1 Samyɛli 11:13 - Cebaara Bible 2010

¹³ A Sawuli si jo: «Syɔɔn faala a kpóo cángi naa ni í, níì cán Yawe n syɔɔlɔ kapyele kpéʔele Isirayɛli ni níjanʔa.»

1 Samyɛli 11:13 Iomraidhean Croise

2 Samyɛli 19:22

Abisyayi wi lè Seruya jáaw, a woro syɛ́ɛnri láa n gi joo níì jo: «A Syimeyii yɛlɛ lé wi kòro sìngbóo ni àmɛɛ wi Yawe wonyɛnɛ-wòlow dánga lè?»

2 Samyɛli 19:23

A Davidi si jo: «Yele Seruya jáabèle, nyàʔá mii pye yele na, nyàʔá na yele gi tɛ̀ɛn níjanʔa n jo yele i nyɛ mii kàsiitun-nyɛ̀nnɛ? A gi yɛlɛ lé be syɔɔn kpóo níjanʔa Isirayɛli ni? Níjanʔa ban mii náà gi cán ncan mii i nyɛ fànʔafɔlɔ Isirayɛli ye nyúngi na ì?»

2 Samyɛli 23:10

Woro wi da yìri ni Filisitini ye kúu fwɔɔ n taa a wi kɔ́gi kɔ́ baa tára n kòro wi ŋɔséew na fɔ̀rɔgi báriga ni. A Yawe syɔɔgbɔɔlɔ kpéʔele cángi bee na. A syɛɛnsanbèle bele lúru n taʔa Eleyazari na ni kúbèle fuguri yagana ni be yáriri lée.

Yirile 14:13

A Mowizi gi joo syɛ́ɛnbèle ma níì be pye: «Yele a kɔ́ ra fɛ̀ɛgí í. Ki n yɛlɛ ye yére sági, yele a gi nyaa kánmee na Yawe a yele syɔɔ lè níjanʔa. Níì cán Ezyipiti ye yele nyaagi lè bele níjanʔa, yele a ní be nyaa nyáana í.

Yirile 14:30

Cángi bee na Yawe Isirayɛli ye yirige Ezyipiti ye kɔ́yi ni. A Isirayɛli ye Ezyipiti ye kúceri nyaa sólomi lɔ̀ʔɔ lógbê na.

Ezayi 59:16

Wi n gi nyaa syɔɔn faala o yaà í, ki n pye wi ma funwɔɔrɔ àmɛɛ wi gi nyaa lè wàa faala o kùsulugo kpéʔele í. Lǎli bee ni wi tiimaa kɔ́gi n baa pye wi dɛ̀ɛmɛfɔlɔ, a wi sínni wi sígi n yérige.

1 Korɛnti ye 15:10

Kolocɔlɔɔ kpɔ́ʔɔri báriga ni si mii baa pye kánmi naa na mii nyɛ lè níjanʔa, kpɔ́ʔɔri bee wi kaan mii ma lè, ti ga yiri gbanzan í. Níì cán mii n báara n sɔ̀lɔ pe myɛ na. Koro ní ki myɛ ní mii séew báriga ni ban koro kpéʔele í, Kolocɔlɔɔ kpɔ́ʔɔri di nyɛ mii ma.

1 Samyɛli 10:27

Kàjáa nifaʔayaa maa jo: «Kanmìí na nǎnw naa a wolo syɔɔ bi sɛ́ɛ?» A be wi faʔa, pe ga kpɔʔɔrɔ faala kaan wi ma í. Kàjáa Sawuli ga joo í.

1 Samyɛli 14:45

A syɛ́ɛnbèle Sawuli pye: «Nyàʔá! Zyonatan si kùu lé, woro wee wi syɔɔgbɔɔli naa kpéʔele Isirayɛli ni lè? Koro a pye í. Yawe woweew mɛ́ʔɛ na, wi ǹjookannaa a too tári na í. Níì cán ní Kolocɔlɔɔ ní wi báara cángi naa ni.» Kánmi bee na syɛ́ɛnbèle Zyonatan syɔɔ, wi ga kùu í.

1 Samyɛli 19:5

Wi n wiyɛɛ gaan kùu ma, wi n sáà Filisitini ye wów kpóo, a Yawe syɔɔgbɔɔlɔ kaan Isirayɛli ye myɛ ma, a mɔ gi nyaa níì fundaanra kpéʔele gi kéeli na. Nyàʔá na si mɔ caa bi kapeele pye bi tɛɛlɛ fun sìsyaan wo àmɛɛ mɔ caa bi Davidi kpóo lè nyùngo fun?»