1 Pyɛri 1:2 - Cebaara Bible 2010

² Tofɔw Kolocɔlɔɔ maa téè yele nyɛ́nɛ n wòlo booma ni n yɛlɛ ní wi kakɔrirɔli ní jàngó Pìicǎnni í yele sámaga yaʔa woro ma, koro ga pye yele í da lúro Zyezu Kirisi ma, wi sìsyaanw nyari-nyarila sáā yele mùú. Ki n yɛlɛ Kolocɔlɔɔ í da kàa fàrá yele ma kpɔ́ʔɔri ní fûnnyingi na.

1 Pyɛri 1:2 Iomraidhean Croise

2 Tesaloniki ye 2:13

Ni senyɛ̀nnɛ, wolo n yɛlɛ bàā bariga kaangi Kolocɔlɔɔ ma làla o làla yele kéeli na, yele bele ye nyɛ lè Kàfɔw syɛɛn-nidaanmabéle, níì cán Kolocɔlɔɔ maa téè yele nyɛ́nɛ n wòlo nlaa yaà làrizelili ni, jàngó yele í ba syɔɔli taa, wi maa gi cán Pìicǎnni a ba yele jée mùnu, yele si wɔ́ɔ tága kányɛɛgi syɛ́ɛnrɛ na.

1 Pyɛri 1:22

Amɛɛ yele fɔ̀lɔ lè kányɛɛgi na níì yele fúnyi jée n mùnu koro ga pye senyɛnnɛgi tàmadelege í pye yele ni, ki n yɛlɛ ye wɔ́ɔ tàmaga le ní yeyɛɛ ní kányɛʔɛ na ní yele fúnyi myɛ ní.

Heburubèle 12:24

Yele n nùuni Zyezu na wi lè Kolocɔlɔɔ joogaanvɔnni sámagafɔlɔ, ní wi sìsyaanw na, wee be nyari nyari lè, wee syɛ́ɛnrɛ di tɛ́nɛ n sɔ̀lɔ lè Abɛli sìsyaanw wóro na.

Wɔrɔmi ye 11:2

Syɛ́ɛnbèle Kolocɔlɔɔ da nyɛ́nɛ n wòlo lè booma ni be pye woro wòolo, wi ga be cée í. Gee wi syɛɛnsɛbɛri joo lè Elii kéeli na, yele ga gee bee cán ì? Wi maa Kolocɔlɔɔ nyɛ́ɛri Isirayɛli ye kánmi na níì jo:

2 Pyɛri 1:2

Ki n yɛlɛ kàa í da fàrá yele ma kpɔ́ʔɔri ní fûnnyingi na àmɛɛ yele Kolocɔlɔɔ ní wo Kàfɔw Zyezu càn lè.

Kapyegèle 2:23

Pe si maa baa nǎnw bee le yele kɔ́yi ni n yɛlɛ ní Kolocɔlɔɔ fúngi kakɔrirɔlɔ, ní wi cánni ní, a yele wi kpóo kakolobyebèle báriga ni, bele be wi kóri lè.

Wɔrɔmi ye 16:26

ní si baa li tɛ̀ɛn tɔ́ɔliw ni kanyaajoobèle syɛɛnsɛbɛrɛ báriga ni n yɛlɛ ní bàngwɔɔ Kolocɔlɔɔ kajooli ní, koro ga pye syɛɛnfeleyi myɛ í di lóʔo si fɔ̀lɔ́ tága,

2 Timɔte 2:10

Koro na mii i kérigèle myɛ kpàracó Kolocɔlɔɔ syɛɛnnyɛnɛ-wòlobèle kéele na, koro ga pye poro í wɔ́ɔ syɔɔli taa, n fàra bàngwɔɔ nìjanri na, dee Kirisi Zyezu kaangi lè.

1 Korɛnti ye 6:11

Anbée si yele pèle da pye. Kàjáa Kolocɔlɔɔ Pǐli n yele fúnyi jée n mùnu n kapeegèle láʔa yele na, níì sínni kaan yele ma wolo Kàfɔw Zyezu Kirisi mɛ́ɛgi na.

Mariki 13:27

Lǎli bee ni wi a wi tundunbèle tun be sa wi syɛɛnnyɛnɛ-wòlobèle kpóʔoro peyɛɛ na, poro bele be nyɛ lè tári kàbanya myɛ sicɛrɛ na káfalagi kàban-yìriye ma, beè nyɛ̀ʔɛni ní tári tiyɛɛ vàra lè.

Mariki 13:20

Kapye Kàfɔw da gi kɔ̀rirɔ bi kàa yirige cányi bee ni í, syɔɔn faala mǎà dée syɔɔ í. Kàjáa wi n kàa yirige yi ni wi syɛɛnnyɛnɛ-wòlobèle kéele na.

Heburubèle 10:22

Ki n yɛlɛ wolo í nùuni Kolocɔlɔɔ na ní funjànya ní, bi fàra tágala na, lee li sámaga n kpɔ́ʔɔ lè, wo nùuni wi na ní fúnyi ní, yee Kàfɔw nyari nyari ní wi sìsyaanw ní lè n sɔ̀ngubeeri yirige yi ni, ní céri ní be jée n mùnu ní lòcànga ní lè.

Wɔrɔmi ye 16:19

Amɛɛ yele lúro lè Kàfɔw ma, syɛ́ɛnbèle myɛ n gee bee cán. Gee bee na mii i fundaanra kpéʔele yele kéeli na, ní si i caa yele í pye sícilimɛ fɔ̀ɔlɔ kacànbyeri kàbaan na, si pye tɛɛkolobile fun kapeebyeri kàbaan na.

Wɔrɔmi ye 8:33

Wìí wi a gbǎn kolomɔ kaan Kolocɔlɔɔ wonyɛnɛ-wòlobèle ma? Níì cán Kolocɔlɔɔ wi nyɛ sínni kaanfɔlɔ.

Luki 18:7

Kolocɔlɔɔ syɛɛnnyɛnɛ-wòlobèle si be wi yiri lè canʔa ní yébilige, wi a tɔ̀ʔɔ́ tànʔa kaan bele bee ma ì? A wi a fúngi nyíngi lé be dɛ̀ɛmɛni kurugo?

Matye 24:24

Níì cán kirisi-fáanabéle, ní kanyaajoo-fáanabéle a ba yìri, sáā fɛ̀ɛbēle ní kakpoloyo kpéʔele, jàngó pe fanʔa ga taa poro í Kolocɔlɔɔ syɛɛnnyɛnɛ-wòlobèle fáana pùuni.

Matye 24:22

Kapye Kolocɔlɔɔ da gi kɔ̀rirɔ bi kàa yirige cányi bee ni í, syɔɔn faala mǎà dée syɔɔ í, kàjáa wi a kàa yirige yi ni wi syɛɛnnyɛnɛ-wòlobèle kéele na.

Làlwaw Kaanziin 7:6

Níì cán mɔ i nyɛ syɛɛnfelejànga Yawe mɔ Kolocɔlɔw ma. Yawe mɔ Kolocɔlɔw n mɔ nyɛ́nɛ n wòlo mɔ í pye woro tiimaa syɛɛnfelege syɛɛnfeleyi myɛ nínge ni, yi nyɛ lè tásaligi yɛ́ʔɛ kurugo.

1 Pyɛri 2:9

Yele si i nyɛ syɛɛnfelegaa, gee Kolocɔlɔɔ nyɛ́nɛ n wòlo lè, ní i nyɛ wi fǎngi sáriga-wòlobēle, ní ní i nyɛ syɛɛncanbéle, bele Kolocɔlɔɔ sámaga n yaʔa wiyɛɛ ma lè, ní wɔ́ɔ i nyɛ wi tiimaa syɛ̀ɛnnɛ, koro ga pye yele í da woro nyɔɔ-mí-foroli kèlē nyuu, woro wee wi yele yeri n yirige lè yébilimi ni n lége wi bìngaari gbɛ̀ɛnmɛ ni lè.

Heburubèle 11:28

Tágali báriga ni wi da Isirayɛli ye pye be Sɔ̀lɔ-mí-yaʔali séri kpéʔele, bé sìsyaanw nyari nyari kpaaweegèle na, koro ga pye nyɛ̀ʔɛni tunduɔn ga pan woro wee wi a pìiselibèle kpóo lè, wi poro wóbèle yaʔa.

Wɔrɔmi ye 15:16

níì jo mii í pye Kirisi Zyezu falipyeo syɛɛnfeleyi ma. Mii i nyɛ àmɛɛ sáriga-wòloo nyɛ lè ni Kolocɔlɔɔ Syɛɛnjóocǎnri fáli kpéʔele, koro ga pye mii í syɛɛnfeleyi kaan Kolocɔlɔɔ ma sáriga, wee wi Kolocɔlɔɔ dɛ́nɛ lè, àmɛɛ Pìicǎnni a yi jée mùnu bi yaʔa wi ma lè.

Wɔrɔmi ye 8:13

Níì cán yele ga ni táanri ni yɛlɛgi ní céri kínidɛnɛgɛ ní, yele a ba kùu. Yele si ga ni céri kínidɛnɛgɛ kúu Pìicǎnni báriga ni, yele a sìi taa.

Wɔrɔmi ye 1:7

Mii i sɛ́bɛw naa sɛ́bɛ bi tórigo yele myɛ ma, yele bele ye nyɛ lè Wɔrɔmi ni, Kolocɔlɔɔ syɛɛn-nidaanmabèle, yele bele wi yeri lè n kpéʔele woro tiimaa syɛ̀ɛnnɛ. Ki n yɛlɛ wolo Tóow Kolocɔlɔɔ ní Kàfɔw Zyezu Kirisi í kpɔ́ʔɔri ní fûnnyingi kaan yele ma!

Wɔrɔmi ye 1:5

Woro bárigaw ni Kolocɔlɔɔ kpɔ́ʔɔri kaan wolo ma, ní wɔ́ɔ̀ wolo kpéʔele pìitunbéle wi mɛ́ɛgi kéele na, koro ga pye syɛ́ɛnbèle pèle í da tági syɛɛnfeleyi myɛ ni sáā lúro wi ma,

Kapyegèle 15:18

ní i ge tèé nlaa yaà booma ni.

Danyɛli 4:1

Mii Nebukadinezari, mii maa pye wodɛ́ɛɔn ní sági mii kpáagi ni, níì pye fundaanra na mii fànʔafɔ-gbaagi ni.

Ezayi 65:22

Pe a ní kpaaya faan, wàa nikwɔɔ si ba jée yi ni í, pe a ní tirire cɔ́rɔ, ti yasanri si pye wàa nikwɔɔ lìile í. Níì cán mii syɛ́ɛnbèle canya nyɔ́ɔ a pye àmɛɛ tíiri canya nyɔ́ɔ nyɛ lè, mii wonyɛnɛ-wòlobèle a ra fundaanra kpéʔele be kɔ́yi fáli kéele na.

Zyudi 1:2

Ki n yɛlɛ kàa í da fàrá yele ma nyínimi, ní fûnnyingi, ní tàmagi na!

Heburubèle 5:9

Amɛɛ si Kolocɔlɔɔ wi sámaga n foro lè, a wi baa pye bàngwɔɔ syɔɔlɔ sábabu bele myɛ ma be lúro wi ma lè.

Kɔlɔsi ye 3:12

Gee bee na, àmɛɛ yele nyɛ lè Kolocɔlɔɔ wonyɛnɛ-wòlobēle, ní wi syɛɛncanbéle, ní wi syɛɛn-nidaanmabéle, ki n yɛlɛ yele í dee naa le yeyɛɛ na, di nyɛ lè nyinidaari, ní funjǎngi, ní màabyeri, ní fûnnyingi, ní kpàracogi ní.

2 Korɛnti ye 10:5

n fàra yáriri myɛ na di tiyɛɛ nyɛ́nɛ lè Kolocɔlɔɔ cánni kéele na, ní wɔ́ɔ̀ sɔ̀nguri myɛ jáa ni di kàragí jàngó taa lúro Kirisi ma.

Wɔrɔmi ye 11:28

Isirayɛli ye i nyɛ Kolocɔlɔɔ nígoolo Syɛɛnjóocǎnri kàbaan na yele kéeli na. Kàjáa pe i nyɛ wi syɛɛn-nidaanmabéle nyɛ́nɛ-wòloli kàbaan na pe tofɔlɛɛyi kéele na.

Kapyegèle 20:32

Tɔ́ɔliw ni mii n yele yaʔa Kàfɔw ma, ní wɔ́ɔ̀ yele yaʔa wi kpɔ́ʔɔri syɛ́ɛnrɛ ma, dee ti a gbǎn ra kàa fàrá yele na lè, si kɔ́rigi kaan yele ma bi fàra bele myɛ na Kolocɔlɔɔ sámaga n yaʔa wiyɛɛ ma lè.

Tiiti 1:1

Mii Pɔli, wi lè Kolocɔlɔɔ púlo ní Zyezu Kirisi pìituɔn, wi n mii tun koro ga pye mii í da Kolocɔlɔɔ wonyɛnɛ-wòlobèle dɛ̀ɛmɛ́ paa syée yɛʔɛ̀ ma tágali ni, sáā kányɛɛgi tèé be na gee gi yɛlɛ lè ní Kolocɔlɔɔ yɛ́ɛgi fyáara ní,

1 Korɛnti ye 1:30

Kolocɔlɔɔ bárigaw ni yele nyɛ Kirisi Zyezu ni, woro Kolocɔlɔɔ kpéʔele wolo ma sícilimi, ní sínni, ní jéemununi, ní syɔɔli,

Mariki 13:22

Níì cán kirisi-fáanabéle, ní kanyaajoo-fáanabéle a ba yìri, sáā fɛ̀ɛbēle ní kakpoloyo kpéʔele, jàngó be fanʔa ga taa poro í Kolocɔlɔɔ syɛɛnnyɛnɛ-wòlobèle fáana pùuni.

Matye 24:31

Lǎli bee ni wi a wi tundunbèle tun ní búruw wìimɛ yákpogbɔɔlɔ ní, pe a sa wi syɛɛnnyɛnɛ-wòlobèle kpóʔoro bi yìri dulunyanw kàbanya myɛ sicɛrɛ na, beè nyɛ̀ʔɛni ní tári tiyɛɛ vàra lè.

Ezayi 55:7

Syɛɛnpeew n yɛlɛ wi wi kólogi yaʔa, syɛɛnnaa-sìnzinw n yɛlɛ wi wi sɔ̀ngubeeri yaʔa, wi lúru Yawe ma, woro wee wi a nyinimɛ taa wi na lè, wi lúru wolo Kolocɔlɔw ma, woro wee wi kùsulugi syoo lè saʔa.

2 Zyan 1:13

Mɔ senyɛnjew wi nyɛ lè Kolocɔlɔɔ syɛɛnnyɛnɛ-wòlowaa, wi pìíbèle n mɔ syáanri yaà.

2 Zyan 1:1

Mii wee wi nyɛ lè Egiliziw wolɛɛɔ, cɔlɔɔ, mii a sɛ́bɛw naa tórigo mɔ ní mɔ piibèle ma, mɔ wee wi nyɛ lè Kolocɔlɔɔ syɛɛnnyɛnɛ-wòloo. Yele kéeli n mii dɛ́nɛ kányɛʔɛ ni, mii nibin si ban í, fwɔɔ bele myɛ be kányɛɛgi cán lè, yele kéeli n wɔ́ɔ̀ bele bee dɛ́nɛ

Danyɛli 6:25

A fànʔafɔw gi joo n gbàn níì jo be pan ní nǎnbèle bee ní poro bele pe da sɔ́ɔn Danyɛli na lè, a pe baa be wáa càarabèle ma wéegi ni, poro ní be pìíbèle, ní be cébèle. Sáni pe nan wéegi nɔ́ʔɔ na lè, a càarabèle téè be cò n be kaceleyi myɛ kabagi kabagi.

Ezayi 65:9

Mii a yòdaʔaga yirige Zyakɔbi ni, bi mii nyanbeleyi taafɔlɔ yirige Zyuda ni. Mii wonyɛnɛ-wòlobèle a yi taa, mii falipyebèle a tɛ́ɛn yi ni.

Levii ye sáriga-wòlori 1:5

Wí náapebili kɔni Yawe yɛ́ʔɛ ma. Sáriga-wòlobèle be lè Aarɔn jáabèle, poro si sìsyaanw láa bi wòlo sáriga, si wi wo bi sáriga-wòlo-yafaangi màʔa, ki lè syɛ́ɛnmi tɛɛfaraga fànikpaʔa kpaaweele yɛ́ʔɛ ma.

1 Pyɛri 1:14

Ki n yɛlɛ yele í pye àmɛɛ pìiloʔobéle nyɛ lè, ki ga yɛlɛ yele í da táanri da yɛlɛgi ní yele booma ki laànitaagi kèlē ní í, gele yele da ni kpéʔele lè yele kanaa-sìnjánmi làla ni.

1 Pyɛri 1:19

Kàjáa wi n yele syɔɔ lɔgbanra na ti lè Kirisi sìsyaanw, wee wi nyɛ lè àmɛɛ tɛɛlɛ fun ní fɔɔnrɔ fun bàpile wóo nyɛ lè.

1 Pyɛri 1:20

Kolocɔlɔɔ maa téè Kirisi nyɛ́nɛ n wòlo sáni dulunyanw í séli lè, ní baa wi tɛ̀ɛn làrizangèle naa ni yele kéeli na.