1 Pyɛri 1:3 - Cebaara Bible 2010

³ Wolo Kàfɔw Zyezu Kirisi Kolocɔlɔw wi yɛlɛ ní kpɔ̀ʔɔrɔli ní, wi lè wi Tóow, woro wee wi wolo séli n see lè kavɔn Zyezu Kirisi nyán-yirili báriga ni kúbèle nínge ni n yɛlɛ ní wi nyininɛʔɛmi ní, jàngó wolo í sɔ̀ngumɔ tɛɛtaʔaga woweʔe taa,

1 Pyɛri 1:3 Iomraidhean Croise

1 Fànʔafɔbèle 8:15

Wi n jo: «Yawe n yɛlɛ waa wi kpɔ̀ʔɔrɔ́ wi lè Isirayɛli ye Kolocɔlɔw, woro wee wi da joo lè wi tiimaa nyɔ́ɔgi ni mii tóow Davidi ma, gee wi da joo lè níì gi foro wi séew báriga ni. Wi maa jo:

1 Cányi kèlē 29:20

Koro kàdoʔo ma a Davidi syɛɛnkpoʔolomi myɛ pye: «Ye Yawe yele Kolocɔlɔw kaan bariga na.» A syɛɛnkpoʔolomi myɛ Yawe be toolɛɛbèle Kolocɔlɔɔ kaan bariga na. Pe maa tìgi n kpùmɔnɔ n yɛ́ɛyi cíbele Yawe yɛ́ʔɛ ma, ní fànʔafɔw yɛ́ʔɛ ma.

2 Cányi kèlē 31:8

A Ezekyasi ní syɛɛnkpolobèle pan n baa gbooyi bee wéle, níì Yawe ní wi syɛ́ɛnbèle Isirayɛli ye sòolo.

Ŋúnuyi 41:13

Mɔ si n tɔ̀nɔ n mii tɔʔɔ n yérige mii sínvoroli ni, mɔ n mii tɛ́ʔɛ mii í kòro mɔ yɛ́ʔɛ ma làla o làla.

Ŋúnuyi 86:15

Kàjáa Kàfɔw, mɔ wi nyɛ fûnnyingi ní nyinidaari Kolocɔlɔɔ, mɔ fúngi o taanri kelekele í, mɔ nyínimi n nɛʔɛ, mɔ si wɔ́ɔ i nyɛ tágala syɔ́ɔn.

Ŋúnuyi 86:5

Níì cán Kàfɔw mɔ fúngi n nyɔɔ, mɔ i kùsulugi syoo, mɔ nyínimi n tɔ̀nɔ n nɛʔɛ bele myɛ kàbaan na pe mɔ mɛ́ɛgi yiri lè.

Yirile 34:6

A Yawe sɔ̀lɔ wi yɛʔɛ̀ ma níì jo: «Mii Yawe, mii Yawe wi nyɛ nyinidaari Kolocɔlɔɔ, wee wi nyɔɔgi syɔɔn na lè, mii fúngi o wári taanri í. Mii i nyɛ funjàngafɔlɔ ní tágala syɔ́ɔn, dee bee i nyɛ mii ma saʔa,

Ezayi 26:19

Ki n yɛlɛ mɔ kúbèle í lúru pye sìi na! Ki n yɛlɛ mii kúbèle í ní nyán yìri. Yele bele ye nyɛ wodɛ́ɛnbéle ní támiigi ni lè, ye nyán, yaa yákpogèle wáa fundaanri báriga ni. Níì cán mɔ kásagi i nyɛ gbɛ̀ɛnmɛ kásaga, tári a ní kúbèle lúrugo yirige naa.

Zyonasi 4:2

A wi Yawe nyɛ́ɛri níì jo: «Ee Yawe, koro ban mii da ni nyuu lǎli ni mii sèʔê pye yaà lè mii tári ni ì? Koro yɛ́ʔɛ mii da ni ceri, koro na mii da ni fé ni syée Tarisiisi ma. Níì cán mii maa gi cán mɔ i nyɛ Kolocɔlɔwaa, wee wi nyɔɔgi syɔɔn na lè, ní wɔ́ɔ i nyinimɛ taagi, mɔ fúngi o taanri kelekele í, mɔ nyínimi n nɛʔɛ, mɔ i mɔ sɔngumi láari kapeʔe pyele na.

Zyan 1:13

Kàjáa pe ga bele bee see syɔɔn yodaʔaya báriga ni í, ki ga pye céri dɛ́nɛgɛ kéele na í, ki si ga wɔ́ɔ̀ kpéʔele syɔɔn nyɛ́nɛ pyele na í, fwɔɔ Kolocɔlɔɔ wi be see.

Wɔrɔmi ye 12:12

Yaa fundaanra kpéʔele sɔ̀ngumi tɛɛtaʔaga kéele na, yáā kpàracogo kpéʔele wɔʔɔyi fúngo ni, yé kòro yaa nyɛ́ɛri làla o làla.

Wɔrɔmi ye 15:13

Kolocɔlɔwee wi nyɛ lè sɔ̀ngumi tɛɛtaʔaga kaanfɔlɔ, ki n yɛlɛ woro í yele fúnyi nyìn fundaanri myɛ ní fûnnyingi myɛ na tágali kólogo ni, koro ga pye kàa í da taari yele sɔ̀ngumi taʔala na Pìicǎnni fànʔa báriga ni.

Wɔrɔmi ye 4:25

Wi maa Zyezu kaan kùúw ma wolo kapeegèle kéele na, níì wi nyán n yirige wolo sínni taala kéele na.

Wɔrɔmi ye 5:10

Níì cán kapye Kolocɔlɔɔ n wolo bɛ̀ɛ ní wiyɛɛ ní wi Jáaw kùulo báriga ni, bi gi taa wolo maa pye wi nigoolo, ànbée gi wɔ́ɔ̄ nyɛ àmɛɛ wi wolo bɛ̀ɛ ní wiyɛɛ ní n kwɔ́ɔ lè, wi a ba wolo syɔɔ kányɛʔɛ ni wi Jáaw sìi báriga ni.

Wɔrɔmi ye 8:11

Wee wi Zyezu nyán n yirige kúbèle nínge ni lè, wee bee Pìle ga pye yele fúnyi ni, woro wee wi Kirisi Zyezu nyán n yirige lè kúbèle nínge ni, wi a ba yele cekuuri nyán di pye sìi na wi Pǐli báriga ni li tɛ́ɛn lè yele fúnyi ni.

Wɔrɔmi ye 8:24

Amɛɛ wolo syɔɔ lè, wolo n wo sɔ̀ngumi taʔa gi na ncan Kolocɔlɔɔ a ba wolo syɔɔ foro. Níì cán syɔɔn ga wi sɔ̀ngumi taʔa yárigee na lè, wi ga gi nyaa, wi a ní da gi sige í, àmɛɛ wi gi nyaa n kwɔ́ɔ lè, nyàʔá na wi a ní da gi sige?

1 Korɛnti ye 13:13

Kányɛʔɛ na yatɛɛyi naa taanri yi kòro, yoro yi nyɛ tágali, ní sɔ̀ngumi tɛɛtaʔaga, ní tàmagi ní. Kàjáa gee gi kpɔ́ʔɔ n sɔ̀lɔ lè, koro gi nyɛ tàmagi.

1 Korɛnti ye 15:20

Kàjáa kányɛʔɛ ni Kirisi n nyán n yiri kúbèle nínge ni, bele be nyɛ lè kùúw ŋúnɔmɔ na, woro wi sélì nyán n yiri bele bee yɛ́ʔɛ ma.

2 Korɛnti ye 1:3

Wolo Kàfɔw Zyezu Kirisi Kolocɔlɔw wi yɛlɛ ní kpɔ̀ʔɔrɔli ní, wi lè wi Tóow, woro wee wi lè Tofɔw, wee nyínimɛ bi nɛʔɛ lè, ní wɔ́ɔ i nyɛ Kolocɔlɔɔ wee wi syɔɔn kɛɛlɛ kérigèle myɛ ni lè,

Galasi ye 6:16

Bele myɛ be táanri lè ni yɛlɛgi ní kajooli naa ní, ki n yɛlɛ Kolocɔlɔɔ í yɛɛ̀nyingi, ní nyínimi kaan be ma, n fàra Isirayɛli ye na be nyɛ lè Kolocɔlɔɔ wóbèle.

Efɛzi ye 1:17

jàngó wolo Kàfɔw Zyezu Kirisi Kolocɔlɔw, wi lè nìjangbɔɔri Tofɔlɔ, woro í sícilimɛ fúnyo kaan yele ma, sáā wi kérigèle tèé yele na, koro ga pye yele í wi sámaga cán.

Efɛzi ye 1:3

Wolo Kàfɔw Zyezu Kirisi Kolocɔlɔw wi yɛlɛ ní kpɔ̀ʔɔrɔli ní wi lè wi Tóow, woro wee wi Pìicǎnni kpɔ́ʔɔrɔ féleye myɛ kaan lè wolo ma nyɛ̀ʔɛni tɛ́ɛyɛ ni àmɛɛ wolo nyɛ lè Kirisi ni.

Efɛzi ye 1:7

Woro ni wolo nyùnzyɔɔri taa wi sìsyaanw wolo báriga ni ti lè wolo kapeegèle kùsulugo syɔɔlɔ n yɛlɛ ní wi kpɔʔɔnɛʔɛri ní.

Efɛzi ye 2:4

Kàjáa àmɛɛ Kolocɔlɔɔ nyínimi tɔ̀nɔ n nɛʔɛ lè, a wi tàmaga le ní wolo ní, tàmagi bee n tɔ̀nɔ n kpɔ́ʔɔ.

Efɛzi ye 3:20

Wee si wi a gbǎn kérigèle myɛ kpéʔele lè gbanʔama bi sɔ̀lɔ wolo nyɛ́ɛriyi ní wolo sɔ̀nguri myɛ na n yɛlɛ ní séew ní, wee ní wi báara lè wolo fúnyi ni,

Kɔlɔsi ye 1:23

ní yele ga tɛ́nɛ̀ kòro tágali ni níì yeyɛɛ daʔa li na níì nìrimɛ le, yele si ga wɔ́ɔ̀ láʔa sɔ̀ngumi tɛɛtaʔaga na í, gee yele taa lè Syɛɛnjóocǎnri ni yele lóʔo lè í, toro dee di joo syɛ́ɛnbèle myɛ ma lè dulunyanbo, a mii Pɔli tiimaa wɔ́ɔ baa pye ti joofɔwaa.

Kɔlɔsi ye 1:27

bele na wi da ni caa lè bi kalarali bee nìjanra kpɔ́ʔɔrɔ tɛ̀ɛn lè syɛɛnfeleyi nínge ni, kalarali bee li nyɛ àmɛɛ Kirisi nyɛ lè yele fúnyi ni, koro gi nyɛ nìjangbɔɔri sɔ̀ngumɔ tɛɛtaʔaga.

1 Tesaloniki ye 1:3

Wolo i sɔ̀ngí ni taagi yele kéeli na làla o làla wolo Tóow Kolocɔlɔɔ nyɛ́nɛ na, àmɛɛ yele báara lè tágali ní tàmagi báriga ni, ní àmɛɛ yele kpàracogi kpéʔele lè yele sɔ̀ngumi taʔala báriga ni wo Kàfɔw Zyezu Kirisi na.

1 Tesaloniki ye 4:13

Ni senyɛ̀nnɛ, bele be nyɛ lè kùúw ŋúnɔmɔ na, wolo o caa yele í pye bele bee kéele sinján ni í, koro ga pye yele fúnyi í kɔ́ ra curugu àmɛɛ wozanbèle wóyo nyɛ lè í, bele be nyɛ lè sɔ̀ngumɔ tɛɛtaʔaga o nyɛ be ma í.

2 Tesaloniki ye 2:16

Wolo Kàfɔw Zyezu Kirisi tiimaa, ní wolo Tóow Kolocɔlɔɔ, woro wee wi tàmaga le ní wolo ní lè, níì bàngwɔɔ fûnnyingi kaan wo ma n fàra sɔ̀ngumi tɛɛtaʔajanga na wi kpɔ́ʔɔri báriga ni,

1 Timɔte 1:14

Wolo Kàfɔw n tɔ̀nɔ n kpɔʔɔrɔ kaan mii ma saʔa, n fàra tágali, ní tàmagi na, dee wo taagi lè Kirisi Zyezu ni.

Tiiti 2:13

àmɛɛ wolo wo sɔ̀ngumi tɛɛtaʔajanga sige lè, gi lè Zyezu Kirisi lúrubanni àmɛɛ wi a ba wiyɛɛ dɛ̀ɛn lè wi nìjangbɔɔri ni, woro wee wi lè Kolocɔlɔɔ Wogbɔɔw ní wolo Syɔɔfɔw.

Heburubèle 3:6

Kàjáa Kirisi i nyɛ Jaafɔlɔ, wi i nyɛ tágala syɔ́ɔn Kolocɔlɔɔ kpáagi nyúngo na. Wolo si i nyɛ wi kpáagi, kapye wolo n tágali sámaga n cò, ní i nyɔ̌ngbɔɔlɔ táanri wolo sɔ̀ngumi tɛɛtaʔaga báriga ni.

Zyaki 1:18

Wi n wolo séli n see kavɔn kányɛɛgi syɛ́ɛnrɛ báriga ni, wi n gee bee kpéʔele n yɛlɛ ní wi tiimaa kínidɛnɛgi ní, koro ga pye wolo í pye wozelibèle woro ma wi yafaanri myɛ nínge ni.

1 Pyɛri 1:13

Koro na ye nìrimɛ le yeyɛɛ ni, yé yeyɛɛ cǒmi cán, yé wɔ́ɔ yele sɔ̀ngumi myɛ taʔa kpɔ́ʔɔri na, dee yele a ba taa lè Zyezu Kirisi tɛ̀ɛ́nni làla ni.

1 Pyɛri 1:21

Woro bárigaw ni yele tága Kolocɔlɔɔ na, woro wee wi wi nyán n yirige kúbèle nínge ni lè, níì nìjangbɔɔri taʔa wi na, a koro gi kaan a yele tága Kolocɔlɔɔ na níì yele sɔ̀ngumi taʔa wi na.

1 Pyɛri 1:23

Kolocɔlɔɔ n yele séli n see kavɔn bàngwɔɔ sìíw sée báriga ni, sìíwee wi kwóo lè, wee bee sée báriga ni ban í, wi n koro kpéʔele wi syɛ́ɛnri báriga ni ti nyɛ lè woweere ní, ti si a wɔ́ɔ kwɔ́ɔ bi nyaa í.

1 Pyɛri 2:2

Ye pye àmɛɛ sàánnyɛɛngēle nyɛ lè bi yirejanmi láa yaʔa paa yele taagi pi lè pìígèle wómɔ, koro ga pye yele í da leegi syɔɔli kánma na pi bárigaw ni,

1 Pyɛri 3:15

Kàjáa ki n yɛlɛ ye Kirisi yaʔa wi pye yele fúnyi kàrigafɔlɔ, yé pye wogboʔoro-yaʔabéle ní làla o làla, koro ga pye syɔɔn o syɔɔn wi yele yíbe yele sɔ̀ngumi tɛɛtaʔaga kéele na lè, yele í syɛɛnlurugoro taa kaan wi ma.

1 Pyɛri 3:21

Gee fɛ̀ɛ lǒgi bee da tɛ̀ɛn lè, koro gi nyɛ batɛmiw, wee wi wɔ́ɔ̀ yele syɔɔ lè tɔ́ɔliw ni, wi o nyɛ bi fɔɔnrɔ láʔa céri na wii í, kàjáa wi i nyɛ bi yele fúnyi sámaga yi nyɔɔ Kolocɔlɔɔ ma, Zyezu Kirisi nyán-yirili báriga ni,

1 Pyɛri 3:5

Booma cecǎnbèle bele pe da be sɔ̀ngumi taʔa Kolocɔlɔɔ na lè, kánmi bee na bele bee da ni peyɛɛ vèré, pe maa ni lúro pe tiimaa nǎnbèle ma,

1 Zyan 2:29

Yele ga gi cán ncan wi n sín, yele a wɔ́ɔ gi cán bi cán syɔ́ɔnwee faala ga ni kasingèle kpéʔele lè, wi i nyɛ Kolocɔlɔɔ pyà.

1 Zyan 3:3

Syɔ́ɔnwee faala wi wi sɔ̀ngumi taʔa Kirisi na kánmi bee na lè, wee bee a ra wiyɛɛ jé da mùú si pye tɛɛlɛ fun àmɛɛ woro nyɛ lè.

1 Zyan 3:9

Syɔ́ɔnwee faala wi nyɛ lè Kolocɔlɔɔ pyà, wee bee a ní kòro bàā kapeegèle kpéʔele í, níì cán sìíw sée wi yiri Kolocɔlɔɔ ni lè, wee bee i nyɛ syɔ́ɔnw bee ni, wi a gbǎn kòro bàā kapeegèle kpéʔele í, àmɛɛ wi nyɛ lè Kolocɔlɔɔ pyà.

1 Zyan 4:7

Mii syɛɛn-nidaanmabèle, ki n yɛlɛ wo tàmaga le ní woyɛɛ ní, níì cán Kolocɔlɔɔ má tàmagi yìri, syɔ́ɔnwee faala wi tàmaga nii lè, wee bee i nyɛ Kolocɔlɔɔ pyà, wi n Kolocɔlɔɔ cán.

1 Zyan 5:1

Syɔ́ɔnwee faala wi tága lè gi na ncan Zyezu wi nyɛ Kirisi, wee bee i nyɛ Kolocɔlɔɔ pyà, wee si ga tàmaga le lè ní Tofɔw ní, wee bee a wɔ́ɔ tàmaga le ní Tofɔw pìibēle ní.

1 Zyan 5:18

Wolo n gi cán ncan syɔ́ɔnwee faala wi nyɛ lè Kolocɔlɔɔ pyà, wee bee a ní kòro bàā kapeegèle kpéʔele í. Níì cán Kolocɔlɔɔ Jáaw i wi kɔ̀rɔsíi, Wobeew a tée wi taa cò í.

1 Zyan 5:4

níì cán bele myɛ be nyɛ lè Kolocɔlɔɔ pìíbèle, pe n dulunyanw jáa, fǎngee si wolo taa lè n dulunyanw jáa, koro gi nyɛ wolo tágali.