1 Samyɛli 2:1 - Cebaara Bible 2010

¹ A Ani nyɛ́ɛri níì jo: «Mii fúngi i muguri Yawe ni, mii fǎngi n kpɔ́ʔɔ Yawe bárigaw ni. Mii nyɔ́ɔgi n múgu mii nigoobèle kánma na, níì cán syɔɔli mɔ kaan lè, mii i fundaanra kpéʔele li kéeli na.

1 Samyɛli 2:1 Iomraidhean Croise

2 Cányi kèlē 20:27

A Zyuda nǎnbèle myɛ ní Zyerusalɛmi nǎnbèle myɛ kólogi láa bi lúru pan Zyerusalɛmi ma, Zyozafati si i nyɛ be yɛ́ɛgi na. Pe maa tɔ̀nɔ n pye fundaanra na. Níì cán Yawe maa fundaangbɔɔrɔ kaan be ma gee kéele na gi pye pe nigoobèle na lè.

Nehemii 11:17

Matanya wi lè Mika jáaw, Mika wi lè Zabidii jáaw, Zabidii wi lè Azafi jáaw, sòololi ŋúnuyo yɛɛ̀kinio wi pye, wi maa ni sòololi sélegi ní nyɛ́ɛrigi ní, Bakibukiya wi da pye wi senyɛnbèle ni wi taʔara wów, n fàra Abida na, wi lè Syamuwa jáaw, Syamuwa wi lè Galali jáaw, Galali wi lè Yedutun jáaw.

Zyɔbi 16:15

Mii n gɔ̀nvaʔaga jɔli n le mii césaligi na, níì mii kpɔ́ɔmi kéle n yaʔa támiigi ni.

Ŋúnuyi 118:14

Yawe wi nyɛ mii bárigaw, ní mii ŋúnugi, woro wi baa pye mii syɔɔli.

Ŋúnuyi 13:5

Koro ga pye mii nigoow a kɔ́ gi joo si jo: «Mii n fànʔa taa wi na» í. Mii kàsiitun-nyɛ́nbèle a wɔ́ɔ kɔ́ ra fundaanra kpéʔele mii kpírigeli kéele na í.

Ŋúnuyi 148:14

Wi n wi syɛ́ɛnbèle fànʔa kpɔ́ʔɔ, koro i nyɛ wi syɛɛncanbèle myɛ sòololo kéele, Isirayɛli ye wóli, syɛɛnfelegi bee gi nùuni wi na lè. Aleluya!

Ŋúnuyi 18:2

«Ee Yawe, mɔ wi lè mii fǎngi, mɔ kéeli n mii dɛ́nɛ.»

Ŋúnuyi 20:5

Yárigee kéele li nyɛ mɔ fúngi ni lè, ki n yɛlɛ wi gi kaan mɔ ma, sáā mɔ kakɔrirɔgèle myɛ forogi!

Ŋúnuyi 21:2

Ee Yawe, fànʔafɔw i fundaanra kpéʔele mɔ séekpɔɔw kéele na, wi n tɔ̀nɔ n nyìn fundaanri na syɔɔli kéele na mɔ kaan lè!

Ŋúnuyi 35:9

Lǎli bee ni mii fúngi a ra muguri Yawe ni, mii a ra fundaanra kpéʔele syɔɔli kéele na wi kaangi lè.

Ŋúnuyi 51:15

Mii sáā mɔ lalwaw kálagifɔɔlɔ tama mɔ kóloyi na, kapeebyebèle si lúru pan mɔ ma.

Ŋúnuyi 71:8

Mii nyɔ́ɔgi n yɛlɛ bi nyìn mɔ soololi, ní mɔ kpɔ́ʔɔri na canʔa o canʔa!

Ŋúnuyi 75:10

Mii si na, mii a ra gee bee jáari làrigèle myɛ ni. Mii a ra Zyakɔbi Kolocɔlɔw kpɔ̀ʔɔrɔlɔ ŋúnuyo ŋúu.

Ŋúnuyi 89:17

Pe i nyɛ fundaanra na canʔa o canʔa mɔ mɛ́ɛgi báriga ni. Pe i nyɔ̌ngbɔɔlɔ táanri mɔ sínni báriga ni.

Ŋúnuyi 89:18

Níì cán mɔ wi nyɛ pe fǎngi nìjanra. Mɔ funjǎngi báriga ni kàa fàrá wolo fǎngi na.

Ŋúnuyi 89:24

Mii a wi kàsiitun-nyɛ́nbèle tɔ́nʔɔnɔ wi yɛʔɛ̀ ma, si wi parafɔbèle kpúmɔn.

Ŋúnuyi 9:14

Nyɔɔ mii na, ee Yawe, mii wɔʔɔgi kánma wéle, gee mii parafɔbèle taari mii na lè, mɔ wee wi mii lée ni núngu kùúw kpàánweegéle taana lè,

Ŋúnuyi 92:10

Mɔ nigoobèle wéle bele, ee Yawe! Wéle, mɔ nigoobèle i kúu. Bele myɛ be kanaa-sìnzinri kpéʔele lè, pe n cariga.

Yirile 15:1

Lǎli bee ni a Mowizi ní Isirayɛli ye ŋúnugi naa ŋùu Yawe ma. Pe n jo: «Mii a ra ŋúu Yawe ma, níì cán wi n wi fàndaari nìjangbɔɔrɔ tɛ̀ɛn. Wi n syɔ́ɔngi ní gi fànvɔw wáa sólomi lɔ̀ʔɔ ni.

Yirile 15:21

A Miriyami i ŋúnugi naa ŋúu pe si i gi syoo wi ma. Wi maa jo: «Ki n yɛlɛ yaa ŋúu yaa Yawe kpɔ̀ʔɔrɔ́. Níì cán wi n wi fàndaari nìjangbɔɔrɔ tɛ̀ɛn. Wi n syɔ́ɔngi ní gi fànvɔw wáa sólomi lɔ̀ʔɔ ni.»

Habakuki 3:1

Kanyaajoow Habakuki nyɛ́ɛrigi, kùu nyɛnigɛ pyeganma na.

Habakuki 3:18

Kàjáa mii na, mii a ra fundaanra kpéʔele Yawe ni, mii a ra muguri Kolocɔlɔɔ ni wi lè mii Syɔɔfɔw.

Luki 1:69

Wi n báriga Syɔɔfɔlɔ yirige wi falipyew Davidi yòdaʔayi ni wolo kéeli na,

Wɔrɔmi ye 5:11

N fàra gee bee na wolo wɔ́ɔ i nyɔ̌ngbɔɔlɔ táanri Kolocɔlɔɔ kéeli na wolo Kàfɔw Zyezu Kirisi bárigaw ni, woro wee báriga ni wolo bɛ̀ɛ́li bee taa lè tɔ́ɔliw ni.

Làlwaw Kaanziin 33:17

Náapeli li nyɛ lè wi pìiseliw, loro má nìjanri nyɛ. Wi nyɛ́ngèle i nyɛ senɔ́ɔ wòʔolo, gele ní wi syɛɛnfeleyi myɛ cínɛ lè fwɔɔ n sáà nan tári láʔagéle na. Poro be nyɛ Efirayimi selebingèle kagunɔ kagunɔbèlē saʔa. Poro be nyɛ Manase saala kagunɔ kagunɔbèle saʔa.»

Filipikaʔa ye 3:3

Níì cán wolo bele wo Kolocɔlɔɔ kpɔ̀ʔɔrɔ́ lè wi Pǐli báriga ni, ní i nyɔ̌ngbɔɔlɔ táanri àmɛɛ wolo nyɛ lè Kirisi Zyezu ni, níì wolo sɔ̀ngumi láʔa céri kèlē na, wolo wo nyɛ kɛ́nɛtelew kpéʔelefɔɔlɔ.

Filipikaʔa ye 4:4

Yaa fundaanra kpéʔele Kàfɔw ni làrigèle myɛ ni. Mii a ní gi joo taʔa si jo: Yaa fundaanra kpéʔele.

Filipikaʔa ye 4:6

Ki ga yɛlɛ yele í yele fúnyi yaʔa yaa curugu yele na yarigaa faala na í. Yariga o yariga láa gi nyɛ yele na lè, yaa gee bee nyuu yaa tèé Kolocɔlɔɔ na ní nyɛ́ɛrigɛ, ní nyɛ́ɛrigboloyo, ní bariga kaanna ní,

1 Pyɛri 1:8

Yele ga kɔ́ɔ̀ wi nyaa í, ní si tàmaga le ní wi ní. Yele o wi nyaagi tɔ́ɔliw ni í, kàjáa àmɛɛ yele tága lè wi na, a yele i muguri fundaangbɔɔri báriga ni, dee di nyɛ lè nìjanra wóro, syɔɔn si a wɔ́ɔ gbǎn di kacánmi joo tɛ̀ɛn bi kwɔ́ɔ í,

Tɛ̀ɛnnɛ 18:20

Nyɛ̀ʔɛni, ki n yɛlɛ maa fundaanra kpéʔele gi kálagili kéele na! Yele Kolocɔlɔɔ syɛɛncanbèle, ní pìitunbèle, ní kanyaajoobèle, ki n yɛlɛ yaa fundaanra kpéʔele! Níì cán Kolocɔlɔɔ n gi kútiiw joo n ceri n yɛlɛ ní kapeegèle ní gi kpéʔele yele na lè.»

1 Samyɛli 1:6

Wi yejaaw si maa kòro ni kayaagi légi wi ni, koro ga pye bi wi fúngi tanʔa, àmɛɛ Yawe wi pye lè cenaa-sìnzeeo.

1 Samyɛli 1:7

Kánmi bee na ki da ni kpéʔele yɛɛlɛ o yɛɛlɛ, Ani ga lúgu n kári Yawe kpáagi ma, Penina n sa ni kayaagi légi wi ni kannijanmi na, Ani n ni nyaan, wi a fɔ̀lɔ́ lìi í.