1 Samyɛli 11:11 - Cebaara Bible 2010

¹¹ Koro nyǐndaligi na, a Sawuli syɛ́ɛnmi tíla kabiya taanri. A be sáà jée Amɔn ye tɛɛ̀tɛ́ɛngi ni gòpɔ́seliw na n tɔ̀nɔ n Amɔn ye kpóo fwɔɔ n baa nan cânvulɛɛli làla na. Bele be kòro sìi na lè, a poro cariga, àlí pe pèle siin ga pínɛ í.

1 Samyɛli 11:11 Iomraidhean Croise

Sélimɛ 22:14

A Abirahami tɛ́ɛgi bee mɛ́ʔɛ le ni gi yiri Yawe-Yire. Koro na be sèʔé i gi nyuu níjanʔa níì jo: «Wi a taa Yawe nyanbelegi na.»

2 Samyɛli 18:2

A Davidi syɛ́ɛnbèle tíla kabiya taanri. Wi maa kàa le Zyowabi kɔ́yi ni, níì kàa le Seruya jáaw Abisyayi kɔ́yi ni, wi lè Zyowabi senyɛnw, níì gee le Gati ye Itayi kɔ́yi ni. Koro kàdoʔo ma a fànʔafɔw syɛ́ɛnbèle pye: «Mii wɔ́ɔ i caa bi kári ní yele ní.»

Ŋúnuyi 46:1

Ŋúnuŋùúbèle kùndigi wóʔo. Kore jáabèle wóʔo. Yákpobiigèle ni. Ŋúnugo.

Yirile 14:24

A ki ga pye nyǐnjerigi na, n Yawe yaʔa náagi fàfaantɔnɔgɔ ni, a wi Ezyipiti ye kapɛɛnkpumɔnbèle kabiga wéle, níì gi nyáʔami.

Matye 7:2

Níì cán kánmee na yele kútiiw kúunri bele na lè, kánmi bee na wi a wɔ́ɔ kútiiw kúun yele na. Yalegee ni yele yáriri kíri ni kaangi syɛ́ɛnbèle ma lè, gee bee félege ni Kolocɔlɔɔ a wɔ́ɔ yele wóri kíri bi kaan yele ma.

Zyaki 2:13

níì cán syɔ́ɔnwee wi nyɛ lè wi o nyinimɛ taagi wi syɛɛnnyɛnbèle na í, Kolocɔlɔɔ a wɔ́ɔ ba nyinimɛ taa wee bee na wi kútiiw làrijoolo ni í. Wee wi nyinimɛ taagi syɛ́ɛnbèle na lè, wee bee a ní da fɛ̀ɛgí Kolocɔlɔɔ kútiiw kéele na í.

Jàbɔbèle 1:7

A Adoni-Bezɛki jo: «Fànʔafɔɔlɔ togoye taanri ní kpɔrigɔ, bele kɔ́yɔ ní be tɔ́lɔyi kabenigbɔnbēle pe da cɛnɛ lè, poro maa ni mii suwologiri jóo ni líi. Gee mii kpéʔele lè, koro sìndɛɛgi Kolocɔlɔɔ lúrugo mii ma.» A be kári ní wi ní Zyerusalɛmi ma, a wi sáà kùu yaà beè.

Jàbɔbèle 4:16

A Baraki kapɛɛnkpumɔn-wòtorobèle ní kapɛɛnkpumɔnbèle kɔ́ri n láa fwɔɔ n sáà nan Harosyɛti-Goyimi na. A be Sisera kapɛɛnkpumɔnbèle myɛ kpóo ní ŋɔséew ní, àlí nàɔn nibin ga syɔɔ í.

Jàbɔbèle 7:16

A Zyedeyɔn nǎnbèle sirakele ní dabata tíla kabiya taanri, níì tòmaaya kaan pe myɛ ma n fàra kasànwaagéle na ní naà nìmubwɔɔgéle ní, kasǎngèle ni.

Jàbɔbèle 7:20

A kabiyi taanri tòmaayi wìi níì kasǎngèle jabagi, níì naà nìmubwɔɔgéle yirige n cò kàmɔnɔ kɔ́yi ni, níì tòmaayi cò kàliige kɔ́yi ni, níì yákpogèle wáa níì jo: «Yawe ŋɔséew kéele na ní Zyedeyɔn wów kéele na.»

Jàbɔbèle 9:43

A wi wi kabigi wòolo tíla tɛɛyɛ taanri, a be làra n be sige sìnbirigi ni. A wi ga syɛ́ɛnbèle nyaa pe i yirigi kěgi ni ni maa, a wi yìri be kurugo ni be kúu.

1 Samyɛli 11:2

Kàjáa Nahasyi wi lè Amɔn ye wów, a woro be yari: «Mii a li kpéʔele ní yele ní, yele ga tɛ́nɛ̀ fɔ̀lɔ mii í yele myɛ nibin nibin kàliige nyapiigèle jabagi bi faʔara wáa Isirayɛli ye myɛ na kánmi bee na.»

1 Samyɛli 14:47

Sawuli pye lè fǎngi na Isirayɛli ye nyúngi na, a wi kapɛɛnni kpúmɔn ní wi nigoobèle myɛ ní kàbanyi myɛ na. Wi n li kpúmɔn ní Mowabi ye, ní Amɔn ye, ní Edɔmi, ní Soba fànʔafɔbèle ní, n fàra Filisitini ye na. Tɛʔɛ o tɛʔɛ ni wi ga kári lè, wi n sáà fànʔa taa.