1 Timɔte 6:9 - Cebaara Bible 2010

⁹ Kàjáa bele be caa lè bi pye lɔrɔfɔɔlɔ, bele bee i có lɛ́ɛlɛ-mí-cǒli karinyanya na, sícilimɛ fun ki laànitaagi ní péemi ki laànitaʔa kérigèle saʔa láa i be taagi, gele ge syɛ́ɛnbèle nii lè kálagili ní naakpɔɔgi ni.

1 Timɔte 6:9 Iomraidhean Croise

1 Fànʔafɔbèle 21:6

A wi wi yari: «Mii n joo ní Zyizireyɛli ye Nabɔti ní níì wi pye: ‹Mɔ ɛrɛzɛn ségi kaan mii ma wálifiio na wàlá ki ga mɔ dɛ́nɛ mii a ɛrɛzɛn ségaa kaan mɔ ma ki sìndɛɛgi ni.› A wi si jo: ‹Mii a mii ɛrɛzɛn ségi kaan mɔ ma í.› »

Ŋúnuyi 11:6

Wi i naàniganw, ní náagi, ní dìrigíw cáan syɛɛnpeebèle na àmɛɛ zàʔá nyɛ lè. Yagbaanyɛnni wi a kaan be ma lè pe lɛɛli, li a pye káfalafuugo wólo.

Kàseegèle 15:27

Wee wi tɔ̀nɔpeew caa lè, wi i wɔʔɔgɔ cáan wi kpáagi na, wee si námara kpɔ́ʔɔri bɛɛn lè, wi a sìi taa.

Kàseegèle 20:21

Kɔ́rigee gi pàla n taa lè, dùba a pye gi kwɔ́ɔmi na í.

Kàseegèle 21:6

Námara nyínni lɔdaara i nyɛ káfalaga, gee gi sɔ̀lɔ́ lè, kùúw si i di kurugo.

Kàseegèle 22:16

Wee wi fǎngi gbàngí foomɔfɔlɔ na lè, wi i wi kpéʔele lɔrɔfɔlɔ, wee wi lɔrɔfɔlɔ kaangi lè, fɔ̀ngɔ wi wáa wi na.

Kàseegèle 23:4

Mɔ a kɔ́ ra miyɛɛ fɔ̀rɔgí lɔ́ri caala kurugo í, mɔ sɔnguri láʔa di kéeli na.

Ezayi 5:8

Wɔʔɔli a pye bele na be kpáayi faanri ni sígi yiyɛɛ na lè, ní wɔ́ɔ i séyi fála ni soʔolo yiyɛɛ na lè, fwɔɔ ki n pye lariwaʔa a ní pye yaà í. Tɛɛkòrogo ní o nyɛ tári nínge ni kapye yele yagwɔɔlɔ má ban í.

Zakarii 11:5

Bele be be syoo lè, pe i be kɔnɔgi, wɔʔɔlɔ si o nangi be na í. Bele be be pára lè, pe myɛ nibin nibin i gi nyuu níì jo: ‹Yawe n yɛlɛ waa wi kpɔ̀ʔɔrɔ́ níì cán mii n lɔrɔ taa!› Pe nyínimi ga téè be nàʔafɔwaa taa í.

Córolo 31:8

A be Madyan fànʔafɔbèle kagunɔ kpóo, bele làrigboolo ni, pe lè Evii, ní Erekɛmi, ní Suuri, ní Huri, ní Ereba. A be wɔ́ɔ̀ Beyɔɔri jáaw Balaami kpóo ní ŋɔsée ní.

Matye 13:22

Dee si di too lè wúuri tɛ́ʔɛ ni, koro gi nyɛ wee wi syɛ́ɛnri lóʔo lè, á dulunyanw naa kasɔngugēle ní lɔ́ri fáanaga baa yìri wi ma n syɛ́ɛnri tɔ́n, a di kòro wi ma tɔ̀nɔ fun.

Matye 19:22

A nǎnw ga syɛ́ɛnri bee lóʔo, a wi lúru n kári funbɛɛnrɛ na, ncan wi kɔlɔ̀ yáriri maa nɛʔɛ.

Matye 26:15

A wi sáà be pye: «Mii ga wi le yele kɔ́yi ni, nyàʔá yele a kaan mii ma?» A be wálifiio tɛɛyɛ toko ní kpɔrigɔ córo n kaan wi ma.

Matye 6:19

«Ki ga yɛlɛ yele í da lɔ́ri caa da kɔngi yeyɛɛ ma tári na, beè dɔ́nw ní tátɔɔnw di kálagi lè í, ní beè kàyuubèle kpáayi fúrugu ní i yúu lè í.

Mariki 4:19

á dulunyanw naa kasɔngugēle pan ní lɔ́ri fáanaga ní n fàra ki laànitaagi yárira na, dee bee n baa syɛ́ɛnri tɔ́n, koro n gi kaan ti n kòro tɔ̀nɔ fun.

Luki 12:21

Anbée si gi nyɛ syɔɔn ma, wee wi lɔnɛʔɛri kɔngi wiyɛɛ ma lè, wi si o nyɛ yarigaa fɔ́lɔ Kolocɔlɔɔ kàbangi na í.»

Luki 21:35

àmɛɛ karinyanga gáà yarigaa cò lè, níì cán ki a kɔ́ ba pàlá nan syɛ́ɛnbèle myɛ na be nyɛ lè wodɛ́ɛnbéle ní dulunyanw tɛ́ɛyɛ myɛ ni.

Kapyegèle 8:20

A Pyɛri si wi yari: «Ki n yɛlɛ mɔ ní mɔ wáliw í pínɛ kálagi, àmɛɛ mɔ sɔ̀ngí lè bi Kolocɔlɔɔ yakaangi taa wáli na.

Efɛzi ye 4:22

ye gi cán ki n yɛlɛ yele í yele kanlɛɛmi yaʔa, pi da pye lè yele booma tánʔaganmi, kanlɛɛmi bee pi da kálagi lè ki laànitaagi báriga ni gi syɔɔn fáana ni pùuní lè,

Làlwaw Kaanziin 7:25

Ye be kolocɔlɔbèle màdedanya sórigo naà ni. Mɔ a kɔ́ nyabɛɛnnɛ taa wálifiiw ní tɛ́ɛw na wi nyɛ yi na lè í. Mɔ a kɔ́ wi wàa láa bi yaʔa miyɛɛ ma í, jàngó gee bee a kɔ́ pye mɔ na karinyanga í. Níì cán wi i nyɛ yanɔnʔɔgɔ Yawe mɔ Kolocɔlɔw ma.

1 Timɔte 1:9

àmɛɛ wo gi cán lè ncan làlwaw ga tɛ́ʔɛ syɛɛnsiɔn kéele na í, fwɔɔ kakolobyebèle, ní syɛɛnjamabèle, ní Kolocɔlɔɔ yɛ́ʔɛnaa-sìnvyaabèle, ní kapeebyebèle, ní Kolocɔlɔɔ céefɔbèle, ní Kolocɔlɔɔ kólogi yaʔafɔɔlɔ, ní bele pe be seefɔbèle kúu lè, ní syɛɛnkpoobèle,

1 Timɔte 3:7

Ki n wɔ́ɔ̀ yɛlɛ kàfugi syɛ̀ɛnnɛ í da wi mɛ́ɛtaangi yiri jàngó faʔara a kɔ́ too wi na wi kɔ́ cò Dàzɔɔnw karinyanga na í.

1 Timɔte 6:10

Níì cán wáliw tàmaga gi nyɛ kapeegèle myɛ nìnre, á pèle si kòro wi caali na, níì pùuni n léeli tágali na, níì kayaaya saʔa tɛ́ʔɛ n peyɛɛ fúnyi kálagi.

1 Timɔte 6:17

Ki joo mi gbàn dulunyanw naa lɔrɔfɔɔlɔ ma mí be pye, pe a kɔ́ ra peyɛɛ gbɔ́ʔɔgi í, mí wɔ́ɔ gi joo be ma pe a kɔ́ be sɔ̀ngumi taʔa lɔ́ri na í, níì cán ti i nyɛ yakwɔʔɔ, fwɔɔ pe be sɔ̀ngumi taʔa Kolocɔlɔɔ na, woro wee wi yáriri myɛ kaangi wolo ma lè wonɛʔɛrɛ ní, koro ga pye wolo í da fundaanra kpéʔele.

2 Timɔte 2:26

pe sɔ̀nguri si lúru pye àmɛɛ ti da yɛlɛ di pye lè, pé wɔ́ɔ yiri Dàzɔɔnw karinyanga ni gee na wi da be cò lè koro ga pye paa woro nyɛ́nɛ kérigèle kpéʔele.

Tiiti 2:12

Toro di gi tèé wolo na ki n yɛlɛ wolo í Kolocɔlɔɔ yɛ́ʔɛnaa-sìnvyaari ní dulunyanw ki laànitaʔa yaʔa sáā táanri yákirii na, ní sínni, ní Kolocɔlɔɔ yɛ́ɛgi fyáara na lǎli naa ni,

Zyozuwe 7:11

Isirayɛli ye n kapeele pye. Joogaanni kéele mii da joo n gbàn be ma lè, pe n li kálagi. Yáriree mii da joo lè be yaʔa, pe n di tàa láa. Pe n di yùu n làriga, àlí ti i yaà be túgori ni.

2 Pyɛri 2:3

Pe a jànvaa syɛ́ɛnri tɛ́ʔɛ bi yele kpéʔele be jàgi-yárira be nyabɛɛnni kéele na. Kútiiw Kolocɔlɔɔ ceri be na lè nlaa yaà làridɔɔnnɔ ni, wee bee i nyɛ kólogi na n kwɔ́ɔ, pe kálagili si wɔ́ɔ i nyɛ̀nɛ na ni be sige.

Zyudi 1:11

Wɔʔɔli a ba pye be na! Níì cán kólogee Kayɛn da ni táanri lè koro be láa, ní wɔ́ɔ̀ pwɔɔ sàraw kéele na níì tìn n jée Balaami pùununi kólogo ni, níì kálagi àmɛɛ Kore da céemi le wiyɛɛ ni níì kálagi lè.