1 Pyɛri 3:3 - Cebaara Bible 2010

³ Yele fèredi ga yɛlɛ di pye céri wóro í, ti lè nyùnbwɔɔri, ní tɛ́ɛw lele, ní fànicànleri,

1 Pyɛri 3:3 Iomraidhean Croise

Sélimɛ 24:22

Lǎli ni fàlibaayi gbaa n kwɔ́ɔ lè, a nǎnw fínaana veʔeo kaan wi ma, tɛɛ̀ wóo. Vèʔew bee líbeganma maa pye gíramibéle kɔrɔni félege, n fàra kɔlɔ̀ kajingéle siin na. Ke líbeganmi maa sɔ̀lɔ gíramibéle dabata-daa na.

Sélimɛ 24:47

A mii wi yíbe níì jo: ‹Wìí syɔ́ɔn pyà wi nyɛ mɔ?› A wi jo: ‹Mii i nyɛ Betuwɛli pyà, ní i nyɛ Nahɔri ní wi céw Milika pìinyanbiige.› A mii si tɛ́ɛw vèʔeo le wi fínaani na, ní wɔ́ɔ̀ kajingèle le wi kɔ́yi na.

Sélimɛ 24:53

A falipyew wálifiio yárira, ní tɛɛ̀ yárira wòlo n kaan Erebeka ma, n fàra buroyo na, ní wɔ́ɔ̀ lɔgbanra yáriraa kaan Erebeka senyɛnw ní wi nɔ́ɔw ma.

2 Fànʔafɔbèle 9:30

A Zyehu baa jée Zyizireyɛli ni. A Zyezabɛli ga gi lóʔo, a wi káli le wi nyapiigèle ni níì wi nyúngi fère, níì kòro yaà ǹjogi ni, ní i wéle fɛ̀nɛtiriw na.

Ɛsitɛri 5:1

A ki ga pye candaanri wógi na, a Ɛsitɛri wi fànʔafɔ-búroyi le n sáà jée n yére fànʔafɔ-gbaagi fungoma kàcoolo ni fànʔafɔ-gbaagi yɛ́ʔɛ ma. Fànʔafɔw si i nyɛ wodɛ́ɛɔn ní wi fǎngi fàngolo na fànʔafɔ-gbaagi ni, kpaaweeli zìnmɛ na.

Ŋúnuyi 45:9

Míiri, ní alowɛsi, ní kasi nùndaanni i nyɛ mɔ búroyi myɛ na. Fànʔafɔ-gbaayi be faan ní sogǎngèle ní lè, kɔ̀ríbèle ŋúnuyo i fundaanra kaangi mɔ ma yi ni.

Yirile 3:22

Cɔlɔɔ o cɔlɔɔ a wálifiio yáriraa, ní tɛɛ̀ yáriraa, ní yalere nyɛ́ɛri wi tɛ́ɛnnyɛnjaa ma, ní wee ma wi nyɛ lè wi kpáagi ni. Yele a ra toro nii yele nànbiigèle ní yele calipiigèle na. Kánmi bee na yele a Ezyipiti ye fuguri.»

Yirile 32:2

A Aarɔn be yari: «Tɛ́ɛw vèʔebēle be nyɛ lè yele cébèle, ní yele nànbiigèle, ní yele calipiigèle líiye na lè, ye be wòlo yaa maa naa mii ma.»

Yirile 33:4

Lǎli ni syɛ́ɛnmi syɛɛnpɛɛnri bee lóʔo lè, a be pye kùn káyaʔa na. Pe wàa faala ga wi yaferede le í.

Yirile 35:22

A nǎnbèle i maa n wɔ́ɔ̀ fàra cébèle na. Bele myɛ fúnyo ni ki da pye bi kaan lè, a be i maa ní líiyi vèʔebēle, ní fínaagèle vèʔebēle, ní kabegèle vèʔebēle ní, n fàra kajingèle na. Kánmi bee na syɛ́ɛnbèle myɛ pan ní tɛɛ̀ yáriri ní n baa kaan Yawe ma sáriga-fíigeo.

Yirile 38:8

A wi kanyɛɛnri pɛɛkpɔʔɔ sámaga. Ki nɔ́gi si wɔ́ɔ i nyɛ kanyɛɛnrɛ. Cébèle bele pe da ni báara Syɛ́ɛnmi Tɛɛfaraga fànikpaʔa nyɔ́ɔ na lè, poro kanyɛɛnri dùbalebéle wi da tɛ́ʔɛ n pɛɛkpɔɔgi, ní gi nɔ́gi sámaga.

Ezayi 52:1

Yìri ŋúnɔmi na! Yìri ŋúnɔmi na! Mɔ fangi le burogo, Siyɔn! Kècǎngi Zyerusalɛmi, mɔ burojǎnyi le! Níì cán sìngɛ́nɛɔ wàlá syɛɛnnɔnʔɔɔ a ní jée mɔ ni í.

Ezayi 61:10

Mii i fundaangbɔɔrɔ kpéʔele Yawe ni, mii fúngi i muguri mii Kolocɔlɔw ni. Níì cán wi n syɔɔli búroyo le mii na, wi n sínni burogbɔʔɔ tɛ́ʔɛ n mii tɔ́n àmɛɛ cefɔɔn fɔ́lɔ wiyɛɛ vèré ní kpɔʔɔrɔ nyùndɔnnɔ ní lè, àmɛɛ cefɔɔn wiyɛɛ vèré ní wi fèreri yárira ní lè.

Zyeremii 2:32

A pìcaa i fɛ̀ʔɛ́ lé wi fèreri yárira na, pìcaaw nìgɔcariɔ cò lè, wi fɛ̀ʔɛ lé wi fèreri na? A mii syɛ́ɛnbèle si fɛ̀ʔɛ mii na, nlaa yaà córomɔ fun canya ni.

Zyeremii 4:30

A mɔ, wogalagiɔ, nyàʔá mɔ a kpéʔele? Alí mɔ ga fàninyɛɛn-súruo le, àlí mɔ ga miyɛɛ vère ní tɛɛ̀ fèrere yárira ní, níì káliw taʔa mɔ nyapiigèle na, mɔ a miyɛɛ zámaga bi nyɔɔ gbanzan. Nǎnbèle bele mɔ kéeli da dɛ́nɛ lè, pe i mɔ faari, mɔ siikwɔɔri be caa.

Ezekyɛli 23:40

Alí pe n caà tun a be sáà nànbēle caa n yìri tɛɛ̀leelige ni n pan, tundunbéle be tórigo be kurugo, wéle, a be pan. Bele bee kéele na mɔ wéli, mɔ n káliw le mɔ nyapiigèle ni, mɔ n mɔ fereri yárira le.

Wɔrɔmi ye 12:2

Ki ga yɛlɛ yele í ní da dulunyanw naa syɛ̀ɛnnɛ tɛ́ɛlɛ í, kàjáa ki n yɛlɛ yele í yele fúnyi kàriga si fàli, koro ga pye yele í Kolocɔlɔɔ nyɛ́nɛ kéeli sámaga cán, lee li nyɔɔ n foro lè, níì Kolocɔlɔɔ dɛ́nɛ.

1 Pyɛri 3:2

níì cán wi a ra nàʔajǎnmi nyaagi, bee wi céw a ra náari lè ní fyáara ní.