1 Timɔte 6:2 - Cebaara Bible 2010

² Bele kàfɔɔlɔ be nyɛ lè tágafɔɔlɔ, ki ga yɛlɛ paa be faari si pwɔɔ pe i nyɛ senyɛnnɛgɛ í, kàjáa ki n yɛlɛ paa báara be ma gbanʔama, níì cán be tágafɔnyɛ̀nnɛ, ní be senyɛn-nidaanmabéle má be falicanw bee kpéʔele. Da be tama kérigèle bee ni, máā be kɛɛlɛ.

1 Timɔte 6:2 Iomraidhean Croise

Córolo 16:3

A be peyɛɛ gbóʔoro Mowizi ní Aarɔn kánmi na, ní baa be pye: «Yele n kɔ́ɔ̀ gi pye n sɔ̀lɔ! Níì cán syɛ́ɛnmi myɛ tɔ̀nɔ́ i nyɛ wojanbéle ní, Yawe si wɔ́ɔ i nyɛ be níngi ni. Nyàʔá na yele yeyɛɛ lúrugu ni télegi Yawe syɛ́ɛnmi nyúngo na?»

Matye 23:8

Kàjáa ki ga yɛlɛ paa yele wàa yiri Tamafɔw í. Níì cán yele Tamafɔw i nyɛ nibin, yele myɛ si i nyɛ senyɛnnɛgɛ.

Matye 25:40

Kàjáa fànʔafɔw a gi joo be ma si be pye: ‹Mii a gi joo yele ma kányɛʔɛ ni, àlí wee wi cɛ́rɛ lè mii senyɛnbèle naa myɛ ni, yele ga gi kpéʔele wee bee ma, mii má yele sèʔê gi kpéʔele.›

Matye 6:24

«Syɔɔn faala a gbǎn báara kùndigibéle siin ma í. Fwɔɔ wàa kéele í wi bɛɛn, wàa wólo si wi dɛ́nɛ. Wi a tan wàa na, si wiyɛɛ láagi yirige wàa ni. Yele a gbǎn pye Kolocɔlɔɔ falipyebèlē, si ní pye lɔ́ri falipyebèlē í.

Kapyegèle 1:15

Cányi bee ni a Pyɛri kɔ́ɔ̀ yìri n yére senyɛnbèle nínge ni. (Bele pe da peyɛɛ gbóʔoro yaà lè, pe maa togoye kɔrɔni félege kwɔ́ɔ.) A wi be pye:

Wɔrɔmi ye 11:17

Amɛɛ si gi nyɛ lè mɔ a jo pe n káganyaa cɛnɛ n láʔala olivyew tiicɔ́rɔgɔ na, mɔ wee wi nyɛ lè sìnbirigi olivye tíige káganga, á be mɔ pwɔɔ n táriga tiicɔ́rɔgi káganya nínge ni, a mɔ baa taa ni gbo ki nǐnri lɔ̀ʔɔ na,

Wɔrɔmi ye 8:29

Níì cán bele Kolocɔlɔɔ da téè nyɛ́nɛ n wòlo lè booma ni, wi maa wɔ́ɔ̀ gi kɔ̀rirɔ bi bele bee kàriga pe woro Jáaw wíri, koro ga pye woro Jáaw í pye pìiseliw senyɛn-nɛʔɛmi nínge ni.

Galasi ye 5:6

Níì cán syɔɔnwaa ga pye Kirisi Zyezu ni, kɛ́nɛkpeʔeleri yoo, kɛ́nɛnaa-sìngbeʔeleri yoo, tàa faala o nyɛ ní tɔ̀nɔ ní í, fwɔɔ tágali li báara lè tàmagi báriga ni.

Efɛzi ye 1:1

Mii Pɔli wi lè Kirisi Zyezu pìituɔn n yɛlɛ ní Kolocɔlɔɔ nyɛ́nɛ kéeli ní, mii a sɛ́bɛw naa tórigo yele ma, yele bele ye nyɛ lè Kolocɔlɔɔ syɛɛncanbèle [Efɛzi ni], ní i nyɛ tágala syɛɛnnɛ Kirisi Zyezu ni.

Efɛzi ye 1:15

Gee bee na nlaa mii gi lóʔo àmɛɛ yele tága Kàfɔw Zyezu na lè, ní àmɛɛ yele tàmaga le ní Kolocɔlɔɔ syɛɛncanbèle myɛ ní lè,

Efɛzi ye 3:6

kalarali bee li nyɛ ncan syɛɛnfeleyi wozanya n baa pye Zyefubèle kɔriliinyɛ̀nnɛ, níì cenijanra taa, ní wɔ́ɔ̀ pye be pínɛnyɛ̀nnɛ Kolocɔlɔɔ nyɔɔfaligi ni, gee gi taa lè Kirisi Zyezu ni Syɛɛnjóocǎnri báriga ni.

Kɔlɔsi ye 1:2

wolo a sɛ́bɛw naa tórigo yele ma, yele bele ye nyɛ lè Kolocɔlɔɔ syɛɛncanbéle Kɔlɔsi ni, ní i nyɛ wolo senyɛ̀nnɛ, ní wɔ́ɔ i nyɛ tágala syɛɛnnɛ Kirisi ni, ki n yɛlɛ wolo Tóow Kolocɔlɔɔ í kpɔ́ʔɔri ní fûnnyingi kaan yele ma!

Kɔlɔsi ye 1:4

Níì cán àmɛɛ yele tága lè Kirisi Zyezu na, ní àmɛɛ yele tàmaga le ní Kolocɔlɔɔ syɛɛncanbèle ní lè, pe n gee bee joo a wolo gi lóʔo.

Kɔlɔsi ye 4:1

Yele bele ye nyɛ lè púlobèle kàfɔɔlɔ, gee gi sín lè ní gee gi yɛlɛ lè, ki n yɛlɛ yaa gee bee kpéʔele yele púlobèle ma, níì cán Kàfɔlɔ wɔ́ɔ i yaà yele na nyɛ̀ʔɛni na.

2 Tesaloniki ye 1:3

Ni senyɛ̀nnɛ, àmɛɛ kàa fàrá yele tágali na lè gbanʔama, á yele tàmagi si wɔ́ɔ i kpɔ́ʔɔgi ni syée, gee yele myɛ nibin nibin le ní yeyɛɛ ní lè, koro na gi yɛlɛ wolo í da bariga kaangi Kolocɔlɔɔ ma làla o làla yele kéeli na, koro gi sín.

1 Timɔte 4:11

Da kérigèle bee nyuu maa gbàngí, máā syɛ́ɛnbèle tama ge na.

1 Timɔte 5:1

Ki ga yɛlɛ mɔ í kɔ́ fúlo nànlɛɛɔ na ní fungbanga ní í, fwɔɔ maa nyuu ní wi ní fûnnyinge na àmɛɛ mɔ tóo nyɛ lè, máā nyuu ní nìgɔcaribèle ní àmɛɛ mɔ senyɛ̀nnɛ nyɛ lè,

Tiiti 2:1

Mɔ si na, ki n yɛlɛ maa syɛ́ɛnbèle tama kérigèle ni ge yɛlɛ lè ní tamajanni ní.

Tiiti 2:15

Da kérigèle bee nyuu kánmi bee na syɛ́ɛnbèle ma, máā be kɛɛlɛ, mí wɔ́ɔ maa be kapeegèle tèé be na bi yɛlɛ ní fǎngi myɛ ní mɔ taa lè. Mɔ a kɔ́ syɔɔnwaa faala yaʔa wi mɔ faʔa í.

Tiiti 3:8

Syɛ́ɛnri bee i nyɛ kányɛʔɛ, mii i caa mɔ í da di nyuu da gbàngí bele ma be tága lè Kolocɔlɔɔ na, koro ga pye paa sɔ̀ngí da taagi kacǎngèle kpéʔelele na. Gee bee gi nyɔɔ ní i nyɛ ní tɔ̀nɔ ní syɛ́ɛnbèle ma!

Heburubèle 3:1

Gee bee na, mii senyɛnjǎnbèle, yele bele Kolocɔlɔɔ wɔ́ɔ̀ yeri lè, ki n yɛlɛ ye yele sɔ̀ngumi myɛ taʔa Zyezu na, woro wi nyɛ pìitunw ní sáriga-wòlobèle kàfɔlɔ wolo tágali kéele na, lee wo nyuu ni tèé lè.

Heburubèle 3:14

Níì cán tágali li da sélì pye wolo ma lè, wolo ga li sámaga n cò n taa n sáà nan gi kwɔ́ɔmi na, wolo i nyɛ Kirisi pínɛnyɛ̀nnɛ,

1 Pyɛri 5:1

Egiliziw wólɛɛbéle be nyɛ lè yele níngi ni, bele bee ní mii nyuu tɔ́ɔliw ni, mii wee wi wɔ́ɔ̄ nyɛ lè wolɛɛwaa àmɛɛ poro nyɛ lè, ní Kirisi wɔʔɔyi séera, á mii wɔ́ɔ̀ lɛɛlɛ taa nìjanri ni, dee wi a kɔ́ ba tɛ̀ɛn wo na lè, mii i yele nyɛ́ɛri níì jo:

2 Pyɛri 2:10

n náa kɔ́ɔ̀ yére bele be táanri ni syée lè céri kèlē kurugo nɔ́nʔɔri láanitaʔa ni, ní i fǎnyi féleye myɛ faari lè. Pe nyúnyi n waʔa, a be wɔ́ɔ i peyɛɛ nyɛ́nɛ, pe o fɛ̀ɛgí bi nìjangbɔɔri fɔ̀ɔlɔ tɛʔɛlɛ í,

Zyudi 1:8

Kánmi bee wonijanma na nǎnbèle bee wɔ́ɔ i be céri nɔ́ɔnri ŋúnɔyi báriga ni be ŋúnɔ lè, ní i Kàfɔw fànʔa faari, ní i nìjangbɔɔri fɔ̀ɔlɔ teeri.