1 Samyɛli 1:3 - Cebaara Bible 2010

³ Yɛɛlɛ o yɛɛlɛ nǎnw bee maa ni yìrigí wi kěgi ma ni lúru ni syée Silo ma bi sa Nyɛ̀ʔɛni Sùlasiibéle Kafɔlɔ Yawe kpɔ̀ʔɔrɔ, si sáriga wòlo wi ma. Beè Helii jáabèle siin da pye, pe lè Hofinii, ní Fineyasi. Pe maa pye Yawe sáriga-wòlobēle.

1 Samyɛli 1:3 Iomraidhean Croise

Ŋúnuyi 78:60

Wi n Silo kpáagi yaʔa, fànikpaagi bee wi da yérige syɔɔn ye níngi ni lè.

Yirile 23:14

«Ki n yɛlɛ maa fɛ́tii tɛ́ɛyɛ taanri kpéʔele mii kpɔ̀ʔɔrɔli kéele na yɛɛlɛ o yɛɛlɛ.

Yirile 23:17

Yɛɛlɛ o yɛɛlɛ mɔ syɛɛnfelegi nànbēle myɛ a kpóʔoro mii yɛ́ʔɛ ma tɔlɔyɔ taanri, mii wee wi lè Kàfɔw Yawe.

Yirile 34:23

Mɔ nanbèle myɛ a ra peyɛɛ gbóʔoro tɔlɔyɔ taanri yɛɛlɛ o yɛɛlɛ Kàfɔw Yawe yɛ́ʔɛ ma wi lè Isirayɛli ye Kolocɔlɔw.

Luki 2:41

Yɛɛlɛ o yɛɛlɛ Zyezu seefɔbèle maa ni syée Zyerusalɛmi ma Sɔ̀lɔ-mí-yaʔali séri ma.

Làlwaw Kaanziin 16:16

Nǎnbèle myɛ be nyɛ yele ni lè, pe a ba ra yèré tɔlɔyɔ taanri yɛ́ɛli fúngo ni Yawe mɔ Kolocɔlɔw yɛ́ʔɛ ma tɛ́ɛgee ni wi ga nyɛ́nɛ n wòlo lè, Levé Fun búruw fɛ́tii làla, ní Cégboogèle fɛ́tii làla, ní Kpáagèle Láara Tɛ́ɛnnɛ fɛ́tii làla ni. Pe wàa a kɔ́ pan ba yére ní kɔwaayi ní Yawe yɛ́ʔɛ ma í.

Zyozuwe 18:1

A Isirayɛli syɛ́ɛnmi myɛ piyɛɛ gbóʔoro Silo ma n sáà Syɛ́ɛnmi Tɛɛfaraga fànikpaʔa kóri yaà beè. Tári maa pye be kɔlɔ̀ na n kwɔ́ɔ.

Jàbɔbèle 18:31

Yafaangee Mika da sámaga lè, pe maa koro tɛ́ʔɛ yaà, a gi pye be woʔò lǎlee myɛ ni Kolocɔlɔɔ kpáagi pye lè Silo ni.

Jàbɔbèle 21:19

A be jo: «Wéle, Yawe fɛ́tiiw i kpéʔele yɛɛlɛ o yɛɛlɛ Silo ma wi lè Betɛli solomɔkulo ma. Kólogi gi yìri Betɛli ma ni syée Sisyɛmi ma lè, wi i nyɛ gee bee canʔafolomɔ ma, Lebona wòrogulo ma.»

1 Samyɛli 1:21

Koro kàdoʔo ma a wi nǎnw Elikana lúgu n kári ní wi kpaʔa wóbèle myɛ ní sa sárigaw wòlo Yawe ma, wi lè yɛ́ɛli fúngo wóo, si wi nyɔɔfaligi foro.

1 Samyɛli 1:9

Lǎli ni be lìi níì gbaa n kwɔ́ɔ Silo ni lè, a Ani yìri. Helii wi pye lè sáriga-wòlow, woro maa pye wodɛ́ɛɔn ní kòlo na Yawe kpɔ̀ʔɔrɔli kpaʔa kpaaweele taana.

1 Samyɛli 14:3

Ahitubi jáaw Ahiya na efɔdi búrogo da pye, Ahitubi wi pye lè Ikabɔdi senyɛnw, pe pye lè Fineyasi jáabèle, Fineyasi wi pye lè Helii jáaw, Helii wi pye lè Yawe sáriga-wòlow Silo ni. Syɛ́ɛnbèle si da gi cán Zyonatan n kári yaà í.

1 Samyɛli 2:19

Wi nɔ́ɔw maa ni burobile sámagi ni maa yɛɛlɛ o yɛɛlɛ n ba ni kaangi wi ma lǎli ni wi ní wi nǎnw ga pan lè bi ba sárigaw wòlo wi lè yɛ́ɛli fúngo wóo.

1 Samyɛli 2:34

Gee ki a kpéʔele mɔ jáabèle siin na lè, pe lè Hofinii ní Fineyasi, koro a pye mɔ ma fɛ̀ɛ. Pe myɛ siinw a ba kùu cannijanga.

1 Samyɛli 3:13

Mii n gi joo wi ma níì jo mii wi a kútiiw cáan wi kpáagi wòolo na gi kòro nya, kakologi kéele na, gee wi cán lè koro gee wi jáabèle tɛ́ʔɛ n peyɛɛ gbéʔele lè nifaʔaya, wi si ga fúlo be na í.

1 Samyɛli 4:11

A be Kolocɔlɔɔ kásuw láa n kári. Helii jáabèle siin pe lè Hofinii ní Fineyasi, á poro kùu.

1 Samyɛli 4:4

A syɛ́ɛnmi pèle tun Silo ma, a be sáà Nyɛ̀ʔɛni Sùlasiibéle Kafɔlɔ Yawe joogaanni kásu láa n pan, woro wee wi nyɛ lè wodɛ́ɛɔn ní syerubɛnbèle nínge ni. Helii jáabèle siin be lè Hofinii, ní Fineyasi, poro pe da pye yaà ní Kolocɔlɔɔ joogaanni kásu ní.