1 Samyɛli 2:2 - Cebaara Bible 2010

² Wàa o wojaɔn ní àmɛɛ Yawe nyɛ lè í, wàa o yaà kapye mɔ ban í, fálagaa o yaà àmɛɛ wolo Kolocɔlɔw nyɛ lè í.

1 Samyɛli 2:2 Iomraidhean Croise

2 Samyɛli 22:3

Mii Kolocɔlɔw, wi nyɛ mii fálaweegi, beè mii làrá lè. Ní mii tunmɔzige-yárigi, ní fǎngee gi mii syoo lè. N mii yaʔa kàfyaali na, woro wi nyɛ mii kpaataʔa-tɔ́nɔgi. Ee mii Syɔɔfɔw, mɔ i mii syoo tanʔari ma.

2 Samyɛli 22:32

Koro na wìí wi nyɛ Kolocɔlɔɔ kapye Yawe ban í? Ba wìí wi nyɛ Fálagi, wolo Kolocɔlɔw kàdoʔo na?

2 Samyɛli 7:22

«Koro na, Yawe Kolocɔlɔɔ, mɔ n tɔ̀nɔ n kpɔ́ʔɔ. Níì cán wàa o beè mɔ félege í. Kolocɔlɔwaa ní o yaà kapye mɔ ban í àmɛɛ wolo gi lóʔo lè wolo líiweegèle ni.

1 Fànʔafɔbèle 8:23

níì jo: «Yawe Isirayɛli ye Kolocɔlɔw, kolocɔlɔwaa o nyɛ mɔ félege nyɛ̀ʔɛgèle ni yaà ǹjogi ni í wàlá naa táàma tári na í, mɔ wee wi joogaanni ní funjǎngi kéele sámaga n cò lè mɔ falipyebèle kàbaan na, poro bele be táanri mɔ yɛ́ʔɛ ma lè ní be fúnyi myɛ ní.

Ŋúnuyi 111:9

Wi n syɔɔli tórigo wi syɛ́ɛnbèle ma, wi n wi joogaanni télege li kòro beè làla o làla. Wi mɛ́ɛgi n nyɔɔ, ní i nyɛ fyáara yáriga.

Ŋúnuyi 18:2

«Ee Yawe, mɔ wi lè mii fǎngi, mɔ kéeli n mii dɛ́nɛ.»

Ŋúnuyi 18:31

Kolocɔlɔɔ kólogi kèlē n tɔ̀nɔ n sín n foro, Yawe syɛ́ɛnri i nyɛ wozɛʔɛgwɔɔrɔ ní. Bele myɛ be làra wi ni lè, wi i nyɛ bele bee má tunmɔzige-yariga.

Ŋúnuyi 71:19

Ee Kolocɔlɔɔ, mɔ sínni kéele n yìri fwɔɔ n nan nyɛ̀ʔɛni na, mɔ n kakpoloyo kpéʔele, ee Kolocɔlɔɔ, wìí wi nyɛ mɔ félege?

Ŋúnuyi 71:3

Ki n yɛlɛ mɔ í pye mii ma fálaga, gee taana mii a làra lè, ní kènirige, gee ni mii a syɔɔli taa lè, níì cán mɔ wi nyɛ mii Fálagi ní mii Tɛɛnirigi.

Ŋúnuyi 73:25

Wìí wi ní i yaà mii ma nyɛ̀ʔɛni na kapye mɔ ban í? Yafyɛn kéele ga níì mii dɛ́nɛ tári na í, kapye mɔ ban í.

Ŋúnuyi 86:8

Kolocɔlɔwaa o nyɛ mɔ félege kolocɔlɔbèle nínge ni í, Kàfɔw, mɔ kapyegèle félege o nyɛ í.

Ŋúnuyi 89:6

Nyɛ̀ʔɛgèle i mɔ sòoló kakpoloyi kéele na mɔ kpéʔele lè, ee Yawe! Ní wɔ́ɔ i mɔ kányɛɛgi kéele sòoló syɛɛncanbèle syɛɛnkpoʔolomɔ ni,

Ŋúnuyi 89:8

Kolocɔlɔɔ tɔ̀nɔ́ i nyɛ fyáakpɔɔrɔ yáriga syɛɛncanbèle syɛɛnkpoʔolomɔ ni. Wi i nyɛ bìngaataa-yariga n sɔ̀lɔ bele myɛ na pe wi màʔa lè.

Ŋúnuyi 99:3

Mɔ mɛ́ɛkpɔɔgi n yɛlɛ paa gi kpɔ̀ʔɔrɔ́ ki lè fyáara wóʔo ní! Yawe n nyɔɔ!

Ŋúnuyi 99:5

Yaa Yawe wolo Kolocɔlɔw kpɔ́ʔɔgi. Yáā tíri yaa tuun wi yɛʔɛ̀ ma wi tɔdaʔali taana! Wi n nyɔɔ!

Ŋúnuyi 99:9

Yaa Yawe wolo Kolocɔlɔw kpɔ́ʔɔgi, yáā kpùmɔnɔ́ wi nyanbe-nyunjǎngi yɛ́ʔɛ ma, níì cán Yawe wolo Kolocɔlɔw n nyɔɔ.

Yirile 15:11

Ee Yawe, wìí wi nyɛ mɔ félege kolocɔlɔbèle nínge ni? Wìí wi sín n foro àmɛɛ mɔ nyɛ lè? Wìí wi nyɛ mɔ félege, wee wi nyɛ lè wojaɔn ní n foro, ní i nyɛ fyáara yáriga, níì yɛlɛ ní kpɔ̀ʔɔrɔlɔ ní, ní i kakpoloyo kpéʔele?

Ezayi 40:18

Wìí ní yele caa bi Kolocɔlɔɔ tímana? Yarigìí niwirige ní yele a wi tímana?

Ezayi 44:6

Yawe wi lè Isirayɛli Fànʔafɔw, woro wee wi wi nyúngi syoo lè. Yawe wi nyɛ lè Nyɛ̀ʔɛni Sùlasiibéle Kafɔlɔ, wi n jo: «Mii wi nyɛ Wozeliw ní wɔ́ɔ i nyɛ Wozanw, wàa ní o nyɛ Kolocɔlɔɔ mii kàdoʔo ma í.

Ezayi 44:8

Yele a kɔ́ ra fɛ̀ɛgí í, yele a kɔ́ ra cɛ̀lɛ́ í. Mii ga gi joo n tɛ̀ɛn mɔ na làridɔɔnnɔ ni a mɔ gi lóʔo ì? Yele i nyɛ mii séerabéle. A wàa ní i nyɛ lé Kolocɔlɔɔ kapye mii ban í? Fálagaa nikwɔɔ ní o yaà í, mii ga níì kàa cán í.»

Ezayi 57:15

Níì cán wee wi nyɛ Pe Myɛ Nyúngo na lè, woro wee tɛɛ̀tɛ́nɛgɛ gi nyɛ lè bàngwɔɔ wóʔo, wi mɛ́ɛgi si i nyɛ wojanga ní, wi n jo: «Mii i nyɛ wodɛ́ɛɔn ní ǹjoʔo ma, tɛɛcǎngi ni, kàjáa mii wɔ́ɔ i nyɛ ní syɔ́ɔnwee ní wi kàdoʔo wáa wi kapeegèle ma lè, ní wee wi wiyɛɛ jɛ́rɛ wi pǐli ni lè, koro ga pye bi fànʔa le wee ni wi wiyɛɛ jɛ́rɛ wi pǐli ni lè, bi wɔ́ɔ fànʔa le wee fúngo ni wi kàdoʔo wáa wi kapeegèle ma lè.

Ezayi 6:3

A seerafɛɛnbèle i yákpogèle wáa ni gi nyuu peyɛɛ ma níì jo: «Yawe wi lè Nyɛ̀ʔɛni Sùlasiibéle Kafɔlɔ, woro wi nyɛ Wojanw, Wojanw, Wojanw. Tári myɛ n nyìn wi nìjangbɔɔri na.»

Zyeremii 10:6

Wàa o nyɛ mɔ félege í, Yawe! Mɔ n kpɔ́ʔɔ, a mɔ mɛ́ɛgi kpɔ́ʔɔ mɔ séew báriga ni.

Levii ye sáriga-wòlori 11:44

Níì cán mii wi nyɛ Yawe yele Kolocɔlɔw. Ki n yɛlɛ ye yeyɛɛ zámaga ye nyɔɔ, yele a pye wojanbéle ní, níì cán mii i nyɛ wojaɔn ní. Yaweepiigèle bee myɛ ge fulolo tári na lè, yele a kɔ́ yeyɛɛ nɔ́nʔɔ ní li làa ní í.

Levii ye sáriga-wòlori 11:45

Níì cán mii wi nyɛ Yawe wee wi yele yirige Ezyipiti tári ni lè jàngó bi pye yele Kolocɔlɔw. Koro na ki n yɛlɛ yele í pye wojanbéle ní, níì cán mii i nyɛ wojaɔn ní.

Levii ye sáriga-wòlori 19:2

«Ki joo Isirayɛli syɛ́ɛnbèle myɛ ma mí be pye mii Yawe n jo: ‹Ki n yɛlɛ yele í pye wojanbéle ní, níì cán mii Yawe wi lè yele Kolocɔlɔw, mii i nyɛ wojaɔn ní.

Wɔrɔmi ye 15:4

Syɛ́ɛnree myɛ si ti da sɛ́bɛ lè booma ni Kolocɔlɔɔ syɛɛnsɛbɛri ni, dee bee maa sɛ́bɛ wolo tamani kéele na, koro ga pye kpàracogi ní kɛɛlɛli wi syɛɛnsɛbɛri kaangi wolo ma lè, wolo í sɔ̀ngumɔ tɛɛtaʔaga taa dee bee báriga ni.

Wɔrɔmi ye 4:8

Syɔ́ɔnwee wi lè Kàfɔw ga wi kapeebyeri córo wi ma lè í, wee bee i nyɛ dùba pyà.»

Làlwaw Kaanziin 3:24

‹Kàfɔw Yawe, mɔ n séli ni mɔ kpɔ́ʔɔganmi, ní mɔ séekpɔɔw kɔ́lɔ tèé mɔ falipyew na. Níì cán kolocɔlɔwìí wi yaà nyɛ̀ʔɛni na, wàlá naa tári na bi gbǎn mɔ kapyegèle, ní mɔ kakpolo-kpèleyi félege kpéʔele?

Làlwaw Kaanziin 32:20

A wi jo: «Mii a mii yɛ́ɛgi làriga be na, si gi wéle, gee ki a ba pye lè be nyɛ̀ʔɛnaw. Níì cán yìrilaa syɛ̀ɛnnɛ bɛɛ, bele be kolo lè. Jaafɔɔlɔ bɛɛ, bele be lè pe o nyɛ tágala syɛɛnnɛ í.

Làlwaw Kaanziin 32:39

Koro na tɔ́ɔliw ni ye wéle, mii wi nyɛ Kolocɔlɔɔ, mii nibin pée, kolocɔlɔwaa nikwɔɔ ní o beè n fàra mii na í. Mii wi kpóoli kpéʔele, ní wɔ́ɔ i sìíw kaangi. Mii wi kpàlili kpéʔele, ní wɔ́ɔ i pɔʔɔli kpéʔele. Syɔɔn faala a gbǎn yarigaa yirige mii kɔ́gi ni í.

Làlwaw Kaanziin 32:4

Woro wi nyɛ Fálagi. Wi fáliw n nyɔɔ n foro, wi kóloyi myɛ n sín. Woro wi nyɛ Kolocɔlɔw wi nyɛ lè tágala syɔ́ɔn, woro wi sín, ní i nyɛ kányɛɛgi fɔ́lɔ.

Làlwaw Kaanziin 4:35

Kérigèle bee n tɛ̀ɛn mɔ na koro ga pye mɔ í gi cán Yawe wi nyɛ Kolocɔlɔw, wàa nikwɔɔ ní o yaà ní woro ní í.

Làlwaw Kaanziin 4:39

Koro na gi cán níjanʔa, mí gi cò mɔ fúngi ni, mi cán Yawe wi nyɛ Kolocɔlɔɔ, nyɛ̀ʔɛni na, ǹjogi ni, ní tári na naa táàma. Wàa ní o yaà ní woro ní í.

1 Pyɛri 1:16

níì cán ti n sɛ́bɛ níì jo: «Ki n yɛlɛ yele í pye wojanbéle ní, níì cán mii i nyɛ wojaɔn ní.»