1 Timɔte 6:20 - Cebaara Bible 2010

²⁰ Ee Timɔte, kàlifawee wi nyɛ mɔ ma lè, maa wi kɔ̀rɔsíi, kàjáa Kolocɔlɔɔ yɛ́ʔɛnaa-sìnvyaari gbanzan syɛ́ɛnrɛ, ní kàkabalayi yi taagi lè sícili-váanami ni, mi toro yaʔa,

1 Timɔte 6:20 Iomraidhean Croise

Kapyegèle 16:1

Koro kàdoʔo ma a Pɔli kári Dɛribe ma, ní náà kári Liisitiri ma. Pìitamawaa si maa pye yaà pe i wi yiri Timɔte, wi nɔ́ɔw maa pye Zyefuo, ní i nyɛ tágafɔlɔ, wi tóow si i nyɛ Girɛkio.

Kapyegèle 17:18

Kérigèle sɛʔɛfɔɔlɔ, bele be yiri lè Epikuribèle, ní i bele yiri Sitoyisibèle, bele bee pèle maa ni syɛ́ɛnri syoo Pɔli nyɔ́ɔgi na. A pèle jo: «Nyàʔá gbanzan syɛ́ɛnrɛ wee naa nyuu nya?» A pèle jo: «Wi i di nyuu mɔ a jo syɛɛnfeleyaa nikwɔɔ màdebēle syɛ́ɛnrɛ dii.» Amɛɛ wi da ni Zyezu kéeli, ní kúbèle nyán-yirile kéele nyuu lè, koro na pe da ni dee bee nyuu.

Kapyegèle 17:21

Ncan Atɛni ye myɛ, ní nibɔnbèle ní pe baa tɛ́ɛn ní be ní lè, pe o yafyɛn kpéʔele í kapye kafɔngèle lóʔolo ní ge jooli ban í.

Wɔrɔmi ye 1:22

Pe maa ni peyɛɛ yiri kacanbèlē, kàjáa pe n baa pye nilabalabéle.

Wɔrɔmi ye 3:2

Gee gi Zyefuo pɔ́rɔ n sɔ̀lɔ syɛɛnsanbèle na lè, ki n kpɔ́ʔɔ kánmi féleye myɛ na. Ki wozeligi gi nyɛ ncan Zyefubèle má Kolocɔlɔɔ da wi nyɔɔsyɛɛnri kàlifáa.

1 Korɛnti ye 2:6

Koro ní ki myɛ ní wolo i sícili-zyɛ́ɛnri nyuu bele nínge ni be nìri n kwɔ́ɔ lè, dulunyanw naa sícilimɛ si ban í, dulunyanw naa fànʔafɔɔlɔ wómɔ wɔ́ɔ ban í, poro i syée kálagili ma.

1 Korɛnti ye 3:19

Níì cán dulunyanw naa sícilimɛ i nyɛ labalama Kolocɔlɔɔ nyɛ́nɛ na. Koro gi wɔ́ɔ̀ sɛ́bɛ níì jo: «Wi i sícilibèle có be sícilibeegi na.»

Kɔlɔsi ye 2:18

Syɔ́ɔnwee wi caa lè bi wiyɛɛ dɛ̀ɛn màabyeo ní i nyɛ̀ʔɛni tundunbéle kpɔ̀ʔɔrɔ́, yele a kɔ́ syɔ́ɔnw bee félege yaʔa wi yele kaan yele í bɔ̀nɔ í. Wi n wiyɛɛ daʔa wi kanyaagèle na ní i wiyɛɛ gbɔ́ʔɔgi gbanzan, wi sɔ̀nguri i nyɛ céri kèlē na.

Kɔlɔsi ye 2:8

Yaa yeyɛɛ kɔ̀rɔsíi koro ga pye syɔɔnwaa faala a kɔ́ yele cǒ lége puloro ni ní wi sícili-zyɛ́ɛnri, ní wi gbanzan fáanagi ní í, pe i dee bee tímana ni yɛlɛgi ní syɛ́ɛnbèle kalɛɛgéle, ní dulunyanw tamana ní, ti si ga yɛlɛ ní Kirisi kéeli ní í.

2 Tesaloniki ye 1:4

Gee bee gi gi kaan a wolo tiimaa i nyɔ̌ngbɔɔlɔ táanri yele kéeli na Kolocɔlɔɔ Egilizibèle ni, ní wɔ́ɔ i nyɔ̌ngbɔɔlɔ táanri àmɛɛ yele kpàracogo kpéʔele níì tágali sámaga n cò lè yele wɔʔɔyi, ní yele kagbanyi myɛ ni, yee yi tuun yele na lè.

2 Tesaloniki ye 2:15

Koro na ni senyɛ̀nnɛ, ye sámaga ye yére yé tamani cò, lee na wolo da yele tama lè ní wolo nyɔ́ɔyi ní, n fàra dee na wolo sɛ́bɛ lè.

1 Timɔte 1:11

Tamajanni bee n yɛlɛ ní nìjanri syɛɛnjóocànra ní, ti nyɛ lè dùbaw Kolocɔlɔɔ wóri, dee wi kàlifáa mii ma lè.

1 Timɔte 1:2

Mii a sɛ́bɛw naa tórigo mɔ ma, Timɔte, mɔ wi lè mii pìiseew tágali ni, ki n yɛlɛ Tofɔw Kolocɔlɔɔ ní wolo Kàfɔw Kirisi Zyezu í kpɔ́ʔɔri, ní nyínimi, ní fûnnyingi kaan mɔ ma.

1 Timɔte 1:4

pe si a wɔ́ɔ kɔ́ taʔa tanlɛɛyi ní narigbaayi sélimɛ na í bi lè láʔala fun, níì cán kérigèle bee félege i kàkabalayi yìrigí, níì Kolocɔlɔɔ fáliw kaan wi o syée yɛʔɛ ma tágali báriga ni í.

1 Timɔte 1:6

Syɛ́ɛnbèle pèle n pùuni kérigèle bee ni, níì kòro nyùngo fun syɛ́ɛnri na ni nyuu.

1 Timɔte 1:9

àmɛɛ wo gi cán lè ncan làlwaw ga tɛ́ʔɛ syɛɛnsiɔn kéele na í, fwɔɔ kakolobyebèle, ní syɛɛnjamabèle, ní Kolocɔlɔɔ yɛ́ʔɛnaa-sìnvyaabèle, ní kapeebyebèle, ní Kolocɔlɔɔ céefɔbèle, ní Kolocɔlɔɔ kólogi yaʔafɔɔlɔ, ní bele pe be seefɔbèle kúu lè, ní syɛɛnkpoobèle,

1 Timɔte 4:7

Kàjáa mi Kolocɔlɔɔ yɛ́ʔɛnaa-sìnvyaabèle kèlē ní celɛɛbèle tánlɛɛyɛ cée, mí miyɛɛ dama mi tàli Kolocɔlɔɔ yɛ́ɛgi fyáara kele na.

1 Timɔte 6:11

Mɔ wee si wi nyɛ lè Kolocɔlɔɔ syɔ́ɔn, ki n yɛlɛ maa fé kérigèle bee na, mí miyɛɛ daʔa sínni na, ní Kolocɔlɔɔ yɛ́ɛgi fyáara ní, n fàra tágali, ní tàmagi, ní kpàracogi, ní funjǎngi na.

1 Timɔte 6:14

kajooli naa cò mí pye tɛɛlɛ fun, ní dìgire fun bi taa wolo Kàfɔw Zyezu Kirisi làridɛ̀ɛ́nni í ba nan,

2 Timɔte 2:1

Gee bee na, ni pyà, ki n yɛlɛ mi nìrimɛ le kpɔ́ʔɔri báriga ni, dee wo taa Kirisi Zyezu ni lè.

2 Timɔte 2:16

Léeli Kolocɔlɔɔ yɛ́ʔɛnaa-sìnvyaari gbanzan syɛ́ɛnrɛ na, níì cán bele be di nyuu lè, poro a ra syée yɛʔɛ̀ ma làla o làla Kolocɔlɔɔ yɛ́ʔɛnaa-sìnvyaari ni.

Tiiti 1:14

jàngó pe a kɔ́ fɔ̀lɔ Zyefubèle tánlɛɛyɛ ní kányɛɛgi céefɔɔlɔ kajoogéle na í.

Tiiti 1:4

Mii a sɛ́bɛw naa tórigo mɔ ma, Tiiti, mɔ wi lè mii pìiseew tágali ni li nyɛ wo myɛ siinw ma lè, ki n yɛlɛ Tofɔw Kolocɔlɔɔ ní wolo Syɔɔfɔw Kirisi Zyezu í kpɔ́ʔɔri ní fûnnyingi kaan mɔ ma!

Tiiti 1:9

wí wɔ́ɔ syɛɛnjóofiiri sámaga cò di yɛlɛ lè ní tamani ní, koro ga pye wi gbǎn ra syɛ́ɛnbèle kɛɛlɛ ní tamajanni bee ní, sáā kàkabalayi fɔ̀ɔlɔ nyɔ́ɔyɔ tɔ́ngi.

Tiiti 3:9

Ki si n yɛlɛ mɔ í da miyɛɛ kɔ̀rɔsíi nyùngo fun kàkabalayi na, ní narigbaayi sélimɛ kele na n fàra kàsiiw ní kàkabalayi na be kpéʔele lè Mowizi làlwaw kéele na, níì cán tɔ̀nɔ o nyɛ dee bee ni í, ti i nyɛ gbanzan.

Tɛ̀ɛnnɛ 3:3

Kánmee na mɔ da Syɛɛnjóocǎnri taa lè, ní àmɛɛ mɔ da di lóʔo lè, ki n yɛlɛ maa sɔ̀ngí maa taagi gee bee na, mí di cò cama, mí kàdoʔo wáa mɔ kapeegèle ma. Kapye mɔ ga kòro nyɛ̀nɛ na í, mii panni a ba mɔ pàla àmɛɛ kàyuuo nyɛ lè, mɔ a tée mii làribanni cán nyáana í.