1 Samyɛli 2:9 - Cebaara Bible 2010

⁹ Wi i wi tágala syɛ́ɛnbèle nyɔ̌ngéle kpáa wéle, kàjáa syɛɛnpeebèle a kwɔ́ɔ yébilimi ni. Níì cán syɔɔn a fànʔa taa sulii-fǎngi báriga ni í.

1 Samyɛli 2:9 Iomraidhean Croise

Zyɔbi 18:18

Pe n wi ŋɔrigɔ n yirige gbɛ̀ɛ́nmi ni n lége yébilimi ni, pe i wi nɛnɛ bi yirige dulunyanw ni.

Zyɔbi 40:13

Pe pínɛ mi làriga támiigi ni, be tɔ́n kàsow fúngo ni.

Zyɔbi 5:16

Lǎli bee ni a sɔ̀ngumɔ tɛɛtaʔaga taa fànʔafunvɔw ma, á sìnzinmi si nyɔ́ɔgi tɔ́n.

Zyɔbi 5:24

Mɔ a yɛɛ̀nyingi nyaa mɔ fanikpaagi ni. Mɔ a sa mɔ yaweeri wéle, bi gi nyaa yafyɛn ga fɔ̀n di ni í.

Ŋúnuyi 1:6

Níì cán Yawe n syɛɛnsinbèle kólogo cán, syɛɛnpeebèle kólogo si i syée kálagili ma.

Ŋúnuyi 105:37

Wi n wi syɛ́ɛnbèle yirige yaà ní wálifiio, ní tɛɛ̀ ní, syɔɔn faala da ni lɔ́lɔgi be yòdaʔayi ni í.

Ŋúnuyi 121:3

Wi a fɔ̀lɔ mɔ tɔ́lɔgi í fága í. Wee wi mɔ kpáaw wéle lè, ŋúnɔmɔ a tée wi cò í.

Ŋúnuyi 121:5

Yawe wi nyɛ mɔ kpaàwelew, Yawe wi nyɛ mɔ nyínmi, mɔ kaliige kɔ́lɔ ma.

Ŋúnuyi 121:8

Yawe a ra mɔ káritɔw ní mɔ pandɔw kpáa wéle, bi séli tɔ́ɔliw ni bàā syée yaà làla o làla.

Ŋúnuyi 145:20

Bele myɛ be tàmaga le ní Yawe ní lè, wi i be kpáaw wéle, kàjáa, wi i syɛɛnpeebèle myɛ kálagi.

Ŋúnuyi 31:17

Mɔ yɛ́ɛgi gbɛ̀ɛnmɛ yirige mɔ falipyew ma, mii syɔɔ mɔ funjǎngi báriga ni!

Ŋúnuyi 37:28

Níì cán gee gi sín lè, koro gi Yawe dɛ́nɛ, wi o wi tágala syɛ́ɛnbèle cèʔé í. Wi i be kpáaw wéle làla o làla, kàjáa syɛɛnpeebèle yòdaʔaya a kwɔ́ɔ yirige yaà.

Ŋúnuyi 94:18

Lǎli ni mii ga joo lè: «Mii tɔ́lɔgi i kólogi yaari,» lǎli bee ni mɔ funjǎngi n mii tɔʔɔ n yérige, Yawe.

Ŋúnuyi 97:10

Yele bele Yawe kéeli dɛ́nɛ lè, ye kapeegi yaʔa ki yele bɛɛn! Wi i wi tágala syɛ́ɛnbèle sìi kpáa wéle, wi i be yirigi syɛɛnpeebèle kɔ́yɔ ni.

Kàseegèle 16:9

Syɔɔn fúngi i wi kólogi kèlē tímana, kàjáa Yawe wi wi nyɔ̌ngèle sámagi ni yéregi.

Kàseegèle 2:8

Wi i kányɛɛgi fɔ́lɔ kóloyo kpáa wéle, ni wi tágala syɛ́ɛnbèle kólogo kɔ̀rɔsíi.

Kàseegèle 3:26

Níì cán Yawe a pye mɔ sɔngumi tɛɛtaʔaga, woro wi a ra mɔ tɔ́lɔgi yirigi karinyanyi myɛ ni.

Syɛɛnjóow 5:17

Wéle, gee mii nyaa lè, koro gi nyɛ: Ki n tɔ̀nɔ n sámaga n nyɔɔ syɔɔn ma, waa líi sáā gbo sáā fundaanra kpéʔele fáliw myɛ nínge ni wi kpéʔele lè tári na, wi sìíw canya myɛ nyɔ́ɔ ni, yee Kolocɔlɔɔ kaan wi ma lè. Níì cán koro gi nyɛ wi lɛɛli.

Syɛɛnjóow 9:11

Mii n wɔ́ɔ níì gi nyaa tári na bele be fé lè gbanʔama, kàfyaali fàndaara o nyɛ bele bee wóro í, kapɛɛnni fàndaara o wɔ́ɔ̄ nyɛ nànniribèle wóro í, sícilibèle ban pe be yaliiri taagi kelekele í, cánnɛʔɛni fɔ̀ɔlɔ ban be lɔ́ri taagi í, kacànna taala o nyɛ kacánbèle wólo í, níì cán làrijǎngèle ní làribeegèle i nangi pe myɛ na.

Ezayi 27:3

«Mii Yawe, mii wi nyɛ gi kpaàwelew, mii i gi fɔɔnri làla o làla. Mii i gi kpáaw wéle n yébiligi pínɛ cángi ni, jàngó pe a kɔ́ gi kálagi í.

Ezayi 47:5

«Tɛ́ɛn mi kòro pyèrio, mí tìgi mi jée yébilimi ni, Kalide ye pìcaa! Níì cán pe a ní da mɔ yiri fǎnyi fànʔafɔjaa í.

Zyeremii 8:14

Nyàʔá na wo kòro nya wodɛ́ɛnbéle ní? Ye yeyɛɛ gbóʔoro, yáā maa wo kári wo sa jée kèniriyi ni wo kùu yaà. Níì cán Yawe wolo Kolocɔlɔw n wolo kaan kùúw ma, wi i tɔnmɔ lɔ́ʔɔ kaangi wolo ma a wo i gbo. Níì cán wolo n kapeele pye Yawe na.

Zyeremii 9:23

Kàjáa wàa ga ni caa bàā wiyɛɛ gbɔ́ʔɔgi, ki n yɛlɛ waa wiyɛɛ gbɔ́ʔɔgi àmɛɛ wi sícilimɛ taa lè n gbàn n mii cán, n gi cán ncan mii wi nyɛ Yawe, wee wi funjǎngi, ní kútiisinw, ní sínni kpéʔele tári na lè. Koro gi tɔ̀nɔ́ nyɛ mii kanidaanni,» Yawe wi jo nya.

Nahumi 1:8

Lǎli ni lǒgi kùnguruyo ga kabi lè wi a yi tɛ́ʔɛ bi tɛ́ɛgi bee kálagi péw, wi si a wi nigoobèle kɔ́ri láa fwɔɔ bi sa lége yébilimi ni.

Sofonii 1:15

Cángi bee i nyɛ fundanʔagbɔɔrɔ canʔa, ní wɔʔɔgɔ, ní funjurugoro canʔa, kálagila, ní kálagigbɔɔlɔ canʔa gii, yébilimɛ ní yébiliwɔɔlɔ canʔa gii, nyɛ̀ʔɛwɔɔlɔ ní nìgolowirige canʔa gii.

Zakarii 4:6

Lǎli bee ni a wi níì mii yari: «Syɛ́ɛnri di nyɛ dee naa, dee Yawe joo Zorobabɛli ma lè, wi n jo: ‹Sée báriga ni ban í, fànʔa báriga ni ban í, kàjáa mii Pǐli báriga ni wii,› Yawe wi lè Nyɛ̀ʔɛni Sùlasiibéle Kafɔlɔ, woro wi jo nya.

Córolo 6:24

Ki n yɛlɛ Yawe í dùbaw taʔa mɔ na, sáā mɔ kpáaw wéle.

Matye 8:12

pé màʔá fǎngi pìibēle wáa kàfugi na léelige yébilimi ni, tɛ́ɛgee ni syɛ́ɛnbèle a ra sùpiigèle wáa sáā gǎngèle kúru lè.»

Wɔrɔmi ye 3:19

Wolo n gi cán gee myɛ gi nyuu lè Mowizi làlwaw sɛ́bɛ ni, ki i nyuu bele ma be nyɛ lè làlwaw bee kólogo ni, koro ga pye Kolocɔlɔɔ í dulunyanw syɛ̀ɛnnɛ myɛ nyɔ́ɔyɔ tɔ́n, si kútiiw cáan pe myɛ na.

Làlwaw Kaanziin 33:3

Isirayɛli syɛɛnfeleyi kéele n tɔ́ɔ̀ wi dɛ́nɛ. Syɛɛncanbèle myɛ i nyɛ mɔ kɔ́gi ni. Pe n tɛ́ɛn mɔ tɔ́lɔyi taana bi pye mɔ syɛɛnloʔo-njoobéle.

1 Pyɛri 1:5

ní i yele kpáaw wéle ní wi séekpɔɔw ní yele tágali báriga ni bi taa syɔɔli í ba nan, lee Kolocɔlɔɔ sámaga n yaʔa lè bi ba tɛ̀ɛn làrizanni ni.

2 Pyɛri 2:17

Nǎnbèle bee i nyɛ àmɛɛ lɔ̀ʔɔ fun pùnweegéle nyɛ lè, ní wɔ́ɔ i nyɛ àmɛɛ fàfaanya nyɛ yee káfalakpɔʔɔ ŋɔrɔgi ni syée lè. Yébiliwɔɔlɔ si i yaà wogɔnnɔ ní be kánmi na.

Zyudi 1:1

Mii Zyudi, wi lè Zyezu Kirisi púlo, ní wɔ́ɔ i nyɛ Zyaki cɔnɔɔ, mii a sɛ́bɛw naa tórigo yele ma, yele bele ye nyɛ lè Tofɔw Kolocɔlɔɔ woyeribéle, ní wi syɛɛn-nidaanmabéle, wi si i yele kpáaw wéle Zyezu Kirisi ma.

Zyudi 1:13

pe i nyɛ àmɛɛ sólomi lòkpɔʔɔ kungurukpoloyo nyɛ lè, pe i peyɛɛ fɛ̀ɛfɔnmi yirigi kàfugi na àmɛɛ lǒgi kùnguruyo kpáriga nyɛ lè, ní i nyɛ àmɛɛ ŋɔripiigèlē nyɛ, gele ge curugu ni máari lè, yébiliwɔɔlɔ tɛ́ʔɛ n sámaga n kwɔ́ɔ be kánmi na, pe a ba pye nɛɛ bee làla o làla!

Zyudi 1:3

Mii syɛɛn-nidaanmabèle, mii maa séli ni ŋàʔaná bi sɛ́bɛwaa sɛ́bɛ tórigo yele ma wolo syɔɔli kéele na, lee na wo pínɛ lè, a mii ní baa gi nyaa ki i nyɛ ŋàʔanaga kéele fwɔɔ mii í wi sɛ́bɛ bi yele kɛɛlɛ si jo, tágalee Kolocɔlɔɔ kàlifáa wi syɛɛncanbèle ma lè, li lè li a gbǎn fàli í, ki n yɛlɛ yele í da kapɛɛnnɛ kpúmɔn li kéeli na.

1 Samyɛli 25:26

Tɔ́ɔliw ni, ni kàfɔlɔ, àmɛɛ Yawe nyɛ lè sìi na n wɔ́ɔ̀ mɔ yaʔa sìi na, Yawe wi mɔ yérige syɛɛnkpoori na, mɔ ga mɔ gɔlɔw wòlo í. Ni kàfɔlɔ, mɔ nigoobèle, ní bele be mɔ caa bi kapeele pye mɔ na lè, ki n yɛlɛ be pye Nabali félege.