1 Samyɛli 13:3 - Cebaara Bible 2010

³ Filisitini ye kabigi wòolo be pye lè Geba ni, a Zyonatan poro kpóo. A Filisitini ye koro lóʔo. A Sawuli be pye a be tòmaagi wìi tári myɛ ni níì jo: «Heburubèle myɛ n yɛlɛ bi gi lóʔo.»

1 Samyɛli 13:3 Iomraidhean Croise

2 Samyɛli 2:28

A Zyowabi tòmaagi wìi, a syɛ́ɛnbèle myɛ yére, pe ga níì taʔa Isirayɛli ye na ni nɛnɛ í. Pe ga níì taʔa n fala ni kapɛɛnni kpúmɔn ní be ní í.

2 Samyɛli 20:1

Nifaʔagaa maa pye yaà, pe i gi yiri Syeba, ki n pye Bikirii jáa, ní i nyɛ Bɛnzyamɛ ye wóʔo. A koro tòmaagi wìi níì jo: «Lɛɛlɛ o nyɛ wolo ma Davidi ni í. Kɔrigɔ o nyɛ wolo ma Izayi jáaw ni í. Isirayɛli ye, ye myɛ yaa syée ye kpaaya ma.»

2 Samyɛli 23:14

Lǎli bee ni Davidi maa pye tɛɛnirigi ni. Filisitini ye kapɛɛnkpumɔnbèle pèle si i nyɛ wodɛ́ɛnbéle ní Bɛtilehɛmi taana lǎli bee ni.

Ezayi 10:29

Pe n sɔ̀lɔ nyanbeleyi lariga kóbile ni. Geba ni be tìrige n syɔ́ɔn! Arama i cɛ̀lɛ́, Gibeya wi lè Sawuli wógi, ki i fé.

Zakarii 14:10

Tári myɛ a ba kàri tɛɛfiige bi séli Geba na bi sa nan Irimɔn na, ki nyɛ lè Zyerusalɛmi wòrogulo kàbangi na. Zyerusalɛmi a yìrige ǹjogi ni bi télege wi tɛ́ɛgi ni, bi séli Bɛnzyamɛ kpàánweeli na bi sa nan kpàánwee-sélili tɛ́ʔɛ na, fwɔɔ bi sa nan jɛ̀ɛ́ngèle kpàánweele na, si ní séli Hananeyɛli kpaataʔa-tɔ́nɔgi na fwɔɔ bi sa nan fànʔafɔw ɛrɛzɛn tɛ́ɛnùguyo na.

Zyozuwe 18:24

ní Kefari-Amonayi, ní Ofinii, ní Geba. A yoro pye kèye kɛɛ ní siin n fàra yi kèpiigèle na.

Zyozuwe 21:17

Yee si be taa Bɛnzyamɛ syɛɛnfelegi ni lè, yoro yi nyɛ Gabaɔn n fàra tári na ti gi màʔa lè, ní Geba n fàra tári na ti gi màʔa lè,

Jàbɔbèle 3:27

Wi tɛ́nɛ̀ nan yaà lè a wi tòmaagi wìi Efirayimi nyanbeleyi kúlo ni. A Isirayɛli ye pínɛ n tìgi ní wi ní nyanbelegi na, á wi kíni pe yɛ́ɛgi na.

Jàbɔbèle 6:34

A Yawe Pǐli Zyedeyɔn yìrige, a wi tòmaagi wìi n Abyezɛɛri ye yeri, a pe baa taʔa wi na.

1 Samyɛli 10:5

Koro kàdoʔo ma mɔ a nan Gibeya-Elohimi na, beè Filisitini ye sùlasiibèle tɛɛ̀tɛ́ɛnnaa nyɛ lè. Mɔ ga ni jǐn kěgi ni mɔ a fàra ní kanyaajoobèle kabiga ní pe yìri sáriga-wòlo-tɛ́ɛgi ma bàā tíri da maa. Dǎngbolo, ní tàmábéle, ní maagéle, ní kɔ̀rí fɔ̀ɔlɔ si kíni yɛʔɛ̀ ma, páā kérigèle nyaagi da nyuu.

1 Samyɛli 13:16

Sawuli ní wi jáaw Zyonatan, n fàra syɛ́ɛnbèle bele na pe da pye ní be ní lè, pe maa tɛ́ɛn Geba ni, ki lè Bɛnzyamɛ wógi, á Filisitini ye si tɛ́ɛn Mikimasyi ni.