1 Samyɛli 10:3 - Cebaara Bible 2010

³ Mɔ a yiri yaà beè bàā syée yɛʔɛ̀ ma bi sa nan Tabɔɔri syɛni tíigi na si fàra yaà beè ní nànbēle taanri ní paa lúru Kolocɔlɔɔ tɛɛkpɔʔɔrɔgi ma Betɛli ma. Kapiiye taanri a pye wàa ma, búrukuruyo taanri si pye wàa ma, dùvɛɛn kpàbi-nyɛ́nnɛ si pye wàa ma.

1 Samyɛli 10:3 Iomraidhean Croise

Sélimɛ 28:19

Níì tɛ́ɛgi bee mɛ́ʔɛ le ni gi yiri Betɛli. Kěgi bee pe da ni yiri booma ni Luzi.

Sélimɛ 28:22

Kàdɛnɛgi naa mii yìrige n yérige lè gee gàánna, ki a pye Kolocɔlɔɔ kpaʔa. Yáriree myɛ wi ga kaan mii ma lè, mii a di yáʔaw wòlo bi kaan wi ma.»

Sélimɛ 35:1

A Kolocɔlɔɔ gi joo Zyakɔbi ma níì jo: «Yìri maa lúru Betɛli ma mi sa tɛ́ɛn yaà beè, mí sáriga-wòlo-yafanʔa kpéʔele yaà beè Kolocɔlɔɔ ma, woro wee wi da wiyɛɛ dɛ̀ɛn mɔ na lè, lǎli ni mɔ da ni fé mɔ senyɛnw Ezau na lè.»

Sélimɛ 35:3

Wolo a yìri bi lúgu kári Betɛli ma. Mii a sa sáriga-wòlo-yafanʔa kpéʔele yaà beè Kolocɔlɔɔ ma, woro wee wi mii nyɛ́ɛrigi lóʔo lè mii wɔʔɔgi làla ni, níì pye ní mii ní tánʔani làla ni, lee mii kpéʔele lè.»

Ŋúnuyi 89:12

Nyɛ̀ʔɛni i nyɛ mɔ wólo, a tári wɔ́ɔ i nyɛ mɔ wóro. Mɔ wi dulunyanw, ní wi fúngi yárira myɛ kàpɔɔn le.

Zyeremii 32:8

A mii tóow senyɛnnɛ jáa Hanameyɛli pan mii ma kàsokpaagi kàcoolo ma n yɛlɛ ní Yawe syɛ́ɛnri ní, n baa mii pye: ‹Mii ségi syɔɔ, ki nyɛ lè Anatɔti ma, Bɛnzyamɛ tári ni, níì cán mɔ na gi kàfaligi ní gi syɔɔli yɛlɛ, ki syɔɔ!› A mii gi cán ncan Yawe syɛ́ɛnri dii.

Levii ye sáriga-wòlori 1:10

Wi yakaangi ga pye yaweepilaa sáriga-sórigoo, bàpile, wàlá kapiige, ki n yɛlɛ wi pan ní li ní li pye tɛɛlɛ fun bɔ̀lɔ́.

Levii ye sáriga-wòlori 23:13

Gee ki a pínɛ wòlo ní li ní lè ki a pye míivɔɔnimɔ cúlobéle kɔrɔni yakanʔa, bee pe a nyáʔami sìnmɛ ni lè, sáriga wii, wee náagi sórogi ni kwóo lè á wi núngi Yawe dɛ́nɛ, ní sáriga-yólogoo duvɛɛn lítiri nibin ní tíla yakanʔa.

Levii ye sáriga-wòlori 3:12

Wi yakaangi ga pye sikaà, wi pan ní wi ní Yawe yɛ́ʔɛ ma.

Levii ye sáriga-wòlori 3:6

Wi pínɛnyɛnnɛgi sáriga yakanʔa wi a kaan Yawe ma lè ki ga pye yaweepilaa, a li i nyɛ bɔ̀lɔ́ yoo, cɔlɔɔ yoo, ki n yɛlɛ wi li kaan tɛɛlɛ fun wólo.

Levii ye sáriga-wòlori 7:13

Wi a wi yakaangi pínɛ wòlo sáriga ní levé búrupiigèle ní, bi fàra wi bariga kaanni sáriga, ní wi pínɛnyɛnnɛgi sáriga na.

Zyozuwe 19:12

A gi yìri Sariidi ma n kolo n fala canʔafolomɔ ma n kári fwɔɔ n sáà nan Kisilɔti-Tabɔɔri láʔagologi na, ní níì sɔ̀lɔ Dabirati ma níì lúgu fwɔɔ n sáà nan Yafya na.

Zyozuwe 19:22

Ki maa sáà nan Tabɔɔri, ní Syahasima, ní Bɛti-Syemɛsyi na, níì kári n sáà láʔa Zyuridɛnw na. A yoro pye kèye kɛɛ ní kɔrɔni n fàra yi kèpiigèle na.

Jàbɔbèle 20:18

A Isirayɛli ye yìri n lúgu n kári Betɛli ma n sáà Kolocɔlɔɔ yíbe níì jo: «Wìí wi yɛlɛ wi séli kári wolo ni bi sa kapɛɛnni kpúmɔn ní Bɛnzyamɛ ye ní?» A Yawe be yari: «Zyuda wi a pye Wozeliw.»

Jàbɔbèle 20:23

A Isirayɛli ye lúgu n kári n sa ni nyaan Yawe yɛ́ʔɛ ma fwɔɔ n baa nan cângwɔɔgi nyɔ́ɔ na. A be Yawe yíbe níì jo: «A gi yɛlɛ lé wolo í ní kári sa too wolo senyɛnbèle na pe lè Bɛnzyamɛ yòdaʔayi?» A Yawe be yari: «Yaa syée be kurugo.»

Jàbɔbèle 20:27

A Isirayɛli ye Yawe yíbe, níì cán beè Kolocɔlɔɔ joogaanni kásu da pye cángi bee na.

Jàbɔbèle 4:12

A pe baa gi joo Sisera ma níì jo Abinowami jáaw Baraki n lúgu Tabɔɔri nyanbelegi na.

Jàbɔbèle 4:6

A wi tun Kedɛsyi-Nɛfitalii ma, a be sáà Abinowami jáaw Baraki yeri n pan. A wi baa wi pye: «Yawe wi lè Isirayɛli ye Kolocɔlɔw, gee wi joo n gbàn lè, koro gi nyɛ gee naa, wi n jo: ‹Da syée mi sa Nɛfitalii ní Zabulɔn yòdaʔayi nǎnbèle pèle selebingéle kagunɔ kɔ́ri mi kári Tabɔɔri nyanbelegi ma.

Jàbɔbèle 8:18

A wi Zeba ní Salimuna pye: «Nǎnbèle bele yele kpóo Tabɔɔri ma lè, mɛ̀ɛ́ pe da pye n sɛ́ɛ?» A be wi yari: «Pe maa tɔ̀nɔ n mɔ wíri. Pe myɛ nibin nibin maa pye àmɛɛ fànʔafɔlɔ jàala nyɛ lè.»

1 Samyɛli 10:4

Pe a mɔ syáanri si búrubéle siin kaan mɔ ma, mi be syɔɔ be ma.