1 Samyɛli 10:1 - Cebaara Bible 2010

¹ A Samyɛli sìngboli láa n wo Sawuli nyúngi ni níì wi wáa n mígi, níì jo: «Yawe n sǐnmi wo mɔ na jàngó mɔ í pye woro kɔ́rigi nyúngo na.

1 Samyɛli 10:1 Iomraidhean Croise

2 Samyɛli 1:14

A Davidi wi pye: «Mɛ̀ɛ́ gi pye mɔ si ga fyáa í níì fɔ̀lɔ n kɔ́gi sánʔa n Yawe wonyɛnɛ-wòlow kpóo?»

2 Samyɛli 19:39

A fànʔafɔw jo: «Ki n yɛlɛ Kimami í da syée ní mii ní. Gee ki ga yɛlɛ mɔ ma lè, koro mii a sa ra kpéʔele wi ma. Gee myɛ si mɔ ga ni caa mii ma lè, mii a gi kaan mɔ ma.»

2 Samyɛli 20:19

Wolo i nyɛ fûnnyinge fɔɔlɔ ní tágala syɛɛnnɛ Isirayɛli tári ni. Mɔ si i caa bi kěgi naa jaa ki nyɛ lè àmɛɛ nafɔlɔ nyɛ Isirayɛli ni. Nyàʔá na mɔ caa bi Yawe kɔ́rigi kálagi?»

2 Samyɛli 5:2

Nlaa yaà booma ni, lǎli ni Sawuli pye lè wolo fànʔafɔw, mɔ wi da ni kínigi Isirayɛli ye yɛ́ɛgi na ni syée ní i lúrugu ni maa ní be ní. A Yawe mɔ pye: ‹Mɔ a ba pye mii syɛ́ɛnbèle Isirayɛli ye nàʔafɔw, mɔ wi a ba pye Isirayɛli ye nyúngi na.› »

1 Fànʔafɔbèle 1:34

Sadɔki wi lè sáriga-wòlow, woro ní kanyaajoow Natan a sa kàlifaali sǐnmɛ wo yaà beè wi na bi kpéʔele fànʔafɔlɔ Isirayɛli ye nyúngi na ye tòmaagi wìi ye gi joo yé jo: ‹Ki n yɛlɛ fànʔafɔw Salomɔn í kòro sìi na.›

1 Fànʔafɔbèle 19:18

Kàjáa mii a nànbēle selebingéle taanri ní saala kagunɔ yaʔa Isirayɛli ni poro bele myɛ be nyɛ lè pe ga yégunri cáan Baali yɛ́ʔɛ ma í wàlá n wi syɔɔnri syɔɔnri ní nyɔ́ɔyi ní í.»

2 Fànʔafɔbèle 20:5

«Lúru maa syée mi sa mii syɛ́ɛnbèle kùndigi Ezekyasi pye: ‹Yawe wi lè mɔ toolɛɛgi Davidi Kolocɔlɔw, wi n jo: Mii n mɔ nyɛ́ɛrigi lóʔo, mii n mɔ nyatinmi nyaa. Wéle, mii a mɔ pɔʔɔ. Candaanri wógi na, mɔ a kári Yawe kpáagi ma.

2 Fànʔafɔbèle 9:1

A kanyaajoow Elize kanyaajoobèle gboolo wówaa yeri níì wi pye: «Sɛntiiri tɛ́ʔɛ mi miyɛɛ bwɔɔ mɔ sárigèle ni, mí sìngboli naa láa maa syée Aramɔti ma, Galaadi tári ni.

2 Fànʔafɔbèle 9:12

A be si jo: «Kányɛʔɛ ban í! Ti joo mi tɛ̀ɛn wolo na.» A wi jo: «Dee naa ní dee naa wi joo mii ma, níì mii pye Yawe n jo: ‹Mii n kàlifaali sìnmɛ wo mɔ na n mɔ kpéʔele fànʔafɔlɔ Isirayɛli ye nyúngi na.› »

Ŋúnuyi 135:4

Níì cán Yawe n Zyakɔbi nyɛ́nɛ n wòlo a wi pye woro wóo, wi n Isirayɛli nyɛ́nɛ n wòlo a wi pye woro tiimaa wóo.

Ŋúnuyi 2:12

Yaa jaafɔw syɔɔnri syɔɔnri, koro ga pye wi fúngi a kɔ́ tanʔa í, yele si kɔ́ kùu kólogi na í. Níì cán cɛɛri ga pye wi fundanʔari a cò àmɛɛ naà nyɛ lè. Bele myɛ be làra wi láari ni lè, poro i nyɛ dùba pìibēle.

Ŋúnuyi 78:71

Wi n wi yeri n lúrugo bànɔɔbèle kurugo, bele má bàpiigèle ŋɔri lè, koro ga pye wi pye woro syɛ́ɛnbèle nàʔafɔlɔ, pe lè Zyakɔbi ye, pe lè woro kɔ́rigi Isirayɛli ye.

Yirile 30:23

«Nùndaanni yárira di nyɔɔ lè, ki n yɛlɛ mi toro tàa láa. Toro di nyɛ: Míiri, koro lǒgi cúlobéle kagunɔ, ní kanɛli cúlobéle siin ní tíla, ní nùndaanna yáriga cúlobéle siin ní tíla,

Zyeremii 10:16

Wee wi nyɛ lè Zyakɔbi lɛɛli, wi o nyɛ yi felege í. Níì cán woro wi yáriri myɛ sámaga, Isirayɛli si i nyɛ wi kɔ́rigi syɛɛnfelege. Wi mɛ́ɛgi gi nyɛ Yawe wi lè Nyɛ̀ʔɛni Sùlasiibéle Kafɔlɔ.

Ezekyɛli 16:13

Kánmi bee na mɔ fère ní tɛɛ̀, ní wálifiio ní, á lɛn fàni fɛ́ɛlɛfɛɛlɛɔ, ní suwa fàni, ní fànisuuo wɔ́ɔ̀ le mɔ na. Mɔ maa ni míivɔɔnimɔ, ní sárigā, ní sìnmɛ líi, a mɔ tɔ̀nɔ n baa nyɔɔ gbanʔama n yɛlɛ ní fǎngi ní.

Oze sɛ́bɛw 13:2

Tɔ́ɔliw ni pe sèʔé i syée yɛʔɛ̀ ma kapeebyeri kurugo, pe i be wálifiiw gbàlá ni yariyaa niwiriye faanri peyɛɛ ma, pe n yasunyo sámaga n yɛlɛ ní be sɔ̀ngumi ní. Yee bee myɛ i nyɛ fáliw kacanbèlē kapyele. Pe i gi nyuu be kéeli na níì jo: «Bele be syɛ̀ɛnnɛ kúu lè sáriga, pe tɔ̀nɔ́ i náapiiye syɔɔnri syɔɔnri.»

Kapyegèle 13:21

Lǎli bee ni a be Kolocɔlɔɔ nyɛ́ɛri níì jo wi fànʔafɔlɔ kaan poro ma. A Kolocɔlɔɔ Sawuli kaan be ma wi pye lè Kiisi jáaw, Bɛnzyamɛ narigi wówaa, a wi taa yɛ̀ʔɛlɛ togoye siin fǎngi na.

Làlwaw Kaanziin 32:9

Níì cán Yawe lɛɛli li nyɛ wi syɛ́ɛnbèle. Zyakɔbi wi nyɛ wi kɔ́rigi lɛɛlɛ.

1 Tesaloniki ye 5:26

Ye senyɛnbèle myɛ syáanri yaà, yé be syɔɔnri ní funjànya ní.

Heburubèle 2:10

Wee si wi yáriri myɛ kpéʔele lè ní wɔ́ɔ i di kɔ̀rɔsíi, àmɛɛ ki da yɛlɛ wi Zyezu sámaga foro wɔʔɔguuli báriga ni lè, koro na wi gi kpéʔele kánmi bee na koro ga pye bi pìinɛʔɛbéle taa lége nìjangbɔɔri ni, Zyezu bárigaw ni wi nyɛ lè be syɔɔli sélifɔlɔ.

Tɛ̀ɛnnɛ 5:8

Lǎli ni Bàpili sɛ́bɛw syɔɔ lè, a sìi yáriyi sicɛrɛ ní wolɛɛbèle toko ní sicɛrɛ fala n too n pe yɛ́ɛyi cíbele li yɛʔɛ̀ ma, kɔ̀ríbéle maa pye pe myɛ nibin nibin ma n fàra tɛɛ̀ yalegéle na, ke maa nyìn nùndaanna míimɛ na bi lè Kolocɔlɔɔ syɛɛncanbèle nyɛ́ɛriyɛ.

1 Samyɛli 12:3

Mii wéle wee! Ye syɛɛnlurugoro kaan mii ma Yawe nyɛ́nɛ na, ní wi wonyɛnɛ-wòlow nyɛ́nɛ na. Syɔɔnwìí má mii nɔ̀ɔ syɔɔ, wàlá wìí má mii jòfani syɔɔ? Ba wìí na mii fǎngi gbàn, wàlá wìí yárira mii ŋàʔana n syɔɔ? Ba wìí syɔɔn ma mii námara kpɔ́ʔɔrɔ syɔɔ níì nɔ́gi tɔ́n wi na? Mii a gi sìndɛɛgi lúrugo yele ma.»

1 Samyɛli 13:14

Kàjáa tɔ́ɔliw ni doò, mɔ fangi a ní kòro beè í. Yawe n nànwaa nyɛ́nɛ n wòlo, wee wi yɛlɛ ní woro fúngi sɔ̀ngumɔ ní lè. Yawe n wi télege wi pye woro syɛ́ɛnbèle yɛɛ̀kinio. Níì cán gee Yawe da joo n gbàn mɔ ma lè, mɔ ga gi cò í.»

1 Samyɛli 15:1

A Samyɛli Sawuli pye: «Mii Yawe da tun, a mii sáà sǐnmi wo mɔ na n mɔ kpéʔele woro syɛ́ɛnbèle fànʔafɔlɔ pe lè Isirayɛli ye. Koro na gee Yawe joo lè ki lóʔo.

1 Samyɛli 15:17

A Samyɛli jo: «Lǎli ni mɔ da miyɛɛ nyaa lè wobile, mɔ ga baa pye Isirayɛli syɛɛnfeleyi kùndigi ì? Yawe n sǐnmi wo mɔ na n mɔ kpéʔele fànʔafɔlɔ Isirayɛli ye nyúngi na.

1 Samyɛli 16:1

A Yawe Samyɛli pye: «Làlìí ni mɔ a láʔa nya kùu káyaagi na Sawuli kéeli na? Mii n tɔ̀nɔ n wi cée jàngó wi a ní kɔ́ pye fànʔafɔlɔ Isirayɛli ye nyúngi na í. Mɔ nyɛ́nni nyìn sǐnmi na maa syée, mii a mɔ tun Bɛtilehɛmi ye Izayi ma, níì cán mii n fànʔafɔlɔ nyɛ́nɛ n wòlo niyɛɛ wóo wi jáabèle nínge ni.»

1 Samyɛli 16:13

A Samyɛli nyɛ́nni láa, lee ni sǐnmi pye lè n bi wo wi na wi senyɛnbèle nínge ni. A Yawe Pǐli gi séli cángi bee na ni Davidi yìrigí. A Samyɛli yìri n kári Arama ma.

1 Samyɛli 2:10

Bele be túngu ní Yawe ní lè, wi a be tɔ́nʔɔnɔ, bi wi yaʔa yaà nyɛ̀ʔɛni na, wi a folo kabagi be na. Yawe a kútiiw ceri tápow na. Wi a séew kaan wi fànʔafɔw ma. Wi a wi wonyɛnɛ-wòlow fànʔa kpɔ́ʔɔ.»

1 Samyɛli 24:6

Gee bee kàdoʔo ma, a Davidi zɔ̌nw i cɛ̀lɛ́ àmɛɛ wi Sawuli búrogbɔɔgi búronyɔɔ ceri lè.

1 Samyɛli 26:11

Bi kɔlɔ̀ taʔa Yawe wonyɛnɛ-wòlow na, ki n yɛlɛ Yawe í mii syɔɔ gee bee ma. Kàjáa tàbaaw wi nyɛ lè wi nyúngi ma n fàra lǒgi yalege na, toro yagana láa waa syée.»

1 Samyɛli 26:9

A Davidi Abisyayi pye: «Mɔ a kɔ́ wi kpóo í. Níì cán wìí syɔ́ɔn wi a kɔlɔ̀ taʔa Yawe wonyɛnɛ-wòlow na si kòro sìngolo ni?»

1 Samyɛli 8:19

Syɛ́ɛnbèle ga fɔ̀lɔ n Samyɛli jóomi lóʔo í, a be jo: «Eʔe, fwɔɔ fànʔafɔlɔ í pye wolo nyúngi na

1 Samyɛli 8:9

Koro na tɔ́ɔliw ni pe jóomi lóʔo. Kàjáa fànʔafɔw wi a tɛ́ɛn be nyúngi na lè, gee wi a ba taʔa be na lè, ki n yɛlɛ mɔ í be sámaga sàmi pe gi cán.»

1 Samyɛli 9:16

níì jo: «Nyɛ̀ʔɛna níbeena nyɔʔɔmɔ na, mii a Bɛnzyamɛ tári nànwaa tórigo naa mɔ ma. Mɔ a ba sǐnmi wo wi na jàngó wi pye mii syɛ́ɛnbèle Isirayɛli ye yɛɛ̀kiniw. Wi a mii syɛ́ɛnbèle syɔɔ Filisitini ye ma. Níì cán mii nyɛ́nɛ i nyɛ mii syɛ́ɛnbèle na, ncan pe sùpiiwáari n nan mii na.»

1 Samyɛli 9:27

Lǎli ni be tìgi n nan kěgi láʔala na lè, a Samyɛli Sawuli pye: «Mɔ falipyew pye wi sɔ̀lɔ waa syée wolo yɛ́ʔɛ na.» A wi sɔ̀lɔ ni syée. A Samyɛli níì jo: «Yére tɔ́ɔliw ni, mii si Kolocɔlɔɔ syɛ́ɛnri joo mɔ í lóʔo.»