1 Samyɛli 26:2 - Cebaara Bible 2010

² A Sawuli yìri n tìgi n jée Ziifi fìími tára ni ní nànbēle selebinnɛ ní saala kagunɔ ní, poro bele be pye lè Isirayɛli jàbɔɔlɔ bi sa Davidi caa Ziifi fìími tára ni.

1 Samyɛli 26:2 Iomraidhean Croise

Ŋúnuyi 38:12

Mii tàannyɛnbèle ní mii pínɛnyɛnbèle ga fɔ̀lɔ n nùuni mii na í mii námigi kéele na, mii syɛ́ɛnbèle n canʔana n yére yaà léelige.

1 Samyɛli 13:2

A Sawuli Isirayɛli nǎnbèle pèle selebinnɛ ní saala kagunɔ nyɛ́nɛ n wòlo. Pe pèle selebinnɛ maa pye ní wi ní Mikimasyi ni, ní Betɛli nyanbeleyi kúlo ni, á saala kagunɔ pye ní Zyonatan ní Gibeya ma, ki lè Bɛnzyamɛ wógi. A wi syɛɛnsanbèle lúrugo n tórigo pe myɛ nibin nibin pe kèye ma.

1 Samyɛli 24:17

Lǎli ni Davidi syɛ́ɛnri bee joo n kwɔ́ɔ Sawuli ma lè, a Sawuli jo: «Mɔ yákpoli lé li lee, ni pyà, Davidi?» A Sawuli fala ni nyaan ni yákpogi wáa.

1 Samyɛli 24:2

Lǎli ni Sawuli lúru Filisitini ye kurugo n pan lè, a pe baa syɛ́ɛnri naa joo n tɛ̀ɛn wi na níì wi pye: «Davidi wi yaà wee Ɛn-Gedii fìími tára ni.»

1 Samyɛli 24:3

A Sawuli jàbɔɔlɔ selebinnɛ ní saala kagunɔ yirige Isirayɛli ye myɛ ni n kári sa Davidi ní wi nǎnbèle caa. A pe be caa fwɔɔ n kári seʔe sikepɔbèle fálaweeye kabaan na.