1 Samyɛli 13:4 - Cebaara Bible 2010

⁴ A Isirayɛli ye myɛw gi lóʔo pe i gi nyuu níì jo: «Sawuli n Filisitini ye kabigi wòolo kpóo, Isirayɛli ye n gi kaan a poro kéeli Filisitini ye bɛɛn.» A be syɛ́ɛnbèle yeri n kpóʔoro Sawuli ma Giiligali ma.

1 Samyɛli 13:4 Iomraidhean Croise

Sélimɛ 34:30

A Zyakɔbi gi joo wi pìíbèle ma, be lè Simeyɔn ní Levii, níì jo: «Yele n tɔ̀nɔ n funjurugoro wáa mii na, ní wɔ́ɔ̀ gi kaan mii kéeli í tári naa syɛ̀ɛnnɛ bɛɛn, be lè Kanaan ye, ní Perezi ye. Pe a kpóʔoro pan ba kapɛɛnni kpúmɔn ní mii ní bi mii ní mii kpáagi wòolo kálagi, níì cán mii syɛ́ɛnbèle ga nɛʔɛ í.»

Sélimɛ 46:34

Ye wi pye: ‹Mɔ falipyebèle i nyɛ yaweegboobéle, nlaa wolo yìri lè pìibēle fwɔɔ n taa n baa nan níjanʔa na. Fáliwee wolo kpéʔele lè, woro wolo tóobèle da wɔ́ɔ ni kpéʔele.› Kánmi bee na yele a tɛ́ɛn Gosyɛn tɛ́nɛmi ni. Níì cán yaweeyiligèle nàʔafɔɔlɔ myɛ i nyɛ yanɔnʔɔgɔ Ezyipiti ye ma.»

2 Samyɛli 10:6

A Amɔn ye gi cán ncan poro n tɔ̀nɔ n peyɛɛ kéeli kaan a li Davidi bɛɛn, a be tun Sirii ye ma, pe lè Bɛti-Erehɔbi ní Soba wóbèle, a be sáà nànbēle tɔlɔyɔ fɔɔlɔ sirakama láa yaà beè wáli na, níì saala kagunɔ láa Maaka fànʔafɔw wòolo ni, níì selebingéle kɔrɔni láa Tɔbi syɛ́ɛnbèle ni.

Yirile 5:21

A be gi joo be ma níì jo: «Ki n yɛlɛ Yawe í yele wéle si kútiiw ceri. Níì cán yele n wolo kéeli kaan a li Faraɔnw ní wi syɛɛnkpolobèle bɛɛn. Yele n ŋɔsée le be kɔ́yi ni jàngó be wolo kpóo.»

Zakarii 11:8

Mii n bànaʔabèle taanri láʔa yaà yeʔe nibin fúngo ni. Mii da níì pye bi gbǎn be kpàraco í, mii láagi maa wɔ́ɔ̀ wòlo be ni.

Zyozuwe 5:9

A Yawe gi joo Zyozuwe ma níì jo: «Mii n Ezyipiti fɛ̀ɛ́ri pɛ́ɛ n láʔa yele na níjanʔa.» Koro na be tɛ́ɛgi be mɛ́ʔɛ le ni gi yiri Giiligali, a mɛ́ɛgi bee kòro gi na fwɔɔ n baa nan níjanʔa na.

1 Samyɛli 10:8

Koro kàdoʔo ma mɔ a tìgi Giiligali ma mii yɛ́ʔɛ na. Mii a kɔ́ tìgi yaà mɔ kurugo bi sa sáriga-sórigoo, ní pínɛnyɛnnɛgɛ sáriga wòlo. Mɔ a sa sige canya kɔrɔsiin bi taa mii í nan yaà mɔ na bi sa gi tɛ̀ɛn mɔ na, gee mɔ yɛlɛ bi kpéʔele lè.»

1 Samyɛli 27:12

Akisyi maa tága Davidi na ní i gi nyuu wiyɛɛ ma níì jo: «Wi n tɔ̀nɔ n wiyɛɛ kéeli kaan a li Isirayɛli ye bɛɛn, pe lè wi syɛ́ɛnbèle. Wi si a kòro mii falipyeo làrigèle myɛ ni.»