1 Timɔte 6:3 - Cebaara Bible 2010

³ Syɔɔnwaa ga ni syɛ́ɛnbèle tama tamalaa nikwɔɔ ni, lee li fàli wolo Kàfɔw Zyezu Kirisi tamajanni na lè, ní wɔ́ɔ̀ fàli Kolocɔlɔɔ yɛ́ɛgi fyáara tamana na,

1 Timɔte 6:3 Iomraidhean Croise

Kàseegèle 15:4

Syɛɛntaanri nyínnɛ i nyɛ sìi tíige, kàjáa lee ni námaraw nyɛ lè loro i fúngi kálagi.

Matye 22:21

A be jo: «Sezari wii.» A wi be pye: «Koro na gee gi nyɛ lè Sezari wógi, ye gi kaan Sezari ma. Gee si gi nyɛ lè Kolocɔlɔɔ wógi, ye gi kaan Kolocɔlɔɔ ma.»

Matye 28:20

yáā be tama paa kérigèle myɛ kpéʔele gele mii joo n gbàn yele ma lè. Ye wéle, mii i nyɛ ní yele ní canʔa o canʔa bi taa sa nan gi kwɔ́ɔmi na.»

Wɔrɔmi ye 16:17

Ni senyɛ̀nnɛ, bele be syɛ́ɛnbèle wálagi peyɛɛ na lè, ní i be fáana ni láari tamani na, lee yele tama lè, mii i yele nyɛ́ɛri yaa yeyɛɛ kɔ̀rɔsíi be na. Yaa còʔoró be na.

1 Tesaloniki ye 4:8

Koro na wee wi ga tundunri bee cée lè, syɔɔn ban wi cée í, Kolocɔlɔɔ wi cée, woro wee wi wi Pìicǎnni kaan yele ma lè.

1 Timɔte 1:10

ní cecaabèle, ní nànjaabèle, ní nànjaananbèle, ní bele be syɛ́ɛnbèle yúu ni pára lè, ní jànvaafɔbèle, ní bele be kɛ̀ɛ́ lè jànvaaw na, ní kérigèle myɛ ní gele ke a gbǎn tamajanni kábala lè.

1 Timɔte 1:3

Amɛɛ mii da mɔ nyɛ́ɛri lè mii làrigárili ni Maseduwani ma níì jo mɔ í kòro Efɛzi ni, ki n yɛlɛ mɔ í kòro yaà, koro ga pye bele be syɛ́ɛnbèle tama lè tamalaa nikwɔɔ na, mɔ í da gi nyuu da gbàngí bele bee ma si be pye pe a ní kɔ́ ra gee bee kpéʔele í,

1 Timɔte 1:6

Syɛ́ɛnbèle pèle n pùuni kérigèle bee ni, níì kòro nyùngo fun syɛ́ɛnri na ni nyuu.

2 Timɔte 1:13

Syɛɛncanri mɔ lóʔo mii ma lè, mi miyɛɛ gaan di ma, tágali, ní tàmagi ni, dee wo taagi lè Kirisi Zyezu ni.

2 Timɔte 4:3

Níì cán làla a kɔ́ ba pye, lee ni lè syɛ́ɛnbèle a gbǎn tamajanni kpàraco í. Kàjáa pe a ra pe nyɛnɛ tamafɔbèle saʔa caa bi yɛlɛ ní be céri ki laànitaʔa kele ní, jàngó paa poro fundaan-syɛ́ɛnri nyuu poro ma.

Tiiti 1:1

Mii Pɔli, wi lè Kolocɔlɔɔ púlo ní Zyezu Kirisi pìituɔn, wi n mii tun koro ga pye mii í da Kolocɔlɔɔ wonyɛnɛ-wòlobèle dɛ̀ɛmɛ́ paa syée yɛʔɛ̀ ma tágali ni, sáā kányɛɛgi tèé be na gee gi yɛlɛ lè ní Kolocɔlɔɔ yɛ́ɛgi fyáara ní,

Tiiti 1:9

wí wɔ́ɔ syɛɛnjóofiiri sámaga cò di yɛlɛ lè ní tamani ní, koro ga pye wi gbǎn ra syɛ́ɛnbèle kɛɛlɛ ní tamajanni bee ní, sáā kàkabalayi fɔ̀ɔlɔ nyɔ́ɔyɔ tɔ́ngi.

Tiiti 3:8

Syɛ́ɛnri bee i nyɛ kányɛʔɛ, mii i caa mɔ í da di nyuu da gbàngí bele ma be tága lè Kolocɔlɔɔ na, koro ga pye paa sɔ̀ngí da taagi kacǎngèle kpéʔelele na. Gee bee gi nyɔɔ ní i nyɛ ní tɔ̀nɔ ní syɛ́ɛnbèle ma!