túgori láa n kári àmɛɛ Izayi da gi joo n gbàn wi ma lè. Lǎli ni wi sáà nan kapɛɛnkpumɔnbèle tɛ́ʔɛ na lè, a koro bɛ̀ɛ a kapɛɛnkpumɔnbèle i yirigi ni peyɛɛ zámagi kapɛɛnni kánma na, ní i kapɛɛnni sùpile wáa.

1 Samyɛli 17:55

Lǎli ni Sawuli da Davidi nyaa wi i Filisitini ye wów fàrá lè, a wi wi kapɛɛnkpumɔnbèle kàfɔlɔ Abinɛɛri pye: «Abinɛɛri, wìí jáa wi nyɛ nànbili bee?» A Abinɛɛri wi yari: «Aa fànʔafɔw! Mɔ woweew mɛ́ʔɛ na, mii ga tɔ̀nɔ n wi cán í.»

1 Samyɛli 26:4

A wi tundunlarabéle tun n gbàn n gi cán Sawuli n pan kányɛʔɛ.

1 Samyɛli 9:1

Nànwaa maa pye yaà Bɛnzyamɛ ye wóo, pe maa ni wi yiri Kisyi, wi pye lè Abyɛli jáaw, Abyɛli wi lè Serɔri jáaw, Serɔri wi lè Bekorati jáaw, Bekorati wi lè Afyaki jáaw, Afyaki wi lè Bɛnzyamɛ yòdaʔagaa. Wi maa pye séefɔlɔ, á wi kéeli kpɔ́ʔɔ.