1 Samyɛli 13:9 - Cebaara Bible 2010

⁹ Lǎli bee ni a Sawuli jo: «Yaa maa mii ma ní sáriga-sórigow, ní pínɛnyɛnnɛgi sáriga ní.» A wi baa sáriga-sórigow wòlo.

1 Samyɛli 13:9 Iomraidhean Croise

1 Fànʔafɔbèle 3:4

A fànʔafɔw kɔ́ baa kári Gabaɔn ma bi sa sáriga wòlo yaà, níì cán koro gi pye sáriga-wòlo-tɛɛkpɔɔgi. Salomɔn n sáriga-sórigoo tɛ́ɛyɛ saala kagunɔ wòlo sáriga-wòlo-yafaangi bee na.

Làlwaw Kaanziin 12:6

Nɛɛ bee yele a ra syée ní yele sáriga-sórigow, ní yele pínɛnyɛnnɛgi sáriga, ní yele yáʔaw ní, n fàra yáriri na yele láʔala ni yaari lè, ní yele nyɔɔfaliyi wòlolo, ní yele kínidɛnɛgi yakaanya, ní yele yaweekpologèle, ní yele yaweeyiligèle pìiselibéle ní.

Ezayi 66:3

Wee wi nɔ̀ɔ kɔɔn lè, wi i syɔɔn kpúmɔn ni kúu, wee wi bàpile wóo lè sáriga, wi i pɔɔ̀n yátiiveʔeo kabagi, wee wi míimɛ sáriga wóo lè, wi i gbòyoʔo sìsyaan ŋuu, wee wi sɔ̀ngudaara nùndanʔa yáriga sórogi lè, wi i yasunyo sungu. Bele bee myɛw n be nyɛnɛ kóloyi nyɛ́nɛ n wòlo, pe i fundaanra taagi be sìíw ni, pe yanɔnʔɔyi kéele na.

Kàseegèle 21:27

Syɛɛnpeebèle sáriga i nyɛ yanɔnʔɔgɔ. Pe ga náà wi wòlo ní sɔ̀ngubeere ní, a koro si tóro.

Kàseegèle 21:3

Bàā sínni ní kányɛɛgi kèlē kpéʔele, Yawe n koro fúngo cán n sɔ̀lɔ sárigaw na.

Kàseegèle 20:22

Mɔ a kɔ́ gi joo í si jo: «Mii a kapeeli fwɔ́ɔlɔ tɔ́n.» Miyɛɛ daʔa Yawe na, wi a mɔ syɔɔ.

Kàseegèle 15:8

Syɛɛnpeebèle sáriga i nyɛ yanɔnʔɔgɔ Yawe ma, kàjáa syɛɛnsinbèle nyɛ́ɛrigɛ n wi dɛ́nɛ.

Ŋúnuyi 37:7

Ki n yɛlɛ mi fúngi nyíngi Yawe yɛ́ʔɛ ma, máā wi sige ní kpàracogo ní. Syɔ́ɔnwee kèlē ge nyɔɔgi lè, mɔ a kɔ́ mɔ fúngi yaʔa kaa taanri wee bee kéele na í, wàlá bàā taanri wee kéele na wi kanbeemi tímana pí i forogi lè í.

2 Samyɛli 24:25

A Davidi sáriga-wòlo-yafanʔa faan nɛɛ bee Yawe ma níì sáriga-sórigoo ní pínɛnyɛnnɛgɛ sáriga wòlo gi na. Lǎli bee ni a Yawe fúngi tìgi tári kàbaan na, a káfalagi yáama láʔa Isirayɛli na.

1 Samyɛli 14:18

A Sawuli Ahiya pye: «Kolocɔlɔɔ kásuw láa mi nùuni naa.» Níì cán Kolocɔlɔɔ kásuw maa pye Isirayɛli ye ma lǎli bee ni.

Làlwaw Kaanziin 12:5

Kàjáa tɛ́ɛgee Yawe yele Kolocɔlɔw ga nyɛ́nɛ n wòlo lè n pye wi tɛɛkòrogi yele syɛɛnfeleyi myɛ nínge ni, n wi mɛ́ɛgi yaʔa gi kòro beè, nɛɛ bee mɔ a ra syée.