1 Samyɛli 2:3 - Cebaara Bible 2010

³ Yele a kɔ́ kòro bàā yele kpɔɔmɔ jóomi nyuu í. Nɛ̀ɛnyɛnɛgi jóomɔ ga yɛlɛ paa yirigi yele nyɔ́ɔyi ni í. Níì cán Yawe wi nyɛ Kolocɔlɔɔ, wee wi ki myɛ cán lè, woro wi kapyegèle cáan cúlo na.

1 Samyɛli 2:3 Iomraidhean Croise

1 Fànʔafɔbèle 8:39

bi mɔ yaʔa wodɛ́ɛɔn ní nyɛ̀ʔɛni na, mɔ tɛɛ̀tɛ́ɛnni ni, mi lóʔo wi ma, mí wi kùsulugi syɔɔ, mí syɛ́ɛnbèle myɛ nibin nibin sàra bi yɛlɛ ní be tánʔaganmi ní. Níì cán mɔ nibin wi nyɛ syɔɔn ye myɛ fúnyi cánvɔlɔ.

Zyɔbi 31:6

ki n yɛlɛ Kolocɔlɔɔ í mii cáan cúlosiɔn na, lǎli bee ni wi a mii kajoolo-funmi kéele cán!

Ŋúnuyi 147:5

Wolo Kàfɔw n kpɔ́ʔɔ, wi fǎngi n nɛʔɛ, tɛɛ̀laʔala o nyɛ wi sícilimi na í.

Ŋúnuyi 17:10

Pe n be fúnyi tɔ́n nyínimi kàbaan na, pe i nɛ̀ɛnyɛnɛgi syɛ́ɛnrɛ nyuu be nyɔ́ɔyi ni.

Ŋúnuyi 31:18

Ee Yawe, àmɛɛ mii mɔ mɛ́ɛgi yeri lè, fɛ̀ɛrɛ ga yɛlɛ di mii taa í. Fɛ̀ɛrɛ n yɛlɛ di syɛɛnpeebèle taa, pe jée kúbèle tɛɛkòrogo ni pyèrio!

Ŋúnuyi 44:21

Kapye wolo maa fɛ̀ʔɛ wolo Kolocɔlɔw mɛ́ʔɛ na níì wolo kɔ́yi yìrige kolocɔlɔ-nibɔnwaa ma,

Ŋúnuyi 75:5

Mii n gi joo bele ma pe peyɛɛ gbɔ́ʔɔgi lè níì jo: «Ye a kɔ́ ra yeyɛɛ gbɔ́ʔɔgi í.» Ní syɛɛnpeebèle ma níì jo: «Yele a kɔ́ yele nyɛ́ngèle yìrige í!

Ŋúnuyi 94:4

Pe i nyuu saʔa, pe i nyuu ní tanʔara ní. Pe i peyɛɛ gbɔ́ʔɔgi, syɛɛnpeebèle myɛw.

Kàseegèle 16:2

Syɔɔn kóloyi myɛ i nyɛ tɛɛlɛ fun wi nyɛnɛ̀ na, kàjáa Yawe wi pìígèle cáan cúlow na.

Kàseegèle 24:12

Mɔ ga gi joo níì jo: «Kányɛʔɛ na, wolo da gi cán í!» Wee wi fúnyi cáan cúlo na lè, wi a kòro lé ki sìnján ni? Wee wi mɔ siiw kɔ̀rɔsíi lè, woro ga gi cán ì, ní wɔ́ɔ i syɔɔn o syɔɔn sàrá ni yɛlɛgi ní wi kapyegèle ní ì?

Kàseegèle 8:13

Kapeʔe parala i nyɛ Yawe yɛ́ɛgi fyáara. Kpɔ́ɔmi, ní nɛ̀ɛnyɛnɛgi, ní péemi kólogo, ní námara nyɔ́ɔgi, wéle, kérigèle bee n tɔ̀nɔ n mii bɛɛn.

Ezayi 26:7

Syɛɛnsinw kólogo gi nyɛ sínni, mɔ wee wi sín lè, mɔ i syɛɛnsinw kozɔ̀lɔgɔ sámagi.

Ezayi 37:23

Wìí syɔ́ɔn mɔ tɛʔɛlɛ níì wi faʔa? Wìí kánma na mɔ yákpoli wáa? Isirayɛli Wojanw ni mɔ mɔ yɛ́ɛgi yìrige n le.

Zyeremii 17:10

«Mii Yawe, mii i kasɔ̀ngugèle ní fúngi kèlē sɛʔɛ ni cángi, jàngó bàā syɛ́ɛnbèle myɛ nibin nibin sàrá da yɛlɛgi ní be kóloyi ní, bàā yɛlɛgi ní be kapyegèle yasanra ní.»

Ezekyɛli 35:13

Yele n yìri mii kánmi na yele syɛɛnjóori báriga ni, yele n joogbɔɔmɔ joo mii kánmi na, mii tiimaa n di lóʔo.

Danyɛli 5:27

Tekɛli kɔ́rɔw wi nyɛ mɔ n cáan cúlow na, a mɔ nyaa wovaʔaɔ ní.

Malasyii 3:13

«Yele syɛ́ɛnri n gbàn mii kánmi na,» Yawe wi jo nya, «á yele si i gi nyuu níì jo: ‹Nyàʔá wolo nyuu ní woyɛɛ ní mɔ kánmi na?›

Heburubèle 4:12

Níì cán Kolocɔlɔɔ syɛ́ɛnri i nyɛ woweere ní, ní i báara, ti n tɛ́nɛ n sɔ̀lɔ nyɔɔyɔ siin-ziin ŋɔséebèle myɛ na. Alí ti i fúngi ní pǐli cɛnɛ ni láari tiyɛɛ na, ní i kaceleyi tɛɛsogiyo, ní yi pìremi láari tiyɛɛ na wɔ́ɔgēle. Ti i syɔɔn sɔnguri ní wi fúngi kakɔrirɔgēle sɛʔɛ ni wéle.

Zyozuwe 22:22

«Yawe wi nyɛ Séekpɔɔw Kolocɔlɔɔ, woro tɔ̀nɔ́ wi nyɛ Séekpɔɔw Kolocɔlɔɔ, woro wi gi cán! Isirayɛli ye si a ba gi cán! Kapye céemɛ kéele wàlá kakologo wolo kpéʔele Yawe na, ki ga yɛlɛ wi wolo syɔɔ níjanʔa í.

Tɛ̀ɛnnɛ 2:23

Mii a tɔ̀nɔ́ wi pìíbèle kpóo. Egilizibèle myɛ a gi cán bi cán mii wi syɛ́ɛnbèle zɔ̀nbēle ní be fúnyi sɔ̀ngurɔ sɛʔɛ ni wéle, mii a yele myɛ nibin nibin sàra bi yɛlɛ ní yele kapyegèle ní.

Jàbɔbèle 9:38

A Zebuli wi yari: «Sán si mɔ nyɔɔtaangi nyɛ, mɔ wee wi da ni gi nyuu lè níì jo: ‹Abimelɛki wi nyɛ wìí wolo si kɔ́ ra báara wi ma?› Syɛ́ɛnbèle bele mɔ da ni faari lè, poro ban be nyɛ bele naa ì? Da syée tɔ́ɔliw ni mi sa kapɛɛnni kpúmɔn ní be ní.»

1 Samyɛli 16:7

Kàjáa a Yawe Samyɛli pye: «Mɔ a kɔ́ ra wi céri kánma wàlá wi tɔnɔri wéle í, níì cán mii o caa wi na í. Gee syɔɔn córo lè, koro ban gi córo í. Syɔɔn i kàfugi nìjanra wéle, Yawe si i wéle fúngi ni.»