1 Samyɛli 13:2 - Cebaara Bible 2010

² A Sawuli Isirayɛli nǎnbèle pèle selebinnɛ ní saala kagunɔ nyɛ́nɛ n wòlo. Pe pèle selebinnɛ maa pye ní wi ní Mikimasyi ni, ní Betɛli nyanbeleyi kúlo ni, á saala kagunɔ pye ní Zyonatan ní Gibeya ma, ki lè Bɛnzyamɛ wógi. A wi syɛɛnsanbèle lúrugo n tórigo pe myɛ nibin nibin pe kèye ma.

1 Samyɛli 13:2 Iomraidhean Croise

2 Samyɛli 20:1

Nifaʔagaa maa pye yaà, pe i gi yiri Syeba, ki n pye Bikirii jáa, ní i nyɛ Bɛnzyamɛ ye wóʔo. A koro tòmaagi wìi níì jo: «Lɛɛlɛ o nyɛ wolo ma Davidi ni í. Kɔrigɔ o nyɛ wolo ma Izayi jáaw ni í. Isirayɛli ye, ye myɛ yaa syée ye kpaaya ma.»

2 Samyɛli 21:6

ki n yɛlɛ wi pìíbèle pèle kɔrɔsiin í le wolo kɔ́yi ni, wolo a be kúceri càli Yawe yɛ́ʔɛ ma, Gibeya ni ki lè Sawuli kěgi woro wee Yawe da nyɛ́nɛ n wòlo lè.» A fànʔafɔw jo: «Mii a be kaan.»

2 Samyɛli 23:29

ní Baana jáaw Helɛbi wi lè Netofa ye wów, ní Iribayi jáaw Itayi wi lè Gibeya ye wów, ki nyɛ lè Bɛnzyamɛ ye kègaa,

Ɛsidirasi 2:27

Mikimasi syɛ́ɛnbèle si i nyɛ togoye kɔrɔni ní siin.

Nehemii 11:31

A Bɛnzyamɛ yòdaʔayi wòolo tɛ́ɛn n séli yaà Geba na fwɔɔ n sáà nan Mikimasyi, ní Aya, ní Betɛli, ní gi tɛ́nɛmi kèye na,

Zyozuwe 18:28

ní Sela, ní Elɛfi, ní Yebusi, pe ba ni yiri lè Zyerusalɛmi, n fàra Gibeyati ní Kiiriyati na. A yoro pye kèye kɛɛ ní sicɛrɛ n fàra yi kèpiigèle na. Koro gi pye Bɛnzyamɛ yòdaʔayi kɔ́rigɔ n yɛlɛ ní be túluyi ní.

Zyozuwe 22:6

A Zyozuwe dùba kpéʔele be ma níì be lúrugo n tórigo, a be kári be kpaaya ma.

Jàbɔbèle 19:12

A wi kàfɔw wi yari: «Wolo a wàli bi kári syɛɛnfeleyaa kàʔa ma í kapye yi o nyɛ Isirayɛli ye wòolo í. Wo taʔa wo fala Gibeya ma.»

1 Samyɛli 10:26

A Sawuli wɔ́ɔ̀ kári wi kpaʔa ma Gibeya ma. Báriga syɛ́ɛnbèle pèle maa pínɛ n kári ní wi ní, poro bele fúnyo ni Kolocɔlɔɔ báara lè.

1 Samyɛli 10:5

Koro kàdoʔo ma mɔ a nan Gibeya-Elohimi na, beè Filisitini ye sùlasiibèle tɛɛ̀tɛ́ɛnnaa nyɛ lè. Mɔ ga ni jǐn kěgi ni mɔ a fàra ní kanyaajoobèle kabiga ní pe yìri sáriga-wòlo-tɛ́ɛgi ma bàā tíri da maa. Dǎngbolo, ní tàmábéle, ní maagéle, ní kɔ̀rí fɔ̀ɔlɔ si kíni yɛʔɛ̀ ma, páā kérigèle nyaagi da nyuu.

1 Samyɛli 13:1

Sawuli maa yɛ̀ʔɛlɛ kánmaa taa lǎli ni wi baa pye lè fànʔafɔlɔ. Yɛ̀ʔɛlɛ siin wi da kwɔ́ɔ fǎngi na Isirayɛli ye nyúngi na.

1 Samyɛli 13:11

A Samyɛli jo: «Nyàʔá mɔ kpéʔele?» A Sawuli wi yari: «Amɛɛ mii da gi nyaa lè syɛ́ɛnbèle i caragi mii na ni syée, ní wɔ́ɔ̀ gi nyaa mɔ ga pan làridɛ̀ɛ́nni ni í, á Filisitini ye si peyɛɛ gbóʔoro Mikimasyi ma,

1 Samyɛli 13:15

Koro kàdoʔo ma a Samyɛli yìri Giiligali ni n lúgu n kári Gibeya ma ki lè Bɛnzyamɛ wógi. Syɛ́ɛnbèle bele pe da pye ní Sawuli ní lè, a wi be córo, a be pye nànbēle saala taanri félege.

1 Samyɛli 13:16

Sawuli ní wi jáaw Zyonatan, n fàra syɛ́ɛnbèle bele na pe da pye ní be ní lè, pe maa tɛ́ɛn Geba ni, ki lè Bɛnzyamɛ wógi, á Filisitini ye si tɛ́ɛn Mikimasyi ni.

1 Samyɛli 13:23

A Filisitini ye kabigaa kári n sáà tɛ́ɛn Mikimasyi tɛɛmarigi nyɔ́ɔ na.

1 Samyɛli 13:5

A Filisitini ye peyɛɛ gbóʔoro bi sa kapɛɛnni kpúmɔn ní Isirayɛli ní. Kapɛɛnkpumɔn-wòtorobéle sirakama ní selebingéle kagunɔ maa pye be ma n fàra syɔɔnyɔ fɔ̀ɔlɔ selebingéle taanri ní syɛɛnnɛʔɛmɛ na, bee pi da pye àmɛɛ sólomi lɔ́ʔɔ nyɔ́ɔ táminyɔɔ nyɛ lè. A be pan n baa tɛ́ɛn Mikimasyi taana, Bɛti-Avɛn canʔafolomɔ ma.

1 Samyɛli 14:31

A be Filisitini ye kpóo cángi bee n séli Mikimasyi na fwɔɔ n sáà nan Ayalɔn na. Syɛ́ɛnbèle fànʔa si maa tɔ̀nɔ n kwɔ́ɔ.

1 Samyɛli 14:5

Fálatɔnɔgi bee kàa maa pye solomɔkulo kàbangi na, Mikimasyi zǐnmi na, gee si i nyɛ wòrogulo kàbangi na, Geba zǐnmi na.

1 Samyɛli 14:52

Sawuli maa ni kapɛɛnni kpúmɔn gbanʔama ní Filisitini ye ní wi sìíw canya myɛ ni. A gi pye Sawuli ga nànniriwaa nyaa, wàlá sànbaliwaa, wi n wi kɔ́ri n pínɛ ní wiyɛɛ ní.

1 Samyɛli 15:34

A Samyɛli kári Arama ma, á Sawuli lúgu n kári wi kpaʔa ma, Gibeya ma ki lè Sawuli wógi.

1 Samyɛli 24:3

A Sawuli jàbɔɔlɔ selebinnɛ ní saala kagunɔ yirige Isirayɛli ye myɛ ni n kári sa Davidi ní wi nǎnbèle caa. A pe be caa fwɔɔ n kári seʔe sikepɔbèle fálaweeye kabaan na.

1 Samyɛli 26:2

A Sawuli yìri n tìgi n jée Ziifi fìími tára ni ní nànbēle selebinnɛ ní saala kagunɔ ní, poro bele be pye lè Isirayɛli jàbɔɔlɔ bi sa Davidi caa Ziifi fìími tára ni.

1 Samyɛli 8:11

Wi n jo: «Fànʔafɔw wi a tɛ́ɛn yele nyúngi na lè, gee ki a ba ra kpéʔele wi ma lè, koro gi nyɛ gee naa: Wi a ba ra yele jáabèle có bàā kpéʔele wi wòtoro-fànbēle, ní wi syɔɔnfànbēle. Pe a ra fé wi wòtorow yɛ́ʔɛ ma.