1 Timɔte 6:4 - Cebaara Bible 2010

⁴ syɔ́ɔnw bee n nyìn wi tiimaa kpɔ́ɔmi na, wi i nyɛ kanaa-sìnjáɔn. Nyùngo fun yíbeyi ní kàkabalayi syɛɛnjóonɛʔɛrɛ n wi yákiriw kálagi. Kérigèle bee ge maa ní nyabɛɛnni ní n fàra kàsiiw, ní tɛʔɛlɛyi syɛ́ɛnrɛ, ní sɔ̀ngubeeri na.

1 Timɔte 6:4 Iomraidhean Croise

Kàseegèle 13:7

Syɔɔnwaa i wiyɛɛ dèé lɔrɔfɔlɔ, bi gi taa yafyɛn o nyɛ wi ma nyáana í, waa si i wiyɛɛ dèé fɔ̀ngɔfɔlɔ, bi gi taa lɔnɛʔɛrɛ i nyɛ wi ma.

Kàseegèle 25:14

Syɔ́ɔnwee wi wiyɛɛ sòoló lè n jo woro i kaangi n gi yaʔa wi o kaangi í, wi i nyɛ àmɛɛ nyɛ̀ʔɛwɔɔlɔ ní káfalaga nyɛ lè, zàʔá fun ni.

Kàseegèle 26:12

A mɔ syɔɔnwaa nyaa lé wee wi wiyɛɛ wéle lè sícilio? Bi mɔ sɔ̀ngumi taʔa nilabalaɔ na koro n pɔ́rɔ n sɔ̀lɔ wee bee na.

Ezayi 58:4

Yele i súnw nii kàkabalayi, ní kàsiiw pyele na, ní i kpúmɔn peemɛ ni, ní kágungèle ní. Yele níjanʔa súnw leganma o nyɛ àmɛɛ gi yɛlɛ kaa kpéʔele lè í, koro na yele yákpogèle o lúro yaà ǹjogi ni í.

Kapyegèle 15:2

Amɛɛ kàfulogi ní kàkabalagi yìri lè poro ní Pɔli ní Barinabasi níngi ni, a Egiliziw gi tímana n gi nyaa fwɔɔ Pɔli ní Barinabasi, ní poro pèle í kári Zyerusalɛmi ma bi sa pìitunbèle ní yɛɛ̀kinibèle yíbe kàkabalagi bee kéele na.

Kapyegèle 18:15

Kàjáa yele ga ni yeyɛɛ gábala syɛ́ɛnri kɔ́rɔ na, wàlá mɛ́ɛyi kɔ́rɔ, ní yele làlwaw kéele na, gee bee i nyɛ yele tiimaa kéele. Mii o caa bi pye kérigèle bee kútiijooo í.»

Kapyegèle 8:9

Nànwaa si maa téè pye yaà kěgi bee ni pe i wi yiri Siimɔn, wi maa pye sàndooo ní i sícilimi kèlē kpéʔele, a Samarii tári syɛ̀ɛnnɛ i káama ge na, a wi i gi nyuu lǎli bee ni níì jo, woro i nyɛ syɛɛnkpɔɔɔ.

Wɔrɔmi ye 12:16

Ye pye fungo nibin na ní yeyɛɛ ní. Yele a kɔ́ kpɔ́ɔmi sɔ̀ngurɔ yaʔa di jée yele ni í, fwɔɔ yaa sɔ̀ngí màámi fɔ̀ɔlɔ kéele na. Yele a kɔ́ ra yeyɛɛ jóro sícilimɛ fɔ̀ɔlɔ í.

Wɔrɔmi ye 13:13

Ki n yɛlɛ waa síngi waa táanri bi yɛlɛ ní cángi làla tánʔaganma ní, wáā woyɛɛ kɔ̀rɔsíi kakolobyeri ní singbaadinri na, si wɔ́ɔ ra woyɛɛ kɔ̀rɔsíi kanɔnʔɔri, ní cecaabeeri, ní nànjaabeeri na, ní kàsiiw, ní nyabɛɛnni na.

Wɔrɔmi ye 14:1

Syɔ́ɔnwee tágala li cɛ́rɛ lè yele níngi ni, ye wi sámaga ye cò cama, yele a kɔ́ ra wi kábala wi sɔ̀nguri kèlē na í.

Wɔrɔmi ye 2:8

Kàjáa bele fundaaya yi be kíle ni syée pe nyɛnɛ kérigèle kurugo lè, pe si tée o yèré kányɛɛgi ni lè í, níì kòro pe kakolobyeri na ni kpéʔele lè, Kolocɔlɔɔ fundanʔari ní wi kayaagi a ba too bele bee na.

1 Korɛnti ye 11:16

Wàa si ga ni caa bi gi kábala, ki n yɛlɛ wi gi cán kalɛɛlaa nikwɔɔ ní o nyɛ wolo ma í, wàlá Kolocɔlɔɔ egilizibèle ma í.

1 Korɛnti ye 11:18

Wozeligi gi nyɛ mii n gi lóʔo yele Egiliziw ga wiyɛɛ gbóʔoro lǎlee ni lè, yele n wàli yeyɛɛ na fúnyi ni, mii si n tága di tàa na.

1 Korɛnti ye 3:18

Syɔɔnwaa faala a kɔ́ ra wiyɛɛ váana í, wàa ga pye yele níngi ni ni sɔ̀ngí woro i nyɛ dulunyanw naa síciliwaa, ki n yɛlɛ wi wiyɛɛ bye nilabalaɔ, koro ga pye woro si náa pye sícilio.

1 Korɛnti ye 3:3

níì cán yele sèʔé i nyɛ céri kôdanʔabéle. Amɛɛ nyabɛɛnni ní kàsiiw yaà lè yele níngi ni, koro ga gi tɛ̀ɛn n jo yele i nyɛ céri kôdanʔabéle ì? Yele o táanri àmɛɛ dulunyanw syɛ̀ɛnnɛ nyɛ lè ì?

2 Korɛnti ye 11:20

Yele n fɔ̀lɔ gi na a be i yele kàragí àmɛɛ pulobèlē nyɛ lè, ní i yele nɔ̀ʔɔrɔ́ ni líi, ní i yele jànváa, ní i peyɛɛ nyɛ́nɛ yele na, ní i yele kpúmɔn yɛ́ɛyi ni, a yele i gee bee kpàracó.

Galasi ye 5:15

Yele si ga ni yeyɛɛ nɔngi ní i yeyɛɛ gáa, ki n yɛlɛ yaa yeyɛɛ kɔ̀rɔsíi koro ga pye yele a kɔ́ yeyɛɛ gáa kwɔ́ɔ í.

Galasi ye 5:26

Ki ga yɛlɛ wolo í kɔ́ woyɛɛ gbɔ́ʔɔ gbanzan si woyɛɛ fúnyi kaan yaa taanri í, sáā nyabɛɛnni kpéʔele ní woyɛɛ ní í.

Galasi ye 6:3

Syɔɔnwaa ga ni gi sɔ̀ngí woro i nyɛ yarigaa n gi yaʔa wi o nyɛ yafyɛn í, wi i wiyɛɛ váana.

Filipikaʔa ye 1:15

Pèle i Kirisi kéeli nyuu nyabɛɛnni ní kàsiiw kánma na, koro i nyɛ kányɛʔɛ, kàjáa pèle wɔ́ɔ i di nyuu ní funjànya ní.

Filipikaʔa ye 2:14

Gee myɛ yele kpéʔele lè ki n yɛlɛ yele í da gi kpéʔele sànʔara ní kàkabalaga fun,

Filipikaʔa ye 2:3

Ki ga yɛlɛ yele í da yarigaa faala kpéʔele ní funwaliya ní í, koro ga jáa ní gbanzan kpɔ́ɔmɔ ní í, fwɔɔ yele myɛ nibin nibin í da màama kpéʔele yeyɛɛ ma, sáā gi córo yele syɛɛnnyɛnbèle n sɔ̀lɔ yele tiimaw na.

Kɔlɔsi ye 2:18

Syɔ́ɔnwee wi caa lè bi wiyɛɛ dɛ̀ɛn màabyeo ní i nyɛ̀ʔɛni tundunbéle kpɔ̀ʔɔrɔ́, yele a kɔ́ syɔ́ɔnw bee félege yaʔa wi yele kaan yele í bɔ̀nɔ í. Wi n wiyɛɛ daʔa wi kanyaagèle na ní i wiyɛɛ gbɔ́ʔɔgi gbanzan, wi sɔ̀nguri i nyɛ céri kèlē na.

2 Tesaloniki ye 2:4

Yariga o yariga syɛ́ɛnbèle yiri lè Kolocɔlɔɔ, wàlá yáriree be kpɔ̀ʔɔrɔ́ lè, wi a ba ra dee bee myɛ kábala, sáā wiyɛɛ gbɔ́ʔɔgi di na, àlí wi a ba tɛ́ɛn kpɔ̀ʔɔrɔli kpaʔa fúngo ni, si wiyɛɛ dɛ̀ɛn si jo, woro wi nyɛ Kolocɔlɔɔ.

1 Timɔte 1:4

pe si a wɔ́ɔ kɔ́ taʔa tanlɛɛyi ní narigbaayi sélimɛ na í bi lè láʔala fun, níì cán kérigèle bee félege i kàkabalayi yìrigí, níì Kolocɔlɔɔ fáliw kaan wi o syée yɛʔɛ ma tágali báriga ni í.

1 Timɔte 1:7

Pe i caa bàā syɛ́ɛnbèle tama Mowizi làlwaw na, bi si gi taa dee be nyuu lè, ní gee be joo poro n fílige n cán lè, pe ga dee bee kɔ́rɔ cán í.

1 Timɔte 3:6

Ki ga yɛlɛ wi pye tágafɔvɔɔn í, kapye koro ban í dɔ̀ʔɔ́ wi a kɔ́ ra wiyɛɛ nyɛ́nɛ, kútiiw wi da too Dàzɔɔnw na lè wee bee félege si kɔ́ too wi na.

2 Timɔte 2:14

Maa be sɔ̀ngumi tìrigí kérigèle bee na, mi gi joo mi gbàn be ma Kolocɔlɔɔ nyɛ́nɛ na jàngó paa peyɛɛ kɔ̀rɔsíi kàkabalayi syɛɛnjóonɛʔɛrɛ na, níì cán ti i nyɛ tɔ̀nɔ fun, àlí ti i di lóʔofɔbèle kálagi.

2 Timɔte 2:23

Kàjáa labalami ní nyùngo fun yíbeyi cée, mí gi cán kérigèle bee ge maa ní kàsiiw ní.

2 Timɔte 3:4

pe a ra be syɛɛnnyɛnbèle nii kɔyɔ ni, sáā pe nyɛnɛ kérigèle kpéʔele, sáā peyɛɛ gbɔ́ʔɔgi, nyáanagbɛ kérigèle a be dɛ́nɛ bi sɔ̀lɔ Kolocɔlɔɔ na.

Tiiti 3:9

Ki si n yɛlɛ mɔ í da miyɛɛ kɔ̀rɔsíi nyùngo fun kàkabalayi na, ní narigbaayi sélimɛ kele na n fàra kàsiiw ní kàkabalayi na be kpéʔele lè Mowizi làlwaw kéele na, níì cán tɔ̀nɔ o nyɛ dee bee ni í, ti i nyɛ gbanzan.

Zyaki 1:19

Mii senyɛn-nidaanmabèle, ye gi cán ki n yɛlɛ syɔɔn o syɔɔn í wári wi líiyi cáan bàā lúro, wi si a wári kɔ́ ra nyuu í, wi fúngi si a wári kɔ́ ra taanri í,

2 Pyɛri 2:12

Nǎnbèle bee si i nyɛ àmɛɛ yaweeri nyɛ lè sícilimɛ fun, toro dee di sii cò-mí-kpóoli kánma na lè, kérigèle ge nyɛ lè pe ga ge cán í, gele bee be faari. Pe a ba kálagi àmɛɛ yaweere nyɛ lè,

2 Pyɛri 2:18

Bele be náà séli n syɔɔ lè kavɔn n yiri kobuunugi tánʔafɔɔlɔ nínge ni, a be i nɛ̀ɛnyɛnɛgɛ nyungo fun syɛ́ɛnri nyuu bele bee ma, ní i be lɛ́ɛlɛ bàā có ní céri ki laànitaʔa kanɔnʔɔbeere ní.

Zyudi 1:10

Kérigèle si ge nyɛ lè nǎnbèle bee ga ge cán í, pe i gele bee faari, gele si be cán lè be sɔ̀nguri ni àmɛɛ yaweere nyɛ lè di lè sícilimɛ fun, gele bee ní pe peyɛɛ gálagi.

Zyudi 1:16

Nǎnbèle bee i kɔ́nʔɔri ní i kabala ni nyuu, ní i táanri ni yɛlɛgi ní be céri ki laànitaʔa kele ní, ní i nɛ̀ɛnyɛnɛgi syɛ́ɛnrɛ nyuu, ní i syɛ́ɛnbèle lɛ́ɛlɛ ni líi.

Tɛ̀ɛnnɛ 3:17

Níì cán mɔ i gi nyuu miyɛɛ kéeli na níì jo: Mii i nyɛ lɔrɔfɔlɔ, mii lɔ́ri n nɛʔɛ, mii màko ní o nyɛ yafyɛn na í, bi gi taa mɔ ga gi cán ncan mɔ i nyɛ fɔ̀rɔgi kɔ́yɔ ni í, ní i nyɛ nyinimɛ wóo ní í, ní wɔ́ɔ i nyɛ foomɔfɔlɔ, ní fúuɔn, ní níbori í.