1 Timɔte 6:5 - Cebaara Bible 2010

⁵ Bele yákirii wi kálagi lè, poro má kàkabalabeeyi yìrigí, kányɛʔɛ o nyɛ be ma í, pe i gi sɔ̀ngí n jo Kolocɔlɔɔ yɛ́ɛgi fyáara i nyɛ dulunyanw tɔ̀nɔtaara kólogo.

1 Timɔte 6:5 Iomraidhean Croise

Ezayi 56:11

Pe i nyɛ laaweeye pɔɔnnɔ, bele be lè pe o tíngi ni nyaagi í. Bànaʔabēle bɛɛ, bele be lè pe o yafyɛn cángi í, pe myɛ i pe nyɛnɛ kóloyi lée, pe myɛ nibin nibin i peyɛɛ tɔ̀nɔw caa yagana.

Zyeremii 6:13

«Níì cán n séli wobiigèle na n sáà nan wogbolobèle na, pe myɛ fúnyo n kpólo taali kurugo. Nlaa kanyaajoobèle na n sáà nan sáriga-wòlobèle na, pe myɛ i námaraw kpéʔele.

Zyeremii 8:10

Koro na mii a be cébèle kaan pèle nikwɔɔlɔ ma, si be séyi kaan bele má pe a yi nɛnɛ syɔɔ be ma lè. Níì cán n séli wobiigèle na n sáà nan wogbolobèle na, pe myɛ i nyɛ tɔ̀nɔcaari kurugo. N séli kanyaajoobèle na n sáà nan be sáriga-wòlobèle na, pe myɛ i námaraw kpéʔele.

Ezekyɛli 33:31

Pe i kpóʔoro ni maa mɔ ma syɛɛnnɛʔɛmɛ, mii syɛ́ɛnbèle i tɛ̀ɛ́n mɔ yɛ́ʔɛ ma. Pe i mɔ syɛ́ɛnri lúro, kàjáa pe o táanri di na í, pe i gi kpéʔele ní syɛɛntaanra ní pe nyɔ́ɔyi na, á tɔ̀nɔpeew kári ní be fúnyi ní.

Matye 12:33

«Ki n yɛlɛ ye gi joo ye jo: ‹Tíigi n nyɔɔ, a gi yasanri wɔ́ɔ̀ nyɔɔ.› Koro ga jáa ye jo: ‹Tíigi n pee a gi yasanri wɔ́ɔ̀ pee.› Níì cán tiige i cángi ki yasanri báriga ni.

Matye 21:13

A wi be pye: «Ki maa sɛ́bɛ níì jo: ‹Pe a ra mii kpáagi yiri Kolocɔlɔɔ nyɛ́ɛrigi kpaʔa,› kàjáa yele n baa gi kàriga kàyuubēle tɛɛkòrogo.»

Matye 23:13

«Wɔʔɔli a pye yele na, làlwaw sɛ́bɛwelebéle ní Farisibèle, yele bele ye nyɛ lè syɛɛnjóotɛɛyi siin joofɔɔlɔ! Níì cán yele n nyɛ̀ʔɛni fànʔa tɔ́n syɛ́ɛnbèle na. Yele o jǐn gi ni í, yele si ga wɔ́ɔ̀ fɔ̀lɔ n bele yaʔa pe i jǐn gi ni í. [

1 Korɛnti ye 11:16

Wàa si ga ni caa bi gi kábala, ki n yɛlɛ wi gi cán kalɛɛlaa nikwɔɔ ní o nyɛ wolo ma í, wàlá Kolocɔlɔɔ egilizibèle ma í.

2 Tesaloniki ye 3:6

Ni senyɛ̀nnɛ, wolo a gi joo gbàn yele ma Kàfɔw Zyezu Kirisi mɛ́ɛgi na si jo, senyɛnnɛ o senyɛnnɛ wi sàlaga kpéʔele lè, wi si wɔ́ɔ o táanri ni yɛlɛgi ní tamani ní í, lee yele taa wolo ma lè, ki n yɛlɛ yaa còʔoró wee bee na.

1 Timɔte 1:6

Syɛ́ɛnbèle pèle n pùuni kérigèle bee ni, níì kòro nyùngo fun syɛ́ɛnri na ni nyuu.

1 Timɔte 3:3

ki ga yɛlɛ wi wiyɛɛ gaan sínmi ma í, wi a kɔ́ pye syɛɛntanʔaɔ í, fwɔɔ wi pye fûnnyingefɔlɔ, wi a kɔ́ pye kàsiikuuɔn í, wi si a wɔ́ɔ kɔ́ wiyɛɛ daʔa wáliw na í.

1 Timɔte 3:8

Kánmi bee na dyakiribèle wɔ́ɔ̀ yɛlɛ paa síngi paa táanri, ki n yɛlɛ paa còʔoró syɛɛnjóotɛɛyi siin joolo na, ní dùvɛɛn-gbaabeegi, ní tɔ̀nɔpeew myɛ na,

1 Timɔte 4:7

Kàjáa mi Kolocɔlɔɔ yɛ́ʔɛnaa-sìnvyaabèle kèlē ní celɛɛbèle tánlɛɛyɛ cée, mí miyɛɛ dama mi tàli Kolocɔlɔɔ yɛ́ɛgi fyáara kele na.

1 Timɔte 4:8

Níì cán syɔɔn ga wi yasɛɛyi tàli kérigèle kèle na, gee bee n wi dɛ̀ɛmɛ kèlē cɛɛri ni, kàjáa Kolocɔlɔɔ yɛ́ɛgi fyáara a gbǎn syɔɔn dɛ̀ɛmɛ kérigèle myɛ ni, níì cán syɔɔn ga ni fɛ̀ɛgí Kolocɔlɔɔ na, sìíw nyɔɔfaliga i nyɛ wee bee wóʔo tɔ́ɔliw ni, ní dulunyanwee ni wi maa lè.

1 Timɔte 6:6

Kányɛʔɛ ni Kolocɔlɔɔ yɛ́ɛgi fyáara si di nyɛ tɔ̀nɔkpɔɔw kólogo, ní syɔɔn ga ni gi córo n jo gee woro taa n kwɔ́ɔ lè, gee bee n yɛlɛ ní woro ní.

2 Timɔte 3:5

Kolocɔlɔɔ kôdanʔari fɛ̀ɛ a ba pye be na, kàjáa pe a wi séew cée. Ki n yɛlɛ mɔ í láʔa syɛ́ɛnbèle bee félege na.

2 Timɔte 3:8

Amɛɛ Zyanɛsi ní Zyanbirɛsi da ni Mowizi kábala kánmee na lè, kánmi bee na nǎnbèle bee wɔ́ɔ i kányɛɛgi kábala. Pe sɔ̀ngumi n kálagi, tágadeele o nyɛ be ma í.

Tiiti 1:11

Fwɔɔ wo be nyɔ́ɔyi tɔ́n, níì cán pe i narigbaapoyaa nyáʔami àmɛɛ be yi syɛ́ɛnbèle tama lè kérigèle kèle na gele ge lè ke ga yɛlɛ í, pe i gee bee kpéʔele tɔ̀nɔw kánma na wee wi pee lè.

2 Pyɛri 2:15

Pe n kôzingi yaʔa níì pùuni n taʔa Bozɔri jáaw Balaami kôlaagi na, woro wee kakolobyeri sàra da dɛ́nɛ lè gbanʔama,

2 Pyɛri 2:3

Pe a jànvaa syɛ́ɛnri tɛ́ʔɛ bi yele kpéʔele be jàgi-yárira be nyabɛɛnni kéele na. Kútiiw Kolocɔlɔɔ ceri be na lè nlaa yaà làridɔɔnnɔ ni, wee bee i nyɛ kólogi na n kwɔ́ɔ, pe kálagili si wɔ́ɔ i nyɛ̀nɛ na ni be sige.

Zyudi 1:11

Wɔʔɔli a ba pye be na! Níì cán kólogee Kayɛn da ni táanri lè koro be láa, ní wɔ́ɔ̀ pwɔɔ sàraw kéele na níì tìn n jée Balaami pùununi kólogo ni, níì kálagi àmɛɛ Kore da céemi le wiyɛɛ ni níì kálagi lè.

Tɛ̀ɛnnɛ 18:13

ní nùndaanni yasuuro be yiri lè kanɛli, ní episi, n fàra nùndaanni míige, ní miiri, ní làtikɔliw na, ní dùvɛɛnw, ní sǐnmi, ní búrumiigi, ní yaliiri, ní nǐyi, ní bǎbèle, ní syɔ́ɔnyi, ní wòtorobèle, ní púlobèle ní, àlí n fàra syɛ́ɛnbèle sìi na.

Tɛ̀ɛnnɛ 18:3

Níì cán syɛɛnfeleyi myɛ n gi kanɔnʔɔri fundanʔara duvɛɛn gbaa. Tári fànʔafɔɔlɔ n kanɔnʔɔri kpéʔele ní gi ní, a tári jàgiwáabéle wɔ́ɔ̀ lɔnɛʔɛrɛ taa gi kanɔnʔɔri láanitaʔa báriga ni.»