1 Timɔte 6:6 - Cebaara Bible 2010

⁶ Kányɛʔɛ ni Kolocɔlɔɔ yɛ́ɛgi fyáara si di nyɛ tɔ̀nɔkpɔɔw kólogo, ní syɔɔn ga ni gi córo n jo gee woro taa n kwɔ́ɔ lè, gee bee n yɛlɛ ní woro ní.

1 Timɔte 6:6 Iomraidhean Croise

2 Fànʔafɔbèle 6:2

Ki yaʔa wo kári Zyuridɛnw ma. Wo myɛ nibin nibin a sa tiingéle nibin nibin caa yaà bi tɛɛkòrogo sámaga yaà.» A wi be yari: «Yaa syée.»

Ŋúnuyi 37:16

Syɛɛnsiɔn cɛɛriw n pɔ́rɔ n sɔ̀lɔ syɛɛnpeebèle saʔa lɔnɛʔɛrɛ na.

Ŋúnuyi 84:11

Bi canʔa nibin kwɔ́ɔ mɔ kpɔʔɔrɔli kpaʔa kàcoolo kadàagēle na, koro n pɔ́rɔ n sɔ̀lɔ canya saala kagunɔ kwɔ́ɔlɔ na tɛɛgaa nikwɔɔ ni. Bi yére mii Kolocɔlɔw kpaʔa kpaaweele na, mii n koro fúngo cán n sɔ̀lɔ tɛ́ɛnni na syɛɛnpeebèle fànikpaaya ni.

Yirile 2:21

A Mowizi fɔ̀lɔ n tɛ́ɛn nǎnw bee tɛ́ʔɛ ni. A wi wi pìíw Sefora kaan Mowizi ma wi cɔɔ̀.

Kàseegèle 15:16

Bi cɛɛri taa ní Yawe yɛ́ɛgi fyáara ní, koro n pɔ́rɔ n sɔ̀lɔ lɔnɛʔɛrɛ taala na, dee di nyɛ lè ní nyáʔamina ní.

Kàseegèle 16:8

Bi cɛɛri taa ní sínnɛ ní, koro n pɔ́rɔ n sɔ̀lɔ tɔ̀nɔnɛʔɛɔ taala na ní sìnzinmɛ ní.

Kàseegèle 28:25

Wee wi sɔ̀ngí lè woro félege o nyɛ í wi i kàsii yìrigí, kàjáa wee wi wi sɔ̀ngumi taʔa Yawe na lè, wi a taa tín.

Zyeremii 35:9

Wolo o kpaaya faanri ni tɛ̀ɛ́n yi ni í, ɛrɛzɛn tírire o nyɛ wolo ma í, wàlá seye í, wàlá yalii-lùgu-tára í.

Luki 12:15

Níì fala n gi joo be ma níì jo: «Yaa kɔ̀rɔsíi, yé yeyɛɛ còganmi cán lɔjaabeeyi féleye myɛ na. Níì cán syɔɔn ga lɔrɔ saʔa taa felege o felege na, wi a gbǎn sìíw taa wi kɔlɔ̀ yáriri báriga ni í.»

Luki 3:14

A sùlasiibèle wɔ́ɔ̀ wi yíbe níì jo: «A wolo doò? Nyàʔá wolo yɛlɛ wolo í kpéʔele?» A wi be pye: «Yele a kɔ́ yarigaa syɔɔ syɔɔnwaa faala ma fànʔa na í, wàlá jànvaa ni í. Ye gi yaʔa yele sàraw í yɛlɛ ní yele ní.»

Wɔrɔmi ye 8:28

Wolo n gi cán Kolocɔlɔɔ i kérigèle myɛ pínɛ ni sámagi ke i nyɔɔgi bele má be tàmaga le ní woro ní lè, poro bele wi nyɛ́nɛ n wòlo lè n yɛlɛ ní wi kakɔrirɔli ní.

2 Korɛnti ye 4:17

Níì cán lǎli cɛɛri wɔʔɔlɔ i nyɛ wɔʔɔbile, li si i bàngwɔɔ nìjangbɔɔrɔ taari wolo na wonɛʔɛrɛ ní gbanʔama.

Filipikaʔa ye 1:21

Níì cán mii má, mii ga pye sìi na, Kirisi wii, mii si ga kùu, koro i nyɛ mii ma ní tɔ̀nɔ ní.

1 Timɔte 4:8

Níì cán syɔɔn ga wi yasɛɛyi tàli kérigèle kèle na, gee bee n wi dɛ̀ɛmɛ kèlē cɛɛri ni, kàjáa Kolocɔlɔɔ yɛ́ɛgi fyáara a gbǎn syɔɔn dɛ̀ɛmɛ kérigèle myɛ ni, níì cán syɔɔn ga ni fɛ̀ɛgí Kolocɔlɔɔ na, sìíw nyɔɔfaliga i nyɛ wee bee wóʔo tɔ́ɔliw ni, ní dulunyanwee ni wi maa lè.

1 Timɔte 6:8

Koro na lìíli ní fànilew ga tɛ́nɛ̀ pye wolo ma, dee bee a wolo yɛlɛ.

Heburubèle 13:5

Ki ga yɛlɛ yele í yeyɛɛ daʔa wáliw tàmaga na í. Yáriree yele taa lè, ki n yɛlɛ dee bee í yɛlɛ ní yele ní, níì cán Kolocɔlɔɔ tiimaa n gi joo níì jo: «Mii a tée mɔ yaʔa í, mii a mɔ wáa kàdoʔo ma nyáana í.»