1 Timɔte 6:18 - Cebaara Bible 2010

¹⁸ Ki n yɛlɛ paa kacàngēle kpéʔele, pe a náa pye lɔrɔfɔɔlɔ kapyejǎngèle báriga ni, ki n yɛlɛ paa syɛ́ɛnbèle kaangi ŋàʔanaga fun, ní funjànya ní,

1 Timɔte 6:18 Iomraidhean Croise

2 Cányi kèlē 24:16

A be wi tɔ́n Davidi kěgi ni fànʔafɔbèle taana. Níì cán wi maa kacànna pye Isirayɛli ni, Kolocɔlɔɔ, ní wi kpɔ̀ʔɔrɔli kpaʔa kéele na.

Ŋúnuyi 112:9

Wi i kaangi saʔa, wi i kaangi foomɔfɔbèle ma. Wi sínni a kòro beè làla o làla. Wi nyúngi a ba yìri ǹjoʔo ma ní nìjanra ní.

Ŋúnuyi 37:3

Mɔ sɔngumi taʔa Yawe na, máā kacàngēle kpéʔele. Tɛ́ɛn tári ni, máā líi kányɛɛgi na.

Syɛɛnjóow 11:6

Da mɔ luguri lúru nyǐngi nyɔ́ɔ na, cângwɔɔgi nyɔ́ɔ na, mɔ a kɔ́ mɔ kɔ́gi yaʔa ki ŋɔ́n daa í. Níì cán dee ti a ba nyɔɔ lè, nyǐngi nyɔ́ɔ wóro yoo, cângwɔɔgi nyɔ́ɔ wóro yoo, mɔ ga di cán í, wàlá kapye ti myɛ siinw a ba nyɔɔ.

Syɛɛnjóow 3:12

Mii n gi cán yarigaa ga nyɔɔ syɔɔn ma n sɔ̀lɔ gee naa na í, koro gi nyɛ waa fundaanra kpéʔele, sáā gi kpéʔele, gee gi nyɔɔ wi ma lè wi sìíw ni.

Ezayi 32:8

Kàjáa syɛɛncaɔn i kanjànma tímana, ní i kòró wi kanjǎnmi kpéʔelele na.

Ezayi 58:7

Mɔ liilaa kaan kateèjaaw ma, máā foomɔfɔbèle tìrigí maa légi mɔ kpáagi ni, bele be nyɛ lè tɛɛkòrogo fun ni. Mí burogo le wee na mɔ ga nyaa lè cepyá, mɔ si a kɔ́ kàdoʔo wáa wee ma wi nyɛ lè mɔ tiimaa céri tɛ́ɛgaa í.

Matye 5:42

Wàa ga mɔ nyɛ́ɛri, ki n yɛlɛ mi wi kaan. Wàa ga ni caa bi fwɔɔlɔ kúun mɔ ma, ki ga yɛlɛ mɔ í kàdoʔo wáa wi ma í.

Luki 12:21

Anbée si gi nyɛ syɔɔn ma, wee wi lɔnɛʔɛri kɔngi wiyɛɛ ma lè, wi si o nyɛ yarigaa fɔ́lɔ Kolocɔlɔɔ kàbangi na í.»

Luki 3:11

A wi be yari: «Buroyo siin ga pye syɔ́ɔnwee ma lè, wi kàa nibin kaan burogo-fùnvɔlɔ ma. Yaliire si ga pye wee ma lè, wee bee n wɔ́ɔ̀ yɛlɛ wi gi kpéʔele kánmi bee na.»

Kapyegèle 10:38

Kolocɔlɔɔ maa Pìicǎnni ní séew tìrige Zyezu ma, wi lè Nazarɛti ye wów, wi maa ni nyaari ni kacǎngèle kpéʔele ni máari, bele be fɔ̀rɔgí lè Dàzɔɔnw kɔ́yɔ ni, ní wɔ́ɔ i bele bee myɛ poori. Níì cán Kolocɔlɔɔ maa pye ní wi ní.

Kapyegèle 11:29

A pìitamabèle bɛ̀ɛ gi na bi yarigaa tórigo Zyude tári senyɛnnɛgɛ ma bi gi dɛ̀ɛmɛ, syɔɔn o syɔɔn bi yɛlɛ ní wi taaganmi ní.

Kapyegèle 9:36

Pìitamawaa maa pye Zyɔpe ni cɔlɔɔ, pe i wi yiri Tabita, ní si i wi yiri Girɛkiiri ni Dɔrikasi. Wi maa ni kacàngēle saʔa kpéʔele, ní i foomɔfɔbèle dɛ̀ɛmɛ́.

Wɔrɔmi ye 12:13

Yaa Kolocɔlɔɔ syɛɛncanbèle màko nyɔɔgi, yé pye nibɔndirigebéle.

Wɔrɔmi ye 12:8

Wee má syɛ́ɛnbèle kɛɛlɛlɛ fundooro nyɛ lè, ki n yɛlɛ waa be kɛɛlɛ. Wee wi wi kɔlɔ̀ yáriri kaangi lè, ki n yɛlɛ wi wi kɔ́gi sánʔa kányɛʔɛ ni. Kapye yɛɛ̀kinidi fundooro i nyɛ wàa ma, ki n yɛlɛ waa gi kpéʔele ní lòmaana ní. Wee wi nyinimɛ taagi lè, ki n yɛlɛ waa gi kpéʔele ní fundaanra ní.

1 Korɛnti ye 16:2

Koro gi nyɛ cégboolo o cégboolo cânzeligi na, yele myɛ nibin nibin n yɛlɛ bi wáliwaa tɛ́ʔɛ tɛ́ʔɛ yele kpáayi ni bi yɛlɛ ní yele taaganmi ní, koro ga pye yele a kɔ́ yére lǎli ni mii ga nan yaà lè si náa wáliw bee kpóʔoro í.

2 Korɛnti ye 8:12

Kapye ki i nyɛ syɔɔnwaa fúngo ni bàā kaangi, Kolocɔlɔɔ a fɔ̀lɔ syɔ́ɔnw bee yakanʔa na bi yɛlɛ ní wi taaganmi ní, dee di lè ti o nyɛ wi ma í, toro kéele o gi ni í.

2 Korɛnti ye 8:9

Níì cán yele n wolo Kàfɔw Zyezu Kirisi kpɔ́ʔɔri kéele cán, woro wee wi da pye lè lɔrɔfɔlɔ, á wi baa wiyɛɛ gbéʔele foomɔfɔlɔ yele kéeli na, jàngó yele í ba pye lɔrɔfɔɔlɔ woro fóomi báriga ni.

Galasi ye 6:10

Koro na lǎlee wo taa lè, ki n yɛlɛ wolo í da kacǎngèle kpéʔele syɛ́ɛnbèle myɛ na, sáā ge kpéʔele tágali narigbaʔa woolo na bi sɔ̀lɔ.

Efɛzi ye 4:28

Wee wi yúu lè, ki ga yɛlɛ wi ní da yúu í, fwɔɔ gee gi pɔ́rɔ lè, ki n yɛlɛ waa báara ní wi tiimaa kɔ́yi ní wáā kacàngēle kpéʔele koro ga pye wee màko ga pye yárigee na lè, kàa í pye wi ma bi gbǎn kaan syɔ́ɔnw bee ma.

1 Timɔte 5:10

á be si wɔ́ɔ i wi mɛ́ɛtaangi yiri wi kacànbyeri kéele na, gee bee n jo àmɛɛ wi pìíbèle gbóo lè, ní i nibɔnbèle tìrigí, ní i Kolocɔlɔɔ syɛɛncanbèle tɔ́lɔyɔ jée, ní i fɔ̀rɔgɔfɔbèle dɛ̀ɛmɛ́, ní i kacǎngèle féleye myɛ kpéʔele lè.

Tiiti 2:14

Woro tiimaa wi wiyɛɛ gaan wolo kéeli na, koro ga pye bi wolo syɔɔ kakolobyeri myɛ ma, si wolo jée mùnu jàngó wolo í pye woro tiimaa syɛ̀ɛnnɛ, kapyejǎngèle láa si wɔ́ɔ pye wolo na wolo í kòro bàā ge kpéʔele.

Tiiti 3:8

Syɛ́ɛnri bee i nyɛ kányɛʔɛ, mii i caa mɔ í da di nyuu da gbàngí bele ma be tága lè Kolocɔlɔɔ na, koro ga pye paa sɔ̀ngí da taagi kacǎngèle kpéʔelele na. Gee bee gi nyɔɔ ní i nyɛ ní tɔ̀nɔ ní syɛ́ɛnbèle ma!

Heburubèle 13:16

Ki si ga yɛlɛ yele í fɛ̀ʔɛ kacànbyeri na í, wàlá bàā tàa wóo yele kɔ́lɔ yáriri ni bàā kaangi syɛ́ɛnbèle ma, ki ga yɛlɛ yele í fɛ̀ʔɛ gee bee na í, níì cán sáriga-wòlori bee félege di Kolocɔlɔɔ dɛ́nɛ.

Zyaki 2:5

Mii senyɛn-nidaanmabèle, ye lóʔo, yele ga tɔ̀ʔɔ̂ gi cán ncan bele dulunyanw syɛ̀ɛnnɛ córo lè foomɔfɔbèle, bele bee Kolocɔlɔɔ nyɛ́nɛ n wòlo n kpéʔele yarigaa fɔ̀ɔlɔ woro ma tágali kólogo ni ì? Nyɛ̀ʔɛni fànʔa si pye pe woʔò, gee wi joo wi a kaan bele má be tàmaga le ní woro ní lè ì?

1 Pyɛri 3:11

Ki n yɛlɛ wi kàdoʔo wáa kapeebyeri ma, wáā kacǎngèle kpéʔele, wi kòro waa bɛ̀ɛ́li caa sìnlaʔa ni.

1 Zyan 3:17

Dulunyanw naa lɔ́rɔ ga pye wee ma lè á wi wi senyɛnnɛ nyaa foomɔ ni, wi si ga fɔ̀lɔ bi nyinimɛ taa wi na í, mɛ̀ɛ́ Kolocɔlɔɔ tàmagi a gbǎn pye wee bee fúngo ni bi sɛ́ɛ?

3 Zyan 1:11

Mii syɛɛn-nidaanmaw, mɔ a kɔ́ ra kapeele tɛ́ɛlɛ í, fwɔɔ kacǎngèle. Wee wi kacǎngèle kpéʔele lè, wee bee i nyɛ Kolocɔlɔɔ wóo. Wee si wi kapeegèle kpéʔele lè, wee bee ga kɔ́ɔ̀ Kolocɔlɔɔ nyaa í.