1 Pyɛri 4:3 - Cebaara Bible 2010

³ Làrigèle gele yele kwɔ́ɔ n kwɔ́ɔ lè syɛɛnfeleyi nyɛ́nɛ kèlē ni, gele bee n nɛʔɛ n yɛlɛ n kwɔ́ɔ, àmɛɛ yele da ni kanɔnʔɔbeeri, ní yele ki laànitaagi kèlē, ní singbaadinri, ní kakolobyeri, ní singbaari fɛ́tiibéle kpéʔele lè n fàra yasunzunbeeri na.

1 Pyɛri 4:3 Iomraidhean Croise

2 Samyɛli 13:28

A Abisalɔmi syɛ́ɛnri naa joo n gbàn wi falipyebèle ma níì jo: «Yaa kɔ̀rɔsíi, lǎli ni Aminɔn ga dùvɛɛnw gbaa n pye fundaanra na lè, mii ga yele pye: ‹Ki n yɛlɛ ye Aminɔn kpúmɔn ye kpóo,› ye wi kpúmɔn ye kpóo. Yele a kɔ́ fyáa í. Mii ban wi gi joo n gbàn yele ma ì? Ye nìrimi le yé pye sànbalibéle.»

1 Fànʔafɔbèle 21:26

Wi n kapeekpɔʔɔ kpéʔele, gee gi pee n sɔ̀lɔ lè koro gi nyɛ wi n wiyɛɛ daʔa yasunyi na n yɛlɛ ní Amɔri ye kapyeri myɛ ní, poro bele Yawe da nɛnɛ n yirige yaà lè níì Isirayɛli ye télege.

2 Cányi kèlē 15:8

Lǎli ni Aza syɛ́ɛnri bee ní kanyaajoow Odedi kérigèle nyaa-mí-joolo lóʔo n kwɔ́ɔ lè, a wi lòmaana le n yanɔnʔɔyi yirige Zyuda, ní Bɛnzyamɛ tári tɛ́ɛyɛ myɛ ni, n fàra kěyee na wi da syɔɔ n taa lè Efirayimi nyanbeleyi kúlo ni. Yawe sáriga-wòlo-yafaangi ki da pye lè Yawe nìkpaangi yɛ́ʔɛ ma, a wi níì koro sámaga.

Ezayi 28:7

Kàjáa poro wɔ́ɔ i dùvɛɛnw gbo ni fági, a singbǎnmi i be pùuní. Sáriga-wòloo ní kanyaajooo i fági singbǎnmi báriga ni, dùvɛɛnw n be cò, singbǎnmi i be pùuní. Pe yɛ́ɛyi i wóo n be yaʔa kanyaajoori na. Pe i curugu pe kajoo-mí-cerigèle ni.

Ezayi 5:11

Wɔʔɔli a pye bele na be sɔ̀ɔ́ ni yìrigí lè n ní ni singbǎnmi caa, ní i tàgatága ni máari yébiligi ni, dùvɛɛnw còlo báriga ni.

Ezayi 65:4

Pe i kòró kɔ̀ɔnweeyi ni, ní i syɔ̀ɔ́n nyanbeweeyi ni, ní i gbòyoo-káari káa, kaànɔnʔɔri si i nyɛ pe yalegèle ni.

Zyeremii 16:11

Lǎli bee ni mɔ a be yari: ‹Gee bee n taa ncan yele tóolɛɛbèle n mii yaʔa níì taʔa kolocɔlɔbèle pèle nikwɔɔlɔ na, pe n kpɔ̀ʔɔrɔli kpéʔele be ma, pe n tìgi n too be yɛʔɛ̀ ma. Kàjáa mii na, pe n mii yaʔa, pe ga mii làlwaw cò í,› Yawe wi jo nya.

Zyeremii 16:18

Mii a sàra tɛ́ɛyɛ siin kaan be ma gbɛnʔɛnɛ, pe kolomi, ní be kapeeli kéele na, níì cán pe n mii tári nɔ́nʔɔ ní be yasunguuyi ní, pe n mii kɔ́rigi nyìn ní be yanɔnʔɔyi ní.»

Ezekyɛli 44:6

Mɔ a gi joo niceebèle ma, pe lè Isirayɛli kpáagi wòolo, si be pye: ‹Kàfɔw Yawe wi syɛ́ɛnri naa joo níì jo: Yele yanɔnʔɔyi myɛ n nɛʔɛ n yɛlɛ nya, yele Isirayɛli kpáagi wòolo.

Ezekyɛli 45:9

«Kàfɔw Yawe wi syɛ́ɛnri naa joo níì jo: ‹Wobyegwɔɔgi n yɛlɛ nya, Isirayɛli fànʔafɔbiigèle! Ye yele péemi ní yele yanɛnɛ-mí-syɔɔri kéele yérige nya, yáā táanri kányɛɛgi ní sínni na, ye láʔa nya mii syɛ́ɛnbèle nɔ̀ʔɔrɔlɔ na. Kàfɔw Yawe wi jo nya.

Mariki 7:22

ní ceyuugi, ní nànyuugi, ní fungbɔɔgi, ní funbeegi, ní fáanagi, ní kanɔnʔɔbyeri, ní nyabɛɛnni, ní mɛ́ɛkalagiri, ní nɛ̀ɛnyɛnɛgi, ní zɔ̀nniriw ní.

Kapyegèle 17:30

Kolocɔlɔɔ ga níì córo syɛ́ɛnbèle kanaa-sìnjánma larigéle na í, kàjáa tɔ́ɔliw ni wi i gi nyuu syɛ́ɛnbèle myɛ ma tɛ́ɛyi myɛ ni níì jo be kàdoʔo wáa be kapeegèle ma.

Wɔrɔmi ye 13:13

Ki n yɛlɛ waa síngi waa táanri bi yɛlɛ ní cángi làla tánʔaganma ní, wáā woyɛɛ kɔ̀rɔsíi kakolobyeri ní singbaadinri na, si wɔ́ɔ ra woyɛɛ kɔ̀rɔsíi kanɔnʔɔri, ní cecaabeeri, ní nànjaabeeri na, ní kàsiiw, ní nyabɛɛnni na.

1 Korɛnti ye 12:2

Yele n gi cán àmɛɛ yele da pye lè sìndagabéle, pe maa yele pùuni, a yele kólogi yaʔa, níì taʔa yasunyi na yi lè yi o nyuu í.

1 Korɛnti ye 6:11

Anbée si yele pèle da pye. Kàjáa Kolocɔlɔɔ Pǐli n yele fúnyi jée n mùnu n kapeegèle láʔa yele na, níì sínni kaan yele ma wolo Kàfɔw Zyezu Kirisi mɛ́ɛgi na.

2 Korɛnti ye 12:21

Mii wɔ́ɔ i fɛ̀ɛgí n jo mii ga níì kári yaà yele ma, mii Kolocɔlɔw a sa mii cɛ́rɛ yele níngi ni, mii fúngi sáā mii yáa gbanʔama pèle saʔa kéele na, bele be kapeegèle kpéʔele n kwɔ́ɔ lè, pe si ga kɔ́ɔ̀ kàdoʔo wáa ge ma í, gele ge nyɛ lè nɔ́nʔɔri kèlē, ní ceyuugi, ní nànyuugi, ní kálagimi.

Galasi ye 5:19

Tɔ́ɔliw ni gele ge nyɛ lè céri kapyegèlē, koro ge nyɛ gele naa: ceyuugi, ní nànyuugi, ní kanɔnʔɔri, ní cecaabeeri, ní nànjaabeeri,

Galasi ye 5:21

ní paragi, ní singbaadinri, ní kakolobyeri ní, n fàra kérigèle kèle nikwɔɔlɔ na, gele ge nyɛ lè sèjira ní gele naa ní. Mii a gi joo yele ma àmɛɛ mii da sélì gi joo lè níì jo: Kérigèle bee kpéʔelefɔɔlɔ a gbǎn Kolocɔlɔɔ fǎngi kɔ́rigɔ lìi í.

Efɛzi ye 5:18

Ki ga yɛlɛ yele í da dùvɛɛnw gbo waa yele yɛ́ɛyi wóo í, ncan kanɔnʔɔri i taagi wi ni. Kàjáa ki n yɛlɛ Pìicǎnni í yele fúnyi nyìn.

1 Tesaloniki ye 4:5

yele wàa a kɔ́ wiyɛɛ daʔa ki laànitaagi sɔ̀ngurɔ na taa wi kàragí àmɛɛ syɛɛnfeleyaa gi kpéʔele lè í, yee yi lè yi ga Kolocɔlɔɔ cán í.

Tiiti 3:3

Níì cán wolo maa wɔ́ɔ̀ pye kanaa-sìnjánbéle ní sìnloʔobéle, ní wɔ́ɔ̀ pùuni, wolo maa pye céri ki laànitaʔa púloro ni, ni di kínidɛnɛgi kèlē féleye myɛ kpéʔele, wolo maa kòro kakolobyeri ní nyabɛɛnni na ni kpéʔele, wolo maa ni woyɛɛ kanibɛɛngèle kpéʔele níì woyɛɛ bara.

1 Pyɛri 1:14

Ki n yɛlɛ yele í pye àmɛɛ pìiloʔobéle nyɛ lè, ki ga yɛlɛ yele í da táanri da yɛlɛgi ní yele booma ki laànitaagi kèlē ní í, gele yele da ni kpéʔele lè yele kanaa-sìnjánmi làla ni.

Zyudi 1:4

Níì cán nǎnbèle pèle n jée yele níngi ni làrama ni, Kolocɔlɔɔ yɛ́ʔɛnaa-sìnvyaabéle bɛɛ, bele be wolo Kolocɔlɔw kpɔ́ʔɔrɔ kàragí lè ni tànʔa kaangi peyɛɛ ma pe kanɔnʔɔbeeri kéele na, poro bele kútii kéele li da sɛ́bɛ lè booma ni, Zyezu Kirisi nibin wi nyɛ lè wolo Kàrigafɔw ní wolo Kàfɔw, pe n wee bee cée.