1 Samyɛli 22:3 - Cebaara Bible 2010

³ A Davidi yiri yaà beè n kári Misipe ma ki lè Mowabi wógi, ní sáà Mowabi fànʔafɔw pye: «Mii i mɔ nyɛ́ɛri, ki yaʔa mii tóow ní mii nɔ́ɔw í ba tɛ́ɛn ní yele ní fwɔɔ bi taa mii í ba gi cán gee Kolocɔlɔɔ a kpéʔele mii ma lè.»

1 Samyɛli 22:3 Iomraidhean Croise

Sélimɛ 47:11

A Zyozɛfu sáà wi tóow ní wi yɛʔɛfɔbèle télege Ezyipiti tári tɛɛcànga ni, a gi pye be woʔò, Aramisɛsi tɛ́nɛmi ni. Wi maa gi kpéʔele n yɛlɛ ní gi ní àmɛɛ Faraɔnw da gi joo n gbàn lè.

2 Samyɛli 8:2

A wi Mowabi ye jáa, níì be pye a be sínɛ tári na níì mɛɛnnɛ tɛ́ʔɛ n be tímana. Wi maa mɛɛnnyɛnyɛ siin tímana níì jo be poro kpóo, níì mɛɛnnyɛnnɛ nibin tímana níì jo be poro yaʔa sìi na. A Mowabi ye peyɛɛ gaan Davidi ma ní i maa ní be nyǔnyi lɔ́rɔ ní.

Yirile 20:12

Da mɔ tóow ní mɔ nɔ́ɔw kpɔ̀ʔɔrɔ́, koro ga pye táree mii Yawe mɔ Kolocɔlɔw a kaan mɔ ma lè, mɔ siiw canya í nɛʔɛ di ni.

1 Timɔte 5:4

Pìibēle si ga pye pe wàa ma, koro ga jáa wi pìíbèle pìibēle yoo, ki n yɛlɛ bele bee í da Kolocɔlɔɔ yɛ́ɛgi fyáara kele tama pe tiimaa narigbaagi wólɛɛbéle kabaan na, níì cán pe ga ni pe seefɔbèle gɔ̀lɔbéle wóo be ma, gee bee gi Kolocɔlɔɔ dɛ́nɛ.

Jàbɔbèle 11:29

A Yawe Pǐli pye Zyefite na, a wi foro Galaadi, ní Manase ni, n sɔ̀lɔ Misipa ma wi lè Galaadi wów, níì yiri Misipa ni wi lè Galaadi wów n sɔ̀lɔ n kári Amɔn ye kurugo.

Wuruti 4:10

Mii n wɔ́ɔ̀ Wuruti syɔɔ wi pye mii cɔ́ɔ, wi lè Mowabi ye wów, wi pye lè Malɔn céw, koro ga pye bi kúw mɛ́ʔɛ yaʔa gi kòro beè wi kɔ́rigi na, jàngó wi mɛ́ɛgi a kɔ́ kwɔ́ɔ bi yiri wi senyɛnbèle nínge ni í, ní wi kěgi kpàánweele na í. Yele i nyɛ gi séerabéle níjanʔa.»

Wuruti 4:17

Wi tɛ́ɛnnyɛnbèle be lè cébèle, a poro mɛ́ʔɛ le wi pìíw na níì jo: «Nànbile n see Nowemii ma.» A pe i wi yiri Obɛdi. Woro wi pye Izayi tóow, Izayi wi pye lè Davidi tóow.

1 Samyɛli 14:47

Sawuli pye lè fǎngi na Isirayɛli ye nyúngi na, a wi kapɛɛnni kpúmɔn ní wi nigoobèle myɛ ní kàbanyi myɛ na. Wi n li kpúmɔn ní Mowabi ye, ní Amɔn ye, ní Edɔmi, ní Soba fànʔafɔbèle ní, n fàra Filisitini ye na. Tɛʔɛ o tɛʔɛ ni wi ga kári lè, wi n sáà fànʔa taa.

1 Samyɛli 22:2

Bele myɛ be pye lè wɔʔɔgi ni, ní bele na fwɔɔgéle pye lè, n fàra funbɛɛnri fɔ̀ɔlɔ na, a poro peyɛɛ gbóʔoro yaà wi ma, a wi pye be nyúngi na. Nànbēle saala siin félege be pye ní wi ní.

1 Samyɛli 22:4

A wi be kɔ́ri n kári Mowabi fànʔafɔw ma, a be sáà kòro yaà ní wi ní n lǎli myɛ kwɔ́ɔ, lee Davidi kwɔ́ɔ tɛɛnirigi ni lè.

1 Samyɛli 3:18

Lǎli bee ni a Samyɛli syɛ́ɛnri myɛ joo wi ma. Wi ga yafyɛn làriga wi na í. A Helii jo: «Yawe wii. Gee wi nyaa a gi nyɔɔ lè, ki n yɛlɛ wi koro kpéʔele.»